ਡਿਜੀਟਲ ਰਾਸ਼ਨ ਕਾਰਡ ਡਾਊਨਲੋਡ ਕਰਨ ਦਾ ਸਭ ਤੋਂ ਆਸਾਨ ਤਰੀਕਾ, ਘਰ ਬੈਠੇ ਮਿੰਟਾਂ 'ਚ ਹੋ ਜਾਵੇਗਾ ਕੰਮ

ਟੈਕਨੋਲੋਜੀ ਡੈਸਕ, ਨਵੀਂ ਦਿੱਲੀ: ਕੀ ਤੁਹਾਡਾ ਰਾਸ਼ਨ ਕਾਰਡ ਵੀ ਪੁਰਾਣਾ ਹੋ ਗਿਆ ਹੈ? ਜਾਂ ਫਟ ਗਿਆ ਹੈ ਜਾਂ ਫਿਰ ਹਰ ਵਾਰ ਉਸ ਦੀ ਫੋਟੋਕਾਪੀ ਨਾਲ ਰੱਖਣਾ ਮੁਸ਼ਕਿਲ ਹੋ ਗਿਆ ਹੈ? ਤਾਂ ਹੁਣ ਇਸ ਦੀ ਟੈਨਸ਼ਨ ਲੈਣ ਦੀ ਲੋੜ ਨਹੀਂ ਹੈ। ਜੀ ਹਾਂ, ਸਰਕਾਰ ਦੀ ਡਿਜੀਟਲ ਸਰਵਿਸ ਦੀ ਮਦਦ ਨਾਲ ਤੁਸੀਂ ਆਪਣੇ ਮੋਬਾਈਲ ਜਾਂ ਲੈਪਟਾਪ ਤੋਂ ਹੀ ਫੋਟੋ ਵਾਲਾ ਡਿਜੀਟਲ ਰਾਸ਼ਨ ਕਾਰਡ ਡਾਊਨਲੋਡ ਕਰ ਸਕਦੇ ਹੋ।

ਇਹ ਡਿਜੀਟਲ ਕਾਪੀ ਕਈ ਸਰਕਾਰੀ ਕੰਮਾਂ ਵਿੱਚ ਵੈਲਿਡ ਹੁੰਦੀ ਹੈ ਅਤੇ ਲੋੜ ਪੈਣ 'ਤੇ ਤੁਸੀਂ ਇਸ ਦਾ ਆਸਾਨੀ ਨਾਲ ਪ੍ਰਿੰਟ ਵੀ ਨਿਕਲਵਾ ਸਕਦੇ ਹੋ। ਵੈਸੇ ਤਾਂ ਡਿਜੀਟਲ ਰਾਸ਼ਨ ਕਾਰਡ ਡਾਊਨਲੋਡ ਕਰਨ ਦੇ ਬਹੁਤ ਸਾਰੇ ਵੱਖ-ਵੱਖ ਪਲੇਟਫਾਰਮ ਹਨ, ਪਰ ਇਹਨਾਂ ਵਿੱਚ DigiLocker, UMANG ਐਪ ਅਤੇ ਸੰਬੰਧਿਤ ਰਾਜ ਸਰਕਾਰ ਦਾ ਖੁਰਾਕ ਅਤੇ ਨਾਗਰਿਕ ਸਪਲਾਈ ਵਿਭਾਗ ਪੋਰਟਲ ਇਸ ਕੰਮ ਵਿੱਚ ਤੁਹਾਡੀ ਪੂਰੀ ਮਦਦ ਕਰ ਸਕਦਾ ਹੈ।

ਆਓ ਜਾਣਦੇ ਹਾਂ ਇਹਨਾਂ ਤਰੀਕਿਆਂ ਨਾਲ ਤੁਸੀਂ ਕਿਵੇਂ ਘਰ ਬੈਠੇ ਡਿਜੀਟਲ ਰਾਸ਼ਨ ਕਾਰਡ ਡਾਊਨਲੋਡ ਕਰ ਸਕਦੇ ਹੋ...

DigiLocker ਤੋਂ ਰਾਸ਼ਨ ਕਾਰਡ ਕਿਵੇਂ ਕਰੀਏ ਡਾਊਨਲੋਡ?

