ਮੁਕਤਸਰ ਦੇ ਗੁਰਨੂਰ ਬਰਾੜ ਨੇ ਡੈਬਿਊ ਮੈਚ ਵਿੱਚ ਚਮਕਾਇਆ ਨਾਮ, 3 ਵਿਕਟਾਂ ਨਾਲ ਬਣਾਇਆ ਇਤਿਹਾਸ
India vs Afghanistan ODI Series ਦੇ ਪਹਿਲੇ ਵਨਡੇ ਵਿੱਚ ਮੁਕਤਸਰ ਦੇ ਲੰਬੀ ਹਲਕੇ ਦੇ ਪਿੰਡ ਖਿਓਵਾਲੀ ਦੇ ਤੇਜ਼ ਗੇਂਦਬਾਜ਼ Gurnoor Brar ਨੇ ਆਪਣਾ ਡੈਬਿਊ ਕੀਤਾ ਅਤੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਲਗਭਗ 6.5 ਫੁੱਟ ਲੰਬੇ ਗੁਰਨੂਰ ਬਰਾੜ ਨੇ ਆਪਣੇ ਪਹਿਲੇ ਹੀ ਮੈਚ ਵਿੱਚ ਪ੍ਰਭਾਵ ਛੱਡਿਆ। ਉਸਨੇ ਅਫਗਾਨਿਸਤਾਨ ਦੇ ਓਪਨਰ Ibrahim Zadran ਨੂੰ ਕਪਤਾਨ Shubman Gill ਦੇ ਹੱਥੋਂ ਕੈਚ ਆਊਟ ਕਰਵਾਇਆ।
Publish Date: Sat, 13 Jun 2026 10:13 PM (IST)
Updated Date: Sat, 13 Jun 2026 10:15 PM (IST)
ਰਜਿੰਦਰ ਪਾਹੜਾ, ਸ਼੍ਰੀ ਮੁਕਤਸਰ ਸਾਹਿਬ: India vs Afghanistan ODI Series ਦੇ ਪਹਿਲੇ ਵਨਡੇ ਵਿੱਚ ਮੁਕਤਸਰ ਦੇ ਲੰਬੀ ਹਲਕੇ ਦੇ ਪਿੰਡ ਖਿਓਵਾਲੀ ਦੇ ਤੇਜ਼ ਗੇਂਦਬਾਜ਼ Gurnoor Brar ਨੇ ਆਪਣਾ ਡੈਬਿਊ ਕੀਤਾ ਅਤੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ। ਲਗਭਗ 6.5 ਫੁੱਟ ਲੰਬੇ ਗੁਰਨੂਰ ਬਰਾੜ ਨੇ ਆਪਣੇ ਪਹਿਲੇ ਹੀ ਮੈਚ ਵਿੱਚ ਪ੍ਰਭਾਵ ਛੱਡਿਆ। ਉਸਨੇ ਅਫਗਾਨਿਸਤਾਨ ਦੇ ਓਪਨਰ Ibrahim Zadran ਨੂੰ ਕਪਤਾਨ Shubman Gill ਦੇ ਹੱਥੋਂ ਕੈਚ ਆਊਟ ਕਰਵਾਇਆ।
