- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਖਾਣੇ ਦੀ ਥਾਲੀ ਤੱਕ ਪਹੁੰਚੀ ਮਹਿੰਗਾਈ ਦੀ ਮਾਰ! ਟਮਾਟਰ, ਤੇਲ ਤੇ ਚਿਕਨ ਦੀਆਂ ਕੀਮਤਾਂ 'ਚ ਉਛਾਲ ਨਾਲ ਵੈੱਜ-ਨੌਨਵੈੱਜ ਖਾਣੇ ਦੀ ਕੀਮਤ ਵੀ ਵਧੀ
ਅੱਜ-ਕੱਲ੍ਹ ਦੇਸ਼ ਵਿੱਚ ਮਹਿੰਗਾਈ ਲਗਾਤਾਰ ਵਧਦੀ ਜਾ ਰਹੀ ਹੈ। ਫਿਊਲ ਤੋਂ ਲੈ ਕੇ ਰਸੋਈ ਘਰ ਦਾ ਖਰਚਾ ਤੇਜ਼ੀ ਨਾਲ ਵਧਿਆ ਹੈ। ਜੂਨ ਮਹੀਨੇ ਵਿੱਚ ਖੰਡ ਦੀਆਂ ਕੀਮਤਾਂ ਵਿੱਚ ਉਛਾਲ ਦੇ ਨਾਲ-ਨਾਲ ਬਨਸਪਤੀ ਤੇਲ ਅਤੇ ਸਬਜ਼ੀਆਂ ਦੀ ਕੀਮਤ ਵਿੱਚ ਵੀ ਵਾਧਾ ਦੇਖਿਆ ਗਿਆ ਹੈ। ਹੁਣ ਇਸ ਮਹਿੰਗਾਈ ਦਾ ਅਸਰ ਸਿੱਧੇ ਤੌਰ 'ਤੇ ਤੁਹਾਡੇ ਖਾਣੇ ਦੀ ਥਾਲੀ 'ਤੇ ਵੀ ਦੇਖਿਆ ਜਾ ਰਿਹਾ ਹੈ।
Posted By Anuradha Bains
Publish Date: Thu, 09 Jul 2026 02:00 PM (IST)
Updated Date: Thu, 09 Jul 2026 02:37 PM (IST)
ਨਵੀਂ ਦਿੱਲੀ। ਅੱਜ-ਕੱਲ੍ਹ ਦੇਸ਼ ਵਿੱਚ ਮਹਿੰਗਾਈ ਲਗਾਤਾਰ ਵਧਦੀ ਜਾ ਰਹੀ ਹੈ। ਫਿਊਲ ਤੋਂ ਲੈ ਕੇ ਰਸੋਈ ਘਰ ਦਾ ਖਰਚਾ ਤੇਜ਼ੀ ਨਾਲ ਵਧਿਆ ਹੈ। ਜੂਨ ਮਹੀਨੇ ਵਿੱਚ ਖੰਡ ਦੀਆਂ ਕੀਮਤਾਂ ਵਿੱਚ ਉਛਾਲ ਦੇ ਨਾਲ-ਨਾਲ ਬਨਸਪਤੀ ਤੇਲ ਅਤੇ ਸਬਜ਼ੀਆਂ ਦੀ ਕੀਮਤ ਵਿੱਚ ਵੀ ਵਾਧਾ ਦੇਖਿਆ ਗਿਆ ਹੈ। ਹੁਣ ਇਸ ਮਹਿੰਗਾਈ ਦਾ ਅਸਰ ਸਿੱਧੇ ਤੌਰ 'ਤੇ ਤੁਹਾਡੇ ਖਾਣੇ ਦੀ ਥਾਲੀ 'ਤੇ ਵੀ ਦੇਖਿਆ ਜਾ ਰਿਹਾ ਹੈ। CRISIL Intelligence ਦੀ ਰਿਪੋਰਟ ਮੁਤਾਬਕ ਟਮਾਟਰ ਅਤੇ ਬ੍ਰਾਇਲਰ ਚਿਕਨ ਦੀ ਕੀਮਤ ਵਧਣ ਕਾਰਨ ਵੈੱਜ (ਸ਼ਾਕਾਹਾਰੀ) ਅਤੇ ਨੌਨ-ਵੈੱਜ (ਮਾਸਾਹਾਰੀ) ਦੋਵਾਂ ਥਾਲੀਆਂ ਦੀ ਕੀਮਤ ਵੀ ਵਧ ਗਈ ਹੈ।
ਟਮਾਟਰ ਦੇ ਭਾਅ ਕਿੰਨੇ ਵਧੇ?
