Gold Loan Rules : ਤੁਹਾਡੇ ਸੋਨੇ ਦੇ ਬਦਲੇ ਕਿਤੇ ਘੱਟ ਪੈਸੇ ਤਾਂ ਨਹੀਂ ਦੇ ਰਹੇ ਬੈਂਕ? ਲੋਨ ਲੈਣ ਤੋਂ ਪਹਿਲਾਂ ਜਾਣ ਲਓ ਇਹ ਗੱਲ, ਨਹੀਂ ਤਾਂ ਡੁੱਬ ਸਕਦੇ ਹਨ ਤੁਹਾਡੇ ਗਹਿਣੇ

ਨਵੀਂ ਦਿੱਲੀ : ਕੀ ਤੁਸੀਂ ਵੀ ਲੋੜ ਪੈਣ 'ਤੇ ਬੈਂਕ ਵਿੱਚ ਸੋਨਾ ਰੱਖ ਕੇ ਲੋਨਲੈਂਦੇ ਹੋ? ਪਰ ਕੀ ਤੁਹਾਨੂੰ ਆਪਣੇ ਕੋਲ ਮੌਜੂਦ ਸੋਨੇ ਦੀ ਸਹੀ ਕੀਮਤ ਪਤਾ ਵੀ ਹੈ? ਕੀ ਤੁਹਾਨੂੰ ਪਤਾ ਹੈ ਕਿ ਬੈਂਕ ਵਿੱਚ ਜਿਸ ਸੋਨੇ ਦੇ ਬਦਲੇ ਤੁਸੀਂ ਲੋਨ ਲੈ ਰਹੇ ਹੋ, ਉਸਦੀ ਅਸਲ ਕੀਮਤ ਕਿੰਨੀ ਹੈ? ਜੇਕਰ ਇਹ ਸਾਰੇ ਸਵਾਲ ਤੁਹਾਡੇ ਮਨ ਵਿੱਚ ਵੀ ਹਨ ਤਾਂ ਇਹ ਖ਼ਬਰ ਤੁਹਾਡੇ ਲਈ ਹੀ ਹੈ।

ਸੋਨਾ ਹਮੇਸ਼ਾ ਤੋਂ ਹੀ ਲੋਕਾਂ ਦਾ ਪਸੰਦੀਦਾ ਰਿਹਾ ਹੈ। ਪਹਿਲਾਂ ਦੇ ਸਮੇਂ ਵਿੱਚ ਲੋਕ ਗਹਿਣੇ ਗਿਰਵੀ ਰੱਖ ਕੇ ਪੈਸਾ ਚੁੱਕਦੇ ਸਨ ਅਤੇ ਅੱਜ ਦੇ ਸਮੇਂ ਵਿੱਚ ਵੀ ਅਜਿਹਾ ਕਰਦੇ ਹਨ ਪਰ ਹੁਣ ਉਹ ਆਪਣੇ ਗਹਿਣੇ ਕਿਸੇ ਸ਼ਾਹੂਕਾਰ ਨੂੰ ਨਹੀਂ ਬਲਕਿ ਬੈਂਕ ਨੂੰ ਦਿੰਦੇ ਹਨ। ਆਓ ਅੱਜ ਜਾਣਦੇ ਹਾਂ ਕਿ ਜੇਕਰ ਤੁਸੀਂ ਸੋਨੇ ਦੇ ਬਦਲੇ ਲੋਨ ਲੈ ਰਹੇ ਹੋ ਤਾਂ ਉਸਦਾ ਵਿਆਜ ਕਿਵੇਂ ਤੈਅ ਹੁੰਦਾ ਹੈ ਅਤੇ ਲੋਨ ਲੈਂਦੇ ਸਮੇਂ ਕਿਹੜੀਆਂ ਗੱਲਾਂ ਦਾ ਖ਼ਾਸ ਖ਼ਿਆਲ ਰੱਖਣਾ ਚਾਹੀਦਾ ਹੈ।

ਗੋਲਡ ਲੋਨ ਦੀ ਵਿਆਜ ਦਰ ਬਾਰੇ ਕੈਲਕੁਲੇਟ ਕਰਨ ਲਈ ਤੁਹਾਨੂੰ ਇਹ 4 ਗੱਲਾਂ ਜ਼ਰੂਰ ਪਤਾ ਹੋਣੀਆਂ ਚਾਹੀਦੀਆਂ ਹਨ।

