- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਇਨ੍ਹਾਂ ਦੋ ਧਾਕੜ ਖਿਡਾਰੀਆਂ 'ਤੇ ਲਟਕੀ ਤਲਵਾਰ ! ਲੀਗ ਨਾਲ ਜੁੜਨ 'ਤੇ ਭੇਜਿਆ ਗਿਆ ਲੀਗਲ ਨੋਟਿਸ; ਜਾਣੋ ਕੀ ਹੈ ਪੂਰਾ ਮਾਮਲਾ ?
ਤੇਲੰਗਾਨਾ ਕ੍ਰਿਕਟ ਐਸੋਸੀਏਸ਼ਨ ਨੇ ਐਕਟਰ ਵਿਜੇ ਦੇਵਰਕੋਂਡਾ ਅਤੇ ਵੈਂਕਟੇਸ਼ ਦੱਗੂਬਾਤੀ ਦੇ ਨਾਲ-ਨਾਲ ਕ੍ਰਿਕਟਰ ਮੁਹੰਮਦ ਸਿਰਾਜ, ਅੰਬਾਤੀ ਰਾਇਡੂ ਅਤੇ ਤਿਲਕ ਵਰਮਾ ਨੂੰ ਕਾਨੂੰਨੀ ਨੋਟਿਸ ਭੇਜੇ ਗਏ ਹਨ। ਇਹ ਨੋਟਿਸ ਪ੍ਰਸਤਾਵਿਤ 'TG20 ਲੀਗ' ਨਾਲ ਉਨ੍ਹਾਂ ਦੇ ਕਥਿਤ ਤੌਰ 'ਤੇ ਜੁੜੇ ਹੋਣ ਨੂੰ ਲੈ ਕੇ ਭੇਜਿਆ ਗਿਆ ਹੈ। ਐਸੋਸੀਏਸ਼ਨ ਦਾ ਦੋਸ਼ ਹੈ ਕਿ ਇਹ ਟੂਰਨਾਮੈਂਟ BCCI ਦੀ ਮਨਜ਼ੂਰੀ ਤੋਂ ਬਿਨਾਂ ਕਰਵਾਇਆ ਜਾ ਰਿਹਾ ਹੈ।
Posted By Sunita
Publish Date: Fri, 19 Jun 2026 12:05 PM (IST)
Updated Date: Fri, 19 Jun 2026 12:06 PM (IST)
ਸਪੋਰਟਸ ਡੈਸਕ, ਨਵੀਂ ਦਿੱਲੀ। ਤੇਲੰਗਾਨਾ ਕ੍ਰਿਕਟ ਐਸੋਸੀਏਸ਼ਨ ਨੇ ਐਕਟਰ ਵਿਜੇ ਦੇਵਰਕੋਂਡਾ ਅਤੇ ਵੈਂਕਟੇਸ਼ ਦੱਗੂਬਾਤੀ ਦੇ ਨਾਲ-ਨਾਲ ਕ੍ਰਿਕਟਰ ਮੁਹੰਮਦ ਸਿਰਾਜ, ਅੰਬਾਤੀ ਰਾਇਡੂ ਅਤੇ ਤਿਲਕ ਵਰਮਾ ਨੂੰ ਕਾਨੂੰਨੀ ਨੋਟਿਸ ਭੇਜੇ ਗਏ ਹਨ। ਇਹ ਨੋਟਿਸ ਪ੍ਰਸਤਾਵਿਤ 'TG20 ਲੀਗ' ਨਾਲ ਉਨ੍ਹਾਂ ਦੇ ਕਥਿਤ ਤੌਰ 'ਤੇ ਜੁੜੇ ਹੋਣ ਨੂੰ ਲੈ ਕੇ ਭੇਜਿਆ ਗਿਆ ਹੈ। ਐਸੋਸੀਏਸ਼ਨ ਦਾ ਦੋਸ਼ ਹੈ ਕਿ ਇਹ ਟੂਰਨਾਮੈਂਟ BCCI ਦੀ ਮਨਜ਼ੂਰੀ ਤੋਂ ਬਿਨਾਂ ਕਰਵਾਇਆ ਜਾ ਰਿਹਾ ਹੈ।