ਮੀਂਹ ਕਾਰਨ ਦੇਰ ਨਾਲ ਸ਼ੁਰੂ ਹੋਏ ਇਸ ਮੈਚ ਵਿੱਚ ਗੁਰਨੂਰ ਨੇ 4.5 ਓਵਰਾਂ ਵਿੱਚ 27 ਦੌੜਾਂ ਦੇ ਕੇ 3 ਵਿਕਟਾਂ ਹਾਸਲ ਕੀਤੀਆਂ।
ਪਿੰਡ ਵਿੱਚ ਜਸ਼ਨ ਦਾ ਮਾਹੌਲ
ਖਿਓਵਾਲੀ ਪਿੰਡ ਵਿੱਚ ਉਸਦੇ ਡੈਬਿਊ ਦੀ ਖ਼ਬਰ ਨਾਲ ਖੁਸ਼ੀ ਦੀ ਲਹਿਰ ਦੌੜ ਗਈ। ਪਰਿਵਾਰ ਅਤੇ ਪਿੰਡ ਵਾਸੀਆਂ ਨੇ ਘਰਾਂ ਵਿੱਚ ਟੀਵੀ ਅੱਗੇ ਬੈਠ ਕੇ ਮੈਚ ਦੇਖਿਆ।
ਉਸਦੇ ਦਾਦਾ ਅਮਰਜੀਤ ਸਿੰਘ ਬਰਾੜ ਅਤੇ ਦਾਦੀ ਗੁਰਦਾਸ ਕੌਰ ਨੇ ਦੱਸਿਆ ਕਿ ਸਵੇਰ ਤੋਂ ਹੀ ਉਹ ਟੀਵੀ ਦੇ ਸਾਹਮਣੇ ਬੈਠੇ ਰਹੇ ਅਤੇ ਜਿਵੇਂ ਹੀ ਮੈਚ ਸ਼ੁਰੂ ਹੋਇਆ, ਸਾਰਾ ਕੰਮ ਛੱਡ ਕੇ ਖੇਡ ਦੇਖਣ ਲੱਗ ਪਏ।
ਬਚਪਨ ਤੋਂ ਕ੍ਰਿਕਟ ਦਾ ਸਫਰ
ਦਾਦੀ ਗੁਰਦਾਸ ਕੌਰ ਨੇ ਭਾਵੁਕ ਹੋ ਕੇ ਦੱਸਿਆ ਕਿ ਬਚਪਨ ਵਿੱਚ ਗੁਰਨੂਰ ਪਿੰਡ ਵਿੱਚ ਕਪੜੇ ਧੋਣ ਵਾਲੀ “ਥਾਪੀ” ਨਾਲ ਹੀ ਕ੍ਰਿਕਟ ਖੇਡਦਾ ਸੀ। ਉਹ ਸਕੂਲ ਵਿੱਚ ਫੁੱਟਬਾਲ ਅਤੇ ਟੈਨਿਸ ਵੀ ਖੇਡਦਾ ਸੀ, ਪਰ ਉਸਦੀ ਲੰਬੀ ਹਾਈਟ ਦੇਖ ਕੇ ਦੋਸਤਾਂ ਨੇ ਉਸਨੂੰ ਤੇਜ਼ ਗੇਂਦਬਾਜ਼ ਬਣਨ ਦੀ ਸਲਾਹ ਦਿੱਤੀ।
ਉਨ੍ਹਾਂ ਕਿਹਾ ਕਿ ਪਹਿਲਾਂ ਉਹ ਹੋਰ ਖਿਡਾਰੀਆਂ ਦੇ ਪੋਤਿਆਂ ਨੂੰ ਟੀਵੀ ‘ਤੇ ਖੇਡਦੇ ਦੇਖਦੇ ਸਨ, ਪਰ ਅੱਜ ਆਪਣੇ ਪੋਤੇ ਨੂੰ ਭਾਰਤ ਲਈ ਖੇਡਦੇ ਦੇਖ ਕੇ ਬਹੁਤ ਖੁਸ਼ੀ ਮਹਿਸੂਸ ਹੋਈ।
ਹੁਣ ਪਿੰਡ ਵਾਸੀਆਂ ਨੂੰ ਉਮੀਦ ਹੈ ਕਿ Gurnoor Brar ਅੱਗੇ ਵੀ ਭਾਰਤੀ ਟੀਮ ਵਿੱਚ ਲਗਾਤਾਰ ਮੌਕਾ ਮਿਲੇਗਾ ਅਤੇ ਦੇਸ਼ ਦਾ ਨਾਮ ਰੌਸ਼ਨ ਕਰੇਗਾ।