ਵਿਆਜ ਦਰ ਦੀ ਕਿਸਮ

ਕਿੰਨਾ ਅਤੇ ਕਿੰਨੇ ਸਮੇਂ ਲਈ ਲੋਨ ਲੈਣਾ ਹੈ

ਲੋਨ-ਟੂ-ਵੈਲਯੂ (LTV) ਰੇਸ਼ੋ ਕਿੰਨਾ ਹੈ

ਲੋਨ ਚੁਕਾਉਣ ਦੀ ਫ੍ਰੀਕੁਐਂਸੀ (ਸਮਾਂ-ਅੰਤਰਾਲ)

1. ਵਿਆਜ ਦਰ ਦੀ ਕਿਸਮ

ਜਦੋਂ ਵੀ ਤੁਸੀਂ ਗੋਲਡ ਲੋਨ ਲੈਂਦੇ ਹੋ ਤਾਂ ਇੱਥੇ ਵਿਆਜ ਦੋ ਤਰੀਕਿਆਂ ਨਾਲ ਲੱਗ ਸਕਦਾ ਹੈ—ਫਿਕਸਡ (Fixed) ਜਾਂ ਰਿਡਿਊਸਿੰਗ ਬੈਲੇਂਸ। ਫਿਕਸਡ ਰੇਟ ਵਿੱਚ ਪੂਰੇ ਸਮੇਂ ਦੌਰਾਨ ਵਿਆਜ ਦਰ ਇੱਕ ਸਮਾਨ ਰਹਿੰਦੀ ਹੈ, ਜਿਸ ਨਾਲ ਹਰ ਮਹੀਨੇ ਦੀ ਕਿਸ਼ਤ ਤੈਅ ਕਰਨਾ ਆਸਾਨ ਹੁੰਦਾ ਹੈ। ਉੱਥੇ ਹੀ ਰਿਡਿਊਸਿੰਗ ਬੈਲੇਂਸ ਵਿੱਚ ਜਿਵੇਂ-ਜਿਵੇਂ ਤੁਸੀਂ ਮੂਲਧਨ ਚੁਕਾਉਂਦੇ ਜਾਂਦੇ ਹੋ, ਬਾਕੀ ਬਚੇ ਪੈਸਿਆਂ 'ਤੇ ਵਿਆਜ ਘਟਦਾ ਜਾਂਦਾ ਹੈ। ਇਹ ਜਾਣਨਾ ਤੁਹਾਡੇ ਲਈ ਬੇਹੁੱਦ ਜ਼ਰੂਰੀ ਹੈ ਕਿਉਂਕਿ ਇਸੇ ਨਾਲ ਤੈਅ ਹੋਵੇਗਾ ਕਿ ਤੁਹਾਡੀ ਜੇਬ੍ਹ ਵਿੱਚੋਂ ਕੁੱਲ ਕਿੰਨਾ ਪੈਸਾ ਜਾਵੇਗਾ।

2. ਲੋਨ ਦੀ ਰਕਮ ਤੇ ਸਮਾਂ

ਤੁਸੀਂ ਕਿੰਨਾ ਲੋਨ ਲੈ ਰਹੇ ਹੋ ਅਤੇ ਕਿੰਨੇ ਸਮੇਂ ਲਈ ਲੈ ਰਹੇ ਹੋ, ਇਸਦਾ ਸਿੱਧਾ ਅਸਰ ਤੁਹਾਡੇ ਵਿਆਜ 'ਤੇ ਪੈਂਦਾ ਹੈ। ਆਮ ਤੌਰ 'ਤੇ ਗੋਲਡ ਲੋਨ ਦੀ ਮਿਆਦ ਪਰਸਨਲ ਲੋਨ ਦੇ ਮੁਕਾਬਲੇ ਘੱਟ ਹੁੰਦੀ ਹੈ। ਇਹ 1 ਦਿਨ ਤੋਂ ਲੈ ਕੇ 12 ਮਹੀਨਿਆਂ ਤੱਕ ਹੋ ਸਕਦੀ ਹੈ। ਤੁਸੀਂ ਜਿੰਨੀ ਲੰਬੀ ਮਿਆਦ ਚੁਣੋਗੇ, ਵਿਆਜ ਦਾ ਬੋਝ ਉੱਨਾ ਹੀ ਵਧ ਸਕਦਾ ਹੈ।

