- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਭਾਰਤੀ ਸ਼ੇਅਰ ਬਾਜ਼ਾਰ 'ਚ ਭਾਰੀ ਗਿਰਾਵਟ, ਸੈਂਸੇਕਸ 1124 ਅੰਕ ਟੁੱਟਿਆ ਤੇ ਨਿਫਟੀ 22,800 ਤੋਂ ਹੇਠਾਂ ਬੰਦ; ਜਾਣੋ ਹਾਹਾਕਾਰ ਦੇ 6 ਵੱਡੇ ਕਾਰਨ
Stock Market Update : ਨਿਫਟੀ 'ਚ ਸਭ ਤੋਂ ਜ਼ਿਆਦਾ ਗਿਰਾਵਟ ਵਾਲੇ ਸ਼ੇਅਰਾਂ 'ਚ ਜੀਓ ਫਾਈਨੈਂਸ਼ੀਅਲ, ਟਾਟਾ ਮੋਟਰਜ਼ ਪੈਸੇਂਜਰ ਵ੍ਹੀਕਲਜ਼, ਟਾਟਾ ਕੰਜ਼ਿਊਮਰ ਪ੍ਰੋਡਕਟਸ, ਅਡਾਨੀ ਐਂਟਰਪ੍ਰਾਈਜ਼ਿਜ਼ ਤੇ ਅਡਾਨੀ ਪੋਰਟਸ ਸ਼ਾਮਲ ਸਨ। ਉੱਥੇ ਹੀ ਤੇਜ਼ੀ ਵਾਲੇ ਸ਼ੇਅਰਾਂ 'ਚ ਡਾ. ਰੈੱਡੀਜ਼ ਲੈਬਜ਼ ਤੇ ਇੰਫੋਸਿਸ ਸ਼ਾਮਲ ਰਹੇ।
Posted By Seema Anand
Publish Date: Mon, 28 Sep 2026 04:44 PM (IST)
Updated Date: Mon, 28 Sep 2026 04:49 PM (IST)
ਬਿਜ਼ਨੈੱਸ ਡੈਸਕ, ਨਵੀਂ ਦਿੱਲੀ : 28 ਸਤੰਬਰ ਨੂੰ ਭਾਰਤੀ ਇਕਵਿਟੀ ਇੰਡੈਕਸ ਭਾਰੀ ਕਮਜ਼ੋਰੀ ਨਾਲ ਬੰਦ ਹੋਏ ਅਤੇ ਨਿਫਟੀ 22,800 ਤੋਂ ਹੇਠਾਂ ਰਿਹਾ। ਸੈਂਸੈਕਸ 1,124.02 ਅੰਕ ਜਾਂ 1.52 ਫੀਸਦੀ ਡਿੱਗ ਕੇ 72,771.72 'ਤੇ ਅਤੇ ਨਿਫਟੀ 360.25 ਅੰਕ ਜਾਂ 1.56 ਫੀਸਦੀ ਡਿੱਗ ਕੇ 22,780.25 'ਤੇ ਬੰਦ ਹੋਇਆ। ਬੀਐੱਸਈ 'ਤੇ 4717 ਸ਼ੇਅਰਾਂ 'ਚ ਕਾਰੋਬਾਰ ਹੋਇਆ, ਜਿਨ੍ਹਾਂ 'ਚ 1367 ਸ਼ੇਅਰਾਂ 'ਚ ਤੇਜ਼ੀ ਆਈ, 3100 ਸ਼ੇਅਰਾਂ 'ਚ ਗਿਰਾਵਟ ਦਰਜ ਕੀਤੀ ਗਈ ਅਤੇ 250 ਸ਼ੇਅਰਾਂ 'ਚ ਕੋਈ ਬਦਲਾਅ ਨਹੀਂ ਹੋਇਆ।
ਕਿਹੜੇ ਸ਼ੇਅਰਾਂ ਨੇ ਕੀਤਾ ਚੰਗਾ ਪ੍ਰਦਰਸ਼ਨ?
