Virat Kohli Net Worth: ONE8 ਬ੍ਰਾਂਡ, IPL ਦੀ ਤਨਖ਼ਾਹ ਤੇ ਮਹਿੰਗੇ ਰੈਸਟੋਰੈਂਟ, ਜਾਣੋ ਵਿਰਾਟ ਕੋਹਲੀ ਦੀ ਅਰਬਾਂ ਦੀ ਕਮਾਈ ਦਾ ਪੂਰਾ ਹਿਸਾਬ-ਕਿਤਾਬ

ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਭਾਰਤੀ ਟੀਮ ਦੇ ਸਟਾਰ ਬੱਲੇਬਾਜ਼ ਵਿਰਾਟ ਕੋਹਲੀ ਨੇ ਕ੍ਰਿਕਟ ਵਿੱਚ ਕਈ ਰਿਕਾਰਡ ਕਾਇਮ ਕਰਕੇ ਆਪਣੀ ਵੱਖਰੀ ਪਛਾਣ ਬਣਾਈ ਹੈ। ਇਸ ਦੇ ਨਾਲ ਹੀ ਉਹ ਕਮਾਈ ਦੇ ਮਾਮਲੇ ਵਿੱਚ ਵੀ ਵੱਡੇ-ਵੱਡੇ ਦਿੱਗਜਾਂ ਤੋਂ ਅੱਗੇ ਨਿਕਲ ਗਏ ਹਨ। ਇਸ ਸਮੇਂ ਉਨ੍ਹਾਂ ਦਾ ਨਾਂ ਦੁਨੀਆ ਦੇ ਸਭ ਤੋਂ ਅਮੀਰ ਕ੍ਰਿਕਟਰਾਂ ਵਿੱਚ ਸ਼ਾਮਲ ਹੈ।

ਮੀਡੀਆ ਰਿਪੋਰਟਾਂ ਮੁਤਾਬਕ ਕੋਹਲੀ ਦੀ ਕੁੱਲ ਨੈੱਟਵਰਥ 1,050 ਕਰੋੜ ਰੁਪਏ ਹੈ। ਕੋਹਲੀ ਕ੍ਰਿਕਟ ਤੋਂ ਇਲਾਵਾ ਆਪਣੇ ਕਾਰੋਬਾਰ ਅਤੇ ਇਸ਼ਤਿਹਾਰਾਂ ਰਾਹੀਂ ਵੀ ਮੋਟੀ ਕਮਾਈ ਕਰਦੇ ਹਨ।

ਕ੍ਰਿਕਟ ਤੋਂ ਇੰਨੀ ਕਮਾਈ ਕਰਦੇ ਹਨ ਕੋਹਲੀ

ਵਿਰਾਟ ਕੋਹਲੀ ਭਾਰਤ ਲਈ ਅਤੇ ਆਈਪੀਐੱਲ ਵਿੱਚ ਰਾਇਲ ਚੈਲੰਜਰਜ਼ ਬੈਂਗਲੁਰੂ (RCB) ਲਈ ਖੇਡ ਕੇ ਚੰਗੀ ਕਮਾਈ ਕਰਦੇ ਹਨ। RCB ਉਨ੍ਹਾਂ ਨੂੰ ਇਕ ਸੀਜ਼ਨ ਖੇਡਣ ਲਈ 21 ਕਰੋੜ ਰੁਪਏ ਦੀ ਤਨਖ਼ਾਹ ਦਿੰਦੀ ਹੈ।

ਇਸ ਤੋਂ ਇਲਾਵਾ ਉਹ ਮੈਚ ਫੀਸ ਅਤੇ ਬੀਸੀਸੀਆਈ ਦੇ ਕਰਾਰ ਰਾਹੀਂ ਵੀ ਕਮਾਈ ਕਰਦੇ ਹਨ। ਰਿਪੋਰਟਾਂ ਮੁਤਾਬਕ ਬੀਸੀਸੀਆਈ ਵੱਲੋਂ ਉਨ੍ਹਾਂ ਨੂੰ ਸਾਲਾਨਾ ਤਿੰਨ ਕਰੋੜ ਰੁਪਏ ਮਿਲਦੇ ਹਨ।