3. ਲੋਨ-ਟੂ-ਵੈਲਯੂ (LTV) ਰੇਸ਼ੋ

LTV ਦਾ ਮਤਲਬ ਹੈ ਕਿ ਤੁਹਾਡੇ ਸੋਨੇ ਦੀ ਕੁੱਲ ਕੀਮਤ ਦੇ ਬਦਲੇ ਬੈਂਕ ਜਾਂ ਵਿੱਤੀ ਸੰਸਥਾ ਤੁਹਾਨੂੰ ਕਿੰਨੇ ਫੀਸਦੀ ਲੋਨ ਦੇਣ ਲਈ ਤਿਆਰ ਹੈ। ਸਾਰੇ ਬੈਂਕਾਂ ਅਤੇ ਵਿੱਤੀ ਸੰਸਥਾਵਾਂ ਦਾ ਐਲ.ਟੀ.ਵੀ. ਰੇਸ਼ੋ ਵੱਖ-ਵੱਖ ਹੁੰਦਾ ਹੈ, ਇਸ ਲਈ ਲੋਨ ਲੈਣ ਤੋਂ ਪਹਿਲਾਂ ਇਸਨੂੰ ਚੰਗੀ ਤਰ੍ਹਾਂ ਸਮਝਣਾ ਕਾਫ਼ੀ ਜ਼ਰੂਰੀ ਹੈ, ਕਿਉਂਕਿ ਜੇਕਰ ਤੁਸੀਂ ਸਮੇਂ ਸਿਰ ਲੋਨ ਨਹੀਂ ਚੁਕਾ ਸਕੇ ਤਾਂ ਤੁਹਾਨੂੰ ਅੱਗੇ ਨੁਕਸਾਨ ਉਠਾਉਣਾ ਪੈ ਸਕਦਾ ਹੈ। ਧਿਆਨ ਰਹੇ, ਜਿੰਨਾ ਜ਼ਿਆਦਾ ਤੁਸੀਂ ਉਧਾਰ ਲਵੋਗੇ, ਵਿਆਜ ਦੀ ਰਕਮ ਵੀ ਉਸੇ ਹਿਸਾਬ ਨਾਲ ਤੈਅ ਹੋਵੇਗੀ।

4. ਭੁਗਤਾਨ ਦਾ ਤਰੀਕਾ

ਲੋਨ ਲੈਂਦੇ ਸਮੇਂ ਤੁਹਾਨੂੰ ਇਹ ਵੀ ਸੋਚਣਾ ਹੋਵੇਗਾ ਕਿ ਤੁਸੀਂ ਲੋਨ ਕਿਵੇਂ ਚੁਕਾਉਣ ਵਾਲੇ ਹੋ। ਤੁਸੀਂ ਹਰ ਮਹੀਨੇ, ਹਰ ਤਿੰਨ ਮਹੀਨੇ ਵਿੱਚ ਜਾਂ ਫਿਰ ਇੱਕੋ ਵਾਰ ਲੋਨ ਚੁਕਾਉਣ ਵਾਲੇ ਹੋ, ਇਸ ਬਾਰੇ ਜਾਣਕਾਰੀ ਰੱਖਣੀ ਕਾਫ਼ੀ ਜ਼ਰੂਰੀ ਹੈ। ਭੁਗਤਾਨ ਦੇ ਤਰੀਕੇ ਨਾਲ ਵਿਆਜ ਦੇ ਜੁੜਨ (Compounding) ਦੀ ਰਫ਼ਤਾਰ ਤੈਅ ਹੁੰਦੀ ਹੈ, ਜੋ ਤੁਹਾਡੀ ਕੁੱਲ ਰੀਪੇਮੈਂਟ ਦੀ ਰਕਮ 'ਤੇ ਅਸਰ ਪਾ ਸਕਦੀ ਹੈ।

