- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਬੱਚਿਆਂ ਦੀਆਂ ਗੱਲਾਂ ਸੁਣ ਭਾਵੁਕ ਹੋਏ ਮੁਕੇਸ਼ ਅੰਬਾਨੀ! ਈਸ਼ਾ ਨੇ ਸੁਣਾਇਆ 45 ਸਾਲ ਪੁਰਾਣਾ ਕਿੱਸਾ, ਅਨੰਤ ਦੇ ਭਾਸ਼ਣ ਨੇ ਜਿੱਤਿਆ ਦਿਲ
ਰਿਲਾਇੰਸ ਰਿਟੇਲ ਦੀ ਕਾਰਜਕਾਰੀ ਨਿਰਦੇਸ਼ਕ ਈਸ਼ਾ ਅੰਬਾਨੀ ਨੇ ਮੰਚ 'ਤੇ ਇਕ ਬੇਹੱਦ ਪਿਆਰਾ ਕਿੱਸਾ ਸੁਣਾਇਆ। ਉਨ੍ਹਾਂ ਦੱਸਿਆ ਕਿ ਹਾਲ ਹੀ 'ਚ ਰਾਤ ਦੇ ਖਾਣੇ ਦੌਰਾਨ ਮੁਕੇਸ਼ ਅੰਬਾਨੀ ਨੇ ਸਾਲ 1977 ਦੀਆਂ ਯਾਦਾਂ ਤਾਜ਼ਾ ਕੀਤੀਆਂ ਸਨ। ਉਸ ਸਮੇਂ ਉਹ ਸਿਰਫ਼ 20 ਸਾਲ ਦੇ ਸਨ ਅਤੇ ਆਪਣੇ ਪਿਤਾ ਧੀਰੂਭਾਈ ਅੰਬਾਨੀ ਨਾਲ ਰਿਲਾਇੰਸ ਦੀ ਪਹਿਲੀ ਪਬਲਿਕ ਆਫਰਿੰਗ (IPO) ਦੇ ਕੰਮ 'ਚ ਜੁਟੇ ਹੋਏ ਸਨ।
Posted By Seema Anand
Publish Date: Wed, 28 Oct 2026 03:10 PM (IST)
Updated Date: Wed, 28 Oct 2026 03:15 PM (IST)
ਬਿਜ਼ਨੈੱਸ ਡੈਸਕ, ਨਵੀਂ ਦਿੱਲੀ : Jio Platforms Listing: ਇਕ ਪਿਤਾ ਲਈ ਇਸ ਤੋਂ ਵੱਡੇ ਮਾਣ ਦੀ ਗੱਲ ਕੀ ਹੋ ਸਕਦੀ ਹੈ ਕਿ ਉਹ ਆਪਣੀਆਂ ਅੱਖਾਂ ਸਾਹਮਣੇ ਆਪਣੇ ਬੱਚਿਆਂ ਨੂੰ ਆਪਣੀ ਵਿਰਾਸਤ ਨੂੰ ਨਵੀਆਂ ਬੁਲੰਦੀਆਂ 'ਤੇ ਲਿਜਾਂਦੇ ਦੇਖੇ। ਅਜਿਹਾ ਹੀ ਇਕ ਭਾਵੁਕ ਨਜ਼ਾਰਾ ਜੀਓ ਪਲੇਟਫਾਰਮ ਦੀ ਲਿਸਟਿੰਗ ਦੇ ਮੌਕੇ 'ਤੇ ਦੇਖਣ ਨੂੰ ਮਿਲਿਆ। ਮੰਚ 'ਤੇ ਆਕਾਸ਼ ਅੰਬਾਨੀ, ਅਨੰਤ ਅੰਬਾਨੀ ਅਤੇ ਈਸ਼ਾ ਅੰਬਾਨੀ ਆਪਣੀਆਂ ਗੱਲਾਂ ਰੱਖ ਰਹੇ ਸਨ, ਜਦਕਿ ਸਾਹਮਣੇ ਬੈਠੇ ਮੁਕੇਸ਼ ਅੰਬਾਨੀ ਉਨ੍ਹਾਂ ਨੂੰ ਸੁਣਦੇ-ਸੁਣਦੇ ਭਾਵੁਕ ਹੋ ਗਏ। ਉਨ੍ਹਾਂ ਦੀਆਂ ਅੱਖਾਂ 'ਚੋਂ ਨਿਕਲੇ ਹੰਝੂ ਸਿਰਫ਼ ਭਾਵਨਾਵਾਂ ਦੀ ਕਹਾਣੀ ਨਹੀਂ ਸਨ, ਸਗੋਂ ਇਕ ਪਿਤਾ ਦੇ ਮਾਣ, ਸਾਲਾਂ ਦੀ ਮਿਹਨਤ ਅਤੇ ਪਰਿਵਾਰ ਦੇ ਭਵਿੱਖ ਲਈ ਉਮੀਦਾਂ ਦੀ ਝਲਕ ਵੀ ਸਨ। ਹੁਣ ਸਵਾਲ ਇਹ ਹੈ ਕਿ ਆਖ਼ਰ ਅਨੰਤ ਅਤੇ ਈਸ਼ਾ ਨੇ ਅਜਿਹਾ ਕੀ ਕਿਹਾ ਕਿ ਦੇਸ਼ ਦੇ ਦਿੱਗਜ ਉਦਯੋਗਪਤੀ ਮੁਕੇਸ਼ ਅੰਬਾਨੀ ਆਪਣੇ ਹੰਝੂ ਨਹੀਂ ਰੋਕ ਸਕੇ?
ਜਦੋਂ ਬੱਚਿਆਂ ਨੇ ਯਾਦ ਕੀਤਾ ਪਿਤਾ ਦਾ ਉਹ ਸਫ਼ਰ
ਰਿਲਾਇੰਸ ਇੰਡਸਟਰੀਜ਼ ਲਈ ਇਹ ਸਿਰਫ਼ ਇਕ ਕਾਰੋਬਾਰੀ ਮੀਲ ਪੱਥਰ ਨਹੀਂ ਸੀ, ਸਗੋਂ ਭਾਵਨਾਵਾਂ ਦਾ ਹੜ੍ਹ ਵੀ ਸੀ। ਜਦੋਂ ਜੀਓ ਨੇ ਸਟਾਕ ਮਾਰਕੀਟ 'ਚ ਸ਼ਾਨਦਾਰ ਐਂਟਰੀ ਕੀਤੀ, ਤਾਂ ਮੁਕੇਸ਼ ਅੰਬਾਨੀ ਦੇ ਤਿੰਨਾਂ ਬੱਚਿਆਂ ਈਸ਼ਾ, ਆਕਾਸ਼ ਅਤੇ ਅਨੰਤ ਅੰਬਾਨੀ ਨੇ ਆਪਣੇ ਪਿਤਾ ਦੇ ਉਸ ਸਫ਼ਰ ਨੂੰ ਯਾਦ ਕੀਤਾ, ਜਿਸ ਦੀ ਸ਼ੁਰੂਆਤ ਉਨ੍ਹਾਂ ਨੇ ਕਈ ਦਹਾਕੇ ਪਹਿਲਾਂ ਕੀਤੀ ਸੀ।
ਬੱਚਿਆਂ ਨੂੰ ਆਪਣੇ ਸਾਹਮਣੇ ਬੋਲਦੇ ਦੇਖ ਮੁਕੇਸ਼ ਅੰਬਾਨੀ ਦਾ ਚਿਹਰਾ ਮਾਣ ਅਤੇ ਭਾਵਨਾਵਾਂ ਨਾਲ ਭਰ ਗਿਆ। ਇਹ ਨਜ਼ਾਰਾ ਇਸ ਗੱਲ ਦਾ ਗਵਾਹ ਸੀ ਕਿ ਸਫ਼ਲਤਾ ਦੀਆਂ ਬੁਲੰਦੀਆਂ 'ਤੇ ਪਹੁੰਚਣ ਤੋਂ ਬਾਅਦ ਵੀ ਇਕ ਪਿਤਾ ਲਈ ਬੱਚਿਆਂ ਦਾ ਸਮਰਪਣ ਹੀ ਉਸ ਦੀ ਸਭ ਤੋਂ ਵੱਡੀ ਪੂੰਜੀ ਹੁੰਦਾ ਹੈ।