ਇਸ਼ਤਿਹਾਰਾਂ ਰਾਹੀਂ ਵੀ ਹੁੰਦੀ ਹੈ ਕਰੋੜਾਂ ਦੀ ਕਮਾਈ

ਕੋਹਲੀ ਭਾਰਤੀ ਕ੍ਰਿਕਟ ਦੇ ਸਭ ਤੋਂ ਵੱਡੇ ਚਿਹਰਿਆਂ ਵਿੱਚੋਂ ਇਕ ਹਨ। ਕਈ ਵੱਡੇ ਬ੍ਰਾਂਡ ਉਨ੍ਹਾਂ ਨਾਲ ਕੰਮ ਕਰ ਚੁੱਕੇ ਹਨ, ਜਿਨ੍ਹਾਂ ਵਿੱਚ ਮਾਨਿਆਵਰ, ਔਡੀ ਅਤੇ ਪੂਮਾ ਵਰਗੇ ਨਾਂ ਸ਼ਾਮਲ ਹਨ।

ਮੀਡੀਆ ਰਿਪੋਰਟਾਂ ਮੁਤਾਬਕ ਕੋਹਲੀ 30 ਤੋਂ ਵੱਧ ਬ੍ਰਾਂਡਾਂ ਨਾਲ ਕੰਮ ਕਰ ਚੁੱਕੇ ਹਨ। ਉਹ ਇਸ਼ਤਿਹਾਰਾਂ ਰਾਹੀਂ ਹਰ ਸਾਲ ਲਗਪਗ 200 ਕਰੋੜ ਰੁਪਏ ਦੀ ਕਮਾਈ ਕਰਦੇ ਹਨ।

ਕੋਹਲੀ ਸੋਸ਼ਲ ਮੀਡੀਆ ਤੋਂ ਵੀ ਚੰਗੀ-ਖਾਸੀ ਕਮਾਈ ਕਰਦੇ ਹਨ। ਇੰਸਟਾਗ੍ਰਾਮ ’ਤੇ ਉਨ੍ਹਾਂ ਦੇ ਕਰੋੜਾਂ ਫਾਲੋਅਰਜ਼ ਹਨ। ਕਈ ਰਿਪੋਰਟਾਂ ਵਿੱਚ ਦਾਅਵਾ ਕੀਤਾ ਗਿਆ ਹੈ ਕਿ ਉਹ ਇਕ ਪੋਸਟ ਸਾਂਝੀ ਕਰਨ ਲਈ 12 ਕਰੋੜ ਰੁਪਏ ਲੈਂਦੇ ਹਨ।

ਆਪਣਾ ਕਾਰੋਬਾਰ ਵੀ ਚਲਾਉਂਦੇ ਹਨ ਕੋਹਲੀ

ਕੋਹਲੀ ਨੇ ਕ੍ਰਿਕਟ ਤੋਂ ਇਲਾਵਾ ਵੀ ਆਪਣੀ ਵੱਖਰੀ ਪਛਾਣ ਬਣਾਈ ਹੈ। ਉਨ੍ਹਾਂ ਦਾ ਆਪਣਾ ਕਾਰੋਬਾਰ ਵੀ ਹੈ। ਉਨ੍ਹਾਂ ਦਾ ‘Rogan’ ਨਾਂ ਦਾ ਕੱਪੜਿਆਂ ਦਾ ਬ੍ਰਾਂਡ ਹੈ। ਇਸ ਤੋਂ ਇਲਾਵਾ ONE8 ਫ੍ਰੈਂਚਾਈਜ਼ੀ ਵੀ ਉਨ੍ਹਾਂ ਦੀ ਹੈ।

ONE8 ਰਾਹੀਂ ਕੋਹਲੀ ਨੇ ਫਿਟਨੈੱਸ ਅਤੇ ਲਾਈਫਸਟਾਈਲ ਨਾਲ ਜੁੜੇ ਉਤਪਾਦਾਂ ਦੇ ਨਾਲ-ਨਾਲ ਰੈਸਟੋਰੈਂਟ ਕਾਰੋਬਾਰ ਵਿੱਚ ਵੀ ਕਦਮ ਰੱਖਿਆ ਹੈ। ਇਸ ਕਾਰੋਬਾਰ ਤੋਂ ਵੀ ਉਹ ਕਰੋੜਾਂ ਰੁਪਏ ਦੀ ਕਮਾਈ ਕਰ ਰਹੇ ਹਨ।