SIP Investment: Daily, Weekly ਜਾਂ Monthly? ਜਾਣੋ ₹15,000 ਦੇ ਨਿਵੇਸ਼ 'ਤੇ ਕਿੱਥੇ ਮਿਲੇਗਾ ਸਭ ਤੋਂ ਵੱਧ ਰਿਟਰਨ

ਨਵੀਂ ਦਿੱਲੀ: ਮਿਊਚਲ ਫੰਡ ਵਿੱਚ ਨਿਵੇਸ਼ (Mutual Fund) ਕਰਨ ਲਈ ਸਿਸਟਮੈਟਿਕ ਇਨਵੈਸਟਮੈਂਟ ਪਲਾਨ (SIP) ਅੱਜ ਦੇ ਸਮੇਂ ਵਿੱਚ ਨੌਕਰੀਪੇਸ਼ਾ ਤੋਂ ਲੈ ਕੇ ਆਮ ਆਦਮੀ ਤੱਕ ਦੀ ਪਹਿਲੀ ਪਸੰਦ ਬਣ ਚੁੱਕਾ ਹੈ। ਆਮ ਤੌਰ 'ਤੇ ਲੋਕ ਆਪਣੀ ਤਨਖ਼ਾਹ ਆਉਣ 'ਤੇ ਹਰ ਮਹੀਨੇ (Monthly SIP) ਪੈਸੇ ਜਮ੍ਹਾਂ ਕਰਵਾਉਂਦੇ ਹਨ, ਪਰ ਅੱਜ-ਕੱਲ੍ਹ ਮਿਊਚਲ ਫੰਡ ਕੰਪਨੀਆਂ 'ਡੇਲੀ' (Daily) ਅਤੇ 'ਵੀਕਲੀ' (Weekly) SIP ਦੇ ਆਕਰਸ਼ਕ ਆਪਸ਼ਨ ਵੀ ਦੇ ਰਹੀਆਂ ਹਨ।

ਇਸ ਨਾਲ ਨਿਵੇਸ਼ਕਾਂ ਦੇ ਮਨ ਵਿੱਚ ਅਕਸਰ ਇੱਕ ਵੱਡਾ ਸਵਾਲ ਉੱਠਦਾ ਹੈ ਕਿ ਕੀ ਰੋਜ਼ਾਨਾ (Daily) SIP ਕਰਨ ਨਾਲ ਰਿਟਰਨ ਜ਼ਿਆਦਾ ਮਿਲੇਗਾ? ਜਾਂ ਫਿਰ ਹਫ਼ਤੇ (Weekly) ਅਤੇ ਮਹੀਨੇ (Monthly) ਦੇ ਹਿਸਾਬ ਨਾਲ ਪੈਸਾ ਲਗਾਉਣਾ ਜ਼ਿਆਦਾ ਸਹੀ ਹੈ? ਆਓ ਇਸ ਪੂਰੀ ਉਲਝਣ ਨੂੰ ਕੈਲਕੁਲੇਸ਼ਨ ਰਾਹੀਂ ਸਮਝਦੇ ਹਾਂ।

ਕੈਲਕੁਲੇਸ਼ਨ

ਮੰਨ ਲਓ ਤੁਸੀਂ ਮਿਊਚਲ ਫੰਡ ਵਿੱਚ ਹਰ ਮਹੀਨੇ ₹15,000 ਦਾ ਨਿਵੇਸ਼ ਕਰਨਾ ਚਾਹੁੰਦੇ ਹੋ। ਇਸ ਨੂੰ ਅਸੀਂ 12% ਦੇ ਅਨੁਮਾਨਿਤ ਸਾਲਾਨਾ ਰਿਟਰਨ (CAGR) ਅਤੇ 20 ਸਾਲ ਦੀ ਮਿਆਦ ਲਈ ਕੈਲਕੁਲੇਟ ਕਰਦੇ ਹਾਂ।

1. ਮੰਥਲੀ ਐੱਸ.ਆਈ.ਪੀ. (Monthly SIP)

ਜੇਕਰ ਤੁਸੀਂ ਹਰ ਮਹੀਨੇ ₹15,000 ਦੀ ਇੱਕਮੁਸ਼ਤ SIP ਕਰਦੇ ਹੋ:

ਕੁਲ ਨਿਵੇਸ਼: ₹36 ਲੱਖ (20 ਸਾਲਾਂ ਵਿੱਚ)

ਅਨੁਮਾਨਿਤ ਰਿਟਰਨ (12%): ₹1.14 ਕਰੋੜ

20 ਸਾਲ ਬਾਅਦ ਕੁੱਲ ਕਾਰਪਸ: ਲਗਭਗ ₹1.50 ਕਰੋੜ

2. ਵੀਕਲੀ ਐੱਸ.ਆਈ.ਪੀ. (Weekly SIP)

ਜੇਕਰ ਤੁਸੀਂ ਮਹੀਨੇ ਦੇ ₹15,000 ਨੂੰ ਚਾਰ ਹਫ਼ਤਿਆਂ ਵਿੱਚ ਵੰਡ ਕੇ ਹਰ ਹਫ਼ਤੇ ₹3,750 ਜਮ੍ਹਾਂ ਕਰਵਾਉਂਦੇ ਹੋ:

ਕੁੱਲ ਨਿਵੇਸ਼: ₹36 ਲੱਖ

ਅਨੁਮਾਨਿਤ ਰਿਟਰਨ: ₹1.15 ਕਰੋੜ

20 ਸਾਲ ਬਾਅਦ ਕੁੱਲ ਕਾਰਪਸ: ਲਗਭਗ ₹1.51 ਕਰੋੜ

3. ਡੇਲੀ ਐੱਸ.ਆਈ.ਪੀ. (Daily SIP)

ਜੇਕਰ ਤੁਸੀਂ ਮਹੀਨੇ ਦੇ ₹15,000 ਨੂੰ 30 ਦਿਨਾਂ ਵਿੱਚ ਵੰਡ ਕੇ ਹਰ ਦਿਨ ₹500 ਦੀ SIP ਕਰਦੇ ਹੋ:

ਕੁੱਲ ਨਿਵੇਸ਼: ₹36 ਲੱਖ

ਅਨੁਮਾਨਿਤ ਰਿਟਰਨ: ₹1.16 ਕਰੋੜ

20 ਸਾਲ ਬਾਅਦ ਕੁੱਲ ਕਾਰਪਸ: ਲਗਭਗ ₹1.52 ਕਰੋੜ

ਨੋਟ: ਸ਼ੇਅਰ ਬਾਜ਼ਾਰ ਵਿੱਚ ਹਰ ਦਿਨ ਉਤਾਰ-ਚੜ੍ਹਾਅ ਹੁੰਦਾ ਹੈ, ਇਸ ਲਈ ਇਹ ਇੱਕ ਅਨੁਮਾਨਿਤ ਗਣਿਤ ਹੈ।

ਕੀ ਡੇਲੀ SIP ਨਾਲ ਸੱਚਮੁੱਚ ਜ਼ਿਆਦਾ ਫ਼ਾਇਦਾ ਹੁੰਦਾ ਹੈ?

ਕੈਲਕੁਲੇਸ਼ਨ ਦੇਖਣ 'ਤੇ ਤੁਹਾਨੂੰ ਲੱਗੇਗਾ ਕਿ ਡੇਲੀ SIP ਵਿੱਚ ਮੰਥਲੀ ਦੇ ਮੁਕਾਬਲੇ ਲਗਭਗ 1 ਤੋਂ 2 ਲੱਖ ਰੁਪਏ ਦਾ ਵਾਧੂ ਫ਼ਾਇਦਾ ਹੋ ਰਿਹਾ ਹੈ। ਪਰ, 20 ਸਾਲ ਦੇ ਲੰਬੇ ਸਮੇਂ ਅਤੇ ₹1.5 ਕਰੋੜ ਦੇ ਵੱਡੇ ਕਾਰਪਸ ਨੂੰ ਦੇਖਦੇ ਹੋਏ, ਇਹ ਫ਼ਰਕ ਸਿਰਫ਼ 1% ਤੋਂ 1.5% ਦਾ ਹੀ ਹੈ, ਜੋ ਕਿ ਬਹੁਤ ਮਾਮੂਲੀ ਹੈ।