ਲੋਨ ਚਾਹੀਦਾ ਹੈ ਤਾਂ ਪਹਿਲਾਂ ਇਹ ਪੜ੍ਹੋ! ਚੰਗਾ ਸਿਬਿਲ ਸਕੋਰ ਕਿਵੇਂ ਬਚਾ ਸਕਦਾ ਹੈ ਤੁਹਾਡੇ ਲੱਖਾਂ ਰੁਪਏ

ਬਿਜ਼ਨੈੱਸ ਡੈਸਕ। ਸਿਬਿਲ ਸਕੋਰ (CIBIL Score) ਦੀ ਮਹੱਤਤਾ ਉਦੋਂ ਸਮਝ ਆਉਂਦੀ ਹੈ ਜਦੋਂ ਤੁਸੀਂ ਲੋਨ ਲੈਣ ਜਾਂਦੇ ਹੋ। ਲੋਨ ਦਿੰਦੇ ਸਮੇਂ ਬੈਂਕ ਸਿਬਿਲ ਸਕੋਰ ਰਾਹੀਂ ਉਧਾਰ ਲੈਣ ਵਾਲੇ ਵਿਅਕਤੀ ਦੀ ਸਮਰੱਥਾ ਦੀ ਜਾਂਚ ਕਰਦਾ ਹੈ। ਇੱਕ ਚੰਗਾ ਸਿਬਿਲ ਸਕੋਰ ਲੋਨ ਵਿੱਚ ਮਦਦ ਕਰਨ ਤੋਂ ਇਲਾਵਾ ਹੋਰ ਵੀ ਕਈ ਫਾਇਦੇ ਦਿੰਦਾ ਹੈ। ਆਓ ਜਾਣਦੇ ਹਾਂ ਕਿ ਚੰਗੇ ਸਿਬਿਲ ਸਕੋਰ ਨਾਲ ਤੁਹਾਨੂੰ ਕੀ-ਕੀ ਫਾਇਦੇ ਮਿਲਦੇ ਹਨ।

ਕਿੰਨਾ ਸਿਬਿਲ ਸਕੋਰ ਹੁੰਦਾ ਹੈ ਸਹੀ?

ਸਿਬਿਲ ਸਕੋਰ ਤੁਹਾਡੀ ਕ੍ਰੈਡਿਟ ਹਿਸਟਰੀ (ਪਿਛਲੇ ਲੈਣ-ਦੇਣ) ਨੂੰ ਦੇਖਦੇ ਹੋਏ ਦਿੱਤਾ ਜਾਂਦਾ ਹੈ। ਇਹ 300 ਤੋਂ 900 ਦੇ ਵਿਚਕਾਰ ਹੁੰਦਾ ਹੈ। ਜਿੰਨਾ ਜ਼ਿਆਦਾ ਸਿਬਿਲ ਸਕੋਰ ਹੋਵੇਗਾ, ਉਨਾ ਹੀ ਬਿਹਤਰ ਮੰਨਿਆ ਜਾਂਦਾ ਹੈ।

ਕੀ-ਕੀ ਮਿਲਦੇ ਹਨ ਫਾਇਦੇ?

ਲੋਨ ਜਲਦੀ ਮਨਜ਼ੂਰ (Approve) ਹੋਵੇਗਾ: ਜੇਕਰ ਤੁਹਾਡਾ ਸਿਬਿਲ ਸਕੋਰ ਚੰਗਾ ਹੈ, ਤਾਂ ਤੁਹਾਡੇ ਲੋਨ ਦੇ ਮਨਜ਼ੂਰ ਹੋਣ ਦੀ ਸੰਭਾਵਨਾ ਜ਼ਿਆਦਾ ਹੁੰਦੀ ਹੈ। ਅਜਿਹੇ ਗਾਹਕਾਂ ਨੂੰ ਬੈਂਕ 'ਘੱਟ ਜੋਖਮ' (Low Risk) ਵਾਲੇ ਮੰਨਦੇ ਹਨ।

ਘੱਟ ਵਿਆਜ 'ਤੇ ਲੋਨ: ਕਿਉਂਕਿ ਤੁਹਾਡਾ ਸਿਬਿਲ ਸਕੋਰ ਬਹੁਤ ਵਧੀਆ ਹੈ, ਇਸ ਲਈ ਬੈਂਕ ਅਜਿਹੇ ਵਿਅਕਤੀ ਨੂੰ ਘੱਟ ਵਿਆਜ ਦਰਾਂ 'ਤੇ ਲੋਨ ਦੇਣ ਲਈ ਸਹਿਮਤ ਹੋ ਜਾਂਦਾ ਹੈ। ਤੁਸੀਂ ਚੰਗੇ ਸਕੋਰ ਦੇ ਦਮ 'ਤੇ ਬੈਂਕ ਨਾਲ ਵਿਆਜ ਦਰਾਂ ਘਟਾਉਣ ਲਈ ਗੱਲਬਾਤ (Negotiation) ਵੀ ਕਰ ਸਕਦੇ ਹੋ।

ਪ੍ਰੀਮੀਅਮ ਕਾਰਡ ਆਸਾਨੀ ਨਾਲ ਮਿਲਣਾ: ਚੰਗਾ ਸਿਬਿਲ ਸਕੋਰ ਹੋਣ ਕਾਰਨ ਤੁਹਾਨੂੰ ਪ੍ਰੀਮੀਅਮ ਕ੍ਰੈਡਿਟ ਕਾਰਡ ਆਸਾਨੀ ਨਾਲ ਮਿਲ ਜਾਂਦੇ ਹਨ। ਬੈਂਕ ਖ਼ੁਦ ਅਜਿਹੇ ਗਾਹਕਾਂ ਨੂੰ ਕਾਰਡ ਆਫਰ ਕਰਦੇ ਹਨ, ਜਿਨ੍ਹਾਂ ਵਿੱਚ ਜ਼ਿਆਦਾ ਰਿਵਾਰਡ ਪੁਆਇੰਟ ਅਤੇ ਵਧੀਆ ਸੇਵਾਵਾਂ ਮਿਲਦੀਆਂ ਹਨ।

ਲੰਬੇ ਸਮੇਂ ਲਈ ਲੋਨ ਮਿਲਣਾ ਆਸਾਨ: ਬੈਂਕਾਂ ਲਈ ਲੰਬੇ ਸਮੇਂ ਦੀ ਮਿਆਦ ਵਾਲਾ ਲੋਨ ਦੇਣਾ ਔਖਾ ਹੁੰਦਾ ਹੈ ਕਿਉਂਕਿ ਇਸ ਵਿੱਚ ਖ਼ਤਰਾ ਜ਼ਿਆਦਾ ਹੁੰਦਾ ਹੈ। ਪਰ ਜਿਨ੍ਹਾਂ ਦਾ ਕ੍ਰੈਡਿਟ ਸਕੋਰ ਵਧੀਆ ਹੁੰਦਾ ਹੈ, ਬੈਂਕ ਉਹਨਾਂ ਨੂੰ ਲੰਬੇ ਸਮੇਂ ਲਈ ਵੀ ਆਸਾਨੀ ਨਾਲ ਕਰਜ਼ਾ ਦੇ ਦਿੰਦੇ ਹਨ।