Aadhaar App Update: ਵਾਰ-ਵਾਰ ਆਧਾਰ ਕਾਰਡ ਲੱਭਣ ਦਾ ਝੰਜਟ ਖ਼ਤਮ! ਇੱਕੋ ਮੋਬਾਈਲ 'ਚ ਮੈਨੇਜ ਕਰੋ ਪੂਰੇ ਪਰਿਵਾਰ ਦੀ ਡਿਟੇਲ

ਨਵੀਂ ਦਿੱਲੀ: ਅੱਜ ਦੇ ਜ਼ਮਾਨੇ ਵਿੱਚ ਆਧਾਰ ਕਾਰਡ ਇੱਕ ਅਜਿਹੀ ਜ਼ਰੂਰਤ ਬਣ ਚੁੱਕਾ ਹੈ ਕਿ ਕਿਤੇ ਵੀ ਅਤੇ ਕਿਸੇ ਵੀ ਸਮੇਂ ਤੁਹਾਡੇ ਤੋਂ ਇਹ ਮੰਗਿਆ ਜਾ ਸਕਦਾ ਹੈ। ਕਈ ਵਾਰ ਬੱਚੇ ਜੇਕਰ ਕਿਸੇ ਚੀਜ਼ ਦਾ ਫ਼ਾਰਮ ਭਰਦੇ ਹਨ ਤਾਂ ਉਨ੍ਹਾਂ ਨੂੰ ਆਪਣੇ ਮਾਤਾ-ਪਿਤਾ ਦੇ ਆਧਾਰ ਨੰਬਰ ਦੀ ਲੋੜ ਪੈਂਦੀ ਹੈ। ਅਤੇ ਅਜਿਹੇ ਸਮੇਂ 'ਚ ਜੇਕਰ ਤੁਹਾਡੇ ਕੋਲ ਤੁਰੰਤ ਸਾਰੀ ਜਾਣਕਾਰੀ ਮੌਜੂਦ ਨਾ ਹੋਵੇ ਤਾਂ ਪਰੇਸ਼ਾਨੀ ਹੋ ਸਕਦੀ ਹੈ।

ਲੇਕਿਨ ਹੁਣ ਤੁਹਾਨੂੰ ਵੱਖ-ਵੱਖ ਆਧਾਰ ਨੰਬਰ ਰੱਖਣ ਦੀ ਲੋੜ ਨਹੀਂ ਹੈ। ਪਰਿਵਾਰ ਦੇ ਸਾਰੇ ਮੈਂਬਰਾਂ ਦੇ ਆਧਾਰ ਨੰਬਰ ਨੂੰ ਤੁਸੀਂ ਇੱਕ ਹੀ ਫ਼ੋਨ ਤੋਂ ਮੈਨੇਜ ਕਰ ਸਕਦੇ ਹੋ। ਤਾਂ ਆਓ ਤੁਹਾਨੂੰ ਦੱਸਦੇ ਹਾਂ ਕਿ ਆਖ਼ਰ ਤੁਸੀਂ ਕਿਵੇਂ ਇੱਕ ਫ਼ੋਨ ਤੋਂ ਇਹ ਸਭ ਮੈਨੇਜ ਕਰ ਸਕੋਗੇ ਅਤੇ ਕਿੰਨੇ ਆਧਾਰ ਨੰਬਰ ਇੱਕ ਫ਼ੋਨ ਤੋਂ ਸੰਭਾਲੇ ਜਾ ਸਕਦੇ ਹਨ।

ਕੀ ਹੈ ਨਵੀਂ ਆਧਾਰ ਐਪ?

ਆਧਾਰ ਐਪ ਭਾਰਤੀ ਵਿਲੱਖਣ ਪਛਾਣ ਅਥਾਰਟੀ (UIDAI) ਵੱਲੋਂ ਬਣਾਈ ਗਈ ਨਵੀਂ ਐਪ ਹੈ, ਜਿੱਥੇ ਤੁਸੀਂ ਆਧਾਰ ਨਾਲ ਜੁੜੀਆਂ ਕਈ ਚੀਜ਼ਾਂ ਕਰਵਾ ਸਕਦੇ ਹੋ। ਤੁਸੀਂ ਇਸ ਨੂੰ ਗੂਗਲ ਪਲੇ ਸਟੋਰ ਜਾਂ ਐਪਲ ਪਲੇ ਸਟੋਰ ਤੋਂ ਡਾਊਨਲੋਡ ਕਰ ਸਕਦੇ ਹੋ। ਇਸ ਐਪ ਨੂੰ ਹਾਲ ਹੀ ਵਿੱਚ mAadhaar ਦੀ ਜਗ੍ਹਾ ਲਾਂਚ ਕੀਤਾ ਗਿਆ ਸੀ।

