- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਛੋਟੇ ਕਾਰੋਬਾਰੀਆਂ ਲਈ ਕੇਂਦਰ ਦਾ ਵੱਡਾ ਤੋਹਫ਼ਾ! ‘ਕਾਰਪੋਰੇਟ ਮਿੱਤਰ’ ਪਹਿਲ ਸ਼ੁਰੂ, MSMEs ਨੂੰ ਮਿਲੇਗੀ ਪ੍ਰੋਫੈਸ਼ਨਲ ਮਦਦ
‘ਕਾਰਪੋਰੇਟ ਮਿੱਤਰ’ ਕੋਰਸ ਦੀ ਕੁੱਲ ਮਿਆਦ 12 ਮਹੀਨੇ ਹੈ ਜਿਸ ਨੂੰ ਦੋ ਪੜਾਵਾਂ 'ਚ ਵੰਡਿਆ ਗਿਆ ਹੈ। ਪਹਿਲੇ ਛੇ ਮਹੀਨਿਆਂ ਵਿਚ ਲਗਪਗ 150 ਘੰਟਿਆਂ ਦੀ ਸੰਰਚਿਤ ਅਕਾਦਮਿਕ ਸਿੱਖਿਆ ਸ਼ਾਮਲ ਹੈ, ਜੋ ਰਿਕਾਰਡ ਕੀਤੇ ਵੀਡੀਓ ਲੈਕਚਰਾਂ ਰਾਹੀਂ ਦਿੱਤੀ ਜਾਵੇਗੀ। ਇਸ ਤੋਂ ਬਾਅਦ ICAI, ICSI ਅਤੇ ICOAI ਦੇ ਮੈਂਬਰਾਂ ਦੀਆਂ ਪ੍ਰੋਫੈਸ਼ਨਲ ਫਰਮਾਂ ਵਿਚ ਛੇ ਮਹੀਨਿਆਂ ਦੀ ਆਨ-ਦ-ਜੌਬ ਟ੍ਰੇਨਿੰਗ ਹੋਵੇਗੀ। ਇਸ ਨਾਲ ਸਿਖਿਆਰਥੀਆਂ ਨੂੰ ਪ੍ਰੈਕਟੀਕਲ ਤਜਰਬਾ ਮਿਲੇਗਾ।
Posted By Seema Anand
Publish Date: Sat, 05 Sep 2026 01:19 PM (IST)
Updated Date: Sat, 05 Sep 2026 01:25 PM (IST)
ਆਈਐਨਐਸ, ਨਵੀਂ ਦਿੱਲੀ : ਕੇਂਦਰ ਸਰਕਾਰ ਨੇ ਸੂਖਮ, ਲਘੂ ਤੇ ਦਰਮਿਆਨੇ ਉਦਯੋਗਾਂ (MSMEs) ਲਈ ਕੰਪਲਾਇੰਸ ਦੀ ਪ੍ਰਕਿਰਿਆ ਨੂੰ ਆਸਾਨ ਬਣਾਉਣ ਵਾਸਤੇ ‘ਕਾਰਪੋਰੇਟ ਮਿੱਤਰ’ ਪਹਿਲ ਸ਼ੁਰੂ ਕੀਤੀ ਹੈ। ਇਸ ਪਹਿਲ ਦਾ ਮਕਸਦ ਕੰਪਲਾਇੰਸ ਨੂੰ ਡਰਾਉਣਾ ਨਹੀਂ, ਸਗੋਂ ਇਸ ਨੂੰ ਆਸਾਨ ਬਣਾਉਣਾ ਤੇ ਗਿਆਨ ਨੂੰ ਆਸਾਨੀ ਨਾਲ ਉਪਲਬਧ ਕਰਵਾਉਣਾ ਹੈ।
