- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਇਸ ਬੈਂਕ ਨੇ ਗਾਹਕਾਂ ਨੂੰ ਦਿੱਤਾ ਤੋਹਫ਼ਾ, ATM ਤੋਂ ਪੈਸੇ ਕਢਵਾਉਣ ’ਤੇ ਨਹੀਂ ਦੇਣਾ ਪਵੇਗਾ ਚਾਰਜ; ਮੁਫ਼ਤ ਸੇਵਾ ਦਾ ਐਲਾਨ
ਸਰਕਾਰ ਨੇ ਸਾਰੇ ਪਬਲਿਕ ਸੈਕਟਰ ਬੈਂਕਾਂ (PSBs) ਅਤੇ ਰੀਜਨਲ ਰੂਰਲ ਬੈਂਕਾਂ (RRBs) ਨੂੰ ਐਤਵਾਰ, 27 ਸਤੰਬਰ ਨੂੰ ਖੁੱਲ੍ਹੇ ਰੱਖਣ ਦੇ ਨਿਰਦੇਸ਼ ਦਿੱਤੇ ਹਨ। ਹਾਲਾਂਕਿ, ਬੈਂਕ ਕਰਮਚਾਰੀਆਂ ਦੀਆਂ ਪ੍ਰਮੁੱਖ ਯੂਨੀਅਨਾਂ ਤਿੰਨ ਦਿਨਾਂ ਦੀ ਹੜਤਾਲ ’ਤੇ ਜਾਣ ਅਤੇ ਕਰਮਚਾਰੀਆਂ ਨੂੰ ਐਤਵਾਰ ਨੂੰ ਦਫ਼ਤਰ ਨਾ ਆਉਣ ਲਈ ਕਹਿਣ ਦੀ ਗੱਲ ਕਰ ਰਹੀਆਂ ਹਨ।
Posted By Neha Diwan
Publish Date: Fri, 25 Sep 2026 03:59 PM (IST)
Updated Date: Fri, 25 Sep 2026 04:01 PM (IST)
ਬਿਜ਼ਨੈੱਸ ਡੈਸਕ, ਨਵੀਂ ਦਿੱਲੀ। ਭਾਰਤ ਦੇ ਸਭ ਤੋਂ ਵੱਡੇ ਸਰਕਾਰੀ ਬੈਂਕ ਨੇ ਆਪਣੇ ਗਾਹਕਾਂ ਨੂੰ ਵੱਡਾ ਤੋਹਫ਼ਾ ਦਿੱਤਾ ਹੈ। ਹੁਣ ਗਾਹਕਾਂ ਨੂੰ ATM ਤੋਂ ਪੈਸੇ ਕਢਵਾਉਣ ਲਈ ਕੋਈ ਟ੍ਰਾਂਜ਼ੈਕਸ਼ਨ ਚਾਰਜ ਨਹੀਂ ਦੇਣਾ ਪਵੇਗਾ। ਹਾਲਾਂਕਿ, ਇਹ ਸਹੂਲਤ ਸਿਰਫ਼ 3 ਦਿਨਾਂ ਲਈ ਹੋਵੇਗੀ। ਦਰਅਸਲ, 28, 29 ਅਤੇ 30 ਸਤੰਬਰ ਨੂੰ ਦੇਸ਼ ਭਰ ਦੇ ਬੈਂਕਾਂ ਵਿੱਚ ਕੰਮ ਕਰਨ ਵਾਲੇ ਕਰਮਚਾਰੀ ਦੇਸ਼ਵਿਆਪੀ ਬੈਂਕ ਹੜਤਾਲ (Bank Strike) ਕਰਨਗੇ।
