- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
UPI ਪੇਮੈਂਟ 'ਤੇ MDR ਚਾਰਜ ਬਾਰੇ ਵੱਡੀ ਖ਼ਬਰ, ਜਨਵਰੀ 2027 ਤਕ ਮੁਫ਼ਤ ਰਹਿ ਸਕਦੀ ਹੈ ਡਿਜੀਟਲ ਪੇਮੈਂਟ! NPCI ਦੀ ਅੱਜ ਮੀਟਿੰਗ
ਅੱਜ NPCI ਦੀ ਸਟੀਅਰਿੰਗ ਕਮੇਟੀ ਦੀ ਮੀਟਿੰਗ 'ਚ ਇਹ ਫੈਸਲਾ ਲਿਆ ਜਾ ਸਕਦਾ ਹੈ ਕਿ MDR ਚਾਰਜ ਨੂੰ ਕੁਝ ਹੋਰ ਸਮੇਂ ਲਈ ਟਾਲਿਆ ਜਾਵੇ ਜਾਂ ਨਹੀਂ। ਰਿਪੋਰਟ ਮੁਤਾਬਕ, ਕਮੇਟੀ ਦੀ ਮੀਟਿੰਗ ਦਿਨ ਦੇ ਪਹਿਲੇ ਅੱਧ 'ਚ ਹੋਣ ਦੀ ਉਮੀਦ ਹੈ ਅਤੇ ਪ੍ਰਸਤਾਵਿਤ ਮੁਲਤਵੀ ਫੈਸਲੇ ਬਾਰੇ ਐਲਾਨ ਦੁਪਹਿਰ 1 ਵਜੇ ਤੋਂ 2 ਵਜੇ ਦਰਮਿਆਨ ਹੋਣ ਦੀ ਸੰਭਾਵਨਾ ਹੈ।
Posted By Seema Anand
Publish Date: Fri, 09 Oct 2026 10:14 AM (IST)
Updated Date: Fri, 09 Oct 2026 10:17 AM (IST)
ਬਿਜ਼ਨੈੱਸ ਡੈਸਕ, ਨਵੀਂ ਦਿੱਲੀ : UPI ਪੇਮੈਂਟ 'ਤੇ 15 ਅਕਤੂਬਰ ਤੋਂ MDR ਚਾਰਜ ਲਾਗੂ ਹੋਣਾ ਤੈਅ ਹੈ, ਪਰ ਮੀਡੀਆ ਰਿਪੋਰਟਾਂ ਮੁਤਾਬਕ ਇਸ ਨੂੰ ਕੁਝ ਹੋਰ ਸਮੇਂ ਲਈ ਟਾਲਿਆ ਜਾ ਸਕਦਾ ਹੈ। ਰਿਪੋਰਟਾਂ ਅਨੁਸਾਰ, ਨੈਸ਼ਨਲ ਪੇਮੈਂਟਸ ਕਾਰਪੋਰੇਸ਼ਨ ਆਫ਼ ਇੰਡੀਆ (NPCI) ਨੇ ਯੂਨੀਫਾਈਡ ਪੇਮੈਂਟਸ ਇੰਟਰਫੇਸ (UPI) ਟ੍ਰਾਂਜੈਕਸ਼ਨਾਂ 'ਤੇ ਮਰਚੈਂਟ ਡਿਸਕਾਊਂਟ ਰੇਟ (MDR) ਚਾਰਜ ਲਾਗੂ ਕਰਨ ਨੂੰ ਟਾਲਣ ਦੀ ਸੰਭਾਵਨਾ 'ਤੇ ਚਰਚਾ ਕਰਨ ਲਈ ਸ਼ੁੱਕਰਵਾਰ, 9 ਅਕਤੂਬਰ ਨੂੰ UPI ਸਟੀਅਰਿੰਗ ਕਮੇਟੀ ਦੀ ਮੀਟਿੰਗ ਬੁਲਾਈ ਹੈ।
ਅੱਜ NPCI ਦੀ ਸਟੀਅਰਿੰਗ ਕਮੇਟੀ ਦੀ ਮੀਟਿੰਗ 'ਚ ਇਹ ਫੈਸਲਾ ਲਿਆ ਜਾ ਸਕਦਾ ਹੈ ਕਿ MDR ਚਾਰਜ ਨੂੰ ਕੁਝ ਹੋਰ ਸਮੇਂ ਲਈ ਟਾਲਿਆ ਜਾਵੇ ਜਾਂ ਨਹੀਂ। ਰਿਪੋਰਟ ਮੁਤਾਬਕ, ਕਮੇਟੀ ਦੀ ਮੀਟਿੰਗ ਦਿਨ ਦੇ ਪਹਿਲੇ ਅੱਧ 'ਚ ਹੋਣ ਦੀ ਉਮੀਦ ਹੈ ਅਤੇ ਪ੍ਰਸਤਾਵਿਤ ਮੁਲਤਵੀ ਫੈਸਲੇ ਬਾਰੇ ਐਲਾਨ ਦੁਪਹਿਰ 1 ਵਜੇ ਤੋਂ 2 ਵਜੇ ਦਰਮਿਆਨ ਹੋਣ ਦੀ ਸੰਭਾਵਨਾ ਹੈ।
