ITR Filling 2026: ਹੁਣ ਸਿਰਫ਼ ₹11 'ਚ ਭਰ ਸਕੋਗੇ ITR, ਨਹੀਂ ਦੇਣੇ ਪੈਣਗੇ ਹਜ਼ਾਰਾਂ ਰੁਪਏ; ਘਰ ਬੈਠੇ ਇੰਜ ਚੁੱਕੋ ਫ਼ਾਇਦਾ

ਨਵੀਂ ਦਿੱਲੀ: ਇਨਕਮ ਟੈਕਸ ਰਿਟਰਨ (ITR) ਫਾਈਲ ਕਰਨ ਦੀ ਆਖ਼ਰੀ ਤਾਰੀਖ਼ 31 ਜੁਲਾਈ 2026 ਬਿਲਕੁਲ ਸਿਰ 'ਤੇ ਆ ਗਈ ਹੈ। ਜੇਕਰ ਤੁਸੀਂ ਅਜੇ ਤੱਕ ਆਪਣਾ ITR ਦਾਖ਼ਲ ਨਹੀਂ ਕੀਤਾ ਹੈ ਅਤੇ CA ਜਾਂ ਏਜੰਟ ਦੀ ਮੋਟੀ ਫ਼ੀਸ ਤੋਂ ਬਚਣਾ ਚਾਹੁੰਦੇ ਹੋ, ਤਾਂ ਤੁਹਾਡੇ ਲਈ ਚੰਗੀ ਖ਼ਬਰ ਹੈ। ਡਿਜੀਟਲ ਪੇਮੈਂਟ ਪਲੇਟਫਾਰਮ Paytm ਨੇ ਟੈਕਸ ਫਾਈਲਿੰਗ ਪਲੇਟਫਾਰਮ ClearTax ਨਾਲ ਭਾਈਵਾਲੀ ਕਰਕੇ ਇੱਕ ਨਵੀਂ ITR ਫਾਈਲਿੰਗ ਸਰਵਿਸ ਸ਼ੁਰੂ ਕੀਤੀ ਹੈ। ਇਸ ਸਰਵਿਸ ਤਹਿਤ ਯੂਜ਼ਰਜ਼ ਸਿਰਫ਼ ₹11 ਦੀ ਸ਼ੁਰੂਆਤੀ ਕੀਮਤ 'ਤੇ ITR ਫਾਈਲ ਕਰ ਸਕਦੇ ਹਨ।

ਕੀ ਹੈ ਨਵੀਂ ਸਰਵਿਸ?

Paytm ਐਪ ਰਾਹੀਂ ਹੁਣ ਯੂਜ਼ਰਜ਼ ਸਿੱਧੇ ClearTax ਦੇ ਪਲੇਟਫਾਰਮ 'ਤੇ ਜਾ ਕੇ ਆਪਣਾ ਇਨਕਮ ਟੈਕਸ ਰਿਟਰਨ ਫਾਈਲ ਕਰ ਸਕਣਗੇ। ਕੰਪਨੀ ਦਾ ਦਾਅਵਾ ਹੈ ਕਿ ਪੂਰੀ ਪ੍ਰਕਿਰਿਆ ਨੂੰ ਆਸਾਨ ਬਣਾਉਣ ਲਈ ਕਈ ਆਟੋਮੈਟਿਕ ਫ਼ੀਚਰਜ਼ ਦਿੱਤੇ ਗਏ ਹਨ, ਜਿਸ ਨਾਲ ਟੈਕਸ ਫਾਈਲ ਕਰਨ ਵਿੱਚ ਘੱਟ ਸਮਾਂ ਲੱਗੇਗਾ ਅਤੇ ਗ਼ਲਤੀਆਂ ਦੀ ਸੰਭਾਵਨਾ ਵੀ ਘਟੇਗੀ।

ਕੀ ਹੈ ਇਸ ਸਰਵਿਸ ਦੀ ਸਭ ਤੋਂ ਵੱਡੀ ਖ਼ਾਸੀਅਤ?

