ਰੇਲਵੇ ਨੇ ਇਨ੍ਹਾਂ ਯਾਤਰੀਆਂ ਨੂੰ ਦਿੱਤੀ ਵੱਡੀ ਰਾਹਤ, ਹੁਣ UDID Card ਰਾਹੀਂ ਪੈਸੇਂਜਰ ਟ੍ਰੇਨਾਂ 'ਚ ਕਰ ਸਕਣਗੇ ਸਫ਼ਰ

ਜਾਗਰਣ ਸੰਵਾਦਦਾਤਾ, ਧਨਬਾਦ : ਟ੍ਰੇਨਾਂ 'ਚ ਸਫ਼ਰ ਕਰਨ ਵਾਲੇ ਦਿਵਿਆਂਗ ਯਾਤਰੀਆਂ ਲਈ ਰੇਲਵੇ ਨੇ ਨਵੀਂ ਸੁਵਿਧਾ ਬਹਾਲ ਕੀਤੀ ਹੈ। ਹੁਣ ਯੂਡੀਆਈਡੀ ( Unique Disability ID Card ) ਕਾਰਡ ਧਾਰਕ ਦਿਵਿਆਂਗ ਉਪ-ਨਗਰੀ (ਸਬਰਬਨ) ਤੇ ਪੈਸੇਂਜਰ ਟ੍ਰੇਨਾਂ ਦੇ ਦਿਵਿਆਂਗ ਕੋਚ ਵਿੱਚ ਵੀ ਯਾਤਰਾ ਕਰ ਸਕਦੇ ਹਨ।

ਅਪ੍ਰੈਲ ਤੋਂ ਮੇਲ-ਐਕਸਪ੍ਰੈਸ ਟ੍ਰੇਨਾਂ ਦੇ ਐੱਸਐੱਲਆਰਡੀ (SLRD) ਅਤੇ ਐੱਲਐੱਸਐੱਲਆਰਡੀ (LSLRD) ਕੋਚਾਂ ਵਿੱਚ ਯੂਡੀਆਈਡੀ ਨਾਲ ਯਾਤਰਾ ਦੀ ਇਜਾਜ਼ਤ ਦਿੱਤੀ ਗਈ ਸੀ। ਹੁਣ ਇਸ ਦਾ ਵਿਸਤਾਰ ਪੈਸੇਂਜਰ ਟ੍ਰੇਨਾਂ ਲਈ ਵੀ ਕਰ ਦਿੱਤਾ ਗਿਆ ਹੈ। ਇਹ ਸੁਵਿਧਾ ਉਪ-ਨਗਰੀ ਤੇ ਸਾਧਾਰਨ ਪੈਸੇਂਜਰ ਟ੍ਰੇਨਾਂ 'ਚ ਲਾਗੂ ਹੋਵੇਗੀ।

ਰੇਲਵੇ ਨੇ ਇਹ ਵੀ ਸਪੱਸ਼ਟ ਕਰ ਦਿੱਤਾ ਹੈ ਕਿ ਦਿਵਿਆਂਗਾਂ ਨੂੰ ਕੇਵਲ ਯਾਤਰਾ ਦੀ ਇਜਾਜ਼ਤ ਮਿਲੇਗੀ, ਯੂਡੀਆਈਡੀ ਧਾਰਕਾਂ ਨੂੰ ਕਿਰਾਏ 'ਚ ਕਿਸੇ ਤਰ੍ਹਾਂ ਦੀ ਛੋਟ ਨਹੀਂ ਮਿਲੇਗੀ। ਇਸ ਨੂੰ ਲੈ ਕੇ ਰੇਲਵੇ ਬੋਰਡ ਦੇ ਨਿਰਦੇਸ਼ਕ ਯਾਤਰੀ ਵਿਪਣਨ-ਦੂਜਾ ਸੰਜੇ ਮਨੋਚਾ ਨੇ ਆਦੇਸ਼ ਜਾਰੀ ਕਰ ਦਿੱਤਾ ਹੈ।

ਇਸ ਤੋਂ ਪਹਿਲਾਂ ਇਸੇ ਸਾਲ 31 ਜਨਵਰੀ ਤੋਂ ਦਿਵਿਆਂਗ ਦੇ ਨਾਲ ਸਫ਼ਰ ਕਰਨ ਵਾਲੇ ਸਹਾਇਕ ਦਾ ਨਾਮ ਬਦਲਣ ਦੀ ਸੁਵਿਧਾ ਵੀ ਬਹਾਲ ਕੀਤੀ ਜਾ ਚੁੱਕੀ ਹੈ।

ਜ਼ਰੂਰੀ ਸ਼ਰਤਾਂ:

• ਯਾਤਰਾ ਦੌਰਾਨ ਯੂਡੀਆਈਡੀ ਕਾਰਡ ਜਾਂ ਰੇਲਵੇ ਤੋਂ ਜਾਰੀ ਦਿਵਿਆਂਗ ਕਾਰਡ ਜਾਂ ਰਿਆਇਤੀ ਸਰਟੀਫਿਕੇਟ ਨਾਲ ਰੱਖਣਾ ਹੋਵੇਗਾ।
• ਰਿਆਇਤੀ ਸਰਟੀਫਿਕੇਟ ਨਾ ਹੋਣ 'ਤੇ ਯੂਡੀਆਈਡੀ ਕਾਰਡ ਧਾਰਕ ਨੂੰ ਪੂਰੀ ਟਿਕਟ ਜਾਂ ਰੋਜ਼ਾਨਾ ਯਾਤਰਾ ਕਰਨ 'ਤੇ ਸੀਜ਼ਨ ਟਿਕਟ ਲੈਣੀ ਪਵੇਗੀ।
• ਸਿਰਫ਼ ਯੂਡੀਆਈਡੀ ਕਾਰਡ ਲੈ ਕੇ ਯਾਤਰਾ ਕਰਨ 'ਤੇ ਬਿਨਾਂ ਟਿਕਟ ਮੰਨਿਆ ਜਾਵੇਗਾ, ਉਨ੍ਹਾਂ ਨੂੰ ਨਿਯਮਾਂ ਅਨੁਸਾਰ ਜੁਰਮਾਨਾ ਭਰਨਾ ਪਵੇਗਾ।

"ਦਿਵਿਆਂਗ ਯਾਤਰੀਆਂ ਲਈ ਰੇਲਵੇ ਦਾ ਫੈਸਲਾ ਸਵਾਗਤ ਯੋਗ ਹੈ। ਇਸ ਨਾਲ ਉਨ੍ਹਾਂ ਨੂੰ ਸਫ਼ਰ ਦੌਰਾਨ ਪਰੇਸ਼ਾਨੀਆਂ ਨਾਲ ਨਹੀਂ ਜੂਝਣਾ ਪਵੇਗਾ।"

- ਹਾਰੂਨ ਰਸ਼ੀਦ, ਮੈਂਬਰ, ਰਾਜ ਦਿਵਿਆਂਗਤਾ ਸਲਾਹਕਾਰ ਬੋਰਡ।