Speech by Shri Anant Ambani, Director, Jio Platforms, at the listing ceremony of JPL IPO https://t.co/KiShhOhJnV
— Reliance Industries Limited (@RIL_Updates) October 28, 2026
ਜਦੋਂ 20 ਸਾਲ ਦੇ ਮੁਕੇਸ਼ ਅੰਬਾਨੀ ਦੀਆਂ ਯਾਦਾਂ ਹੋਈਆਂ ਤਾਜ਼ਾ
ਰਿਲਾਇੰਸ ਰਿਟੇਲ ਦੀ ਕਾਰਜਕਾਰੀ ਨਿਰਦੇਸ਼ਕ ਈਸ਼ਾ ਅੰਬਾਨੀ ਨੇ ਮੰਚ 'ਤੇ ਇਕ ਬੇਹੱਦ ਪਿਆਰਾ ਕਿੱਸਾ ਸੁਣਾਇਆ। ਉਨ੍ਹਾਂ ਦੱਸਿਆ ਕਿ ਹਾਲ ਹੀ 'ਚ ਰਾਤ ਦੇ ਖਾਣੇ ਦੌਰਾਨ ਮੁਕੇਸ਼ ਅੰਬਾਨੀ ਨੇ ਸਾਲ 1977 ਦੀਆਂ ਯਾਦਾਂ ਤਾਜ਼ਾ ਕੀਤੀਆਂ ਸਨ। ਉਸ ਸਮੇਂ ਉਹ ਸਿਰਫ਼ 20 ਸਾਲ ਦੇ ਸਨ ਅਤੇ ਆਪਣੇ ਪਿਤਾ ਧੀਰੂਭਾਈ ਅੰਬਾਨੀ ਨਾਲ ਰਿਲਾਇੰਸ ਦੀ ਪਹਿਲੀ ਪਬਲਿਕ ਆਫਰਿੰਗ (IPO) ਦੇ ਕੰਮ 'ਚ ਜੁਟੇ ਹੋਏ ਸਨ।
ਦਾਦਾ ਧੀਰੂਭਾਈ ਅੰਬਾਨੀ ਦਾ ਸੁਪਨਾ ਸੀ ਕਿ ਰਿਲਾਇੰਸ ਹਰ ਆਮ ਆਦਮੀ ਦੀ ਕੰਪਨੀ ਬਣੇ। ਅੱਜ ਉਸੇ ਵਿਰਾਸਤ ਨੂੰ ਅੱਗੇ ਵਧਾਉਂਦੇ ਹੋਏ ਜੀਓ ਨੇ ਮਹਿਜ਼ 10 ਸਾਲਾਂ 'ਚ 15.5 ਅਰਬ ਡਾਲਰ ਦਾ ਮਾਲੀਆ ਅਤੇ ਲਗਭਗ 8 ਅਰਬ ਡਾਲਰ ਦੀ ਅਸਲ ਕਮਾਈ ਦਾ ਰਿਕਾਰਡ ਬਣਾਇਆ ਹੈ।
ਈਸ਼ਾ ਨੇ ਆਪਣੇ ਭਰਾ ਆਕਾਸ਼ ਅੰਬਾਨੀ ਦੀ ਸਖ਼ਤ ਮਿਹਨਤ ਦਾ ਜ਼ਿਕਰ ਕਰਦਿਆਂ ਕਿਹਾ ਕਿ ਜੀਓ ਦੇ ਪਿਛਲੇ 13 ਸਾਲਾਂ ਦੌਰਾਨ ਆਕਾਸ਼ ਸ਼ਾਇਦ ਹੀ ਕਦੇ ਅੱਧੀ ਰਾਤ ਤੋਂ ਪਹਿਲਾਂ ਘਰ ਵਾਪਸ ਆਏ ਹੋਣ।
'ਕਾਰੋਬਾਰ ਮੇਰੇ ਲਈ ਪੂਜਾ ਹੈ', ਅਨੰਤ ਅੰਬਾਨੀ ਦੇ ਭਾਸ਼ਣ ਨੇ ਜਿੱਤਿਆ ਦਿਲ
