- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
IND vs ENG: ਬਹਾਨੇ 'ਤੇ ਬਹਾਨਾ... ਸ਼੍ਰੇਅਸ ਅਈਅਰ ਨੇ ਟੀਮ ਦੀ ਖ਼ਸਤਾ ਹਾਲਤ 'ਤੇ ਦਿੱਤਾ ਸਿਰ ਚਕਰਾ ਦੇਣ ਵਾਲਾ ਬਿਆਨ, ਹਰ ਕੋਈ ਹੈਰਾਨ
ਭਾਰਤ ਦੀ ਟੀ-20 ਟੀਮ ਦੇ ਨਵੇਂ ਕਪਤਾਨ ਸ਼੍ਰੇਅਸ ਅਈਅਰ ਦੇ ਬਹਾਨੇ ਖ਼ਤਮ ਹੋਣ ਦਾ ਨਾਮ ਨਹੀਂ ਲੈ ਰਹੇ। ਹੁਣ ਉਨ੍ਹਾਂ ਨੇ ਇੱਕ ਹੋਰ ਨਵਾਂ ਰਾਗ ਅਲਾਪ ਦਿੱਤਾ ਹੈ। ਇੰਗਲੈਂਡ ਤੋਂ ਚੌਥੇ ਟੀ-20 ਸਮੇਤ ਸੀਰੀਜ਼ ਵੀ ਹਾਰਨ ਤੋਂ ਬਾਅਦ ਸ਼੍ਰੇਅਸ ਅਈਅਰ ਨੇ ਕਿਹਾ ਕਿ ਭਾਰਤੀ ਟੀਮ ਅਜੇ ਬਦਲਾਅ ਦੇ ਦੌਰ ’ਚੋਂ ਗੁਜ਼ਰ ਰਹੀ ਹੈ ਅਤੇ ਉਨ੍ਹਾਂ ਨੂੰ ਭਰੋਸਾ ਹੈ ਕਿ ਖਿਡਾਰੀ ਆਪਣੀਆਂ ਗਲਤੀਆਂ ਤੋਂ ਸਿੱਖਣਗੇ।
Posted By Anuradha Bains
Publish Date: Sat, 11 Jul 2026 01:16 PM (IST)
Updated Date: Sat, 11 Jul 2026 01:19 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ। ਭਾਰਤ ਦੀ ਟੀ-20 ਟੀਮ ਦੇ ਨਵੇਂ ਕਪਤਾਨ ਸ਼੍ਰੇਅਸ ਅਈਅਰ ਦੇ ਬਹਾਨੇ ਖ਼ਤਮ ਹੋਣ ਦਾ ਨਾਮ ਨਹੀਂ ਲੈ ਰਹੇ। ਹੁਣ ਉਨ੍ਹਾਂ ਨੇ ਇੱਕ ਹੋਰ ਨਵਾਂ ਰਾਗ ਅਲਾਪ ਦਿੱਤਾ ਹੈ। ਇੰਗਲੈਂਡ ਤੋਂ ਚੌਥੇ ਟੀ-20 ਸਮੇਤ ਸੀਰੀਜ਼ ਵੀ ਹਾਰਨ ਤੋਂ ਬਾਅਦ ਸ਼੍ਰੇਅਸ ਅਈਅਰ ਨੇ ਕਿਹਾ ਕਿ ਭਾਰਤੀ ਟੀਮ ਅਜੇ ਬਦਲਾਅ ਦੇ ਦੌਰ ’ਚੋਂ ਗੁਜ਼ਰ ਰਹੀ ਹੈ ਅਤੇ ਉਨ੍ਹਾਂ ਨੂੰ ਭਰੋਸਾ ਹੈ ਕਿ ਖਿਡਾਰੀ ਆਪਣੀਆਂ ਗਲਤੀਆਂ ਤੋਂ ਸਿੱਖਣਗੇ।
ਇੰਗਲੈਂਡ ਤੋਂ ਸੀਰੀਜ਼ ਹਾਰਨ ਤੋਂ ਪਹਿਲਾਂ ਭਾਰਤ ਨੂੰ ਆਇਰਲੈਂਡ ਵਰਗੀ ਟੀਮ ਨੇ ਵੀ ਪਟਖਣੀ ਦਿੱਤੀ ਸੀ। ਆਇਰਲੈਂਡ ਨੇ ਆਪਣੇ ਘਰ ਵਿੱਚ ਭਾਰਤ ਨੂੰ 2-0 ਨਾਲ ਹਰਾਇਆ ਸੀ। ਇਹ ਉਸ ਦੀ ਭਾਰਤ ਖ਼ਿਲਾਫ਼ ਪਹਿਲੀ ਸੀਰੀਜ਼ ਜਿੱਤ ਸੀ।
