Gold Silver Price: ਇਸ ਹਫ਼ਤੇ ਸੋਨੇ-ਚਾਂਦੀ ਦੀਆਂ ਕੀਮਤਾਂ 'ਚ ਆਈ ਤੇਜ਼ੀ, ₹13 ਹਜ਼ਾਰ ਵਧੇ ਭਾਅ; ਚੈੱਕ ਕਰੋ ਤਾਜ਼ਾ ਰੇਟ

ਆਈਏਐੱਨਐੱਸ, ਨਵੀਂ ਦਿੱਲੀ: Gold Silver Price: ਡਾਲਰ ਇੰਡੈਕਸ 'ਤੇ ਦਬਾਅ ਤੇ ਮਹਿੰਗਾਈ ਘੱਟ ਹੋਣ ਦੀ ਸੰਭਾਵਨਾ ਦੇ ਚੱਲਦੇ ਸੋਨੇ ਅਤੇ ਚਾਂਦੀ 'ਚ ਇਸ ਹਫ਼ਤੇ ਤੇਜ਼ੀ ਦੇਖਣ ਨੂੰ ਮਿਲੀ ਜਿਸ ਨਾਲ ਸੋਨਾ ਤੇ ਚਾਂਦੀ ਲੜੀਵਾਰ 6 ਹਜ਼ਾਰ ਰੁਪਏ ਤੇ 13 ਹਜ਼ਾਰ ਰੁਪਏ ਤੋਂ ਵੱਧ ਮਹਿੰਗੇ ਹੋ ਗਏ ਹਨ।

ਇੰਡੀਆ ਬੁਲੀਅਨ ਜਵੈਲਰਜ਼ ਐਸੋਸੀਏਸ਼ਨ (IBJA) ਮੁਤਾਬਕ, 24 ਕੈਰੇਟ ਸੋਨੇ ਦੀ ਕੀਮਤ ਇਸ ਹਫ਼ਤੇ 6,761 ਰੁਪਏ ਵਧ ਕੇ 1,49,621 ਰੁਪਏ (Gold Price On IBJA) ਪ੍ਰਤੀ 10 ਗ੍ਰਾਮ ਹੋ ਗਈ ਹੈ, ਜਦਕਿ ਪਹਿਲਾਂ ਇਹ 1,42,860 ਰੁਪਏ ਪ੍ਰਤੀ 10 ਗ੍ਰਾਮ 'ਤੇ ਸੀ।

22 ਕੈਰੇਟ ਸੋਨੇ ਦੀ ਕੀਮਤ ਵਧ ਕੇ 1,37,053 ਰੁਪਏ ਪ੍ਰਤੀ 10 ਗ੍ਰਾਮ ਹੋ ਗਈ ਹੈ ਜੋ ਕਿ ਪਹਿਲਾਂ 1,30,860 ਰੁਪਏ ਪ੍ਰਤੀ 10 ਗ੍ਰਾਮ ਸੀ। 18 ਕੈਰੇਟ ਸੋਨੇ ਦੀ ਕੀਮਤ ਵਧ ਕੇ 1,12,216 ਰੁਪਏ ਪ੍ਰਤੀ 10 ਗ੍ਰਾਮ ਹੋ ਗਿਆ ਹੈ ਜੋ ਕਿ ਪਹਿਲਾਂ 1,07,145 ਰੁਪਏ ਪ੍ਰਤੀ 10 ਗ੍ਰਾਮ ਸੀ।

ਇਸ ਹਫ਼ਤੇ ਸੋਨੇ 'ਚ ਸਭ ਤੋਂ ਘੱਟ ਕੀਮਤ 3 ਅਗਸਤ ਨੂੰ ਸ਼ਾਮ ਦੇ ਸੈਸ਼ਨ ਵਿੱਚ 1,42,557 ਰੁਪਏ ਪ੍ਰਤੀ 10 ਗ੍ਰਾਮ ਦੇਖੀ ਗਈ। ਉੱਥੇ ਹੀ, ਉੱਚ ਕੀਮਤ 7 ਅਗਸਤ ਨੂੰ ਸ਼ਾਮ ਦੇ ਸੈਸ਼ਨ 'ਚ 1,49,621 ਰੁਪਏ ਪ੍ਰਤੀ 10 ਗ੍ਰਾਮ ਦੇਖੀ ਗਈ।