ਇਸ ਦੌਰਾਨ 28 ਤੋਂ 30 ਸਤੰਬਰ ਤੱਕ ਪ੍ਰਸਤਾਵਿਤ ਦੇਸ਼ਵਿਆਪੀ ਬੈਂਕ ਹੜਤਾਲ ਨੂੰ ਦੇਖਦੇ ਹੋਏ ਸਟੇਟ ਬੈਂਕ ਆਫ ਇੰਡੀਆ (SBI) ਨੇ ਗਾਹਕਾਂ ਤੋਂ ATM ਟ੍ਰਾਂਜ਼ੈਕਸ਼ਨ ਫੀਸ ਨਾ ਲੈਣ ਦਾ ਫੈਸਲਾ ਕੀਤਾ ਹੈ।
ਬੈਂਕ ਨੇ ਦਿੱਤੀ ਜਾਣਕਾਰੀ
SBI ਨੇ ਕਿਹਾ ਕਿ ਹੜਤਾਲ ਦੌਰਾਨ ਦੇਸ਼ ਦੇ ਕਿਸੇ ਵੀ ਬੈਂਕ ਦੇ ATM ਤੋਂ ਕੀਤੇ ਜਾਣ ਵਾਲੇ ਟ੍ਰਾਂਜ਼ੈਕਸ਼ਨ ’ਤੇ ATM ਟ੍ਰਾਂਜ਼ੈਕਸ਼ਨ ਚਾਰਜ ਨਹੀਂ ਲਿਆ ਜਾਵੇਗਾ। ਇਸ ਦਾ ਮਤਲਬ ਹੈ ਕਿ ਗਾਹਕ ਆਪਣੀ ਨਕਦੀ ਦੀ ਜ਼ਰੂਰਤ ਪੂਰੀ ਕਰ ਸਕਦੇ ਹਨ ਅਤੇ ਉਨ੍ਹਾਂ ਨੂੰ ਉਸ ਫੀਸ ਦੀ ਚਿੰਤਾ ਕਰਨ ਦੀ ਲੋੜ ਨਹੀਂ ਹੋਵੇਗੀ, ਜੋ ਆਮ ਤੌਰ ’ਤੇ ਮਹੀਨਾਵਾਰ ਮੁਫ਼ਤ ਟ੍ਰਾਂਜ਼ੈਕਸ਼ਨ ਦੀ ਸੀਮਾ ਖ਼ਤਮ ਹੋਣ ਤੋਂ ਬਾਅਦ ਲੱਗਦੀ ਹੈ।
SBI ਨੇ ਆਪਣੀ ਐਡਵਾਇਜ਼ਰੀ ਵਿੱਚ ਕਿਹਾ, “ਅਸੀਂ ਹੜਤਾਲ ਦੌਰਾਨ ਜ਼ਰੂਰੀ ਬੈਂਕਿੰਗ ਸੇਵਾਵਾਂ ਪ੍ਰਦਾਨ ਕਰਨ ਲਈ ਹਰ ਸੰਭਵ ਕੋਸ਼ਿਸ਼ ਕਰ ਰਹੇ ਹਾਂ। ਫਿਰ ਵੀ ਗਾਹਕਾਂ ਨੂੰ ਬੇਨਤੀ ਹੈ ਕਿ ਉਹ ਹੜਤਾਲ ਦੀਆਂ ਤਾਰੀਖਾਂ ਤੋਂ ਪਹਿਲਾਂ ਹੀ ਜ਼ਰੂਰੀ ਬੈਂਕਿੰਗ ਲੈਣ-ਦੇਣ ਪੂਰੇ ਕਰ ਲੈਣ। ਨਕਦੀ ਦੀ ਜ਼ਰੂਰਤ ਲਈ ATM/ADWM ਦੀ ਵਰਤੋਂ ਕਰੋ। ਕਸਟਮਰ ਸਰਵਿਸ ਪੁਆਇੰਟਸ (CSPs) ਦੀ ਵਰਤੋਂ ਕਰੋ ਅਤੇ ਇੰਟਰਨੈੱਟ ਬੈਂਕਿੰਗ, YONO, ਮੋਬਾਈਲ ਬੈਂਕਿੰਗ, UPI ਅਤੇ ਹੋਰ ਡਿਜੀਟਲ ਮਾਧਿਅਮਾਂ ਨੂੰ ਤਰਜੀਹ ਦਿਓ।”
ਐਤਵਾਰ ਨੂੰ ਬੈਂਕ ਖੋਲ੍ਹਣ ਦੇ ਫੈਸਲੇ ’ਤੇ ਯੂਨੀਅਨਾਂ ਨੇ ਜਤਾਈ ਇਤਰਾਜ਼