ਕ੍ਰਿਸਿਲ ਇੰਟੈਲੀਜੈਂਸ ਦੀ ਮਹੀਨਾਵਾਰ 'ਰੋਟੀ-ਰਾਈਸ ਰੇਟ' ਦੀ ਰਿਪੋਰਟ ਮੁਤਾਬਕ ਜੂਨ 2025 ਦੇ ਮੁਕਾਬਲੇ ਜੂਨ 2026 ਵਿੱਚ ਟਮਾਟਰ ਦੀਆਂ ਕੀਮਤਾਂ ਵਿੱਚ 31 ਫੀਸਦੀ ਦਾ ਵਾਧਾ ਦੇਖਿਆ ਗਿਆ। ਜੂਨ 2025 ਵਿੱਚ ₹32 ਪ੍ਰਤੀ ਕਿਲੋ ਵਿਕਣ ਵਾਲਾ ਟਮਾਟਰ ਵਧ ਕੇ ਜੂਨ 2026 ਵਿੱਚ ₹42 ਪ੍ਰਤੀ ਕਿਲੋ ਹੋ ਗਿਆ, ਜਿਸਦਾ ਅਸਰ ਖਾਣੇ ਦੀ ਥਾਲੀ ਵਿੱਚ ਦੇਖਣ ਨੂੰ ਮਿਲਿਆ ਹੈ।
ਥਾਲੀ ਦੇ ਦਾਮ ਕਿੰਨੇ ਵਧੇ?
ਟਮਾਟਰ ਦੀਆਂ ਕੀਮਤਾਂ ਵਿੱਚ ਮਹੀਨੇ-ਦਰ-ਮਹੀਨੇ ਕਰੀਬ 17% ਦਾ ਵਾਧਾ ਦੇਖਿਆ ਗਿਆ ਹੈ, ਇਸ ਦੇ ਨਾਲ ਹੀ ਆਲੂ ਦੀ ਕੀਮਤ ਵਿੱਚ 5 ਫੀਸਦੀ ਅਤੇ ਪਿਆਜ਼ ਦੀਆਂ ਕੀਮਤਾਂ ਵਿੱਚ 8 ਫੀਸਦੀ ਦਾ ਵਾਧਾ ਹੋਇਆ ਹੈ, ਜਿਸ ਨਾਲ ਥਾਲੀ ਦੀ ਲਾਗਤ ਵਧ ਗਈ। ਜੂਨ ਵਿੱਚ ਘਰ ਵਿੱਚ ਬਣੀ ਸ਼ਾਕਾਹਾਰੀ ਥਾਲੀ ਦੀ ਕੀਮਤ ਸਾਲਾਨਾ ਆਧਾਰ 'ਤੇ 5% ਅਤੇ ਮਾਸਾਹਾਰੀ ਥਾਲੀ ਦੀ ਲਾਗਤ ਸਾਲਾਨਾ ਆਧਾਰ 'ਤੇ 6% ਵਧ ਗਈ ਹੈ। ਉੱਥੇ ਹੀ ਮਹੀਨਾਵਾਰ ਆਧਾਰ 'ਤੇ ਜੂਨ ਵਿੱਚ ਸ਼ਾਕਾਹਾਰੀ ਥਾਲੀ ਦੀ ਲਾਗਤ 4% ਅਤੇ ਮਾਸਾਹਾਰੀ ਥਾਲੀ ਦੀ ਲਾਗਤ ਵਿੱਚ 3% ਦਾ ਵਾਧਾ ਹੋਇਆ ਹੈ।
