Stock Market 'ਚ ਮਹਾ-ਤੇਜ਼ੀ ਦੇ ਸੰਕੇਤ: ਵਿਦੇਸ਼ੀ ਨਿਵੇਸ਼ਕਾਂ ਦੀ ਹੋਈ ਵਾਪਸੀ, Nifty ਦਾ ਅਗਲਾ ਟੀਚਾ 26500?

ਬਿਜ਼ਨੈੱਸ ਡੈਸਕ, ਨਵੀਂ ਦਿੱਲੀ : ਭਾਰਤ 'ਚ ਵਿਦੇਸ਼ੀ ਨਿਵੇਸ਼ਕਾਂ ਵੱਲੋਂ ਬਿਕਵਾਲੀ ਦਾ ਪੜਾਅ ਲਗਪਗ ਖਤਮ ਹੋ ਗਿਆ ਹੈ ਤੇ ਵਿਦੇਸ਼ੀ ਨਿਵੇਸ਼ਕਾਂ ਦੀ ਘੱਟ ਹਿੱਸੇਦਾਰੀ ਤੇ ਮਜ਼ਬੂਤ ​​ਘਰੇਲੂ ਅਧਾਰ ਕਾਰਨ ਭਾਰਤੀ ਸ਼ੇਅਰ ਬਾਜ਼ਾਰ ਲਈ ਧਾਰਨਾ ਸਕਾਰਾਤਮਕ ਬਣੀ ਹੋਈ ਹੈ। ਗੋਲਡਮੈਨ ਸੈਸ਼ ਦੇ ਵਿਸ਼ਲੇਸ਼ਕਾਂ ਨੇ ਜੁਲਾਈ 'ਚ ਆਪਣੇ ਇੰਡੀਆ ਸਟ੍ਰੈਟਜੀ ਨੋਟ 'ਚ ਇਹ ਜਾਣਕਾਰੀ ਦਿੱਤੀ ਸੀ।

ਗੋਲਡਮੈਨ ਸੈਸ਼ ਦੇ ਏਸ਼ੀਆ ਮੈਕਰੋ ਰਿਸਰਚ ਦੇ ਕੋ-ਹੈੱਡ ਤੇ ਏਸ਼ੀਆ-ਪੈਸੀਫਿਕ ਇਕੁਇਟੀ ਸਟ੍ਰੈਟੇਜਿਸਟ ਟਿਮੋਥੀ ਮੋ ਨੇ ਅਮੋਰੀਤਾ ਗੋਇਲ ਤੇ ਸੁਨੀਲ ਕੌਲ ਦੇ ਨਾਲ ਲਿਖੇ ਇਕ ਨੋਟ 'ਚ ਕਿਹਾ ਕਿ ਨਿਫਟੀ ਜੂਨ 2027 ਤਕ ਵਧ ਕੇ 26,500 ਦੇ ਲੈਵਲ ਤਕ ਜਾ ਸਕਦਾ ਹੈ ਜੋਕਿ ਮੌਜੂਦਾ ਪੱਧਰਾਂ ਨਾਲੋਂ 10 ਪ੍ਰਤੀਸ਼ਤ ਜ਼ਿਆਦਾ ਹੈ।

ਗਲੋਬਲ ਨਿਵੇਸ਼ਕਾਂ ਦਾ ਰੁਖ਼ ਬਦਲਿਆ

ਨੋਟ 'ਚ ਕਿਹਾ ਗਿਆ ਹੈ ਕਿ ਜੁਲਾਈ ਦਾ ਆਉਟਲੁਕ ਮਈ 2026 ਦੇ ਰੁਖ ਤੋਂ ਬਿਲਕੁਲ ਵੱਖਰਾ ਹੈ, ਜਦੋਂ ਉਸਨੇ ਉੱਤਰੀ ਏਸ਼ੀਆ ਦੇ ਦੂਜੇ ਦੇਸ਼ਾਂ ਦੇ ਮੁਕਾਬਲੇ ਭਾਰਤੀ ਸ਼ੇਅਰਾਂ 'ਚ ਰਿਸਕ-ਰਿਵਾਰਡ ਦਾ ਸਮੀਕਰਨ 'ਘੱਟ ਆਕਰਸ਼ਕ' ਲੱਗਿਆ ਸੀ। ਇਸ ਤੋਂ ਇਲਾਵਾ, ਉਸਨੂੰ ਉਮੀਦ ਨਹੀਂ ਸੀ ਕਿ ਵਿਦੇਸ਼ੀ ਨਿਵੇਸ਼ਕ ਕਿਸੇ ਵੀ ਸਮੇਂ ਜਲਦੀ ਹੀ ਭਾਰਤੀ ਬਾਜ਼ਾਰ 'ਚ ਵਾਪਸ ਆਉਣਗੇ, ਭਾਵੇਂ ਤੇਲ ਦੀਆਂ ਕੀਮਤਾਂ 'ਚ ਕਮੀ ਆ ਜਾਵੇ।