ਰਿਲਾਇੰਸ ਦੇ ਕਾਰਜਕਾਰੀ ਨਿਰਦੇਸ਼ਕ ਅਨੰਤ ਅੰਬਾਨੀ ਨੇ ਆਪਣੇ ਭਾਸ਼ਣ ਨਾਲ ਪ੍ਰੋਗਰਾਮ 'ਚ ਨਵੀਂ ਰੂਹ ਭਰ ਦਿੱਤੀ। ਉਨ੍ਹਾਂ ਕਿਹਾ, 'ਐਕਸਚੇਂਜ 'ਚ ਵੱਜਣ ਵਾਲੀ ਘੰਟੀ ਮੇਰੇ ਲਈ ਮੰਦਰ ਦੀ ਘੰਟੀ ਵਰਗੀ ਹੈ, ਕਿਉਂਕਿ ਕਾਰੋਬਾਰ ਮੇਰੇ ਲਈ ਪੂਜਾ ਹੈ।'
ਅਨੰਤ ਨੇ ਈਸ਼ਾ, ਆਕਾਸ਼ ਅਤੇ ਖ਼ੁਦ ਨੂੰ "ਤਿੰਨ ਸਰੀਰ, ਇਕ ਆਤਮਾ" ਦੱਸਦਿਆਂ ਕਿਹਾ ਕਿ ਉਨ੍ਹਾਂ ਦਾ ਇਕੋ-ਇਕ ਸੰਕਲਪ ਪਰਿਵਾਰ ਦੇ ਸੁਪਨਿਆਂ ਨੂੰ ਪੂਰਾ ਕਰਨਾ ਹੈ। ਉਨ੍ਹਾਂ ਆਪਣੇ ਦਾਦਾ ਦੇ ਸੁਪਨਿਆਂ, ਦਾਦੀ ਦੇ ਆਸ਼ੀਰਵਾਦ, ਪਿਤਾ ਦੇ ਮਾਰਗਦਰਸ਼ਨ ਅਤੇ ਮਾਂ ਵੱਲੋਂ ਦਿੱਤੇ ਸੰਸਕਾਰਾਂ ਨੂੰ ਆਪਣੀ ਸਫ਼ਲਤਾ ਦੀ ਨੀਂਹ ਦੱਸਿਆ। ਅਨੰਤ ਨੇ ਉਨ੍ਹਾਂ ਅਣਗਿਣਤ ਪਲਾਂ ਨੂੰ ਵੀ ਯਾਦ ਕੀਤਾ, ਜਦੋਂ ਜੀਓ ਨੇ ਆਮ ਭਾਰਤੀਆਂ ਦੀ ਜ਼ਿੰਦਗੀ ਬਦਲੀ। ਭਾਵੇਂ ਵੀਡੀਓ ਕਾਲ ਰਾਹੀਂ ਇਕ ਮਾਂ ਦਾ ਆਪਣੀ ਧੀ ਨੂੰ ਖਾਣਾ ਬਣਾਉਣਾ ਸਿਖਾਉਣਾ ਹੋਵੇ ਜਾਂ ਸਰਹੱਦ 'ਤੇ ਤਾਇਨਾਤ ਜਵਾਨ ਦਾ ਆਪਣੇ ਪਰਿਵਾਰ ਨਾਲ ਜੁੜਨਾ। ਅਖ਼ੀਰ 'ਚ ਉਨ੍ਹਾਂ ਨੇ ਦੇਸ਼ ਦੇ 53 ਕਰੋੜ ਜੀਓ ਗਾਹਕਾਂ ਅਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਡਿਜੀਟਲ ਇੰਡੀਆ ਦੇ ਵਿਜ਼ਨ ਲਈ ਧੰਨਵਾਦ ਕੀਤਾ।
ਇਹ ਇਤਿਹਾਸਕ ਪਲ ਇਸ ਗੱਲ ਦਾ ਸਬੂਤ ਬਣ ਗਿਆ ਕਿ ਅਰਬਾਂ ਦੀ ਜਾਇਦਾਦ ਅਤੇ ਦੁਨੀਆ ਭਰ 'ਚ ਪ੍ਰਸਿੱਧੀ ਹਾਸਲ ਕਰਨ ਤੋਂ ਬਾਅਦ ਵੀ ਇਕ ਪਿਤਾ ਦੀ ਅਸਲ ਦੌਲਤ ਉਸ ਦੇ ਪਰਿਵਾਰ ਦੇ ਸੰਸਕਾਰ ਅਤੇ ਬੱਚਿਆਂ ਦੀ ਮਿਹਨਤ ਹੀ ਹੁੰਦੀ ਹੈ।