ਢਾਬਾ ਹੋਵੇ ਜਾਂ ਕੈਫ਼ੇ, Zomato-Swiggy ਨਾਲ ਇੰਝ ਵਧਾਓ ਕਮਾਈ: ਆਸਾਨ ਰਜਿਸਟ੍ਰੇਸ਼ਨ ਨਾਲ ਆਉਣਗੇ ਧੜਾਧੜ ਆਰਡਰ, ਜਾਣੋ ਜ਼ਰੂਰੀ ਦਸਤਾਵੇਜ਼

ਨਵੀਂ ਦਿੱਲੀ: ਕੀ ਤੁਸੀਂ ਹਾਲ ਹੀ ਵਿੱਚ ਕੋਈ ਕੈਫ਼ੇ, ਢਾਬਾ ਜਾਂ ਕਲਾਊਡ ਕਿਚਨ (Cloud Kitchen) ਖੋਲ੍ਹਿਆ ਹੈ, ਪਰ ਗਾਹਕਾਂ ਦੀ ਰਾਹ ਵੇਖ ਰਹੇ ਹੋ? ਜੇਕਰ ਹਾਂ, ਤਾਂ ਹੁਣ ਵੇਲਾ ਆ ਗਿਆ ਹੈ ਆਪਣੇ ਲਾਜਵਾਬ ਸਵਾਦ ਨੂੰ ਸਿਰਫ਼ ਆਪਣੀ ਗਲੀ-ਮੁਹੱਲੇ ਤੱਕ ਨਹੀਂ, ਸਗੋਂ ਪੂਰੇ ਸ਼ਹਿਰ ਤੱਕ ਪਹੁੰਚਾਉਣ ਦਾ। ਅਜਿਹੇ ਵਿੱਚ ਤੁਸੀਂ ਆਪਣੇ ਕਿਚਨ ਨੂੰ Zomato-Swiggy 'ਤੇ ਰਜਿਸਟਰ ਕਰਕੇ ਲੱਖਾਂ ਦਾ ਮੁਨਾਫ਼ਾ ਕਮਾ ਸਕਦੇ ਹੋ।

ਦੱਸ ਦੇਈਏ ਕਿ 2026 ਵਿੱਚ ਭਾਰਤ ਦਾ ਫੂਡ ਡਿਲੀਵਰੀ ਮਾਰਕੀਟ (Online Delivery Market) ₹80,000 ਕਰੋੜ ਤੋਂ ਪਾਰ ਕਰ ਚੁੱਕਾ ਹੈ, ਅਤੇ ਨਾਲ ਹੀ ਆਨਲਾਈਨ ਲਿਸਟ ਹੋਣ ਨਾਲ ਰੈਸਟੋਰੈਂਟ ਦੀ ਕਮਾਈ (Restaurant Revenue) 30 ਤੋਂ 50% ਤੱਕ ਵਧ ਸਕਦੀ ਹੈ। ਅਜਿਹੇ ਵਿੱਚ ਸਭ ਤੋਂ ਜ਼ਰੂਰੀ ਸਵਾਲ ਇਹ ਉੱਠਦਾ ਹੈ ਕਿ ਇਨ੍ਹਾਂ ਪਲੇਟਫਾਰਮਾਂ 'ਤੇ ਆਪਣਾ ਰੈਸਟੋਰੈਂਟ ਰਜਿਸਟਰ ਕਿਵੇਂ ਕਰੀਏ? ਇਨ੍ਹਾਂ ਵਿੱਚ ਖ਼ਰਚਾ ਕਿੰਨਾ ਆਵੇਗਾ, ਦਸਤਾਵੇਜ਼ (Documents) ਕੀ ਲੱਗਣਗੇ ਅਤੇ ਕਮਿਸ਼ਨ ਕਿੰਨਾ ਕੱਟੇਗਾ? ਆਓ ਤੁਹਾਨੂੰ ਦੱਸਦੇ ਹਾਂ ਇਸ ਦਾ ਪੂਰਾ ਸਟੈੱਪ-ਬਾਈ-ਸਟੈੱਪ ਤਰੀਕਾ।

ਕੀ ਦਸਤਾਵੇਜ਼ ਹਨ ਜ਼ਰੂਰੀ?