ਘਰ ਬੈਠੇ ਗੋਲਡ ਲੋਨ ਕਿਵੇਂ ਕਰੀਏ ਕੈਲਕੁਲੇਟ

ਹੁਣ ਗੋਲਡ ਲੋਨ ਦਾ ਵਿਆਜ ਜਾਣਨ ਲਈ ਬੈਂਕਾਂ ਦੇ ਚੱਕਰ ਕੱਟਣ ਦੀ ਲੋੜ ਨਹੀਂ, ਤੁਸੀਂ ਕਾਫ਼ੀ ਆਸਾਨ ਤਰੀਕੇ ਨਾਲ ਘਰ ਬੈਠੇ ਹੀ ਆਪਣੇ ਲੋਨ 'ਤੇ ਵਿਆਜ ਚੈੱਕ ਕਰ ਸਕਦੇ ਹੋ। ਸਾਰੇ ਬੈਂਕਾਂ ਦੀ ਵਿਆਜ ਦਰ ਵੱਖ-ਵੱਖ ਹੁੰਦੀ ਹੈ ਜੋ 8.50%-24.00% ਦੇ ਵਿਚਕਾਰ ਹੋ ਸਕਦੀ ਹੈ। ਪਰ ਆਮ ਤੌਰ 'ਤੇ ਗੋਲਡ ਲੋਨ ਲਈ ਵਿਆਜ ਦਰ ਦਾ ਐਵਰੇਜ (ਔਸਤ) 9.50% ਸਾਲਾਨਾ ਮੰਨ ਕੇ ਚੱਲਦੇ ਹਨ।

ਜਿਸ ਬੈਂਕ ਤੋਂ ਤੁਸੀਂ ਲੋਨ ਲੈਣਾ ਚਾਹੁੰਦੇ ਹੋ, ਉਸ ਤੋਂ ਵਿਆਜ ਦਰ ਪਹਿਲਾਂ ਹੀ ਪੁੱਛ ਲਓ ਜਾਂ ਇੰਟਰਨੈੱਟ 'ਤੇ ਚੈੱਕ ਕਰ ਲਓ। ਇਸ ਤੋਂ ਬਾਅਦ ਤੁਹਾਡੇ ਕੋਲ ਲੋਨ ਦੀ ਰਕਮ, ਵਿਆਜ ਦਰ ਅਤੇ ਸਮਾਂ, ਇਹ ਤਿੰਨੋਂ ਚੀਜ਼ਾਂ ਮੌਜੂਦ ਹੋਣਗੀਆਂ। ਹੁਣ ਤੁਸੀਂ ਇੰਟਰਨੈੱਟ 'ਤੇ ਕਿਸੇ ਵੀ ਸੁਰੱਖਿਅਤ ਗੋਲਡ ਕੈਲਕੁਲੇਟਰ 'ਤੇ ਜਾ ਕੇ ਸਾਰੀ ਡਿਟੇਲਸ ਪਾਓਗੇ ਤਾਂ ਤੁਹਾਨੂੰ ਸਾਰੀ ਜਾਣਕਾਰੀ ਮਿਲ ਜਾਵੇਗੀ।

ਮੰਨ ਲਓ ਤੁਸੀਂ ਆਪਣੇ ਸੋਨੇ 'ਤੇ ₹2,00,000 ਦਾ ਲੋਨ ਲੈਣਾ ਚਾਹੁੰਦੇ ਹੋ ਅਤੇ ਜੋ ਵਿਆਜ ਦਰ ਅਜੇ ਗੋਲਡ ਲੋਨ 'ਤੇ ਹੈ ਉਹ 9.50% ਸਾਲਾਨਾ ਹੈ। ਇਸ ਹਿਸਾਬ ਨਾਲ ਦੇਖਿਆ ਜਾਵੇ ਤਾਂ ਤੁਹਾਨੂੰ ₹1508 ਹਰ ਮਹੀਨੇ ਬਤੌਰ ਵਿਆਜ ਦੇਣੇ ਪੈ ਸਕਦੇ ਹਨ ਅਤੇ ਪੂਰੇ ₹2 ਲੱਖ ਸਾਲ ਦੇ ਅੰਤ ਵਿੱਚ। ਜੇਕਰ ਤੁਸੀਂ ਇਸਦੀ EMI ਬਣਵਾਉਣਾ ਚਾਹੋ ਤਾਂ ਤੁਸੀਂ ਹਰ ਮਹੀਨੇ ਕਿਸ਼ਤ ਦੇ ਰੂਪ ਵਿੱਚ ਵੀ ਚੁਕਾ ਸਕਦੇ ਹੋ। ਧਿਆਨ ਰਹੇ ਕਿ ਇਹ ਰਕਮ ਤੁਹਾਡੇ ਗਹਿਣੇ, ਸੋਨੇ ਦੀ ਕੀਮਤ ਅਤੇ ਸਮਾਂ, ਇਹ ਤਿੰਨੋਂ ਚੀਜ਼ਾਂ ਬਦਲਣ 'ਤੇ ਬਦਲ ਸਕਦੀ ਹੈ।

