IPL ਤੋਂ ਸੰਨਿਆਸ ਲੈਣ ਬਾਰੇ ਐੱਮਐੱਸ ਧੋਨੀ ਨੇ ਤੋੜੀ ਚੁੱਪੀ, ਦੱਸਿਆ ਕਦੋਂ ਲੈਣਗੇ ਆਖ਼ਰੀ ਫ਼ੈਸਲਾ

ਸਪੋਰਟਸ ਡੈਸਕ, ਨਵੀਂ ਦਿੱਲੀ: ਭਾਰਤੀ ਕ੍ਰਿਕਟ ਦੇ ਦਿੱਗਜ ਖਿਡਾਰੀ ਮਹਿੰਦਰ ਸਿੰਘ ਧੋਨੀ ਦੇ ਇੰਡੀਅਨ ਪ੍ਰੀਮੀਅਰ ਲੀਗ (IPL) ਤੋਂ ਸੰਨਿਆਸ ਲੈਣ ਦੀਆਂ ਖ਼ਬਰਾਂ ਹਰ ਸਾਲ ਚਰਚਾ ਵਿੱਚ ਰਹਿੰਦੀਆਂ ਹਨ। ਸਾਲ 2020 ਵਿੱਚ ਕੌਮਾਂਤਰੀ ਕ੍ਰਿਕਟ ਨੂੰ ਅਲਵਿਦਾ ਕਹਿਣ ਵਾਲੇ ਧੋਨੀ ਹੁਣ ਸਿਰਫ਼ IPL ਵਿੱਚ ਖੇਡਦੇ ਹਨ। ਅਜਿਹੇ ਵਿੱਚ ਪ੍ਰਸ਼ੰਸਕ ਹਰ ਸੀਜ਼ਨ ਉਨ੍ਹਾਂ ਨੂੰ ਖੇਡਦੇ ਦੇਖਣ ਦੀ ਉਡੀਕ ਕਰਦੇ ਹਨ। ਇਸ ਵਾਰ ਵੀ ਧੋਨੀ ਦੇ ਸੰਨਿਆਸ ਦੀਆਂ ਚਰਚਾਵਾਂ ਚੱਲ ਰਹੀਆਂ ਹਨ, ਪਰ ਖ਼ੁਦ ਮਾਹੀ ਨੇ ਸਪੱਸ਼ਟ ਕਰ ਦਿੱਤਾ ਹੈ ਕਿ ਉਹ ਇਸ ਬਾਰੇ ਆਖ਼ਰੀ ਫ਼ੈਸਲਾ ਕਦੋਂ ਲੈਣਗੇ।

ਧੋਨੀ ਪਿਛਲੇ IPL ਸੀਜ਼ਨ ਵਿੱਚ ਨਹੀਂ ਖੇਡੇ ਸਨ। ਸੱਟ ਕਾਰਨ ਉਹ ਪੂਰੇ ਸੀਜ਼ਨ ਤੋਂ ਬਾਹਰ ਰਹੇ ਸਨ। ਉਹ ਲੰਬੇ ਸਮੇਂ ਤੋਂ ਗੋਡੇ ਦੀ ਸੱਟ ਤੋਂ ਪਰੇਸ਼ਾਨ ਹਨ। ਪਿਛਲੇ ਸੀਜ਼ਨ ਦੇ ਮੱਦੇਨਜ਼ਰ ਮੰਨਿਆ ਜਾ ਰਿਹਾ ਹੈ ਕਿ ਅਗਲਾ ਸੀਜ਼ਨ ਧੋਨੀ ਦਾ ਆਖ਼ਰੀ ਹੋ ਸਕਦਾ ਹੈ।

ਧੋਨੀ ਨੇ ਦਿੱਤਾ ਵੱਡਾ ਬਿਆਨ

ਬੈਂਗਲੁਰੂ ਵਿੱਚ ਇੱਕ ਹੈਲਥਕੇਅਰ ਸਮਾਗਮ ਵਿੱਚ ਸ਼ਾਮਲ ਹੋਣ ਪਹੁੰਚੇ ਧੋਨੀ ਨੇ ਕਿਹਾ ਕਿ ਉਹ ਦਸੰਬਰ ਤੋਂ ਪਹਿਲਾਂ ਇਸ ਬਾਰੇ ਫ਼ੈਸਲਾ ਲੈ ਸਕਦੇ ਹਨ। ਜਦੋਂ ਉਨ੍ਹਾਂ ਤੋਂ ਪੁੱਛਿਆ ਗਿਆ ਕਿ ਕੀ ਉਹ ਅਗਲੇ IPL ਸੀਜ਼ਨ ਵਿੱਚ ਖੇਡਦੇ ਨਜ਼ਰ ਆਉਣਗੇ ਤਾਂ ਉਨ੍ਹਾਂ ਨੇ ਕਿਹਾ, “ਡਾਕਟਰ, ਮੈਨੂੰ ਟੈਸਟ ਕਰਵਾਉਣੇ ਪੈਣਗੇ। ਤੁਹਾਨੂੰ ਮੈਨੂੰ ਰਿਪੋਰਟ ਦੇਣੀ ਪਵੇਗੀ ਅਤੇ ਇਸ ਤੋਂ ਬਾਅਦ ਦਸੰਬਰ ਤੋਂ ਪਹਿਲਾਂ ਮੈਂ ਦੇਖਾਂਗਾ ਕਿ ਇੱਕ ਹੋਰ ਸੀਜ਼ਨ ਖੇਡਣ ਤੋਂ ਪਹਿਲਾਂ ਮੈਂ ਕਿੰਨਾ ਫਿੱਟ ਹਾਂ।”

