- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਧਨਤੇਰਸ 'ਤੇ ਕਿਤੇ ਤੁਸੀਂ ਵੀ ਤਾਂ ਨਹੀਂ ਖਰੀਦ ਰਹੇ 'ਖੋਟਾ' ਸੋਨਾ? ਇੰਝ ਕਰੋ ਅਸਲੀ ਅਤੇ ਨਕਲੀ ਗੋਲਡ ਦੀ ਪੱਕੀ ਪਛਾਣ
ਇਸ ਲਈ ਜਦੋਂ ਵੀ ਤੁਸੀਂ ਸੋਨੇ ਦੇ ਗਹਿਣੇ ਖਰੀਦਣ ਜਾਓ ਤਾਂ ਇਹ ਜ਼ਰੂਰ ਜਾਂਚ ਕਰੋ ਕਿ ਤੁਸੀਂ ਜੋ ਗਹਿਣਾ ਲੈ ਰਹੇ ਹੋ, ਉਸ 'ਚ ਅਸਲੀ ਸੋਨਾ ਕਿੰਨੀ ਮਾਤਰਾ 'ਚ ਹੈ। ਇਸ ਦੇ ਨਾਲ ਹੀ ਇਹ ਵੀ ਪਤਾ ਲਗਾਓ ਕਿ ਕੀ ਉਹ ਗਹਿਣਾ ਸੱਚਮੁੱਚ ਸੋਨੇ ਦਾ ਹੀ ਬਣਿਆ ਹੈ ਜਾਂ ਨਹੀਂ।
Posted By Seema Anand
Publish Date: Sat, 31 Oct 2026 04:33 PM (IST)
Updated Date: Sat, 31 Oct 2026 04:36 PM (IST)
ਬਿਜ਼ਨੈੱਸ ਡੈਸਕ, ਨਵੀਂ ਦਿੱਲੀ : ਤਿਉਹਾਰਾਂ ਦੇ ਮੌਕੇ 'ਤੇ ਭਾਰਤ ਦੇ ਲੋਕ ਸੋਨਾ ਖਰੀਦਣਾ ਪਸੰਦ ਕਰਦੇ ਹਨ। 6 ਨਵੰਬਰ ਨੂੰ ਧਨਤੇਰਸ ਦਾ ਤਿਉਹਾਰ ਹੈ। ਇਸ ਦਿਨ ਸੋਨੇ ਅਤੇ ਚਾਂਦੀ ਦੀ ਵਿਕਰੀ ਵਧ ਜਾਂਦੀ ਹੈ। ਬਹੁਤ ਸਾਰੇ ਲੋਕ ਧਨਤੇਰਸ ਦੇ ਮੌਕੇ 'ਤੇ ਸੋਨੇ ਦੇ ਗਹਿਣੇ ਖਰੀਦਦੇ ਹਨ। ਪਰ ਇਹ ਯਕੀਨੀ ਬਣਾਉਣਾ ਬਹੁਤ ਜ਼ਰੂਰੀ ਹੈ ਕਿ ਜੋ ਗਹਿਣੇ ਤੁਸੀਂ ਖਰੀਦ ਰਹੇ ਹੋ, ਉਹ ਅਸਲੀ ਸੋਨੇ ਦੇ ਬਣੇ ਹੋਣ। ਕਈ ਵਾਰ ਦੁਕਾਨਦਾਰ ਤੁਹਾਨੂੰ ਧੋਖਾ ਦੇ ਕੇ ਨਕਲੀ ਸੋਨਾ ਵੇਚ ਦਿੰਦਾ ਹੈ ਅਤੇ ਕੀਮਤ ਅਸਲੀ ਸੋਨੇ ਦੀ ਵਸੂਲ ਕਰਦਾ ਹੈ।
ਇਸ ਲਈ ਜਦੋਂ ਵੀ ਤੁਸੀਂ ਸੋਨੇ ਦੇ ਗਹਿਣੇ ਖਰੀਦਣ ਜਾਓ ਤਾਂ ਇਹ ਜ਼ਰੂਰ ਜਾਂਚ ਕਰੋ ਕਿ ਤੁਸੀਂ ਜੋ ਗਹਿਣਾ ਲੈ ਰਹੇ ਹੋ, ਉਸ 'ਚ ਅਸਲੀ ਸੋਨਾ ਕਿੰਨੀ ਮਾਤਰਾ 'ਚ ਹੈ। ਇਸ ਦੇ ਨਾਲ ਹੀ ਇਹ ਵੀ ਪਤਾ ਲਗਾਓ ਕਿ ਕੀ ਉਹ ਗਹਿਣਾ ਸੱਚਮੁੱਚ ਸੋਨੇ ਦਾ ਹੀ ਬਣਿਆ ਹੈ ਜਾਂ ਨਹੀਂ।
