- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਇਸ ਭਾਰਤੀ ਅਰਬਪਤੀ ਦੀ ਕੰਪਨੀ ਅਮਰੀਕਾ 'ਚ ਕੈਂਸਰ ਦੀ ਦਵਾਈ ਲਾਂਚ ਕਰਨ ਲਈ ਤਿਆਰ! USFDA ਨੇ ਰਿਵਿਊ ਲਈ ਦਿੱਤੀ ਹਰੀ ਝੰਡੀ
ਬੁੱਧਵਾਰ ਨੂੰ ਬੀਐੱਸਈ 'ਤੇ ਜ਼ਾਇਡਸ ਦੇ ਸ਼ੇਅਰ 'ਚ ਗਿਰਾਵਟ ਦਰਜ ਕੀਤੀ ਗਈ। ਸਵੇਰੇ ਕਰੀਬ 9:30 ਵਜੇ ਕੰਪਨੀ ਦਾ ਸ਼ੇਅਰ 1.77 ਫ਼ੀਸਦੀ ਦੀ ਗਿਰਾਵਟ ਨਾਲ 1,111 ਰੁਪਏ 'ਤੇ ਕਾਰੋਬਾਰ ਕਰ ਰਿਹਾ ਸੀ। ਪਿਛਲੇ ਇੱਕ ਮਹੀਨੇ ਦੌਰਾਨ ਇਸ ਸ਼ੇਅਰ 'ਚ 1.09 ਫ਼ੀਸਦੀ ਅਤੇ ਪਿਛਲੇ ਛੇ ਮਹੀਨਿਆਂ 'ਚ 18.7 ਫ਼ੀਸਦੀ ਦਾ ਵਾਧਾ ਦਰਜ ਕੀਤਾ ਗਿਆ ਹੈ।
Posted By Seema Anand
Publish Date: Wed, 14 Oct 2026 10:26 AM (IST)
Updated Date: Wed, 14 Oct 2026 10:30 AM (IST)
ਬਿਜ਼ਨੈੱਸ ਡੈਸਕ, ਨਵੀਂ ਦਿੱਲੀ : ਯੂਐੱਸ ਫੂਡ ਐਂਡ ਡਰੱਗ ਐਡਮਿਨਿਸਟ੍ਰੇਸ਼ਨ (FDA) ਨੇ ਜ਼ਾਇਡਸ ਲਾਈਫਸਾਇੰਸਿਜ਼ ਦੀ ਉਸ ਅਰਜ਼ੀ ਨੂੰ ਸਮੀਖਿਆ ਲਈ ਸਵੀਕਾਰ ਕਰ ਲਿਆ ਹੈ, ਜਿਸ ਤਹਿਤ ਕੈਂਸਰ ਦੀ ਦਵਾਈ 'ਕੀਟ੍ਰੂਡਾ' (ਪੈਮਬ੍ਰੋਲਿਜ਼ੁਮੈਬ) ਦੇ ਦੁਨੀਆ ਦੇ ਪਹਿਲੇ ਜਨਤਕ ਤੌਰ 'ਤੇ ਐਲਾਨੇ ਗਏ ਬਾਇਓਸਿਮਿਲਰ ਦੀ ਸਮੀਖਿਆ ਕੀਤੀ ਜਾਣੀ ਹੈ। ਕੀਟ੍ਰੂਡਾ ਦੁਨੀਆ ਦੀਆਂ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀਆਂ ਦਵਾਈਆਂ 'ਚੋਂ ਇੱਕ ਹੈ। ਇਸ ਨੂੰ ਬਣਾਉਣ ਵਾਲੀ ਕੰਪਨੀ ਮਰਕ (ਭਾਰਤ 'ਚ MSD) ਹਰ ਸਾਲ ਇਸ ਦਵਾਈ ਤੋਂ 30 ਅਰਬ ਡਾਲਰ ਤੋਂ ਵੱਧ ਦੀ ਕਮਾਈ ਕਰਦੀ ਹੈ।
ਕੌਣ ਹੈ ਕੰਪਨੀ ਦਾ ਮਾਲਕ?