ਚਾਹੇ Swiggy ਹੋਵੇ ਜਾਂ Zomato, ਦੋਵਾਂ ਹੀ ਪਲੇਟਫਾਰਮਾਂ 'ਤੇ ਲਿਸਟ ਹੋਣ ਲਈ ਤੁਹਾਡੇ ਕੋਲ 5 ਜ਼ਰੂਰੀ ਦਸਤਾਵੇਜ਼ ਜ਼ਰੂਰ ਤਿਆਰ ਹੋਣੇ ਚਾਹੀਦੇ ਹਨ:

FSSAI ਲਾਇਸੈਂਸ: ਇਹ ਸਭ ਤੋਂ ਜ਼ਿਆਦਾ ਜ਼ਰੂਰੀ ਹੈ। 12 ਲੱਖ ਰੁਪਏ ਤੱਕ ਦੇ ਸਾਲਾਨਾ ਟਰਨਓਵਰ ਵਾਲੇ ਛੋਟੇ ਬਿਜ਼ਨਸ ਲਈ ਇਸ ਦਾ ਬੇਸਿਕ ਰਜਿਸਟ੍ਰੇਸ਼ਨ ਸਿਰਫ਼ 100 ਰੁਪਏ ਵਿੱਚ ਹੋ ਜਾਂਦਾ ਹੈ।

GST ਸਰਟੀਫਿਕੇਟ: ਫੂਡ ਸਰਵਿਸ 'ਤੇ 5% GST ਲੱਗਦਾ ਹੈ, ਇਸ ਲਈ GSTIN ਨੰਬਰ ਹੋਣਾ ਲਾਜ਼ਮੀ ਹੈ।

PAN ਕਾਰਡ: ਬਿਜ਼ਨਸ ਦੇ ਮਾਲਕ ਦਾ ਪੈਨ ਕਾਰਡ ਜ਼ਰੂਰੀ ਹੈ।

ਬੈਂਕ ਅਕਾਊਂਟ ਦੀਆਂ ਡਿਟੇਲਜ਼: ਕੈਂਸਲ ਚੈੱਕ ਜਾਂ ਪਾਸਬੁੱਕ, ਤਾਂ ਜੋ ਤੁਹਾਡੀ ਹਰ ਹਫ਼ਤੇ ਦੀ ਕਮਾਈ ਸਿੱਧੀ ਤੁਹਾਡੇ ਖ਼ਾਤੇ ਵਿੱਚ ਆ ਸਕੇ।

ਮੈਨਿਊ ਕਾਰਡ ਅਤੇ ਸ਼ਾਨਦਾਰ ਫੋਟੋਆਂ: ਖਾਣੇ ਦੀਆਂ ਵਧੀਆ ਅਤੇ ਪ੍ਰੋਫੈਸ਼ਨਲ ਤਸਵੀਰਾਂ ਨਾਲ ਆਰਡਰ ਮਿਲਣ ਦੇ ਚਾਂਸ 35% ਤੱਕ ਵਧ ਜਾਂਦੇ ਹਨ।

Zomato 'ਤੇ ਰਜਿਸਟਰ ਕਰਨ ਦਾ ਤਰੀਕਾ

ਸਭ ਤੋਂ ਪਹਿਲਾਂ restaurant.zomato.com 'ਤੇ ਜਾਓ ਅਤੇ 'Register your Restaurant' 'ਤੇ ਕਲਿੱਕ ਕਰੋ।

ਆਪਣੇ ਮੋਬਾਈਲ ਨੰਬਰ ਅਤੇ OTP ਨਾਲ ਸਾਈਨ-ਅੱਪ ਕਰੋ।

ਰੈਸਟੋਰੈਂਟ ਦਾ ਨਾਮ, ਪਤਾ, ਬੈਠਣ ਦੀ ਜਗ੍ਹਾ ਅਤੇ Google Maps 'ਤੇ ਸਹੀ ਲੋਕੇਸ਼ਨ ਪਿਨ ਸੈੱਟ ਕਰੋ, ਤਾਂ ਜੋ ਡਿਲੀਵਰੀ ਬੁਆਏ ਆਸਾਨੀ ਨਾਲ ਪਹੁੰਚ ਸਕੇ।