ਸਰਕਾਰ ਨੇ ਸਾਰੇ ਪਬਲਿਕ ਸੈਕਟਰ ਬੈਂਕਾਂ (PSBs) ਅਤੇ ਰੀਜਨਲ ਰੂਰਲ ਬੈਂਕਾਂ (RRBs) ਨੂੰ ਐਤਵਾਰ, 27 ਸਤੰਬਰ ਨੂੰ ਖੁੱਲ੍ਹੇ ਰੱਖਣ ਦੇ ਨਿਰਦੇਸ਼ ਦਿੱਤੇ ਹਨ। ਹਾਲਾਂਕਿ, ਬੈਂਕ ਕਰਮਚਾਰੀਆਂ ਦੀਆਂ ਪ੍ਰਮੁੱਖ ਯੂਨੀਅਨਾਂ ਤਿੰਨ ਦਿਨਾਂ ਦੀ ਹੜਤਾਲ ’ਤੇ ਜਾਣ ਅਤੇ ਕਰਮਚਾਰੀਆਂ ਨੂੰ ਐਤਵਾਰ ਨੂੰ ਦਫ਼ਤਰ ਨਾ ਆਉਣ ਲਈ ਕਹਿਣ ਦੀ ਗੱਲ ਕਰ ਰਹੀਆਂ ਹਨ।
🚨 MEETING UPDATE WITH DFS, NEW DELHI 🚨
Federation leaders of NOBW, NOBO, AIGBWO & AIGBOO, along with Shri Girish Chandra Arya Ji (Financial Sector In-charge, BMS), met with Secretary, DFS today.
Key Demands Raised:
❌ Strong objection to declaring 27 Sept 2026 (Sunday) a… pic.twitter.com/C3OM85YmGg
— 𝘽𝙊𝙄 𝙊𝙛𝙛𝙞𝙘𝙚𝙧𝙨' 𝙊𝙧𝙜𝙖𝙣𝙞𝙨𝙖𝙩𝙞𝙤𝙣 (𝘽𝙊𝙄𝙊𝙊-𝙉𝙊𝘽𝙊) (@boioo_boi) September 24, 2026
ਬੈਂਕ ਕਰਮਚਾਰੀ ਯੂਨੀਅਨਾਂ ਨੇ ਐਤਵਾਰ ਨੂੰ ਕੰਮਕਾਜ ਦਾ ਦਿਨ ਰੱਖਣ ’ਤੇ ਇਤਰਾਜ਼ ਜਤਾਇਆ ਹੈ। ਬੈਂਕਿੰਗ ਕਰਮਚਾਰੀ ਸੰਗਠਨਾਂ ਨੇ 27 ਸਤੰਬਰ ਨੂੰ ਕੰਮਕਾਜ ਦਾ ਦਿਨ ਰੱਖਣ ਦੇ ਫੈਸਲੇ ’ਤੇ ਵੀ ਇਤਰਾਜ਼ ਕੀਤਾ ਹੈ।
NOBW, NOBO, AIGBWO ਅਤੇ AIGBOO ਦੇ ਫੈਡਰੇਸ਼ਨ ਆਗੂਆਂ ਨੇ BMS ਵਿੱਚ ਫਾਈਨੈਂਸ਼ੀਅਲ ਸੈਕਟਰ ਦੇ ਇੰਚਾਰਜ ਗਿਰੀਸ਼ ਚੰਦਰ ਆਰਿਆ ਨਾਲ ਮਿਲ ਕੇ ਇਸ ਮੁੱਦੇ ’ਤੇ ਚਰਚਾ ਕਰਨ ਲਈ ਡਿਪਾਰਟਮੈਂਟ ਆਫ ਫਾਈਨੈਂਸ਼ੀਅਲ ਸਰਵਿਸਿਜ਼ ਦੇ ਸਕੱਤਰ ਨਾਲ ਮੁਲਾਕਾਤ ਕੀਤੀ।