ਬਿਨਾਂ ਮਨਜ਼ੂਰੀ ਵਾਲੀ ਲੀਗ
TCA ਦੇ ਜਨਰਲ ਸੈਕਟਰੀ ਗੁਰਾਵਾ ਰੈੱਡੀ ਨੇ ANI ਨਾਲ ਗੱਲਬਾਤ ਵਿੱਚ ਕਿਹਾ ਕਿ ਐਸੋਸੀਏਸ਼ਨ ਨੇ ਉਨ੍ਹਾਂ ਮਸ਼ਹੂਰ ਹਸਤੀਆਂ (ਸੈਲੀਬ੍ਰਿਟੀਜ਼) ਵੱਲੋਂ ਇਸ ਲੀਗ ਨੂੰ ਪ੍ਰਮੋਟ ਕਰਨ 'ਤੇ ਇਤਰਾਜ਼ ਜਤਾਇਆ ਹੈ, ਜਿਸ ਨੂੰ ਉਨ੍ਹਾਂ ਨੇ ਹੈਦਰਾਬਾਦ ਕ੍ਰਿਕਟ ਐਸੋਸੀਏਸ਼ਨ (HCA) ਵੱਲੋਂ ਕਰਵਾਈ ਜਾ ਰਹੀ "ਗੈਰ-ਕਾਨੂੰਨੀ" ਅਤੇ "ਬਿਨਾਂ ਮਨਜ਼ੂਰੀ ਵਾਲੀ" ਲੀਗ ਦੱਸਿਆ ਹੈ।
ਕੀਤਾ ਗਿਆ ਇਹ ਸਵਾਲ
ਰੈੱਡੀ ਨੇ ਕਿਹਾ, "ਅੱਜ ਤੇਲੰਗਾਨਾ ਕ੍ਰਿਕਟ ਐਸੋਸੀਏਸ਼ਨ ਨੇ ਵਿਜੇ ਦੇਵਰਕੋਂਡਾ, ਵੈਂਕਟੇਸ਼ ਦੱਗੂਬਾਤੀ, ਇੰਟਰਨੈਸ਼ਨਲ ਕ੍ਰਿਕਟਰ ਸਿਰਾਜ, ਤਿਲਕ ਵਰਮਾ ਅਤੇ ਸਾਬਕਾ ਕ੍ਰਿਕਟਰ ਅੰਬਾਤੀ ਰਾਇਡੂ ਨੂੰ ਕਾਨੂੰਨੀ ਨੋਟਿਸ ਭੇਜਿਆ ਹੈ। ਇਸ ਵਿੱਚ ਉਨ੍ਹਾਂ ਨੂੰ ਹੈਦਰਾਬਾਦ ਕ੍ਰਿਕਟ ਐਸੋਸੀਏਸ਼ਨ ਦੀ ਪ੍ਰਸਤਾਵਿਤ ਵਿਵਾਦਤ ਅਤੇ ਗੈਰ-ਕਾਨੂੰਨੀ TG20 ਲੀਗ ਨਾਲ ਉਨ੍ਹਾਂ ਦੇ ਸਬੰਧਾਂ ਬਾਰੇ ਸਵਾਲ ਕੀਤਾ ਗਿਆ ਹੈ।"
BCCI ਨੇ ਨਹੀਂ ਦਿੱਤੀ ਮਨਜ਼ੂਰੀ
ਨੋਟਿਸ ਦੇ ਅਨੁਸਾਰ, TCA ਦਾ ਦੋਸ਼ ਹੈ ਕਿ ਹੈਦਰਾਬਾਦ ਕ੍ਰਿਕਟ ਐਸੋਸੀਏਸ਼ਨ BCCI ਦੀ ਮਨਜ਼ੂਰੀ ਤੋਂ ਬਿਨਾਂ ਕਾਰਪੋਰੇਟ ਕੰਪਨੀਆਂ ਨਾਲ ਕਾਰੋਬਾਰ ਕਰ ਰਹੀ ਹੈ ਅਤੇ ਅਜਿਹੀ ਮਨਜ਼ੂਰੀ ਤੋਂ ਬਿਨਾਂ ਪ੍ਰਸਤਾਵਿਤ TG20 ਲੀਗ ਨੂੰ ਪ੍ਰਮੋਟ ਕਰਨਾ ਇੱਕ ਅਪਰਾਧ ਹੈ। ਐਸੋਸੀਏਸ਼ਨ ਨੇ ਲੀਗ ਦੇ ਰੈਗੂਲੇਟਰੀ ਸਟੇਟਸ (ਕਾਨੂੰਨੀ ਮਾਨਤਾ) ਅਤੇ ਸੈਲੀਬ੍ਰਿਟੀ ਐਂਡੋਰਸਮੈਂਟ ਦੇ ਸੰਭਾਵਿਤ ਅਸਰ ਨੂੰ ਲੈ ਕੇ ਚਿੰਤਾ ਜਤਾਈ ਹੈ।