ਅਸੀਂ ਸਾਰੇ ਜਾਣਦੇ ਹਾਂ ਕਿ ਸੋਨੇ ਦੀ ਕੀਮਤ ਉਸ ਦੀ ਸ਼ੁੱਧਤਾ ਦੇ ਹਿਸਾਬ ਨਾਲ ਤੈਅ ਕੀਤੀ ਜਾਂਦੀ ਹੈ। ਗਹਿਣਿਆਂ ਦੀ ਕੀਮਤ ਵੀ ਸੋਨੇ ਦੀ ਸ਼ੁੱਧਤਾ ਮੁਤਾਬਕ ਹੀ ਤੈਅ ਹੁੰਦੀ ਹੈ। 24 ਕੈਰੇਟ ਸੋਨਾ ਸਭ ਤੋਂ ਮਹਿੰਗਾ ਹੁੰਦਾ ਹੈ, ਇਸ ਤੋਂ ਬਾਅਦ 22 ਅਤੇ ਫਿਰ 18 ਕੈਰੇਟ ਸੋਨੇ ਦੀ ਵਾਰੀ ਆਉਂਦੀ ਹੈ। ਇਸ ਲਈ ਸੋਨਾ ਖਰੀਦਦੇ ਸਮੇਂ ਉਸ ਦੀ ਪਛਾਣ ਕਰਨੀ ਬਹੁਤ ਜ਼ਰੂਰੀ ਹੈ। ਆਓ ਜਾਣਦੇ ਹਾਂ ਕਿ ਤੁਸੀਂ ਆਸਾਨੀ ਨਾਲ ਕਿਵੇਂ ਪਤਾ ਲਗਾ ਸਕਦੇ ਹੋ ਕਿ ਸੋਨਾ ਅਸਲੀ ਹੈ ਜਾਂ ਨਕਲੀ।
ਇਨ੍ਹਾਂ ਤਰੀਕਿਆਂ ਨਾਲ ਕਰੋ ਅਸਲੀ ਜਾਂ ਨਕਲੀ ਸੋਨੇ ਦੀ ਪਛਾਣ
ਜੇਕਰ ਤੁਸੀਂ ਸੋਨੇ ਦੇ ਗਹਿਣੇ ਖਰੀਦ ਰਹੇ ਹੋ ਤਾਂ ਉਨ੍ਹਾਂ 'ਤੇ ਹਾਲਮਾਰਕ ਜ਼ਰੂਰ ਚੈੱਕ ਕਰੋ। ਗਹਿਣਿਆਂ 'ਤੇ BIS ਦਾ ਨਿਸ਼ਾਨ ਲਗਾਉਣਾ ਲਾਜ਼ਮੀ ਹੈ। ਇਸ 'ਚ ਕੈਰੇਟ ਅਤੇ ਜਿਊਲਰ ਦਾ ਪਛਾਣ ਚਿੰਨ੍ਹ ਹੁੰਦਾ ਹੈ। ਇਸ ਲਈ ਕੋਈ ਵੀ ਗਹਿਣਾ ਖਰੀਦਣ ਤੋਂ ਪਹਿਲਾਂ ਇਸ ਦੀ ਜਾਂਚ ਜ਼ਰੂਰ ਕਰੋ।
ਉੱਥੇ ਹੀ, ਜੇਕਰ ਤੁਸੀਂ ਇਹ ਪਤਾ ਲਗਾਉਣਾ ਚਾਹੁੰਦੇ ਹੋ ਕਿ ਸੋਨਾ ਅਸਲੀ ਹੈ ਜਾਂ ਨਕਲੀ ਤਾਂ ਇਸ ਲਈ ਹੇਠਾਂ ਦਿੱਤੇ ਤਰੀਕਿਆਂ 'ਚੋਂ ਕਿਸੇ ਦੀ ਵਰਤੋਂ ਕਰਕੇ ਸੋਨੇ ਦੀ ਸ਼ੁੱਧਤਾ ਬਾਰੇ ਜਾਣ ਸਕਦੇ ਹੋ।
- ਐਸਿਡ ਟੈਸਟ
- ਸਿਰਕੇ (ਵਿਨੇਗਰ) ਨਾਲ ਟੈਸਟ
ਐਸਿਡ ਟੈਸਟ ਰਾਹੀਂ ਪਤਾ ਕਰੋ ਕਿ ਸੋਨਾ ਅਸਲੀ ਹੈ ਜਾਂ ਨਕਲੀ