ਨਿਫਟੀ 'ਚ ਸਭ ਤੋਂ ਜ਼ਿਆਦਾ ਗਿਰਾਵਟ ਵਾਲੇ ਸ਼ੇਅਰਾਂ 'ਚ ਜੀਓ ਫਾਈਨੈਂਸ਼ੀਅਲ, ਟਾਟਾ ਮੋਟਰਜ਼ ਪੈਸੇਂਜਰ ਵ੍ਹੀਕਲਜ਼, ਟਾਟਾ ਕੰਜ਼ਿਊਮਰ ਪ੍ਰੋਡਕਟਸ, ਅਡਾਨੀ ਐਂਟਰਪ੍ਰਾਈਜ਼ਿਜ਼ ਤੇ ਅਡਾਨੀ ਪੋਰਟਸ ਸ਼ਾਮਲ ਸਨ। ਉੱਥੇ ਹੀ ਤੇਜ਼ੀ ਵਾਲੇ ਸ਼ੇਅਰਾਂ 'ਚ ਡਾ. ਰੈੱਡੀਜ਼ ਲੈਬਜ਼ ਤੇ ਇੰਫੋਸਿਸ ਸ਼ਾਮਲ ਰਹੇ।
ਸਾਰੇ ਸੈਕਟਰਾਂ 'ਚ ਆਈ ਗਿਰਾਵਟ
ਸਾਰੇ ਸੈਕਟਰ ਇੰਡੈਕਸ ਗਿਰਾਵਟ ਨਾਲ ਬੰਦ ਹੋਏ। ਪੀਐੱਸਯੂ ਬੈਂਕ ਇੰਡੈਕਸ 3 ਫੀਸਦੀ ਤੇ ਟੈਲੀਕਾਮ ਇੰਡੈਕਸ 2 ਫੀਸਦੀ ਹੇਠਾਂ ਰਿਹਾ, ਜਦਕਿ ਐਨਰਜੀ, ਇੰਫਰਾ, ਐੱਫਐੱਮਸੀਜੀ, ਰੀਅਲਟੀ, ਪ੍ਰਾਈਵੇਟ ਬੈਂਕ, ਮੈਟਲ ਅਤੇ ਆਇਲ ਐਂਡ ਗੈਸ ਇੰਡੈਕਸ 'ਚ 1 ਫੀਸਦੀ ਤੋਂ ਜ਼ਿਆਦਾ ਦੀ ਗਿਰਾਵਟ ਆਈ। ਨਿਫਟੀ ਮਿਡਕੈਪ ਇੰਡੈਕਸ 1.7 ਫੀਸਦੀ ਅਤੇ ਸਮਾਲਕੈਪ ਇੰਡੈਕਸ 1.8 ਫੀਸਦੀ ਡਿੱਗਿਆ।
ਇਹ ਰਹੇ ਗਿਰਾਵਟ ਦੇ ਵੱਡੇ ਕਾਰਨ
ਕੱਚੇ ਤੇਲ ਦੀਆਂ ਕੀਮਤਾਂ 'ਚ ਵਾਧਾ: ਗਲੋਬਲ ਆਇਲ ਬੈਂਚਮਾਰਕ, ਬ੍ਰੈਂਟ ਕਰੂਡ ਦੀ ਕੀਮਤ 2.27 ਫੀਸਦੀ ਵਧ ਕੇ 106.7 ਡਾਲਰ ਪ੍ਰਤੀ ਬੈਰਲ ਹੋ ਗਈ। ਇਹ ਵਾਧਾ ਉਸ ਸਮੇਂ ਹੋਇਆ ਜਦੋਂ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਸਟ੍ਰੇਟ ਆਫ ਹੋਰਮੁਜ਼ (Strait of Hormuz) ਨੂੰ ਮੁੜ ਖੋਲ੍ਹਣ ਅਤੇ ਲੜਾਈ ਖਤਮ ਕਰਨ ਦੇ ਈਰਾਨ ਦੇ ਪ੍ਰਸਤਾਵ ਨੂੰ ਠੁਕਰਾ ਦਿੱਤਾ।
ਕਮਜ਼ੋਰ ਗਲੋਬਲ ਸੰਕੇਤ: ਏਸ਼ਿਆਈ ਬਾਜ਼ਾਰਾਂ 'ਚ ਦੱਖਣੀ ਕੋਰੀਆ ਦਾ KOSPI, ਜਾਪਾਨ ਦਾ Nikkei 225 ਇੰਡੈਕਸ ਤੇ ਸ਼ੰਘਾਈ ਦਾ SSE ਕੰਪੋਜ਼ਿਟ ਇੰਡੈਕਸ ਗਿਰਾਵਟ ਨਾਲ ਕਾਰੋਬਾਰ ਕਰ ਰਹੇ ਸਨ। ਵਾਲ ਸਟ੍ਰੀਟ ਫਿਊਚਰਜ਼ 0.07 ਫੀਸਦੀ ਤਕ ਹੇਠਾਂ ਕਾਰੋਬਾਰ ਕਰ ਰਹੇ ਸਨ, ਜੋ ਅਮਰੀਕੀ ਇਕਵਿਟੀ ਲਈ ਕਮਜ਼ੋਰ ਸ਼ੁਰੂਆਤ ਦਾ ਸੰਕੇਤ ਹੈ।