ਪ੍ਰੀ-ਫ਼ਿਲਡ ਡੇਟਾ (Pre-Filled Data): ਇਸ ਸਰਵਿਸ ਦੀ ਸਭ ਤੋਂ ਚੰਗੀ ਗੱਲ ਇਹ ਹੈ ਕਿ ਤੁਹਾਨੂੰ ਆਪਣੀ ਸਾਰੀ ਡਿਟੇਲ ਮੈਨੂਅਲੀ ਨਹੀਂ ਭਰਨੀ ਪਵੇਗੀ। ਪਲੇਟਫਾਰਮ ਸਿੱਧਾ ਇਨਕਮ ਟੈਕਸ ਵਿਭਾਗ ਦੇ ਰਿਕਾਰਡ ਤੋਂ ਤੁਹਾਡਾ ਸਾਰਾ ਡੇਟਾ ਖ਼ੁਦ ਹੀ ਲੈ ਲਵੇਗਾ।

ਸਹੀ ਫ਼ਾਰਮ ਅਤੇ ਰਿਜੀਮ ਦੀ ਚੋਣ: ਕਈ ਲੋਕਾਂ ਨੂੰ ਇਹ ਸਮਝ ਨਹੀਂ ਆਉਂਦਾ ਕਿ ਉਨ੍ਹਾਂ ਲਈ ITR-1 ਸਹੀ ਹੈ ਜਾਂ ITR-2, ਜਾਂ ਫਿਰ ਪੁਰਾਣੀ ਟੈਕਸ ਪ੍ਰਣਾਲੀ (Old Regime) ਚੁਣਨ ਜਾਂ ਨਵੀਂ (New Regime)। ਇਹ ਸਮਾਰਟ ਸਿਸਟਮ ਤੁਹਾਡੀ ਆਮਦਨ ਦੇ ਹਿਸਾਬ ਨਾਲ ਆਪਣੇ ਆਪ ਸਹੀ ਫ਼ਾਰਮ ਅਤੇ ਸਭ ਤੋਂ ਫ਼ਾਇਦੇਮੰਦ ਰਿਜੀਮ ਚੁਣ ਲਵੇਗਾ।

ਬ੍ਰੋਕਿੰਗ ਐਪਸ ਨਾਲ ਕਨੈਕਟੀਵਿਟੀ: ਜੇਕਰ ਤੁਸੀਂ ਸ਼ੇਅਰ ਬਾਜ਼ਾਰ (Stocks) ਜਾਂ ਮਿਊਚਲ ਫੰਡ (Mutual Funds) ਵਿੱਚ ਪੈਸਾ ਲਗਾਇਆ ਹੈ, ਤਾਂ ਇਹ ਸਰਵਿਸ 80 ਤੋਂ ਜ਼ਿਆਦਾ ਬ੍ਰੋਕਿੰਗ ਐਪਸ (ਜਿਵੇਂ Zerodha, Groww, Upstox ਆਦਿ) ਤੋਂ ਤੁਹਾਡਾ ਟ੍ਰੇਡਿੰਗ ਡੇਟਾ ਬੱਸ ਇੱਕ ਕਲਿੱਕ ਵਿੱਚ ਲੈ ਲੈਂਦੀ ਹੈ। ਇਹ ਖ਼ੁਦ ਹੀ ਕੈਪੀਟਲ ਗੇਨਜ਼ (Capital Gains) ਕੈਲਕੁਲੇਟ ਕਰ ਲਵੇਗਾ।

ਮੁਫ਼ਤ ਨੋਟਿਸ ਪ੍ਰੋਟੈਕਸ਼ਨ (Notice Protection): ਇਹ ਇਸ ਆਫ਼ਰ ਦਾ ਸਭ ਤੋਂ ਸ਼ਾਨਦਾਰ ਹਿੱਸਾ ਸਾਬਤ ਹੋ ਸਕਦਾ ਹੈ। ਮਾਤਰ ₹11 ਵਾਲੇ ਇਸ ਪਲਾਨ ਵਿੱਚ ਤੁਹਾਨੂੰ 'ਕੰਪਲੀਮੈਂਟਰੀ ਨੋਟਿਸ ਪ੍ਰੋਟੈਕਸ਼ਨ' ਮਿਲਦੀ ਹੈ। ਯਾਨੀ, ਜੇਕਰ ITR ਫਾਈਲ ਕਰਨ ਤੋਂ ਬਾਅਦ ਤੁਹਾਨੂੰ ਇਨਕਮ ਟੈਕਸ ਵਿਭਾਗ ਤੋਂ ਕੋਈ ਨੋਟਿਸ ਆ ਜਾਂਦਾ ਹੈ, ਤਾਂ ClearTax ਦੇ ਐਕਸਪਰਟਸ ਉਸ ਨੂੰ ਸਮਝਣ ਅਤੇ ਉਸ ਦਾ ਜਵਾਬ ਦੇਣ ਵਿੱਚ ਤੁਹਾਡੀ ਪੂਰੀ ਮਦਦ ਕਰਨਗੇ, ਉਹ ਵੀ ਬਿਨਾਂ ਕਿਸੇ ਵਾਧੂ ਚਾਰਜ ਦੇ।