ਜ਼ਰੂਰੀ ਅਧਿਕਾਰ ਨਹੀਂ ਹਨ
ਉਨ੍ਹਾਂ ਨੇ ਕਿਹਾ, "TG20 ਲੀਗ ਕਰਵਾਉਣ ਵਾਲੀ ਹੈਦਰਾਬਾਦ ਕ੍ਰਿਕਟ ਐਸੋਸੀਏਸ਼ਨ ਨੇ ਸਮੇਂ-ਸਮੇਂ 'ਤੇ ਆਪਣਾ ਨਾਮ ਬਦਲਿਆ ਹੈ। ਪਹਿਲਾਂ ਤੇਲੰਗਾਨਾ ਪ੍ਰੀਮੀਅਰ ਲੀਗ ਤੋਂ TTL, ਫਿਰ TG20 ਪ੍ਰੀਮੀਅਰ ਲੀਗ ਅਤੇ ਹੁਂਣ TG20। ਉਨ੍ਹਾਂ ਦਾ ਕਹਿਣਾ ਹੈ ਕਿ ਹੁਣ ਉਨ੍ਹਾਂ ਕੋਲ ਕੁਝ ਪ੍ਰੀਫਿਕਸ, ਕੁਝ ਨਾਮ ਅਤੇ ਕੁਝ ਸਪਾਂਸਰਾਂ ਦੇ ਨਾਮ ਹਨ, ਪਰ ਅਸਲ ਵਿੱਚ ਉਨ੍ਹਾਂ ਕੋਲ ਸੂਬਾ ਪੱਧਰ 'ਤੇ ਕੋਈ ਫ੍ਰੈਂਚਾਈਜ਼ੀ-ਬੇਸਡ ਪ੍ਰੀਮੀਅਰ ਲੀਗ ਕਰਵਾਉਣ ਲਈ ਜ਼ਰੂਰੀ ਦੋ ਮੁੱਖ ਅਧਿਕਾਰ ਨਹੀਂ ਹਨ।"
ਸਟੇਕਹੋਲਡਰਾਂ ਨੂੰ ਕੀਤਾ ਗੁਮਰਾਹ
ਰੈੱਡੀ ਨੇ ਕਿਹਾ ਕਿ ਜੇਕਰ ਸੈਲੀਬ੍ਰਿਟੀਜ਼ ਟੂਰਨਾਮੈਂਟ ਨਾਲ ਜੁੜੇ ਰਹਿੰਦੇ ਹਨ, ਤਾਂ TCA ਅਦਾਲਤ ਦਾ ਦਰਵਾਜ਼ਾ ਖੜਕਾਏਗਾ। ਉਨ੍ਹਾਂ ਨੇ ਕਿਹਾ, "ਹੈਦਰਾਬਾਦ ਕ੍ਰਿਕਟ ਐਸੋਸੀਏਸ਼ਨ ਸੈਲੀਬ੍ਰਿਟੀਜ਼ ਦੀ ਵਰਤੋਂ ਕਰਕੇ ਅਤੇ ਸਟੇਕਹੋਲਡਰਾਂ ਨੂੰ ਗੁਮਰਾਹ ਕਰਕੇ ਕਾਨੂੰਨੀ ਅਤੇ ਨਿਯਮਾਂ ਦੀ ਪਾਲਣਾ ਨਾਲ ਜੁੜੀਆਂ ਕਮੀਆਂ ਨੂੰ ਛੁਪਾਉਣਾ ਚਾਹੁੰਦੀ ਹੈ। ਇਸੇ ਕਰਕੇ ਅਸੀਂ ਇਸ ਦਾ ਵਿਰੋਧ ਕਰ ਰਹੇ ਹਾਂ। ਅਸੀਂ ਨੋਟਿਸ ਭੇਜੇ ਹਨ ਅਤੇ ਜੇਕਰ ਉਹ ਇਸ ਲੀਗ ਨਾਲ ਜੁੜੇ ਰਹਿੰਦੇ ਹਨ ਤਾਂ ਅਸੀਂ ਉਨ੍ਹਾਂ ਖ਼ਿਲਾਫ਼ ਕਾਨੂੰਨੀ ਕਾਰਵਾਈ ਵੀ ਕਰਾਂਗੇ।"