ਆਪਣਾ FSSAI ਸਰਟੀਫਿਕੇਟ, GST ਨੰਬਰ, ਪੈਨ ਅਤੇ ਬੈਂਕ ਡਿਟੇਲਜ਼ ਅੱਪਲੋਡ ਕਰੋ।

ਆਪਣਾ ਮੈਨਿਊ, ਖਾਣੇ ਦੀਆਂ ਕੀਮਤਾਂ ਅਤੇ ਫੂਡ ਦੀਆਂ ਤਸਵੀਰਾਂ ਅੱਪਲੋਡ ਕਰੋ। ਨਾਲ ਹੀ, ਰੈਸਟੋਰੈਂਟ ਦੇ ਖੁੱਲ੍ਹਣ ਅਤੇ ਬੰਦ ਹੋਣ ਦਾ ਸਮਾਂ ਸੈੱਟ ਕਰੋ।

Zomato ਕਮਿਸ਼ਨ ਅਤੇ ਸਮਾਂ:

ਵੇਰੀਫਿਕੇਸ਼ਨ ਵਿੱਚ 3 ਤੋਂ 7 ਦਿਨਾਂ ਦਾ ਸਮਾਂ ਲੱਗਦਾ ਹੈ। Zomato ਤੁਹਾਡੇ ਤੋਂ ਪ੍ਰਤੀ ਆਰਡਰ 15 ਤੋਂ 25% ਤੱਕ ਦਾ ਕਮਿਸ਼ਨ ਲੈਂਦਾ ਹੈ (ਜਿਸ 'ਤੇ 18% GST ਵੱਖਰਾ ਲੱਗਦਾ ਹੈ)।

Swiggy 'ਤੇ ਕਿਵੇਂ ਕਰੀਏ ਰਜਿਸਟਰ?

partner.swiggy.com 'ਤੇ ਜਾ ਕੇ 'Partner With Us' ਫਾਰਮ ਭਰੋ।

ਆਪਣੀ ਅਤੇ ਰੈਸਟੋਰੈਂਟ ਦੀ ਬੇਸਿਕ ਡਿਟੇਲਜ਼ ਪਾ ਕੇ ਸਬਮਿਟ ਕਰੋ। 24 ਤੋਂ 48 ਘੰਟਿਆਂ ਵਿੱਚ Swiggy ਦੀ ਟੀਮ ਤੁਹਾਡੇ ਨਾਲ ਸੰਪਰਕ ਕਰੇਗੀ।

ਸਾਰੇ ਦਸਤਾਵੇਜ਼ (FSSAI, GST, Bank details) ਪੋਰਟਲ 'ਤੇ ਅੱਪਲੋਡ ਕਰੋ।

Swiggy ਦੀ ਟੀਮ ਤੁਹਾਡੇ ਕਿਚਨ ਦੀ ਸਾਫ਼-ਸਫ਼ਾਈ (ਹਾਈਜੀਨ) ਅਤੇ ਪੈਕੇਜਿੰਗ ਕੁਆਲਿਟੀ ਚੈੱਕ ਕਰਨ ਲਈ ਤੁਹਾਡੇ ਰੈਸਟੋਰੈਂਟ 'ਤੇ ਖ਼ੁਦ ਵਿਜ਼ਿਟ ਕਰੇਗੀ।

Swiggy ਕਮਿਸ਼ਨ ਅਤੇ ਸਮਾਂ:

ਸਭ ਕੁਝ ਸਹੀ ਰਹਿਣ 'ਤੇ 5 ਤੋਂ 10 ਦਿਨਾਂ ਵਿੱਚ ਤੁਹਾਡਾ ਰੈਸਟੋਰੈਂਟ Swiggy 'ਤੇ ਲਾਈਵ ਹੋ ਜਾਵੇਗਾ। Swiggy ਪ੍ਰਤੀ ਆਰਡਰ 15 ਤੋਂ 28% ਦੇ ਵਿਚਕਾਰ ਕਮਿਸ਼ਨ ਚਾਰਜ ਕਰਦਾ ਹੈ।

ਤੁਸੀਂ ਕਿੰਨਾ ਕਮਾ ਸਕਦੇ ਹੋ? (Earnings From Swiggy Zomato)

ਇਨ੍ਹਾਂ ਪਲੇਟਫਾਰਮਾਂ 'ਤੇ ਆਉਣ ਦਾ ਸਭ ਤੋਂ ਵੱਡਾ ਅਸਰ ਸਿੱਧਾ ਤੁਹਾਡੇ ਮੁਨਾਫ਼ੇ 'ਤੇ ਪੈਂਦਾ ਹੈ:

ਜੋ ਰੈਸਟੋਰੈਂਟ ਇਨ੍ਹਾਂ ਐਪਸ 'ਤੇ ਲਿਸਟ ਹੁੰਦੇ ਹਨ, ਉਨ੍ਹਾਂ ਦੀ ਮਹੀਨਾਵਾਰ ਕਮਾਈ (Monthly revenue) ਵਿੱਚ 30 ਤੋਂ 50% ਤੱਕ ਦਾ ਵਾਧਾ ਹੁੰਦਾ ਹੈ। ਲੰਚ ਅਤੇ ਡਿਨਰ ਵਰਗੇ 'ਪੀਕ ਆਵਰਸ' (Peak Hours) ਵਿੱਚ ਆਉਣ ਵਾਲੇ ਵਾਧੂ ਆਰਡਰ ਤੁਹਾਡੀ ਐਕਸਟਰਾ ਇਨਕਮ ਬਣਦੇ ਹਨ।

ਤੁਹਾਡੀ ਦੁਕਾਨ 'ਤੇ ਚੱਲ ਕੇ ਆਉਣ ਵਾਲੇ ਗਾਹਕਾਂ ਦੀ ਤੁਲਨਾ ਵਿੱਚ, ਆਨਲਾਈਨ ਖਾਣਾ ਮੰਗਵਾਉਣ ਵਾਲਿਆਂ ਦੀ ਗਿਣਤੀ 10 ਗੁਣਾ (10x) ਤੱਕ ਜ਼ਿਆਦਾ ਹੁੰਦੀ ਹੈ।

ਤੁਹਾਡਾ ਬਿਜ਼ਨਸ ਹੁਣ ਸਿਰਫ਼ ਤੁਹਾਡੀ ਗਲੀ ਜਾਂ ਮੁਹੱਲੇ ਤੱਕ ਸੀਮਤ ਨਹੀਂ ਰਹਿੰਦਾ। 5 ਤੋਂ 10 ਕਿਲੋਮੀਟਰ ਦੇ ਘੇਰੇ ਵਿੱਚ ਬੈਠਾ ਕੋਈ ਵੀ ਕਸਟਮਰ ਡਾਇਰੈਕਟ ਤੁਹਾਡੇ ਰੈਸਟੋਰੈਂਟ ਤੋਂ ਆਰਡਰ ਕਰ ਸਕਦਾ ਹੈ।

ਜੇਕਰ ਤੁਸੀਂ ਆਫ਼ਲਾਈਨ ਮਹੀਨੇ ਦਾ 1 ਲੱਖ ਰੁਪਏ ਕਮਾ ਰਹੇ ਹੋ, ਤਾਂ ਆਨਲਾਈਨ ਲਿਸਟ ਹੋਣ ਤੋਂ ਬਾਅਦ ਤੁਸੀਂ ਆਸਾਨੀ ਨਾਲ ਇਸ ਨੂੰ 1.30 ਲੱਖ ਤੋਂ 1.50 ਲੱਖ ਰੁਪਏ ਤੱਕ ਲੈ ਕੇ ਜਾ ਸਕਦੇ ਹੋ।