ਕੌਣ ਹਨ ਮਨੀਸ਼ ਆਨੰਦਾਨੀ, ਜੋ ਬਣਨਗੇ Colgate ਦੇ ਨਵੇਂ MD-CEO? ਕਿੰਨੇ ਸਾਲਾਂ ਦਾ ਤਜਰਬਾ, ਕਿੰਨੀ ਮਿਲੇਗੀ ਤਨਖ਼ਾਹ?

ਬਿਜ਼ਨੈੱਸ ਡੈਸਕ, ਨਵੀਂ ਦਿੱਲੀ : ਕੋਲਗੇਟ-ਪਾਮੋਲਿਵ ਇੰਡੀਆ (Colgate-Palmolive India) 'ਚ ਲੀਡਰਸ਼ਿਪ ਨੂੰ ਲੈ ਕੇ ਵੱਡਾ ਬਦਲਾਅ ਹੋਇਆ ਹੈ। ਕੰਪਨੀ ਦੀ ਮੈਨੇਜਿੰਗ ਡਾਇਰੈਕਟਰ (MD) ਅਤੇ ਚੀਫ ਐਗਜ਼ੀਕਿਊਟਿਵ ਅਫਸਰ (CEO) ਪ੍ਰਭਾ ਨਰਸਿਮਹਨ (Prabha Narasimhan) ਨੇ ਆਪਣੇ ਅਹੁਦੇ ਤੋਂ ਅਸਤੀਫ਼ਾ ਦੇ ਦਿੱਤਾ ਹੈ। ਪ੍ਰਭਾ ਦਾ ਕਾਰਜਕਾਲ 27 ਸਤੰਬਰ 2026 ਨੂੰ ਪੂਰਾ ਹੋਵੇਗਾ। ਅਜਿਹੇ ਵਿਚ ਆਓ ਜਾਣਦੇ ਹਾਂ ਕਿ ਕੰਪਨੀ 'ਚ ਹੁਣ ਉਨ੍ਹਾਂ ਦੀ ਥਾਂ ਕੌਣ ਲੈਣ ਵਾਲਾ ਹੈ।

ਕੌਣ ਹੋਵੇਗਾ ਕੰਪਨੀ ਦਾ ਨਵਾਂ MD-CEO?

ਭਾਰਤ ਲਈ ਕੰਪਨੀ 'ਚ MD-CEO ਦਾ ਅਹੁਦਾ ਸੰਭਾਲਣ ਦੀ ਜ਼ਿੰਮੇਵਾਰੀ ਹੁਣ ਮਨੀਸ਼ ਆਨੰਦਾਨੀ (Manish Aanandani) ਨੂੰ ਮਿਲੀ ਹੈ। ਮਨੀਸ਼ 20 ਸਤੰਬਰ 2026 ਤੋਂ ਅਹੁਦਾ ਸੰਭਾਲਣਗੇ। ਬੋਰਡ ਨੇ ਉਨ੍ਹਾਂ ਲਈ ਪੰਜ ਸਾਲ ਦੇ ਕਾਰਜਕਾਲ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਐਂਟਰਪ੍ਰਾਈਜ਼ ਸਟ੍ਰੈਟਜੀ, ਡਿਜੀਟਲ ਟ੍ਰਾਂਸਫਾਰਮੇਸ਼ਨ ਅਤੇ ਮਾਰਕੀਟ ਐਕਸਪੈਂਸ਼ਨ ਵਿੱਚ ਲਗਭਗ 30 ਸਾਲ ਦੇ ਲੰਬੇ ਤਜਰਬੇ ਨਾਲ ਮਨੀਸ਼ ਕੰਪਨੀ 'ਚ ਵਾਪਸੀ ਕਰਨਗੇ।

ਇਸ ਤੋਂ ਪਹਿਲਾਂ ਮਨੀਸ਼ ਕੇਨਵਿਊ ਇੰਡੀਆ, ਜੌਨਸਨ ਐਂਡ ਜੌਨਸਨ (Johnson & Johnson) ਅਤੇ ਪੈਪਸੀਕੋ (PepsiCo) ਵਰਗੀਆਂ ਦਿੱਗਜ ਕੰਪਨੀਆਂ 'ਚ ਸੀਨੀਅਰ ਅਹੁਦਿਆਂ 'ਤੇ ਆਪਣੀਆਂ ਸੇਵਾਵਾਂ ਦੇ ਚੁੱਕੇ ਹਨ। ਉੱਥੇ ਹੀ, ਮਨੀਸ਼ 2005 ਤੋਂ 2018 ਦਰਮਿਆਨ ਕੋਲਗੇਟ-ਪਾਮੋਲਿਵ ਨਾਲ ਕੰਮ ਕਰ ਚੁੱਕੇ ਹਨ ਅਤੇ ਗਲੋਬਲ ਕਸਟਮਰ ਡਿਵੈਲਪਮੈਂਟ 'ਚ ਵਰਲਡਵਾਈਡ ਡਾਇਰੈਕਟਰ ਦੇ ਅਹੁਦੇ 'ਤੇ ਵੀ ਰਹਿ ਚੁੱਕੇ ਹਨ।