ਕਿਵੇਂ ਚੁੱਕੋ ਇਸ ਦਾ ਫ਼ਾਇਦਾ (ਸਟੈੱਪ-ਬਾਈ-ਸਟੈੱਪ ਪ੍ਰੋਸੈਸ)

ਆਪਣੇ ਸਮਾਰਟਫ਼ੋਨ ਵਿੱਚ Paytm ਐਪ ਖੋਲ੍ਹੋ ਅਤੇ ਹੋਮ ਪੇਜ 'ਤੇ ਹੇਠਾਂ ਵੱਲ ਸਕ੍ਰੋਲ ਕਰਕੇ 'Free tools' ਵਾਲੇ ਸੈਕਸ਼ਨ 'ਤੇ ਜਾਓ।

ਇੱਥੇ ਤੁਹਾਨੂੰ 'File your ITR with ClearTax' ਦਾ ਵਿਕਲਪ ਦਿਖਾਈ ਦੇਵੇਗਾ। ਇਸ 'ਤੇ ਟੈਪ ਕਰੋ।

ਆਪਣੀ ਈਮੇਲ ਆਈਡੀ ਦਰਜ ਕਰੋ। ਤੁਹਾਡੀ ਈਮੇਲ 'ਤੇ ਇੱਕ ਵਨ-ਟਾਈਮ ਪਾਸਵਰਡ (OTP) ਆਵੇਗਾ, ਉਸ ਨੂੰ ਪਾ ਕੇ ਲੌਗ ਇਨ ਕਰੋ।

ਸਿਸਟਮ ਇਨਕਮ ਟੈਕਸ ਵਿਭਾਗ ਤੋਂ ਤੁਹਾਡੀ ਸਾਰੀ ਜਾਣਕਾਰੀ (ਤਨਖ਼ਾਹ, TDS, FD ਦਾ ਵਿਆਜ ਆਦਿ) ਸਕ੍ਰੀਨ 'ਤੇ ਦਿਖਾ ਦੇਵੇਗਾ। ਬੱਸ ਉਨ੍ਹਾਂ ਨੂੰ ਇੱਕ ਵਾਰ ਚੈੱਕ ਕਰੋ ਅਤੇ ਆਪਣਾ ਰਿਟਰਨ ਸਬਮਿਟ ਕਰ ਦਿਓ।

ਧਿਆਨ ਰੱਖੋ

₹11 ਦੀ ਸ਼ੁਰੂਆਤੀ ਕੀਮਤ ਹਰ ਯੂਜ਼ਰ ਜਾਂ ਹਰ ਤਰ੍ਹਾਂ ਦੇ ITR 'ਤੇ ਲਾਗੂ ਹੋਵੇ, ਇਹ ਜ਼ਰੂਰੀ ਨਹੀਂ ਹੈ। ਤੁਹਾਡੇ ITR ਦੇ ਪ੍ਰਕਾਰ, ਆਮਦਨ ਦੇ ਸਰੋਤ ਅਤੇ ਟੈਕਸ ਪ੍ਰੋਫ਼ਾਈਲ ਦੇ ਆਧਾਰ 'ਤੇ ਫ਼ੀਸ ਵੱਖ-ਵੱਖ ਹੋ ਸਕਦੀ ਹੈ। ਇਸ ਲਈ ਫਾਈਲਿੰਗ ਸ਼ੁਰੂ ਕਰਨ ਤੋਂ ਪਹਿਲਾਂ ਪਲਾਨ ਦੀਆਂ ਸ਼ਰਤਾਂ ਅਤੇ ਫ਼ੀਸ ਜ਼ਰੂਰ ਚੈੱਕ ਕਰ ਲਵੋ।