ਇਸ ਐਪ ਦੀ ਖ਼ਾਸ ਗੱਲ ਇਹ ਹੈ ਕਿ ਤੁਸੀਂ ਇਸ ਐਪ ਰਾਹੀਂ ਜਿੰਨੀ ਜਾਣਕਾਰੀ ਚਾਹੋ, ਸਿਰਫ਼ ਉੱਨੀ ਹੀ ਸ਼ੇਅਰ ਕਰ ਸਕਦੇ ਹੋ। ਮੰਨ ਲਓ ਕਿਤੇ ਤੁਹਾਨੂੰ ਸਿਰਫ਼ ਆਧਾਰ 'ਤੇ ਦਿੱਤਾ ਗਿਆ ਪਤਾ (Address) ਸ਼ੇਅਰ ਕਰਨਾ ਹੈ, ਤਾਂ ਤੁਸੀਂ ਸਾਰੀ ਜਾਣਕਾਰੀ ਛੁਪਾ ਕੇ, ਸਿਰਫ਼ ਪਤਾ ਸ਼ੇਅਰ ਕਰ ਸਕਦੇ ਹੋ। ਉੱਥੇ ਹੀ ਜੇਕਰ ਤੁਹਾਨੂੰ ਕਿਤੇ ਪੂਰਾ ਆਧਾਰ ਕਾਰਡ ਸ਼ੇਅਰ ਕਰਨਾ ਹੈ ਤਾਂ ਤੁਸੀਂ ਉਹ ਵੀ ਕਰ ਸਕਦੇ ਹੋ।

ਇੱਕ ਫ਼ੋਨ ਤੋਂ ਕਿੰਨੇ ਆਧਾਰ ਸੰਭਲਦੇ ਹਨ?

ਇਸ ਨਵੀਂ ਐਪ ਦੀ ਖ਼ਾਸ ਸੁਵਿਧਾ ਇਹ ਵੀ ਹੈ ਕਿ ਤੁਸੀਂ ਇਸ ਰਾਹੀਂ ਆਪਣੇ ਤੋਂ ਇਲਾਵਾ, ਆਪਣੇ ਪਰਿਵਾਰ ਵਾਲਿਆਂ ਦੇ ਆਧਾਰ ਨੂੰ ਵੀ ਲਿੰਕ ਕਰ ਸਕਦੇ ਹੋ। ਫਿਲਹਾਲ ਨਵੀਂ ਐਪ ਵਿੱਚ ਵੱਧ ਤੋਂ ਵੱਧ 5 ਆਧਾਰ ਨੰਬਰ ਤੁਸੀਂ ਜੋੜ ਸਕਦੇ ਹੋ। ਇਸ ਦਾ ਫ਼ਾਇਦਾ ਇਹ ਹੋਵੇਗਾ ਕਿ ਤੁਹਾਨੂੰ ਜ਼ਰੂਰਤ ਦੇ ਵੇਲੇ ਕਿਸੇ ਨੂੰ ਫ਼ੋਨ ਲਗਾਉਣ ਦੀ ਜਾਂ ਕਿਤੇ ਵੀ ਆਧਾਰ ਲੱਭਣ ਦੀ ਲੋੜ ਨਹੀਂ ਪਵੇਗੀ, ਤੁਸੀਂ ਇੱਕੋ ਜਗ੍ਹਾ ਸਾਰੀ ਜਾਣਕਾਰੀ ਦੇਖ ਸਕੋਗੇ।

ਐਪ 'ਤੇ ਕਿਵੇਂ ਜੋੜੀਏ ਬਾਕੀ ਆਧਾਰ?

ਤੁਸੀਂ ਘਰ ਬੈਠੇ ਹੀ ਆਸਾਨੀ ਨਾਲ ਐਪ 'ਤੇ ਪਰਿਵਾਰ ਦੇ ਬਾਕੀ ਮੈਂਬਰਾਂ ਦੇ ਆਧਾਰ ਨੰਬਰ ਵੀ ਜੋੜ ਸਕਦੇ ਹੋ:

ਸਭ ਤੋਂ ਪਹਿਲਾਂ ਨਵੀਂ ਆਧਾਰ ਐਪ ਵਿੱਚ ਜਾਓ।

ਜੇਕਰ ਤੁਸੀਂ ਆਪਣੀ ਪ੍ਰੋਫ਼ਾਈਲ ਨਹੀਂ ਬਣਾਈ ਹੈ ਤਾਂ ਆਪਣੀ ਪ੍ਰੋਫ਼ਾਈਲ ਬਣਾਓ ਅਤੇ ਆਪਣਾ ਆਧਾਰ ਜੋੜੋ।

ਫਿਰ ਪ੍ਰੋਫ਼ਾਈਲ ਵਿੱਚ ਜਾ ਕੇ "Add Aadhaar Profile" ਆਪਸ਼ਨ 'ਤੇ ਕਲਿੱਕ ਕਰੋ।

ਆਪਣੇ ਪਰਿਵਾਰ ਦੇ ਜਿਸ ਮੈਂਬਰ ਦੀ ਪ੍ਰੋਫ਼ਾਈਲ ਜੋੜਨੀ ਹੈ, ਉਸ ਦਾ ਆਧਾਰ ਨੰਬਰ ਪਾਓ।

ਜੋ ਆਧਾਰ ਤੁਸੀਂ ਜੋੜਨਾ ਚਾਹੁੰਦੇ ਹੋ, ਉਸ ਨਾਲ ਲਿੰਕ ਮੋਬਾਈਲ ਨੰਬਰ 'ਤੇ ਓ.ਟੀ.ਪੀ. (OTP) ਆਵੇਗਾ, ਉਸ ਨੂੰ ਦਰਜ ਕਰੋ।

ਫਿਰ ਓ.ਟੀ.ਪੀ. ਪਾ ਕੇ ਵੈਰੀਫ਼ਿਕੇਸ਼ਨ ਪੂਰੀ ਕਰੋ, ਅਤੇ ਤੁਹਾਡੀ ਐਪ 'ਤੇ ਨਵੀਂ ਆਧਾਰ ਪ੍ਰੋਫ਼ਾਈਲ ਜੁੜ ਜਾਵੇਗੀ।