- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਦੇਸ਼ ਦਾ ਪਹਿਲਾ AC ਬਣਾਉਣ ਵਾਲੀ ਕੰਪਨੀ ਦਾ ਨਵਾਂ ਰਿਕਾਰਡ, 81 ਦਿਨਾਂ ’ਚ ਵੇਚ ਦਿੱਤੇ 10,00,000 ਏਅਰ ਕੰਡੀਸ਼ਨਰ; 72 ਸਾਲਾਂ ’ਚ ਕੀਤੇ ਕਈ ਕਾਰਨਾਮੇ
ਸੋਮਵਾਰ, 22 ਜੂਨ ਨੂੰ ਵੋਲਟਾਸ ਲਿਮਟਿਡ (Voltas Limited) ਦੇ ਸ਼ੇਅਰਾਂ 'ਤੇ ਨਜ਼ਰ ਰਹੇਗੀ, ਕਿਉਂਕਿ ਕੰਪਨੀ ਨੇ ਐਲਾਨ ਕੀਤਾ ਹੈ ਕਿ ਉਸਨੇ ਵਿੱਤੀ ਸਾਲ 2026-27 ਵਿੱਚ ਹੁਣ ਤੱਕ 10 ਲੱਖ (1 ਮਿਲੀਅਨ) ਰੂਮ ਏਅਰ ਕੰਡੀਸ਼ਨਰ ਵੇਚਣ ਦਾ ਅੰਕੜਾ ਪਾਰ ਕਰ ਲਿਆ ਹੈ। ਕੰਪਨੀ ਨੇ ਇਹ ਉਪਲਬਧੀ ਵਿੱਤੀ ਸਾਲ 2026-27 ਦੇ ਸ਼ੁਰੂਆਤੀ 81 ਦਿਨਾਂ ਵਿੱਚ ਹੀ ਹਾਸਲ ਕਰਕੇ ਇੱਕ ਨਵਾਂ ਰਿਕਾਰਡ ਬਣਾਇਆ ਹੈ।
Posted By Anuradha Bains
Publish Date: Mon, 22 Jun 2026 10:35 AM (IST)
Updated Date: Mon, 22 Jun 2026 10:41 AM (IST)
ਬਿਜਨੈੱਸ ਡੈਸਕ, ਨਵੀਂ ਦਿੱਲੀ। ਸੋਮਵਾਰ, 22 ਜੂਨ ਨੂੰ ਵੋਲਟਾਸ ਲਿਮਟਿਡ (Voltas Limited) ਦੇ ਸ਼ੇਅਰਾਂ 'ਤੇ ਨਜ਼ਰ ਰਹੇਗੀ, ਕਿਉਂਕਿ ਕੰਪਨੀ ਨੇ ਐਲਾਨ ਕੀਤਾ ਹੈ ਕਿ ਉਸਨੇ ਵਿੱਤੀ ਸਾਲ 2026-27 ਵਿੱਚ ਹੁਣ ਤੱਕ 10 ਲੱਖ (1 ਮਿਲੀਅਨ) ਰੂਮ ਏਅਰ ਕੰਡੀਸ਼ਨਰ ਵੇਚਣ ਦਾ ਅੰਕੜਾ ਪਾਰ ਕਰ ਲਿਆ ਹੈ। ਕੰਪਨੀ ਨੇ ਇਹ ਉਪਲਬਧੀ ਵਿੱਤੀ ਸਾਲ 2026-27 ਦੇ ਸ਼ੁਰੂਆਤੀ 81 ਦਿਨਾਂ ਵਿੱਚ ਹੀ ਹਾਸਲ ਕਰਕੇ ਇੱਕ ਨਵਾਂ ਰਿਕਾਰਡ ਬਣਾਇਆ ਹੈ।