ਮੀਡੀਆ ਰਿਪੋਰਟਾਂ ਅਨੁਸਾਰ, NPCI 15 ਅਕਤੂਬਰ ਤੋਂ UPI MDR ਲਾਗੂ ਕਰਨ ਦੀ ਯੋਜਨਾ ਨੂੰ ਟਾਲ ਕੇ ਜਨਵਰੀ 2027 ਤੱਕ ਵਧਾਉਣ ਦੇ ਪ੍ਰਸਤਾਵਾਂ 'ਤੇ ਵਿਚਾਰ ਕਰ ਰਿਹਾ ਹੈ। ਇਸ ਦਾ ਮਤਲਬ ਹੈ ਕਿ 15 ਅਕਤੂਬਰ ਤੋਂ ਲਾਗੂ ਹੋਣ ਵਾਲਾ MDR ਚਾਰਜ ਕੁਝ ਹੋਰ ਸਮੇਂ ਲਈ ਮੁਲਤਵੀ ਕੀਤਾ ਜਾ ਸਕਦਾ ਹੈ ਅਤੇ ਸੰਭਵ ਤੌਰ 'ਤੇ ਇਸ ਨੂੰ ਜਨਵਰੀ 2027 ਤੱਕ ਟਾਲਿਆ ਜਾ ਸਕਦਾ ਹੈ।
ਫਿਨਟੈੱਕ ਤੇ ਪੇਮੈਂਟ ਕੰਪਨੀਆਂ ਨੇ ਕੀਤੀ ਸੀ ਤਰੀਕ ਵਧਾਉਣ ਦੀ ਮੰਗ
ਫਿਨਟੈੱਕ ਤੇ ਪੇਮੈਂਟ ਕੰਪਨੀਆਂ ਨੇ NPCI ਨੂੰ MDR ਚਾਰਜ ਲਾਗੂ ਕਰਨ ਦੀ ਤਰੀਕ ਅੱਗੇ ਵਧਾਉਣ ਦੀ ਬੇਨਤੀ ਕੀਤੀ ਸੀ। ਕੰਪਨੀਆਂ ਦੀ ਇਸ ਮੰਗ ਨੂੰ ਦੇਖਦੇ ਹੋਏ NPCI ਅੱਜ ਯਾਨੀ 9 ਅਕਤੂਬਰ ਨੂੰ ਸਟੀਅਰਿੰਗ ਕਮੇਟੀ ਨਾਲ ਮੀਟਿੰਗ ਕਰਕੇ ਇਸ ਬਾਰੇ ਫੈਸਲਾ ਲੈ ਸਕਦਾ ਹੈ। ਫਿਨਟੈੱਕ ਤੇ ਪੇਮੈਂਟ ਕੰਪਨੀਆਂ ਨੇ ਤਿਉਹਾਰਾਂ ਦੇ ਸੀਜ਼ਨ ਦੌਰਾਨ ਹੋਣ ਵਾਲੀ ਖ਼ਰੀਦਦਾਰੀ 'ਤੇ ਗਾਹਕਾਂ ਦੇ ਰਵੱਈਏ, ਵੱਖ-ਵੱਖ MDR ਦਰਾਂ, ਨੀਤੀਆਂ ਅਤੇ ਵੱਖ-ਵੱਖ UPI ਟ੍ਰਾਂਜੈਕਸ਼ਨਾਂ 'ਤੇ ਇਨ੍ਹਾਂ ਦੇ ਲਾਗੂ ਹੋਣ ਨੂੰ ਲੈ ਕੇ ਚਿੰਤਾ ਪ੍ਰਗਟਾਈ ਸੀ।
2,000 ਰੁਪਏ ਤੋਂ ਵੱਧ ਦੇ ਟ੍ਰਾਂਜੈਕਸ਼ਨ 'ਤੇ 0.4% MDR ਚਾਰਜ
ਪਿਛਲੇ ਮਹੀਨੇ ਸਰਕਾਰ ਨੇ 2,000 ਰੁਪਏ ਤੋਂ ਵੱਧ ਦੇ UPI ਟ੍ਰਾਂਜੈਕਸ਼ਨਾਂ 'ਤੇ MDR ਚਾਰਜ ਲਗਾਉਣ ਦਾ ਐਲਾਨ ਕੀਤਾ ਸੀ। ਇਸ ਦੀ ਦਰ 0.4 ਫ਼ੀਸਦੀ ਜਾਂ 40 ਬੇਸਿਸ ਪੁਆਇੰਟ ਤੈਅ ਕੀਤੀ ਗਈ ਸੀ ਅਤੇ ਇਹ ਚਾਰਜ 15 ਅਕਤੂਬਰ 2026 ਤੋਂ ਲਾਗੂ ਹੋਣਾ ਸੀ।
MDR ਉਹ ਫੀਸ ਹੁੰਦੀ ਹੈ ਜੋ ਡਿਜੀਟਲ ਪੇਮੈਂਟ ਦੀ ਪ੍ਰਕਿਰਿਆ ਲਈ ਵਪਾਰੀਆਂ ਤੋਂ ਵਸੂਲੀ ਜਾਂਦੀ ਹੈ। 0.4 ਫ਼ੀਸਦੀ ਫੀਸ ਦਾ ਮਤਲਬ ਹੈ ਕਿ ਹਰ 2,000 ਰੁਪਏ ਦੇ ਭੁਗਤਾਨ 'ਤੇ 8 ਰੁਪਏ ਜਾਂ UPI ਰਾਹੀਂ ਕੀਤੇ ਹਰ 10,000 ਰੁਪਏ ਦੇ ਭੁਗਤਾਨ 'ਤੇ 40 ਰੁਪਏ ਚਾਰਜ ਲੱਗੇਗਾ। ਹਰੇਕ ਟ੍ਰਾਂਜੈਕਸ਼ਨ 'ਤੇ ਵੱਧ ਤੋਂ ਵੱਧ 300 ਰੁਪਏ ਦੀ ਸੀਮਾ ਤੈਅ ਕੀਤੀ ਗਈ ਹੈ। ਯਾਨੀ ਇਸ ਤੋਂ ਵੱਧ ਚਾਰਜ ਨਹੀਂ ਲਿਆ ਜਾਵੇਗਾ।