ਮਨੀਸ਼ ਨੇ ਇਲੈਕਟ੍ਰਾਨਿਕਸ ਅਤੇ ਮਾਰਕੀਟਿੰਗ 'ਚ ਡਿਗਰੀ ਹਾਸਲ ਕੀਤੀ ਅਤੇ ਇਸ ਤੋਂ ਬਾਅਦ ਅਮਰੀਕਾ ਦੇ ਟੱਕ ਸਕੂਲ ਆਫ ਬਿਜ਼ਨੈੱਸ (Tuck School of Business) ਤੋਂ ਲੀਡਰਸ਼ਿਪ 'ਚ ਐਗਜ਼ੀਕਿਊਟਿਵ MBA ਵੀ ਕੀਤਾ। ਮਨੀਸ਼ ਦੀ ਨਿਯੁਕਤੀ ਬਾਰੇ ਕੰਪਨੀ ਨੇ ਇਹ ਵੀ ਸਪੱਸ਼ਟ ਕੀਤਾ ਹੈ ਕਿ ਬੋਰਡ ਦਾ ਕੋਈ ਵੀ ਡਾਇਰੈਕਟਰ ਆਨੰਦਾਨੀ ਨਾਲ ਸਬੰਧਤ ਨਹੀਂ ਹੈ।

ਮੀਡੀਆ ਰਿਪੋਰਟਾਂ ਮੁਤਾਬਕ, ਇਸੇ ਅਹੁਦੇ 'ਤੇ ਪ੍ਰਭਾ ਨਰਸਿਮਹਨ ਨੂੰ ਹਰ ਸਾਲ 12.9 ਕਰੋੜ ਰੁਪਏ ਦੀ ਤਨਖ਼ਾਹ ਮਿਲਦੀ ਸੀ। ਅਜਿਹੇ ਵਿੱਚ ਹੁਣ ਅੰਦਾਜ਼ਾ ਲਗਾਇਆ ਜਾ ਰਿਹਾ ਹੈ ਕਿ ਮਨੀਸ਼ ਆਨੰਦਾਨੀ ਨੂੰ MD-CEO ਦੇ ਅਹੁਦੇ ਲਈ ਇਸ ਤੋਂ ਵੀ ਵੱਧ ਤਨਖ਼ਾਹ ਮਿਲ ਸਕਦੀ ਹੈ।

ਪ੍ਰਭਾ ਨਰਸਿਮਹਨ ਨੂੰ ਮਿਲੀ ਵੱਡੀ ਜ਼ਿੰਮੇਵਾਰੀ

ਪ੍ਰਭਾ ਨਰਸਿਮਹਨ ਦਾ ਕਾਰਜਕਾਲ 27 ਸਤੰਬਰ 2026 ਨੂੰ ਖ਼ਤਮ ਹੋ ਜਾਵੇਗਾ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਤਰੱਕੀ ਦੇ ਕੇ ਕੋਲਗੇਟ-ਪਾਮੋਲਿਵ ਦੇ ਏਸ਼ੀਆ-ਪੈਸਿਫਿਕ ਡਿਵੀਜ਼ਨ 'ਚ ਮਾਰਕੀਟਿੰਗ ਦੀ ਐਗਜ਼ੀਕਿਊਟਿਵ ਵਾਈਸ ਪ੍ਰੈਜ਼ੀਡੈਂਟ ਵਜੋਂ ਕੰਮ ਕਰਨ ਦੀ ਜ਼ਿੰਮੇਵਾਰੀ ਦਿੱਤੀ ਜਾਵੇਗੀ। ਪ੍ਰਭਾ ਨੇ ਸਤੰਬਰ 2022 'ਚ ਇਹ ਅਹੁਦਾ ਸੰਭਾਲਿਆ ਸੀ ਜਿਸ ਤੋਂ ਬਾਅਦ ਕੰਪਨੀ ਨੇ ਕਈ ਅਹਿਮ ਮੁਕਾਮ ਹਾਸਲ ਕੀਤੇ।