ਕੌਣ ਲੈ ਸਕਦਾ ਹੈ ਗੋਲਡ ਲੋਨ

ਗੋਲਡ ਲੋਨ ਲੈਣਾ ਜਿੰਨਾ ਆਸਾਨ ਹੈ, ਚੁਕਾਉਣਾ ਉੱਨਾ ਹੀ ਮਹੱਤਵਪੂਰਨ ਹੈ। ਇਸਦੇ ਲਈ ਕੋਈ ਬਹੁਤ ਵੱਡਾ ਸਿਬਿਲ ਸਕੋਰ ਜਾਂ ਭਾਰੀ-ਭਰਕਮ ਕਾਗਜ਼ੀ ਕਾਰਵਾਈ ਨਹੀਂ ਚਾਹੀਦੀ। ਕੋਈ ਵੀ ਵਿਅਕਤੀ 21 ਤੋਂ 80 ਸਾਲ ਦੀ ਉਮਰ ਦੇ ਵਿਚਕਾਰ ਲੋਨ ਲੈ ਸਕਦਾ ਹੈ, ਬਸ਼ਰਤੇ ਉਸਦੇ ਕੋਲ 18 ਤੋਂ 22 ਕੈਰੇਟ ਦੀ ਸ਼ੁੱਧ ਸੋਨੇ ਦੀ ਜਵੈਲਰੀ ਹੋਣੀ ਚਾਹੀਦੀ ਹੈ। ਜੇਕਰ ਤੁਹਾਡੇ ਮੌਜੂਦ ਸੋਨੇ ਵਿੱਚ ਜ਼ਰਾ ਜਿੰਨੀ ਵੀ ਖਾਮੀ ਨਿਕਲੀ ਤਾਂ ਬੈਂਕ ਤੁਹਾਨੂੰ ਲੋਨ ਦੇਣ ਤੋਂ ਮਨ੍ਹਾ ਕਰ ਸਕਦਾ ਹੈ।

ਲੋਨ ਲੈਣ ਲਈ ਤੁਹਾਨੂੰ ਬੈਂਕ ਵਿੱਚ ਕੁਝ ਜ਼ਰੂਰੀ ਦਸਤਾਵੇਜ਼ ਜਮ੍ਹਾ ਕਰਨੇ ਪੈ ਸਕਦੇ ਹਨ, ਜਿਵੇਂ ਕਿ ਪਛਾਣ ਪੱਤਰ, ਵੋਟਰ ਆਈਡੀ, ਡਰਾਈਵਿੰਗ ਲਾਇਸੈਂਸ ਜਾਂ ਪਾਸਪੋਰਟ ਵਿੱਚੋਂ ਕੋਈ ਵੀ ਇੱਕ KYC ਦਸਤਾਵੇਜ਼। ਨਾਲ ਹੀ ਹੋ ਸਕਦਾ ਹੈ ਕਿ ਜਿਸ ਬੈਂਕ ਤੋਂ ਤੁਸੀਂ ਲੋਨ ਲੈ ਰਹੇ ਹੋ, ਉਹ ਤੁਹਾਡੇ ਕੋਲੋਂ ਤੁਹਾਡੀ ਜਵੈਲਰੀ ਦਾ ਬਿੱਲ ਵੀ ਮੰਗੇ।