13 ਹਜ਼ਾਰ ਰੁਪਏ ਮਹਿੰਗੀ ਹੋਈ ਚਾਂਦੀ

ਸੋਨੇ ਦੇ ਨਾਲ ਚਾਂਦੀ ਦੀ ਕੀਮਤ 'ਚ ਵੀ ਤੇਜ਼ੀ ਦੇਖਣ ਨੂੰ ਮਿਲੀ ਹੈ। ਚਾਂਦੀ ਦੀ ਕੀਮਤ 13,086 ਰੁਪਏ ਵਧ ਕੇ 2,31,381 ਰੁਪਏ ਪ੍ਰਤੀ ਕਿਲੋ ਹੋ ਗਈ ਜੋ ਕਿ ਪਹਿਲਾਂ 2,18,295 ਰੁਪਏ (Silver Price Today) ਪ੍ਰਤੀ ਕਿਲੋ ਸੀ।

ਇਸ ਹਫ਼ਤੇ ਚਾਂਦੀ 'ਚ ਉੱਚ ਕੀਮਤ 7 ਅਗਸਤ ਨੂੰ ਸ਼ਾਮ ਦੇ ਸੈਸ਼ਨ 'ਚ 2,31,381 ਰੁਪਏ ਪ੍ਰਤੀ ਕਿਲੋ ਦੇਖੀ ਗਈ। ਉੱਥੇ ਹੀ, ਘੱਟੋ-ਘੱਟ ਕੀਮਤ 3 ਅਗਸਤ ਨੂੰ ਸ਼ਾਮ ਦੇ ਸੈਸ਼ਨ 'ਚ 2,17,287 ਰੁਪਏ ਪ੍ਰਤੀ ਕਿਲੋ ਦੇਖੀ ਗਈ।

ਆਈਬੀਜੇਏ ਵੱਲੋਂ ਦਿਨ ਵਿਚ ਦੋ ਵਾਰ ਸਵੇਰ ਤੇ ਸ਼ਾਮ ਦੇ ਸੈਸ਼ਨ 'ਚ ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਨੂੰ ਜਾਰੀ ਕੀਤਾ ਜਾਂਦਾ ਹੈ।

ਕੌਮਾਂਤਰੀ ਪੱਧਰ 'ਤੇ ਸੋਨੇ ਦੀ ਕੀਮਤ 4,400 ਡਾਲਰ ਪ੍ਰਤੀ ਔਂਸ ਅਤੇ ਚਾਂਦੀ ਦਾ ਦਾਮ 63 ਡਾਲਰ ਪ੍ਰਤੀ ਔਂਸ ਦੇ ਕਰੀਬ ਪਹੁੰਚ ਗਈ ਹੈ।

ਐਕਸਪਰਟਸ ਮੁਤਾਬਕ, ਸੋਨੇ ਅਤੇ ਚਾਂਦੀ 'ਚ ਤੇਜ਼ੀ ਦੀ ਵਜ੍ਹਾ ਕੱਚੇ ਤੇਲ ਵਿੱਚ ਕਮਜ਼ੋਰੀ ਆਉਣ ਦੇ ਕਾਰਨ ਮਹਿੰਗਾਈ ਦੀ ਸੰਭਾਵਨਾ ਘੱਟ ਹੋਣਾ ਹੈ। ਇਸ ਦੇ ਨਾਲ ਹੀ ਡਾਲਰ ਇੰਡੈਕਸ ਦੇ ਕਮਜ਼ੋਰ ਹੋਣ ਨਾਲ ਕੀਮਤੀ ਧਾਤਾਂ 'ਚ ਤੇਜ਼ੀ ਨੂੰ ਸਹਾਰਾ ਮਿਲਿਆ ਹੈ।