ਬਜਟ 'ਚ ਹੋਏ ਇਸ ਐਲਾਨ ਨਾਲ ਅੰਬਾਨੀ-ਅਡਾਨੀ ਵਰਗੇ ਅਰਬਪਤੀਆਂ ਨੂੰ ਹੋਇਆ ਭਾਰੀ ਨੁਕਸਾਨ, ਇੱਕੋ ਝਟਕੇ 'ਚ ਹਜ਼ਾਰਾਂ ਕਰੋੜ ਘਟੀ ਦੌਲਤ; ਪਰ ਕਿਉਂ?

ਨਵੀਂ ਦਿੱਲੀ : ਐਤਵਾਰ 1 ਫਰਵਰੀ ਨੂੰ ਦੇਸ਼ ਦਾ ਬਜਟ ਪੇਸ਼ ਕੀਤਾ ਗਿਆ। ਇਸ ਸਾਲ ਦਾ ਬਜਟ ਕਈ ਮਾਮਲਿਆਂ 'ਚ ਖਾਸ ਰਿਹਾ, ਪਰ ਇਸ ਨਾਲ ਦੇਸ਼ ਦੇ ਅਰਬਪਤੀਆਂ ਨੂੰ ਝਟਕਾ ਲੱਗਾ ਤੇ ਉਨ੍ਹਾਂ ਦੀ ਕੁੱਲ ਸੰਪਤੀ (Networth) 'ਚ ਗਿਰਾਵਟ ਆਈ। ਸੰਪਤੀ 'ਚ ਇਸ ਗਿਰਾਵਟ ਦਾ ਮੁੱਖ ਕਾਰਨ ਸ਼ੇਅਰ ਬਾਜ਼ਾਰ ਰਿਹਾ, ਜਿਸ ਵਿਚ ਕੱਲ੍ਹ ਭਾਰੀ ਕਮਜ਼ੋਰੀ ਦੇਖਣ ਨੂੰ ਮਿਲੀ। ਅਜਿਹਾ ਕੀ ਹੋਇਆ, ਆਓ ਵਿਸਥਾਰ ਨਾਲ ਜਾਣਦੇ ਹਾਂ।

ਸ਼ੇਅਰ ਬਾਜ਼ਾਰ ਕਿਉਂ ਡਿੱਗਿਆ?

ਇਤਿਹਾਸ 'ਚ ਪਹਿਲੀ ਵਾਰ ਭਾਰਤ ਦਾ ਬਜਟ (Union Budget 2026) ਐਤਵਾਰ ਨੂੰ ਪੇਸ਼ ਕੀਤਾ ਗਿਆ। ਬਜਟ ਪੇਸ਼ ਹੋਣ ਕਾਰਨ ਸ਼ੇਅਰ ਬਾਜ਼ਾਰ ਵੀ ਖੁੱਲ੍ਹਾ ਰਿਹਾ। ਬਾਜ਼ਾਰ ਦੇ ਨਿਵੇਸ਼ਕਾਂ ਨੂੰ ਉਮੀਦ ਸੀ ਕਿ ਸ਼ਾਰਟ-ਟਰਮ ਕੈਪੀਟਲ ਗੇਨ ਟੈਕਸ (STCG) ਅਤੇ ਲੌਂਗ-ਟਰਮ ਕੈਪੀਟਲ ਗੇਨ ਟੈਕਸ (LTCG) 'ਚ ਕੁਝ ਰਾਹਤ ਮਿਲੇਗੀ, ਪਰ ਹੋਇਆ ਇਸ ਦੇ ਉਲਟ।