'ਅਸੀਂ ਗਲਤੀਆਂ ਕਰਾਂਗੇ'
ਉਨ੍ਹਾਂ ਨੇ ਕਿਹਾ ਕਿ ਦੇਖੋ, ਇਹ ਬਦਲਾਅ ਦਾ ਦੌਰ ਹੈ ਅਤੇ ਅਸੀਂ ਬਹੁਤ ਸਾਰੀਆਂ ਗਲਤੀਆਂ ਕਰਾਂਗੇ। ਤੁਸੀਂ ਇੱਥੇ ਇਨ੍ਹਾਂ ਹਾਲਾਤਾਂ ’ਚ ਬਹੁਤ ਸਾਰੇ ਨੌਜਵਾਨ ਖਿਡਾਰੀਆਂ ਨੂੰ ਪਹਿਲੀ ਵਾਰ ਖੇਡਦੇ ਹੋਏ ਦੇਖ ਰਹੇ ਹੋ। ਇਸ ਲਈ ਗਲਤੀਆਂ ਤੋਂ ਉਨ੍ਹਾਂ ਨੂੰ ਯਕੀਨੀ ਤੌਰ 'ਤੇ ਇਹ ਅਹਿਸਾਸ ਹੋਵੇਗਾ ਕਿ ਵਿਦੇਸ਼ੀ ਹਾਲਾਤਾਂ ਵਿੱਚ ਖੁਦ ਨੂੰ ਢਾਲਣਾ ਅਤੇ ਸਹੀ ਸਮਝ ਰੱਖਣਾ ਕਿੰਨਾ ਮਹੱਤਵਪੂਰਨ ਹੈ।
ਅਈਅਰ ਨੇ ਇਹ ਵੀ ਮੰਨਿਆ ਕਿ ਚੌਥੇ ਮੁਕਾਬਲੇ ’ਚ ਉਨ੍ਹਾਂ ਦੀ ਟੀਮ ਵੱਲੋਂ ਬਣਾਇਆ ਗਿਆ 158 ਦੌੜਾਂ ਦਾ ਸਕੋਰ ਕਾਫੀ ਨਹੀਂ ਸੀ। ਉਨ੍ਹਾਂ ਨੇ ਕਿਹਾ ਕਿ ਅਸੀਂ ਆਪਣੀ ਯੋਜਨਾ ਨੂੰ ਠੀਕ ਤਰ੍ਹਾਂ ਲਾਗੂ ਨਹੀਂ ਕਰ ਸਕੇ ਅਤੇ ਟੀਮ ਇੱਕ ਵਾਰ ਫਿਰ ਹਰ ਵਿਭਾਗ ਵਿੱਚ ਨਾਕਾਮ ਰਹੀ।
ਸਿਰਫ਼ ਕਪਤਾਨ ਬਦਲਿਆ ਹੈ
ਦੇਖਿਆ ਜਾਵੇ ਤਾਂ ਮਾਰਚ ਵਿੱਚ ਟੀ-20 ਵਰਲਡ ਕੱਪ ਜਿੱਤਣ ਵਾਲੀ ਟੀਮ ਇੰਡੀਆ ਦਾ ਸਿਰਫ਼ ਕਪਤਾਨ ਹੀ ਬਦਲਿਆ ਹੈ। ਪਹਿਲਾਂ ਸੂਰਿਆਕੁਮਾਰ ਯਾਦਵ ਕਪਤਾਨੀ ਕਰ ਰਹੇ ਸਨ ਅਤੇ ਹੁਣ ਅਈਅਰ ਕਰ ਰਹੇ ਹਨ। ਬਾਕੀ ਟੀਮ ਉਹੀ ਹੈ। ਹਾਂ, ਇਸ ਦੌਰੇ 'ਤੇ ਕਈ ਨੌਜਵਾਨ ਖਿਡਾਰੀਆਂ ਨੂੰ ਮੌਕਾ ਦਿੱਤਾ ਗਿਆ ਹੈ, ਪਰ ਇਹ ਉਹ ਖਿਡਾਰੀ ਹਨ ਜੋ ਆਈਪੀਐਲ ’ਚ ਆਪਣਾ ਦਮਖ਼ਮ ਦਿਖਾ ਚੁੱਕੇ ਹਨ ਅਤੇ ਪਹਿਲਾਂ ਵੀ ਭਾਰਤ ਲਈ ਖੇਡ ਚੁੱਕੇ ਹਨ। ਅਈਅਰ ਹਰ ਮੈਚ ਤੋਂ ਬਾਅਦ ਕੋਈ ਨਾ ਕੋਈ ਬਹਾਨਾ ਲੈ ਕੇ ਆ ਜਾਂਦੇ ਹਨ। ਹੁਣ ਲੋੜ ਹੈ ਕਿ ਉਹ ਆਪਣੀ ਕਪਤਾਨੀ ਵਿੱਚ ਭਾਰਤ ਨੂੰ ਪਹਿਲੀ ਜਿੱਤ ਦਿਵਾਉਣ।