ਤੁਹਾਡੀ ਜਾਣਕਾਰੀ ਲਈ ਦੱਸ ਦੇਈਏ ਕਿ ਵੋਲਟਾਸ ਟਾਟਾ ਗਰੁੱਪ (Tata Group) ਦੀ ਕੰਪਨੀ ਹੈ। ਵੋਲਟਾਸ ਦੀ ਇਹ ਉਪਲਬਧੀ ਪਿਛਲੇ ਵਿੱਤੀ ਸਾਲ ਦੀ ਪਹਿਲੀ ਤਿਮਾਹੀ (Q1FY25) ਦੌਰਾਨ 88 ਦਿਨਾਂ ਵਿੱਚ ਇਸ ਮੁਕਾਮ ਤੱਕ ਪਹੁੰਚਣ ਦੇ ਪੁਰਾਣੇ ਰਿਕਾਰਡ ਨਾਲੋਂ ਬਿਹਤਰ ਹੈ। ਇਹ ਕਾਮਯਾਬੀ ਉਦੋਂ ਮਿਲੀ ਜਦੋਂ ਵੋਲਟਾਸ ਨੇ ਪੂਰੇ ਵਿੱਤੀ ਸਾਲ 2026 (FY26) ਦੌਰਾਨ 22.5 ਲੱਖ (2.25 ਮਿਲੀਅਨ) ਰੂਮ ਏਅਰ ਕੰਡੀਸ਼ਨਰ ਵੇਚੇ। ਇਸ ਤੋਂ ਪਤਾ ਲੱਗਦਾ ਹੈ ਕਿ ਮਾਰਕੀਟ ਵਿੱਚ ਜ਼ਬਰਦਸਤ ਮੰਗ ਹੈ ਅਤੇ ਭਾਰਤੀ AC ਬਾਜ਼ਾਰ ਵਿੱਚ ਕੰਪਨੀ ਦੀ ਸਥਿਤੀ ਕਾਫ਼ੀ ਮਜ਼ਬੂਤ ਹੈ।
ਸ਼ੇਅਰਾਂ ’ਚ ਜ਼ਬਰਦਸਤ ਤੇਜ਼ੀ
ਇਸ ਖ਼ਬਰ ਦੇ ਵਿਚਕਾਰ ਅੱਜ ਵੋਲਟਾਸ ਦੇ ਸ਼ੇਅਰਾਂ ਵਿੱਚ ਭਾਰੀ ਉਛਾਲ ਦੇਖਣ ਨੂੰ ਮਿਲ ਰਿਹਾ ਹੈ। NSE 'ਤੇ ਕੰਪਨੀ ਦਾ ਸ਼ੇਅਰ 1343.40 ਰੁਪਏ ਦੇ ਮੁਕਾਬਲੇ 1384 ਰੁਪਏ 'ਤੇ ਖੁੱਲ੍ਹਣ ਤੋਂ ਬਾਅਦ ਸਵੇਰੇ 9.20 ਵਜੇ 63.60 ਰੁਪਏ ਜਾਂ 4.73 ਫੀਸਦੀ ਦੀ ਤੇਜ਼ੀ ਨਾਲ 1407 ਰੁਪਏ 'ਤੇ ਕਾਰੋਬਾਰ ਕਰ ਰਿਹਾ ਹੈ।
ਬੀਤੇ 5 ਦਿਨਾਂ ਵਿੱਚ ਇਹ ਸ਼ੇਅਰ 5.51 ਫੀਸਦੀ, 1 ਮਹੀਨੇ ਵਿੱਚ ਕਰੀਬ 11 ਫੀਸਦੀ ਅਤੇ 6 ਮਹੀਨਿਆਂ ਵਿੱਚ 1.37 ਫੀਸਦੀ ਉੱਪਰ ਗਿਆ ਹੈ।
ਤੇਜ਼ੀ ਰਹਿ ਸਕਦੀ ਹੈ ਬਰਕਰਾਰ
ਵੋਲਟਾਸ ਦੇ ਅਨੁਸਾਰ, ਗਾਹਕਾਂ ਦੀ ਜ਼ਬਰਦਸਤ ਮੰਗ, ਇਨੋਵੇਸ਼ਨ ਨਾਲ ਆਈ ਗ੍ਰੋਥ, ਕੰਮ ਨੂੰ ਬਿਹਤਰ ਢੰਗ ਨਾਲ ਪੂਰਾ ਕਰਨ ਅਤੇ ਕਈ ਰਣਨੀਤਕ ਕਦਮਾਂ ਕਰਕੇ ਇਹ ਰਿਕਾਰਡ ਪ੍ਰਦਰਸ਼ਨ ਹਾਸਲ ਹੋਇਆ ਹੈ। ਮੈਨੇਜਮੈਂਟ ਨੇ ਕਿਹਾ ਕਿ ਸਾਰੇ ਬਾਜ਼ਾਰਾਂ ਵਿੱਚ ਮੰਗ ਚੰਗੀ ਬਣੀ ਹੋਈ ਹੈ ਅਤੇ ਉਮੀਦ ਹੈ ਕਿ ਆਉਣ ਵਾਲੇ ਮਹੀਨਿਆਂ ਵਿੱਚ ਵੀ ਇਹ ਤੇਜ਼ੀ ਬਰਕਰਾਰ ਰਹੇਗੀ।
