ਭਾਰਤ ਦੀ ਕ੍ਰੈਡਿਟ ਰੇਟਿੰਗ ਨੂੰ ਲੱਗੇ ਖੰਭ ! ਜਾਪਾਨ ਦੀ JCR ਨੇ ਪੋਜ਼ੀਸ਼ਨ ਕੀਤੀ ਅਪਗ੍ਰੇਡ, ਬੈਂਕਿੰਗ ਸਿਸਟਮ 'ਚ ਸੁਧਾਰ ਦਾ ਦਿਖਿਆ ਅਸਰ

ਬਿਜ਼ਨੈੱਸ ਡੈਸਕ, ਨਵੀਂ ਦਿੱਲੀ : ਭਾਰਤ ਦੀ GDP 'ਚ ਜ਼ਬਰਦਸਤ ਉਛਾਲ ਆਇਆ ਹੈ। ਵਿੱਤੀ ਸਾਲ 2026-27 ਦੀ ਪਹਿਲੀ ਤਿਮਾਹੀ 'ਚ ਗ੍ਰੋਥ ਰੇਟ 7.8% ਰਿਹਾ ਹੈ। ਹੁਣ ਅਰਥਵਿਵਸਥਾ ਨੂੰ ਲੈ ਕੇ ਇਕ ਹੋਰ ਚੰਗੀ ਖ਼ਬਰ ਸਾਹਮਣੇ ਆਈ ਹੈ। ਜਾਪਾਨ ਕ੍ਰੈਡਿਟ ਰੇਟਿੰਗ ਏਜੰਸੀ (JCR) ਨੇ ਭਾਰਤ ਦੀ ਵਿਦੇਸ਼ੀ ਮੁਦਰਾ ਅਤੇ ਸਥਾਨਕ ਮੁਦਰਾ ਲੌਂਗ-ਟਰਮ ਜਾਰੀਕਰਤਾ ਰੇਟਿੰਗ ਨੂੰ BBB+ ਤੋਂ ਵਧਾ ਕੇ A- ਕਰ ਦਿੱਤਾ ਹੈ। ਦੋਵੇਂ ਰੇਟਿੰਗਜ਼ ਲਈ ਆਉਟਲੁੱਕ ‘ਸਟੇਬਲ’ ਰੱਖਿਆ ਗਿਆ ਹੈ। ਏਜੰਸੀ ਨੇ ਕੰਟਰੀ ਸੀਲਿੰਗ ਨੂੰ ਵੀ ਇਕ ਪਾਇਦਾਨ ਵਧਾ ਕੇ A ਕਰ ਦਿੱਤਾ ਹੈ।

ਬੈਂਕਿੰਗ ਸੈਕਟਰ 'ਚ ਸੁਧਾਰ ਦਾ ਦਿਖਿਆ ਅਸਰ

JCR ਦੇ ਅਨੁਸਾਰ ਭਾਰਤੀ ਅਰਥਵਿਵਸਥਾ ਨੇ ਮਜ਼ਬੂਤ ਪ੍ਰਾਈਵੇਟ ਕੰਜਪਸ਼ਨ ਅਤੇ ਪਬਲਿਕ ਇਨਵੈਸਟਮੈਂਟ ਦੇ ਸਹਾਰੇ ਕਰੀਬ 7% ਦੀ ਉੱਚੀ ਗ੍ਰੋਥ ਰੇਟ ਨੂੰ ਬਰਕਰਾਰ ਰੱਖਿਆ ਹੈ। ਭਾਰਤ ਸਰਕਾਰ ਨੇ ਡਿਜੀਟਲ ਪਬਲਿਕ ਇਨਫ੍ਰਾਸਟ੍ਰਕਚਰ ਦੇ ਵਿਕਾਸ ਅਤੇ ਵਸਤੂ ਅਤੇ ਸੇਵਾ ਕਰ (GST) ਦੇ ਕੰਮ ਕਰਨ ਵਰਗੀਆਂ ਨੀਤੀਆਂ ਨੂੰ ਲਗਾਤਾਰ ਅੱਗੇ ਵਧਾਇਆ ਹੈ, ਜਿਸ ਨਾਲ ਦੇਸ਼ ਦੀ ਆਰਥਿਕ ਬੁਨਿਆਦ ਪਹਿਲਾਂ ਦੀ ਤੁਲਨਾ ਵਿਚ ਮਜ਼ਬੂਤ ਹੋਈ ਹੈ।

ਏਜੰਸੀ ਨੇ ਅੱਗੇ ਕਿਹਾ ਕਿ ਦਿਵਾਲੀਆ ਅਤੇ ਸ਼ੋਧਨ ਅਸਮਰੱਥਤਾ ਕੋਡ (IBC) ਅਤੇ ਭਾਰਤੀ ਰਿਜ਼ਰਵ ਬੈਂਕ (RBI) ਦੀ ਮਜ਼ਬੂਤ ਵਿੱਤੀ ਨਿਗਰਾਨੀ, ਨਾਲ ਹੀ ਮੈਕਰੋ-ਪ੍ਰੂਡੈਂਸ਼ੀਅਲ ਪਾਲਿਸੀ ਕਾਰਨ ਬੈਂਕਿੰਗ ਸੈਕਟਰ ਦੇ ਨਾਨ-ਪਰਫਾਰਮਿੰਗ ਲੋਨਜ਼ (NPL) ਦਾ ਅਨੁਪਾਤ ਘਟ ਕੇ 2% ਤੋਂ ਹੇਠਾਂ ਆ ਗਿਆ ਹੈ। ਗੈਰ-ਬੈਂਕਿੰਗ ਫਾਇਨੈਂਸ ਸੈਕਟਰ ਦੀ ਵਿੱਤੀ ਸਥਿਤੀ ਵੀ ਮਜ਼ਬੂਤ ਹੋਈ ਹੈ, ਜਿਸ ਨਾਲ ਹਾਲ ਦੇ ਸਾਲਾਂ ਵਿਚ ਫਾਇਨੈਂਸ਼ੀਅਲ ਸਿਸਟਮ ਦੀ ਮਜ਼ਬੂਤੀ ਵਿਚ ਜ਼ਬਰਦਸਤ ਸੁਧਾਰ ਹੋਇਆ ਹੈ। ਇਸ ਦੇ ਚਲਦਿਆਂ JCR ਨੇ ਭਾਰਤ ਦੀ ਰੇਟਿੰਗ ਨੂੰ ਇਕ ਪਾਇਦਾਨ ਵਧਾ ਕੇ A- ਕਰ ਦਿੱਤਾ ਹੈ।