FII ਦੀ ਵਿਕਰੀ: ਵਿਦੇਸ਼ੀ ਸੰਸਥਾਗਤ ਨਿਵੇਸ਼ਕਾਂ (FIIs) ਨੇ ਸ਼ੁੱਕਰਵਾਰ ਨੂੰ ਲਗਾਤਾਰ ਦੂਜੇ ਸੈਸ਼ਨ 'ਚ ਵਿਕਰੀ ਜਾਰੀ ਰੱਖੀ ਤੇ 3,696 ਕਰੋੜ ਰੁਪਏ ਦੇ ਸ਼ੇਅਰ ਵੇਚੇ।
ਰੁਪਏ 'ਚ ਗਿਰਾਵਟ: ਅਮਰੀਕੀ ਡਾਲਰ ਦੇ ਮੁਕਾਬਲੇ ਰੁਪਇਆ 20 ਪੈਸੇ ਡਿੱਗ ਕੇ 95.95 'ਤੇ ਆ ਗਿਆ, ਕਿਉਂਕਿ ਡਾਲਰ ਹੋਰ ਮਜ਼ਬੂਤ ਹੋਇਆ ਤੇ ਪੱਛਮੀ ਏਸ਼ੀਆ 'ਚ ਜਾਰੀ ਸੰਘਰਸ਼ ਵਿਚਕਾਰ ਵਿਦੇਸ਼ੀ ਫੰਡਾਂ ਦਾ ਆਊਟਫਲੋ ਜਾਰੀ ਰਿਹਾ। ਇੰਟਰਬੈਂਕ ਵਿਦੇਸ਼ੀ ਮੁਦਰਾ ਬਾਜ਼ਾਰ 'ਚ ਰੁਪਇਆ ਅਮਰੀਕੀ ਮੁਦਰਾ ਦੇ ਮੁਕਾਬਲੇ 95.89 'ਤੇ ਖੁੱਲ੍ਹਿਆ ਅਤੇ ਹੋਰ ਡਿੱਗ ਕੇ 95.95 'ਤੇ ਪਹੁੰਚ ਗਿਆ, ਜੋ ਪਿਛਲੇ ਬੰਦ ਪੱਧਰ ਤੋਂ 20 ਪੈਸੇ ਦੀ ਗਿਰਾਵਟ ਹੈ।
ਪ੍ਰਾਫਿਟ ਬੁਕਿੰਗ: ਪਿਛਲੇ ਸੈਸ਼ਨ 'ਚ ਬਾਜ਼ਾਰ 'ਚ ਤੇਜ਼ੀ ਤੋਂ ਬਾਅਦ ਨਿਵੇਸ਼ਕਾਂ ਵੱਲੋਂ ਮੁਨਾਫਾਵਸੂਲੀ ਕੀਤੇ ਜਾਣ ਕਾਰਨ ਉੱਚੇ ਪੱਧਰਾਂ 'ਤੇ ਪ੍ਰਾਫਿਟ ਬੁਕਿੰਗ ਦੇਖੀ ਗਈ। ਸ਼ੁੱਕਰਵਾਰ ਨੂੰ ਸੈਂਸੈਕਸ 315.20 ਅੰਕ ਜਾਂ 0.43 ਫੀਸਦੀ ਚੜ੍ਹ ਕੇ 73,895.74 'ਤੇ ਬੰਦ ਹੋਇਆ ਸੀ। ਨਿਫਟੀ 77.40 ਅੰਕ ਜਾਂ 0.34 ਫੀਸਦੀ ਵਧ ਕੇ 23,140.50 'ਤੇ ਬੰਦ ਹੋਇਆ ਸੀ।
ਫਾਈਨੈਂਸ਼ੀਅਲ ਸ਼ੇਅਰਾਂ 'ਚ ਗਿਰਾਵਟ: ਜ਼ਿਆਦਾ ਵੇਟੇਜ ਵਾਲੇ ਫਾਈਨੈਂਸ਼ੀਅਲ ਅਤੇ ਬੈਂਕਿੰਗ ਸ਼ੇਅਰਾਂ 'ਚ 1.6 ਫੀਸਦੀ ਦੀ ਗਿਰਾਵਟ ਆਈ।
"ਸ਼ੇਅਰ ਨਾਲ ਜੁੜੇ ਆਪਣੇ ਸਵਾਲ ਤੁਸੀਂ business@jagrannewmedia.com 'ਤੇ ਭੇਜ ਸਕਦੇ ਹੋ।"
ਡਿਸਕਲੇਮਰ: ਇੱਥੇ ਸ਼ੇਅਰ ਬਾਜ਼ਾਰ ਨਾਲ ਸਬੰਧਤ ਜਾਣਕਾਰੀ ਦਿੱਤੀ ਗਈ ਹੈ, ਨਿਵੇਸ਼ ਦੀ ਸਲਾਹ ਨਹੀਂ। ਜਾਗਰਣ ਬਿਜ਼ਨੈੱਸ ਨਿਵੇਸ਼ ਦੀ ਸਲਾਹ ਨਹੀਂ ਦੇ ਰਿਹਾ ਹੈ। ਸਟਾਕ ਮਾਰਕੀਟ 'ਚ ਨਿਵੇਸ਼ ਬਾਜ਼ਾਰ ਦੇ ਜੋਖ਼ਮਾਂ ਅਧੀਨ ਹੈ, ਇਸ ਲਈ ਨਿਵੇਸ਼ ਕਰਨ ਤੋਂ ਪਹਿਲਾਂ ਕਿਸੇ ਸਰਟੀਫਾਈਡ ਇਨਵੈਸਟਮੈਂਟ ਐਡਵਾਈਜ਼ਰ ਨਾਲ ਸਲਾਹ ਜ਼ਰੂਰ ਕਰੋ।