ਜੁਲਾਈ 'ਚ ਇਨਫਰਾ ਖੇਤਰ ਦੀ ਮਜ਼ਬੂਤ ਰਫ਼ਤਾਰ: ਉਤਪਾਦਨ 'ਚ 5.4 ਫ਼ੀਸਦੀ ਦਾ ਵਾਧਾ ਦਰਜ

ਨਵੀਂ ਦਿੱਲੀ (ਏਜੰਸੀ) : ਜੁਲਾਈ 2026 ’ਚ ਨੌਂ ਪ੍ਰਮੁੱਖ ਇਨਫਰਾ ਖੇਤਰਾਂ ਦੇ ਉਤਪਾਦਨ ’ਚ 5.4 ਫ਼ੀਸਦੀ ਵਾਧਾ ਹੋਇਆ। ਇਸ ’ਚ ਕੋਲਾ, ਰਿਫਾਈਨਰੀ ਉਤਪਾਦ, ਸੀਮੈਂਟ, ਬਿਜਲੀ ਤੇ ਲੋਹੇ ਦੀ ਧਾਤ ਦੇ ਖੇਤਰਾਂ ਦਾ ਪ੍ਰਮੁੱਖ ਯੋਗਦਾਨ ਰਿਹਾ। ਜੁਲਾਈ 2025 ’ਚ ਪ੍ਰਮੁੱਖ ਇਨਫਰਾ ਖੇਤਰਾਂ ਦੇ ਉਤਪਾਦਨ ’ਚ 3.2 ਫ਼ੀਸਦੀ ਤੇ ਜੂਨ 2026 ’ਚ ਛੇ ਫ਼ੀਸਦੀ ਦਾ ਵਾਧਾ ਹੋਇਆ ਸੀ।

ਜੂਨ 2026 ਤੋਂ ਨਵੇਂ ਆਧਾਰ ਸਾਲ 2022-23 ਦੇ ਨਾਲ ਅੰਕੜੇ ਜਾਰੀ ਕੀਤੇ ਜਾ ਰਹੇ ਹਨ। ਇਸ ’ਚ ਲੋਹੇ ਦੀ ਧਾਤ ਨੂੰ ਸ਼ਾਮਲ ਕੀਤਾ ਗਿਆ ਹੈ, ਜਿਸ ਨਾਲ ਪ੍ਰਮੁੱਖ ਇਨਫਰਾ ਖੇਤਰਾਂ ਦੀ ਗਿਣਤੀ ਨੌਂ ਹੋ ਗਈ ਹੈ। ਪਿਛਲੇ ਮਹੀਨੇ ਕੱਚੇ ਤੇਲ, ਕੁਦਰਤੀ ਗੈਸ ਤੇ ਖਾਦ ਦਾ ਉਤਪਾਦਨ ਘਟਿਆ ਹੈ।