ਜ਼ਾਇਡਸ ਲਾਈਫਸਾਇੰਸਿਜ਼ ਦਾ ਕੰਟਰੋਲ ਅਰਬਪਤੀ ਕਾਰੋਬਾਰੀ ਪੰਕਜ ਰਮਣਭਾਈ ਪਟੇਲ ਕੋਲ ਹੈ। ਉਨ੍ਹਾਂ ਦਾ ਪਰਿਵਾਰ ਹੀ ਇਸ ਕੰਪਨੀ ਦਾ ਮਾਲਕ ਹੈ ਅਤੇ ਇਸ ਨੂੰ ਚਲਾਉਂਦਾ ਹੈ।
ਦਵਾਈ ਦੀ ਗੱਲ ਕਰੀਏ ਤਾਂ ਜੇਕਰ ਪ੍ਰਸਤਾਵਿਤ ਬਾਇਓਸਿਮਿਲਰ FYB206 ਨੂੰ ਮਨਜ਼ੂਰੀ ਮਿਲ ਜਾਂਦੀ ਹੈ, ਤਾਂ ਅਹਿਮਦਾਬਾਦ ਦੀ ਇਹ ਕੰਪਨੀ ਅਮਰੀਕੀ ਬਾਜ਼ਾਰ 'ਚ ਪੈਮਬ੍ਰੋਲਿਜ਼ੁਮੈਬ ਲਿਆਉਣ ਵਾਲੀਆਂ ਪਹਿਲੀਆਂ ਕੰਪਨੀਆਂ 'ਚੋਂ ਇੱਕ ਬਣ ਸਕਦੀ ਹੈ।
ਪੈਮਬ੍ਰੋਲਿਜ਼ੁਮੈਬ ਦੀ ਵਰਤੋਂ ਚਮੜੀ, ਫੇਫੜਿਆਂ, ਛਾਤੀ ਅਤੇ ਕੋਲਨ ਕੈਂਸਰ ਸਮੇਤ ਲਗਭਗ 19 ਕਿਸਮਾਂ ਦੇ ਕੈਂਸਰਾਂ ਦੇ ਇਲਾਜ ਲਈ ਕੀਤੀ ਜਾਂਦੀ ਹੈ। ਇਸ ਦਵਾਈ ਨੂੰ FDA ਵੱਲੋਂ 40 ਤੋਂ ਵੱਧ ਇਲਾਜ ਸੰਬੰਧੀ ਸੰਕੇਤਾਂ ਲਈ ਮਨਜ਼ੂਰੀ ਮਿਲੀ ਹੋਈ ਹੈ।
'ਇੱਕ ਅਹਿਮ ਕਦਮ'
ਜ਼ਾਇਡਸ ਕੋਲ ਅਮਰੀਕਾ ਅਤੇ ਕੈਨੇਡਾ ਲਈ ਇਸ ਦਵਾਈ ਦੇ ਵਿਸ਼ੇਸ਼ ਵਪਾਰਕ ਅਧਿਕਾਰ ਹਨ ਅਤੇ ਉੱਤਰੀ ਅਮਰੀਕੀ ਬਾਜ਼ਾਰ 'ਚ ਇਸ ਉਤਪਾਦ ਦੇ ਵਪਾਰੀਕਰਨ ਸਬੰਧੀ ਕੰਪਨੀ ਕੋਲ ਕਾਫ਼ੀ ਤਜਰਬਾ ਹੈ। ਜ਼ਾਇਡਸ ਲਾਈਫਸਾਇੰਸਿਜ਼ ਦੇ ਮੈਨੇਜਿੰਗ ਡਾਇਰੈਕਟਰ ਸ਼ਰਵਿਲ ਪੀ. ਪਟੇਲ ਨੇ ਕਿਹਾ, 'ਅਰਜ਼ੀ ਨੂੰ ਸਵੀਕਾਰ ਕੀਤਾ ਜਾਣਾ ਅਮਰੀਕਾ ਅਤੇ ਕੈਨੇਡਾ 'ਚ ਕਿਫ਼ਾਇਤੀ ਪੈਮਬ੍ਰੋਲਿਜ਼ੁਮੈਬ ਥੈਰੇਪੀ ਤੱਕ ਪਹੁੰਚ ਵਧਾਉਣ ਦੀ ਦਿਸ਼ਾ 'ਚ ਇੱਕ ਅਹਿਮ ਕਦਮ ਹੈ।'
2027 ਦੀ ਤੀਜੀ ਤਿਮਾਹੀ ਤਕ ਆ ਸਕਦੈ ਫ਼ੈਸਲਾ