ਸੋਨੇ ਦੀ ਸ਼ੁੱਧਤਾ ਦੀ ਜਾਂਚ ਕਰਨ ਲਈ ਐਸਿਡ ਟੈਸਟ ਨੂੰ ਸਭ ਤੋਂ ਆਸਾਨ ਅਤੇ ਭਰੋਸੇਯੋਗ ਤਰੀਕਾ ਦੱਸਿਆ ਜਾਂਦਾ ਹੈ। ਕਿਹਾ ਜਾਂਦਾ ਹੈ ਕਿ ਇਸ ਦੀ ਸਹੀ ਨਤੀਜਾ ਦੇਣ ਦੀ ਸਮਰੱਥਾ ਹੋਰ ਤਰੀਕਿਆਂ ਨਾਲੋਂ ਵੱਧ ਹੈ। ਇਸ ਲਈ ਤੁਹਾਨੂੰ ਨਾਈਟ੍ਰਿਕ ਐਸਿਡ ਦੀ ਲੋੜ ਪਵੇਗੀ।
ਇਸ ਤੋਂ ਬਾਅਦ ਸੋਨੇ ਨੂੰ ਇਕ ਪੱਥਰ 'ਤੇ ਰਗੜੋ। ਰਗੜਨ ਤੋਂ ਬਾਅਦ ਖੁਰਚੀ ਹੋਈ ਥਾਂ 'ਤੇ ਨਾਈਟ੍ਰਿਕ ਐਸਿਡ ਪਾਓ। ਜੇਕਰ ਕੋਈ ਰਸਾਇਣਕ ਪ੍ਰਤੀਕਿਰਿਆ ਹੁੰਦੀ ਹੈ ਤਾਂ ਸਮਝ ਲਓ ਕਿ ਤੁਹਾਡੇ ਕੋਲ ਮੌਜੂਦ ਸੋਨਾ ਪੂਰੀ ਤਰ੍ਹਾਂ ਸ਼ੁੱਧ ਨਹੀਂ ਹੈ। ਕਿਉਂਕਿ ਸ਼ੁੱਧ ਸੋਨਾ ਨਾਈਟ੍ਰਿਕ ਐਸਿਡ ਨਾਲ ਪ੍ਰਤੀਕਿਰਿਆ ਨਹੀਂ ਕਰਦਾ। ਐਸਿਡ ਪਾਉਣ ਤੋਂ ਬਾਅਦ ਜੇਕਰ ਗਹਿਣੇ ਦਾ ਰੰਗ ਬਦਲ ਜਾਂਦਾ ਹੈ ਤਾਂ ਇਸ ਦਾ ਮਤਲਬ ਹੈ ਕਿ ਸੋਨੇ ਦੇ ਨਾਲ ਹੋਰ ਧਾਤਾਂ ਵੀ ਮਿਲੀਆਂ ਹੋਈਆਂ ਹਨ।
ਸਿਰਕੇ ਨਾਲ ਵੀ ਜਾਣ ਸਕਦੇ ਹੋ ਕਿ ਸੋਨਾ ਅਸਲੀ ਹੈ ਜਾਂ ਨਕਲੀ
ਐਸਿਡ ਟੈਸਟ ਤੋਂ ਇਲਾਵਾ ਤੁਸੀਂ ਸਿਰਕੇ (ਵਿਨੇਗਰ) ਰਾਹੀਂ ਵੀ ਜਾਂਚ ਸਕਦੇ ਹੋ ਕਿ ਸੋਨਾ ਅਸਲੀ ਹੈ ਜਾਂ ਨਕਲੀ। ਜਿਸ ਤਰ੍ਹਾਂ ਐਸਿਡ ਟੈਸਟ ਦੌਰਾਨ ਤੁਸੀਂ ਸੋਨੇ ਨੂੰ ਹਲਕਾ ਜਿਹਾ ਖੁਰਚਿਆ ਸੀ, ਉਸੇ ਤਰ੍ਹਾਂ ਇਸ ਨੂੰ ਦੁਬਾਰਾ ਖੁਰਚੋ ਅਤੇ ਇਸ ਤੋਂ ਬਾਅਦ ਸਿਰਕਾ ਪਾਓ।
ਜੇਕਰ ਸੋਨਾ ਅਸਲੀ ਹੋਵੇਗਾ ਤਾਂ ਖੁਰਚੀ ਹੋਈ ਥਾਂ 'ਤੇ ਕੋਈ ਬਦਲਾਅ ਨਹੀਂ ਆਵੇਗਾ ਅਤੇ ਰੰਗ ਪਹਿਲਾਂ ਵਰਗਾ ਹੀ ਰਹੇਗਾ। ਦੂਜੇ ਪਾਸੇ, ਜੇਕਰ ਸੋਨਾ ਨਕਲੀ ਹੋਵੇਗਾ ਜਾਂ ਉਸ ਦੀ ਸ਼ੁੱਧਤਾ ਘੱਟ ਹੋਵੇਗੀ ਤਾਂ ਖੁਰਚੀ ਹੋਈ ਥਾਂ ਦਾ ਰੰਗ ਬਦਲ ਸਕਦਾ ਹੈ।