ਕਈ ਨਵੇਂ ਪ੍ਰੋਡਕਟ ਕੀਤੇ ਪੇਸ਼
ਪਿਛਲੇ 1 ਸਾਲ ਵਿੱਚ, ਵੋਲਟਾਸ ਨੇ ਬਿਹਤਰ ਸੈਗਮੈਂਟੇਸ਼ਨ ਰਣਨੀਤੀ ਦੇ ਨਾਲ ਆਪਣੇ ਪ੍ਰੋਡਕਟ ਪੋਰਟਫੋਲੀਓ ਨੂੰ ਇੱਕ ਨਵਾਂ ਰੂਪ ਦਿੱਤਾ ਹੈ ਅਤੇ ਪ੍ਰੀਮੀਅਮ, ਮਿਡ-ਰੇਂਜ ਤੇ ਵੈਲਯੂ ਕੈਟੇਗਰੀ ਵਿੱਚ ਵੱਖ-ਵੱਖ ਤਰ੍ਹਾਂ ਦੇ ਪ੍ਰੋਡਕਟ ਪੇਸ਼ ਕੀਤੇ ਹਨ। ਕੰਪਨੀ ਦਾ ਕਹਿਣਾ ਹੈ ਕਿ ਇਸ ਨਾਲ ਉਸਨੂੰ ਵੱਧ ਤੋਂ ਵੱਧ ਗਾਹਕਾਂ ਤੱਕ ਪਹੁੰਚਣ ਅਤੇ ਵੱਖ-ਵੱਖ ਕੀਮਤਾਂ 'ਤੇ ਆਪਣੀ ਮੌਜੂਦਗੀ ਮਜ਼ਬੂਤ ਕਰਨ ਵਿੱਚ ਮਦਦ ਮਿਲੀ ਹੈ।
ਵੋਲਟਾਸ ਨੇ ਮਾਰਕੀਟਿੰਗ ਮੁਹਿੰਮਾਂ ਰਾਹੀਂ ਗਾਹਕਾਂ ਨਾਲ ਆਪਣਾ ਰਾਬਤਾ ਵੀ ਵਧਾਇਆ ਹੈ, ਜਿਸ ਵਿੱਚ AI-ਇਨੇਬਲਡ ਏਅਰ ਕੰਡੀਸ਼ਨਰਾਂ ਦਾ ਪ੍ਰਮੋਸ਼ਨ ਅਤੇ ਸੈਲੀਬ੍ਰਿਟੀ ਐਂਡੋਰਸਮੈਂਟ ਸ਼ਾਮਲ ਹਨ। ਆਪਣੇ ਵੱਡੇ ਡਿਸਟ੍ਰੀਬਿਊਸ਼ਨ ਅਤੇ ਸਰਵਿਸ ਨੈੱਟਵਰਕ ਦੇ ਨਾਲ ਮਿਲ ਕੇ, ਇਹਨਾਂ ਕੋਸ਼ਿਸ਼ਾਂ ਨੇ ਬ੍ਰਾਂਡ ਪ੍ਰਤੀ ਲੋਕਾਂ ਦੀ ਪਸੰਦ ਨੂੰ ਮਜ਼ਬੂਤ ਕਰਨ ਅਤੇ ਸਾਰੇ ਬਾਜ਼ਾਰਾਂ ਵਿੱਚ ਵਿਕਾਸ ਨੂੰ ਵਧਾਉਣ ਵਿੱਚ ਮਦਦ ਕੀਤੀ ਹੈ।
ਭਾਰਤ ਦਾ ਪਹਿਲਾ AC ਬਣਾਇਆ
ਦੱਸ ਦੇਈਏ ਕਿ ਵੋਲਟਾਸ ਨੇ 1954 ਵਿੱਚ ਭਾਰਤ ਦਾ ਪਹਿਲਾ ਏਅਰ ਕੰਡੀਸ਼ਨਰ ਲਾਂਚ ਕੀਤਾ ਸੀ। ਇਸ ਤੋਂ ਬਾਅਦ 1984 ਵਿੱਚ ਪਹਿਲਾ ਸਪਲਿਟ AC, 1993 ਵਿੱਚ ਪਹਿਲਾ ਫਲੋਰ-ਸਟੈਂਡਿੰਗ AC ਅਤੇ ਸਾਲ 2000 ਵਿੱਚ ਪਹਿਲਾ ਸਬ-ਵਨ ਟਨ AC ਵੀ ਇਸੇ ਕੰਪਨੀ ਨੇ ਲਾਂਚ ਕੀਤਾ ਸੀ।