ਜੇਕਰ ਤੁਹਾਡੇ ਫੋਨ ਵਿੱਚ DigiLocker ਐਪ ਹੈ, ਤਾਂ ਉਸ ਵਿੱਚ ਪਹਿਲਾਂ ਲੌਗ-ਇਨ (Log-in) ਕਰੋ।

ਇਸ ਤੋਂ ਬਾਅਦ ਸਰਚ ਬਾਕਸ ਵਿੱਚ Ration Card ਲਿਖ ਕੇ ਸਰਚ ਕਰੋ।

ਹੁਣ ਆਪਣੇ ਰਾਜ ਦੇ ਖੁਰਾਕ ਵਿਭਾਗ ਦਾ ਆਪਸ਼ਨ ਚੁਣੋ।

ਇਸ ਤੋਂ ਬਾਅਦ ਮੰਗੀ ਗਈ ਜਾਣਕਾਰੀ ਜਿਵੇਂ ਰਾਸ਼ਨ ਕਾਰਡ ਨੰਬਰ ਅਤੇ ਜ਼ਿਲ੍ਹਾ ਦਰਜ ਕਰੋ।

ਡਿਟੇਲਜ਼ ਵੈਰੀਫਾਈ ਹੋਣ ਤੋਂ ਬਾਅਦ ਡਾਕੂਮੈਂਟ ਤੁਹਾਡੇ DigiLocker ਅਕਾਊਂਟ ਦੇ Issued Documents ਸੈਕਸ਼ਨ ਵਿੱਚ ਦਿਖਾਈ ਦੇਵੇਗਾ।

ਇੱਥੋਂ ਤੁਸੀਂ ਇਸ ਨੂੰ PDF ਦੇ ਰੂਪ ਵਿੱਚ ਡਾਊਨਲੋਡ ਜਾਂ ਸ਼ੇਅਰ ਕਰ ਸਕਦੇ ਹੋ।

UMANG ਐਪ ਤੋਂ ਰਾਸ਼ਨ ਕਾਰਡ ਕਿਵੇਂ ਡਾਊਨਲੋਡ ਕਰੀਏ?

• UMANG ਐਪ ਦੇ ਜ਼ਰੀਏ ਵੀ ਰਾਸ਼ਨ ਕਾਰਡ ਡਾਊਨਲੋਡ ਕਰਨਾ ਕਾਫ਼ੀ ਆਸਾਨ ਹੈ:
• ਸਭ ਤੋਂ ਪਹਿਲਾਂ ਐਪ ਵਿੱਚ ਲੌਗ-ਇਨ ਕਰੋ।
• ਇਸ ਤੋਂ ਬਾਅਦ ਸਰਚ ਬਾਕਸ ਵਿੱਚ Ration Card ਜਾਂ ਆਪਣੇ ਰਾਜ ਦੇ ਖੁਰਾਕ ਵਿਭਾਗ ਦਾ ਨਾਮ ਲਿਖੋ।
• ਸੰਬੰਧਿਤ ਸੇਵਾ ਖੁੱਲ੍ਹਣ 'ਤੇ ਰਾਸ਼ਨ ਕਾਰਡ ਨੰਬਰ ਅਤੇ ਹੋਰ ਜ਼ਰੂਰੀ ਡਿਟੇਲਜ਼ ਭਰੋ।
• ਡਿਟੇਲਜ਼ ਸਹੀ ਹੋਣ 'ਤੇ ਤੁਹਾਡੇ ਰਾਸ਼ਨ ਕਾਰਡ ਦੀ ਡਿਜੀਟਲ ਕਾਪੀ ਸਕ੍ਰੀਨ 'ਤੇ ਦਿਖਾਈ ਦੇਵੇਗੀ
• ਇਸ ਨੂੰ ਡਾਊਨਲੋਡ ਕਰਕੇ ਫੋਨ ਵਿੱਚ ਆਸਾਨੀ ਨਾਲ ਸੇਵ ਕੀਤਾ ਜਾ ਸਕਦਾ ਹੈ।