ਨੌਨ-ਵੈੱਜ ਥਾਲੀ ਦੀ ਕੀਮਤ ਵਧਣ ਦਾ ਕਾਰਨ
ਸਬਜ਼ੀਆਂ ਅਤੇ ਤੇਲ ਦੀ ਮਹਿੰਗਾਈ ਦੇ ਨਾਲ-ਨਾਲ ਬ੍ਰਾਇਲਰ ਚਿਕਨ ਦੀ ਕੀਮਤ ਵੀ ਵਧੀ ਹੈ। ਨੌਨ-ਵੈੱਜ ਥਾਲੀ ਦੀ ਕੁੱਲ ਲਾਗਤ ਵਿੱਚ ਲਗਪਗ 50% ਹਿੱਸਾ ਚਿਕਨ ਦਾ ਹੁੰਦਾ ਹੈ। ਰਿਪੋਰਟ ਮੁਤਾਬਕ ਬ੍ਰਾਇਲਰ ਚਿਕਨ ਦੀਆਂ ਕੀਮਤਾਂ ਵਿੱਚ ਵੀ ਕਰੀਬ 7% ਦਾ ਵਾਧਾ ਹੋਇਆ ਹੈ, ਜਿਸ ਨਾਲ ਨੌਨ-ਵੈੱਜ ਥਾਲੀ ਦੀ ਲਾਗਤ ਵਧੀ ਅਤੇ ਕੀਮਤ ਵਿੱਚ ਤੇਜ਼ੀ ਦੇਖੀ ਗਈ ਹੈ।
ਕਿਉਂ ਵਧੇ ਟਮਾਟਰ ਅਤੇ ਚਿਕਨ ਦੇ ਭਾਅ?
ਗਰਮੀ ਵਧਣ ਕਾਰਨ ਮੁਰਗੀਆਂ ਦੀ ਮੌਤ ਦਰ ਵਧੀ, ਨਾਲ ਹੀ ਉਨ੍ਹਾਂ ਦਾ ਵਜ਼ਨ ਵੀ ਤੇਜ਼ੀ ਨਾਲ ਨਹੀਂ ਵਧਿਆ ਅਤੇ ਨਵੇਂ ਚੂਚਿਆਂ ਦੀ ਗਿਣਤੀ ਘੱਟ ਹੋਈ। ਇਸ ਕਾਰਨ ਸਪਲਾਈ ਪ੍ਰਭਾਵਿਤ ਹੋਈ ਅਤੇ ਕੀਮਤਾਂ ਵਿੱਚ ਤੇਜ਼ੀ ਦੇਖੀ ਗਈ। ਟਮਾਟਰ ਦਾ ਵੀ ਇਹੀ ਹਾਲ ਹੈ। ਵੱਧ ਤਾਪਮਾਨ ਅਤੇ ਪ੍ਰੀ-ਮਾਨਸੂਨ ਦੀ ਬਾਰਸ਼ ਵਿੱਚ ਕਮੀ ਦੇ ਕਾਰਨ ਵੀ ਪੈਦਾਵਾਰ ਵਿੱਚ ਗਿਰਾਵਾਰ ਆਈ ਹੈ। ਇਸ ਸਭ ਦੇ ਨਾਲ ਹੀ ਪੈਟਰੋਲ-ਡੀਜ਼ਲ ਦੀ ਕੀਮਤ ਵਧਣ ਨਾਲ ਟ੍ਰਾਂਸਪੋਰਟੇਸ਼ਨ ਲਾਗਤ ਵੀ ਵਧੀ ਹੈ, ਜੋ ਮਹਿੰਗਾਈ ਦਾ ਇੱਕ ਮੁੱਖ ਕਾਰਨ ਹੈ।