ਕਾਰਪੋਰੇਟ ਮਾਮਲਿਆਂ ਦੇ ਮੰਤਰਾਲੇ ਦੀ ਜੁਆਇੰਟ ਸਕੱਤਰ ਅਨੀਤਾ ਸ਼ਾਹ ਅਕੇਲਾ ਨੇ ਕਿਹਾ ਕਿ ਇਸ ਪਹਿਲ ਦਾ ਉਦੇਸ਼ ਕੰਪਲਾਇੰਸ ਨੂੰ ਇਕ ਬੋਝ ਤੋਂ ਬਦਲ ਕੇ ਭਰੋਸੇ, ਪਾਰਦਰਸ਼ਤਾ, ਜਵਾਬਦੇਹੀ ਤੇ ਵਿਵਸਥਿਤ ਵਿਕਾਸ ਦਾ ਸਾਧਨ ਬਣਾਉਣਾ ਹੈ।
ਸਰਕਾਰ ਨੇ ਬਜਟ 'ਚ ਕੀਤਾ ਸੀ ਐਲਾਨ
ਸਰਕਾਰ ਨੇ ਕੇਂਦਰੀ ਬਜਟ 2026-27 ਵਿਚ ‘ਕਾਰਪੋਰੇਟ ਮਿੱਤਰ’ ਪਹਿਲ ਦਾ ਐਲਾਨ ਕੀਤਾ ਸੀ। ਇਸ ਦਾ ਉਦੇਸ਼ ਸਿਖਲਾਈ ਪ੍ਰਾਪਤ ਤੇ ਪ੍ਰਮਾਣਿਤ ਪੈਰਾ-ਪ੍ਰੋਫੈਸ਼ਨਲਜ਼ ਦਾ ਇਕ ਪੂਲ ਤਿਆਰ ਕਰਨਾ ਹੈ ਜੋ MSMEs ਨੂੰ ਕਾਰੋਬਾਰ ਤੇ ਰੈਗੂਲੇਟਰੀ ਕੰਪਲਾਇੰਸ 'ਚ ਮਦਦ ਕਰ ਸਕਣ। ਇਹ ਪ੍ਰੋਗਰਾਮ ICAI, ICSI ਅਤੇ ICOAI ਦੀ ਪ੍ਰੋਫੈਸ਼ਨਲ ਮਾਹਿਰਤਾ ਨੂੰ IIT ਮਦਰਾਸ, IIT ਮਦਰਾਸ ਪ੍ਰਵਰਤਕ ਅਤੇ ਸਵਯੰ ਪਲੱਸ ਦੇ ਤਕਨੀਕੀ ਤੇ ਅਕਾਦਮਿਕ ਸਹਿਯੋਗ ਨਾਲ ਜੋੜਦਾ ਹੈ।
ਇੰਸਟੀਚਿਊਟ ਆਫ ਚਾਰਟਰਡ ਅਕਾਊਂਟੈਂਟਸ ਆਫ ਇੰਡੀਆ (ICAI), ਇੰਸਟੀਚਿਊਟ ਆਫ ਕੰਪਨੀ ਸੈਕਰੇਟਰੀਜ਼ ਆਫ ਇੰਡੀਆ (ICSI) ਅਤੇ ਇੰਸਟੀਚਿਊਟ ਆਫ ਕਾਸਟ ਅਕਾਊਂਟੈਂਟਸ ਆਫ ਇੰਡੀਆ (ICOAI) ਨੇ ‘ਕਾਰਪੋਰੇਟ ਮਿੱਤਰ’ ਕੋਰਸ ਸ਼ੁਰੂ ਕਰ ਦਿੱਤਾ ਹੈ। ਇਸ ਦੇ ਪਹਿਲੇ ਬੈਚ ਵਿਚ 2,879 ਸਿਖਿਆਰਥੀਆਂ ਨੇ ਰਜਿਸਟ੍ਰੇਸ਼ਨ ਕਰਵਾਈ ਹੈ।