ਜ਼ਾਇਡਸ ਨੇ ਦੱਸਿਆ ਕਿ ਹੁਣ ਇਸ ਦਵਾਈ ਦਾ ਪੂਰਾ ਰੈਗੂਲੇਟਰੀ ਮੁਲਾਂਕਣ ਕੀਤਾ ਜਾਵੇਗਾ ਅਤੇ FDA ਦੇ ਰਿਵਿਊ ਦਾ ਫ਼ੈਸਲਾ 2027 ਦੀ ਤੀਜੀ ਤਿਮਾਹੀ ਤਕ ਆਉਣ ਦੀ ਉਮੀਦ ਹੈ। ਕੰਪਨੀ ਨੇ ਇੱਕ ਬਿਆਨ 'ਚ ਕਿਹਾ, 'ਬਾਇਓਲੌਜਿਕਸ ਲਾਇਸੈਂਸ ਐਪਲੀਕੇਸ਼ਨ (BLA) 2026 ਦੀ ਤੀਜੀ ਤਿਮਾਹੀ 'ਚ ਜਮ੍ਹਾਂ ਕਰਵਾਈ ਗਈ ਸੀ। FYB206 ਲਈ ਰੈਗੂਲੇਟਰੀ ਡੋਜ਼ੀਅਰ ਹੈਲਥ ਕੈਨੇਡਾ ਕੋਲ ਵੀ ਜਮ੍ਹਾਂ ਕਰਵਾ ਦਿੱਤਾ ਗਿਆ ਹੈ।'
ਬਾਇਓਫਾਰਮਾਸਿਊਟੀਕਲ ਇੰਟੈਲੀਜੈਂਸ ਪਲੇਟਫਾਰਮ 'ਡਰੱਗਪੇਟੈਂਟਵਾਚ' ਮੁਤਾਬਕ, ਇਤਿਹਾਸਕ ਤੌਰ 'ਤੇ ਸਮੀਖਿਆ ਲਈ ਸਵੀਕਾਰ ਕੀਤੇ ਗਏ ਬਾਇਓਸਿਮਿਲਰਾਂ ਲਈ FDA ਦੀ ਮਨਜ਼ੂਰੀ ਦਰ 90 ਫ਼ੀਸਦੀ ਤੋਂ ਵੱਧ ਰਹੀ ਹੈ।
ਸ਼ੇਅਰ 'ਚ ਗਿਰਾਵਟ
ਬੁੱਧਵਾਰ ਨੂੰ ਬੀਐੱਸਈ 'ਤੇ ਜ਼ਾਇਡਸ ਦੇ ਸ਼ੇਅਰ 'ਚ ਗਿਰਾਵਟ ਦਰਜ ਕੀਤੀ ਗਈ। ਸਵੇਰੇ ਕਰੀਬ 9:30 ਵਜੇ ਕੰਪਨੀ ਦਾ ਸ਼ੇਅਰ 1.77 ਫ਼ੀਸਦੀ ਦੀ ਗਿਰਾਵਟ ਨਾਲ 1,111 ਰੁਪਏ 'ਤੇ ਕਾਰੋਬਾਰ ਕਰ ਰਿਹਾ ਸੀ। ਪਿਛਲੇ ਇੱਕ ਮਹੀਨੇ ਦੌਰਾਨ ਇਸ ਸ਼ੇਅਰ 'ਚ 1.09 ਫ਼ੀਸਦੀ ਅਤੇ ਪਿਛਲੇ ਛੇ ਮਹੀਨਿਆਂ 'ਚ 18.7 ਫ਼ੀਸਦੀ ਦਾ ਵਾਧਾ ਦਰਜ ਕੀਤਾ ਗਿਆ ਹੈ।
ਸ਼ੇਅਰ ਬਾਜ਼ਾਰ ਨਾਲ ਜੁੜੇ ਆਪਣੇ ਸਵਾਲ ਤੁਸੀਂ business@jagrannewmedia.com 'ਤੇ ਭੇਜ ਸਕਦੇ ਹੋ।
ਡਿਸਕਲੇਮਰ: ਇੱਥੇ ਸ਼ੇਅਰ ਬਾਜ਼ਾਰ ਨਾਲ ਜੁੜੀ ਜਾਣਕਾਰੀ ਦਿੱਤੀ ਗਈ ਹੈ, ਨਿਵੇਸ਼ ਦੀ ਸਲਾਹ ਨਹੀਂ। ਜਾਗਰਣ ਬਿਜ਼ਨਸ ਨਿਵੇਸ਼ ਦੀ ਸਲਾਹ ਨਹੀਂ ਦੇ ਰਿਹਾ। ਸਟਾਕ ਮਾਰਕੀਟ 'ਚ ਨਿਵੇਸ਼ ਬਾਜ਼ਾਰ ਦੇ ਜੋਖ਼ਮਾਂ ਦੇ ਅਧੀਨ ਹੈ। ਇਸ ਲਈ ਨਿਵੇਸ਼ ਕਰਨ ਤੋਂ ਪਹਿਲਾਂ ਕਿਸੇ ਪ੍ਰਮਾਣਿਤ ਨਿਵੇਸ਼ ਸਲਾਹਕਾਰ ਨਾਲ ਸਲਾਹ ਜ਼ਰੂਰ ਕਰੋ।