ਵਿੱਤ ਮੰਤਰੀ ਨੇ ਬਜਟ ਭਾਸ਼ਣ 'ਚ 'ਫਿਊਚਰ ਐਂਡ ਆਪਸ਼ਨ' (F&O) 'ਤੇ ਸਿਕਿਉਰਿਟੀ ਟ੍ਰਾਂਜੈਕਸ਼ਨ ਟੈਕਸ (STT) ਵਧਾ ਦਿੱਤਾ। ਇਸ ਨਾਲ ਸ਼ੇਅਰ ਬਾਜ਼ਾਰ ਵਿੱਚ ਹੜਕੰਪ ਮਚ ਗਿਆ ਅਤੇ ਸੈਂਸੇਕਸ 1547 ਪੁਆਇੰਟ ਅਤੇ ਨਿਫਟੀ 593 ਅੰਕ ਫਿਸਲ ਕੇ ਬੰਦ ਹੋਇਆ।

ਘਟ ਗਈ ਅਮੀਰਾਂ ਦੀ ਜਾਇਦਾਦ

ਕਈ ਵੱਡੇ ਸ਼ੇਅਰਾਂ 'ਚ ਗਿਰਾਵਟ ਆਈ, ਜਿਨ੍ਹਾਂ ਵਿਚ ਮੁਕੇਸ਼ ਅੰਬਾਨੀ ਦੀ ਰਿਲਾਇੰਸ ਇੰਡਸਟਰੀਜ਼ ਤੋਂ ਇਲਾਵਾ ਅਡਾਨੀ ਗਰੁੱਪ ਦੀਆਂ ਕੰਪਨੀਆਂ ਅਡਾਨੀ ਐਂਟਰਪ੍ਰਾਈਜ਼ਿਜ਼, ਅਡਾਨੀ ਪਾਵਰ, ਅਡਾਨੀ ਟੋਟਲ ਗੈਸ ਅਤੇ ਅਡਾਨੀ ਗ੍ਰੀਨ ਸ਼ਾਮਲ ਹਨ। ਸ਼ੇਅਰਾਂ ਦੇ ਡਿੱਗਣ ਨਾਲ ਇਨ੍ਹਾਂ ਦੀ ਸੰਪਤੀ ਵੀ ਘਟ ਗਈ:

ਮੁਕੇਸ਼ ਅੰਬਾਨੀ: ਫੋਰਬਸ ਅਨੁਸਾਰ, ਅੰਬਾਨੀ ਦੀ ਸੰਪਤੀ 3.5 ਅਰਬ ਡਾਲਰ (32,194 ਕਰੋੜ ਰੁਪਏ) ਘਟ ਕੇ 94.6 ਅਰਬ ਡਾਲਰ ਰਹਿ ਗਈ।

ਗੌਤਮ ਅਡਾਨੀ: ਇਨ੍ਹਾਂ ਦੀ ਦੌਲਤ 2.4 ਅਰਬ ਡਾਲਰ (22,076 ਕਰੋੜ ਰੁਪਏ) ਘਟ ਕੇ 56.5 ਅਰਬ ਡਾਲਰ ਰਹਿ ਗ

ਸ਼ਿਵ ਨਾਦਰ ਨੂੰ ਵੀ ਹੋਇਆ ਨੁਕਸਾਨ

ਕੱਲ੍ਹ HCL Tech ਦਾ ਸ਼ੇਅਰ 3.06 ਫੀਸਦੀ ਡਿੱਗਿਆ, ਜਿਸ ਨਾਲ ਇਸ ਦੇ ਫਾਊਂਡਰ ਸ਼ਿਵ ਨਾਦਰ ਦੀ ਸੰਪਤੀ ਵਿੱਚ 46.6 ਕਰੋੜ ਡਾਲਰ (ਕਰੀਬ 4,286 ਕਰੋੜ ਰੁਪਏ) ਦੀ ਗਿਰਾਵਟ ਆਈ। ਉਨ੍ਹਾਂ ਦੀ ਸੰਪਤੀ ਹੁਣ 3.27 ਲੱਖ ਕਰੋੜ ਰੁਪਏ ਬਚੀ ਹੈ। ਸ਼ਿਵ ਨਾਦਰ ਭਾਰਤ ਦੇ ਤੀਜੇ ਸਭ ਤੋਂ ਅਮੀਰ ਵਿਅਕਤੀ ਹਨ।