#WATCH | Bengaluru, Karnataka | On his IPL future, Former Indian Cricket Team Captain Mahendra Singh Dhoni says, "I'll have to go through the tests. You'll have to give me the report, and before December, I'll need to assess how strong I am and whether I can play one more season. If I'm not fit enough, then you'll have to make sure you do everything right to get this old vintage vehicle running smoothly on the road..." (24.10)

— ANI (@ANI) October 24, 2026

ਉਨ੍ਹਾਂ ਨੇ ਅੱਗੇ ਕਿਹਾ, “ਜੇਕਰ ਮੈਂ ਠੀਕ ਨਹੀਂ ਹੁੰਦਾ ਤਾਂ ਤੁਹਾਨੂੰ ਇਹ ਯਕੀਨੀ ਬਣਾਉਣਾ ਪਵੇਗਾ ਕਿ ਤੁਸੀਂ ਸਭ ਕੁਝ ਸਹੀ ਕਰੋ, ਤਾਂ ਜੋ ਇਹ ਪੁਰਾਣੀ ਗੱਡੀ ਸੜਕ ’ਤੇ ਠੀਕ ਤਰ੍ਹਾਂ ਚੱਲ ਸਕੇ।”

IPL ਵਿੱਚ ਧੋਨੀ ਦੀ ਭੂਮਿਕਾ ਘਟੀ

ਪਿਛਲੇ ਕੁਝ ਸੀਜ਼ਨਾਂ ਦੌਰਾਨ ਧੋਨੀ IPL ਵਿੱਚ ਮੁੱਖ ਤੌਰ ’ਤੇ ਵਿਕਟਕੀਪਰ ਵਜੋਂ ਹੀ ਖੇਡਦੇ ਰਹੇ ਹਨ। ਕਈ ਵਾਰ ਉਹ ਬੱਲੇਬਾਜ਼ੀ ਕ੍ਰਮ ਵਿੱਚ ਕਾਫ਼ੀ ਹੇਠਾਂ ਆਉਂਦੇ ਨਜ਼ਰ ਆਏ, ਜਿਸ ਕਾਰਨ ਉਨ੍ਹਾਂ ਦੀ ਆਲੋਚਨਾ ਵੀ ਹੋਈ।

ਧੋਨੀ ਹੁਣ ਚੇਨਈ ਸੁਪਰ ਕਿੰਗਜ਼ (CSK) ਦੀ ਕਪਤਾਨੀ ਵੀ ਛੱਡ ਚੁੱਕੇ ਹਨ ਅਤੇ ਇਹ ਜ਼ਿੰਮੇਵਾਰੀ ਰੁਤੁਰਾਜ ਗਾਇਕਵਾੜ ਨੂੰ ਸੌਂਪ ਦਿੱਤੀ ਗਈ ਹੈ। ਮੌਜੂਦਾ ਸਮੇਂ ਵਿੱਚ ਧੋਨੀ ਦੀ ਭੂਮਿਕਾ ਇੱਕ ਮੈਂਟਰ ਵਜੋਂ ਵਧੇਰੇ ਨਜ਼ਰ ਆਉਂਦੀ ਹੈ।

ਸਟੀਫਨ ਫਲੇਮਿੰਗ ਵੱਲੋਂ ਚੇਨਈ ਦੇ ਕੋਚ ਦਾ ਅਹੁਦਾ ਛੱਡਣ ਤੋਂ ਬਾਅਦ ਇਹ ਸੰਭਾਵਨਾ ਵੀ ਜਤਾਈ ਜਾ ਰਹੀ ਹੈ ਕਿ ਧੋਨੀ ਆਉਣ ਵਾਲੇ ਸੀਜ਼ਨ ਵਿੱਚ ਸਿਰਫ਼ ਮੈਂਟਰ ਦੀ ਭੂਮਿਕਾ ਵਿੱਚ ਨਜ਼ਰ ਆ ਸਕਦੇ ਹਨ।