ਮੋ, ਗੋਇਲ ਤੇ ਕੌਲ ਨੇ ਆਪਣੇ ਨੋਟ 'ਚ ਲਿਖਿਆ ਹੈ ਕਿ ਗਲੋਬਲ ਨਿਵੇਸ਼ਕਾਂ ਨੇ 2026 ਦੀ ਪਹਿਲੀ ਛਿਮਾਹੀ 'ਚ ਭਾਰਤ ਨੂੰ ਇਕ ਫੰਡਿੰਗ ਮਾਰਕੀਟ ਵਜੋਂ ਵਰਤਿਆ। ਇਸ ਮਿਆਦ ਦੌਰਾਨ, ਸਿਰਫ 3.5 ਮਹੀਨਿਆਂ 'ਚ, ਵਿਦੇਸ਼ੀ ਨਿਵੇਸ਼ਕਾਂ ਨੇ $30 ਬਿਲੀਅਨ ਤੋਂ ਵੱਧ ਮੁੱਲ ਦੀਆਂ ਭਾਰਤੀ ਇਕਵਿਟੀ 'ਚ ਬਿਕਵਾਲੀ ਕੀਤੀ। ਹਾਲਾਂਕਿ ਜੂਨ ਦੇ ਦੂਜੇ ਪੰਦਰਵਾੜੇ ਤੋਂ ਵਿਦੇਸ਼ੀ ਨਿਵੇਸ਼ਕ ਫਿਰ ਤੋਂ ਸ਼ੁੱਧ ਖਰੀਦਦਾਰ ਬਣ ਗਏ ਹਨ ਤੇ ਇਸ ਦੌਰਾਨ ਉਨ੍ਹਾਂ ਨੇ ਕਰੀਬ ਦੋ ਅਰਬ ਡਾਲਰ ਦਾ ਨਿਵੇਸ਼ ਕੀਤਾ ਹੈ।

ਅਜੇ ਵੀ ਇਹ ਹੈ ਚਿੰਤਾ ਦਾ ਵਿਸ਼ਾ

ਨੋਟ 'ਚ ਅੱਗੇ ਕਿਹਾ ਗਿਆ ਹੈ ਕਿ ਭਾਰਤੀ ਇਕਵਿਟੀ 'ਚ ਗਲੋਬਲ ਫੰਡਾਂ ਦੀ 'ਅੰਡਰਵੇਟ' ਸਥਿਤੀ ਨੂੰ ਦੇਖਦੇ ਹੋਏ ਉਨ੍ਹਾਂ ਕੋਲ ਆਪਣੀ ਸਥਿਤੀ ਨੂੰ ਸੰਤੁਲਿਤ ਕਰਨ ਦਾ ਵਧੀਆ ਮੌਕਾ ਹੈ। "ਜਦੋਂਕਿ ਲਗਾਤਾਰ ਆਮਦਨ 'ਚ ਗਿਰਾਵਟ ਦਾ ਦੌਰ ਤੇ ਹੋਰ ਬਾਜ਼ਾਰਾਂ ਦੇ ਮੁਕਾਬਲੇ ਗ੍ਰੋਥ-ਵੈਲਿਊਏਸ਼ਨ ਦਾ ਘੱਟ ਆਕਰਸ਼ਕ ਜੋੜ ਨਿਵੇਸ਼ਕਾਂ ਲਈ ਮੁੱਖ ਚਿੰਤਾ ਦਾ ਵਿਸ਼ਾ ਬਣਿਆ ਰਹੇਗਾ, ਪਰ ਘਰੇਲੂ ਰਿਕਵਰੀ ਬਾਰੇ ਬਿਹਤਰ ਜਾਣਕਾਰੀ ਨਿਵੇਸ਼ਕਾਂ ਨੂੰ ਉਮੀਦ ਮੁਤਾਬਕ ਰਿਕਵਾਰੀ ਨੂੰ ਪਹਿਲਾਂ ਤੋਂ ਹੀ ਪ੍ਰਾਈਸ ਇਨ ਕਰਨ ਲਈ ਪ੍ਰੇਰਿਤ ਕਰੇਗੀ।'

FY27 'ਚ ਜ਼ਬਰਦਸਤ ਬਿਕਵਾਲੀ

NSDL ਦੇ ਅੰਕੜਿਆਂ ਅਨੁਸਾਰ, ਵਿਦੇਸ਼ੀ ਸੰਸਥਾਗਤ ਨਿਵੇਸ਼ਕਾਂ (FIIs) ਨੇ ਵਿੱਤੀ ਸਾਲ 2026-27 'ਚ ਹੁਣ ਤਕ ਭਾਰਤੀ ਸ਼ੇਅਰਾਂ ਤੋਂ 1.28 ਲੱਖ ਕਰੋੜ ਰੁਪਏ ਦੀ ਸ਼ੁੱਧ ਨਿਕਾਸੀ ਕੀਤੀ ਹੈ। ਜੂਨ 'ਚ ਉਨ੍ਹਾਂ ਨੇ 49,340 ਕਰੋੜ ਰੁਪਏ ਦੀ ਬਿਕਵਾਲੀ ਕੀਤੀ ਜਦੋਂਕਿ ਜੁਲਾਈ 'ਚ FII ਨੇ ਭਾਰਤੀ ਸਟਾਕ ਬਾਜ਼ਾਰਾਂ 'ਚ 15,157 ਕਰੋੜ ਰੁਪਏ ਦਾ ਸ਼ੁੱਧ ਨਿਵੇਸ਼ ਕੀਤਾ।