Silver Price Hike: ਚਾਂਦੀ ਦੀਆਂ ਕੀਮਤਾਂ 'ਚ ਲੱਗੀ ਅੱਗ! ਸਵੇਰੇ-ਸਵੇਰੇ ਹੀ 7000 ਰੁਪਏ ਦਾ ਵੱਡਾ ਉਛਾਲ, ਜਾਣੋ ਅੱਜ ਦਾ ਨਵਾਂ ਰਿਕਾਰਡ

ਬਿਜ਼ਨੈੱਸ ਡੈਸਕ। 20 ਜਨਵਰੀ ਮੰਗਲਵਾਰ ਨੂੰ ਅੱਜ ਚਾਂਦੀ ਦੀਆਂ ਕੀਮਤਾਂ ਵਿੱਚ ਤੂਫਾਨੀ ਤੇਜ਼ੀ ਦੇਖਣ ਨੂੰ ਮਿਲ ਰਹੀ ਹੈ। ਸਵੇਰੇ ਚਾਂਦੀ ਵਿੱਚ 7000 ਰੁਪਏ ਪ੍ਰਤੀ ਕਿਲੋ ਤੋਂ ਜ਼ਿਆਦਾ ਦਾ ਵਾਧਾ ਦਰਜ ਕੀਤਾ ਗਿਆ। ਚਾਂਦੀ ਨੇ 3.1 ਲੱਖ ਰੁਪਏ ਪ੍ਰਤੀ ਕਿਲੋ ਦੇ ਅੰਕੜੇ ਨੂੰ ਪਾਰ ਕਰਦਿਆਂ ਇੱਕ ਨਵਾਂ ਰਿਕਾਰਡ ਕਾਇਮ ਕਰ ਦਿੱਤਾ ਹੈ।

Silver Price Hike: ਕਿੰਨਾ ਆਇਆ ਉਛਾਲ?

ਸਵੇਰੇ 9:54 ਵਜੇ ਦੇ ਕਰੀਬ ਚਾਂਦੀ ਵਿੱਚ ਜ਼ੋਰਦਾਰ ਉਛਾਲ ਦੇਖਿਆ ਗਿਆ। ਇਸ ਸਮੇਂ ਚਾਂਦੀ ਵਿੱਚ 8000 ਰੁਪਏ ਤੋਂ ਵੱਧ ਦੀ ਤੇਜ਼ੀ ਹੈ ਅਤੇ 1 ਕਿਲੋ ਚਾਂਦੀ ਦੀ ਕੀਮਤ 3,18,313 ਰੁਪਏ ਦੇ ਆਸ-ਪਾਸ ਚੱਲ ਰਹੀ ਹੈ। ਚਾਂਦੀ ਨੇ ਹੁਣ ਤੱਕ 3,08,432 ਰੁਪਏ ਪ੍ਰਤੀ ਕਿਲੋ ਦਾ ਹੇਠਲਾ (Low) ਅਤੇ 3,22,774 ਰੁਪਏ ਦਾ ਉੱਚਾ (High) ਰਿਕਾਰਡ ਬਣਾਇਆ ਹੈ।

Gold Price Today: ਸੋਨੇ ਦਾ ਭਾਅ

ਸੋਨੇ ਦੀਆਂ ਕੀਮਤਾਂ ਵਿੱਚ ਵੀ ਵਾਧਾ ਜਾਰੀ ਹੈ। ਸਵੇਰੇ ਸੋਨੇ ਦੀ ਕੀਮਤ 1,47,596 ਰੁਪਏ ਪ੍ਰਤੀ 10 ਗ੍ਰਾਮ ਦੇ ਕਰੀਬ ਰਹੀ, ਜਿਸ ਵਿੱਚ ਲਗਪਗ 2000 ਰੁਪਏ ਦਾ ਵਾਧਾ ਦੇਖਿਆ ਗਿਆ। ਸੋਨੇ ਦਾ ਹੁਣ ਤੱਕ ਦਾ ਉੱਚਾ ਪੱਧਰ 1,47,599 ਰੁਪਏ ਰਿਹਾ ਹੈ।