ਕਾਰਪੋਰੇਟ ਮਾਮਲਿਆਂ ਦੇ ਮੰਤਰਾਲੇ ਅਨੁਸਾਰ, ਕਾਰਪੋਰੇਟ ਮਿੱਤਰ ਲਰਨਿੰਗ ਮੈਨੇਜਮੈਂਟ ਸਿਸਟਮ (LMS) ਦੀ ਸ਼ੁਰੂਆਤ ਇਸ ਪ੍ਰੋਗਰਾਮ ਦੇ ਸੰਰਚਿਤ ਸਿੱਖਿਆ ਅਤੇ ਸਮਰੱਥਾ ਵਿਕਾਸ ਪੜਾਅ ਦੀ ਸ਼ੁਰੂਆਤ ਹੈ। ਇਸ ਕੋਰਸ ਦਾ ਟੀਚਾ ਪ੍ਰਮਾਣਿਤ ਪੈਰਾ-ਪ੍ਰੋਫੈਸ਼ਨਲਜ਼ ਦਾ ਇਕ ਕੁਸ਼ਲ ਸਮੂਹ ਤਿਆਰ ਕਰਨਾ ਹੈ ਜੋ MSMEs ਨੂੰ ਕਿਫਾਇਤੀ ਪ੍ਰੋਫੈਸ਼ਨਲ ਸਹਾਇਤਾ ਪ੍ਰਦਾਨ ਕਰ ਸਕੇ। ਇਸ ਨਾਲ ਕਾਰੋਬਾਰ ਕਰਨ ਵਿਚ ਆਸਾਨੀ, ਰੋਜ਼ਗਾਰ ਪੈਦਾ ਕਰਨ ਅਤੇ ਸਮਾਵੇਸ਼ੀ ਆਰਥਿਕ ਵਿਕਾਸ ਨੂੰ ਉਤਸ਼ਾਹ ਮਿਲੇਗਾ।
ਇਹ ਭਾਰਤ ਦੇ MSME ਈਕੋਸਿਸਟਮ ਦੇ ਵਿਕਾਸ ਅਤੇ ਰਸਮੀਕਰਨ ਵਿਚ ਯੋਗਦਾਨ ਪਾਉਣ ਵਾਲੇ ਪੈਰਾ-ਪ੍ਰੋਫੈਸ਼ਨਲਜ਼ ਦਾ ਕੁਸ਼ਲ ਪੂਲ ਵਿਕਸਿਤ ਕਰਨ ਵੱਲ ਇੱਕ ਮਹੱਤਵਪੂਰਨ ਕਦਮ ਹੈ।
12 ਮਹੀਨਿਆਂ ਦਾ ਹੈ ਕੋਰਸ
‘ਕਾਰਪੋਰੇਟ ਮਿੱਤਰ’ ਕੋਰਸ ਦੀ ਕੁੱਲ ਮਿਆਦ 12 ਮਹੀਨੇ ਹੈ ਜਿਸ ਨੂੰ ਦੋ ਪੜਾਵਾਂ 'ਚ ਵੰਡਿਆ ਗਿਆ ਹੈ। ਪਹਿਲੇ ਛੇ ਮਹੀਨਿਆਂ ਵਿਚ ਲਗਪਗ 150 ਘੰਟਿਆਂ ਦੀ ਸੰਰਚਿਤ ਅਕਾਦਮਿਕ ਸਿੱਖਿਆ ਸ਼ਾਮਲ ਹੈ, ਜੋ ਰਿਕਾਰਡ ਕੀਤੇ ਵੀਡੀਓ ਲੈਕਚਰਾਂ ਰਾਹੀਂ ਦਿੱਤੀ ਜਾਵੇਗੀ। ਇਸ ਤੋਂ ਬਾਅਦ ICAI, ICSI ਅਤੇ ICOAI ਦੇ ਮੈਂਬਰਾਂ ਦੀਆਂ ਪ੍ਰੋਫੈਸ਼ਨਲ ਫਰਮਾਂ ਵਿਚ ਛੇ ਮਹੀਨਿਆਂ ਦੀ ਆਨ-ਦ-ਜੌਬ ਟ੍ਰੇਨਿੰਗ ਹੋਵੇਗੀ। ਇਸ ਨਾਲ ਸਿਖਿਆਰਥੀਆਂ ਨੂੰ ਪ੍ਰੈਕਟੀਕਲ ਤਜਰਬਾ ਮਿਲੇਗਾ।