- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਜਿਸ ਬੰਬਾਰਡੀਅਰ ਕ੍ਰੈਸ਼ 'ਚ ਹੋਈ ਅਜੀਤ ਪਵਾਰ ਦੀ ਮੌਤ, ਉਸੇ ਦੇ ਜੈੱਟਾਂ 'ਚ ਉੱਡਦੇ ਹਨ ਇਹ ਅਰਬਪਤੀ; ਲਿਸਟ ਵਿਚ ਅੰਬਾਨੀ, ਅਡਾਨੀ ਵੀ ਸ਼ਾਮਲ
Learjet 45 ਇੱਕ ਟਵਿਨ-ਇੰਜਣ ਵਾਲਾ ਜਹਾਜ਼ ਹੈ, ਜਿਸਨੂੰ ਕੈਨੇਡੀਅਨ ਐਰੋਸਪੇਸ ਕੰਪਨੀ ਬੰਬਾਰਡੀਅਰ (Bombardier) ਬਣਾਉਂਦੀ ਹੈ। ਭਾਰਤ ਵਿੱਚ ਕਈ ਹੋਰ ਅਰਬਪਤੀ ਕਾਰੋਬਾਰੀ ਅਤੇ ਸੈਲੀਬ੍ਰਿਟੀ ਹਨ, ਜੋ ਬੰਬਾਰਡੀਅਰ ਦੇ ਜਹਾਜ਼ਾਂ ਵਿੱਚ ਹੀ ਉਡਾਣ ਭਰਦੇ ਹਨ।
Posted By Seema Anand
Publish Date: Wed, 28 Jan 2026 02:38 PM (IST)
Updated Date: Wed, 28 Jan 2026 02:46 PM (IST)
ਨਵੀਂ ਦਿੱਲੀ : ਜਿਸ ਏਅਰਕ੍ਰਾਫਟ 'ਚ ਮਹਾਰਾਸ਼ਟਰ ਦੇ ਉਪ ਮੁੱਖ ਮੰਤਰੀ ਅਜੀਤ ਪਵਾਰ (Ajit Pawar Plane Crash) ਯਾਤਰਾ ਕਰ ਰਹੇ ਸਨ, ਉਸਦੀ ਪਛਾਣ Learjet 45 ਵਜੋਂ ਹੋਈ ਹੈ। ਇਹ ਇਕ ਛੋਟਾ ਬਿਜ਼ਨੈੱਸ ਜੈੱਟ ਹੈ ਜਿਸਦੀ ਵਰਤੋਂ ਆਮ ਤੌਰ 'ਤੇ VIP ਅਤੇ ਚਾਰਟਰ ਯਾਤਰਾ ਲਈ ਕੀਤੀ ਜਾਂਦੀ ਹੈ। Learjet 45 ਇਕ ਟਵਿਨ-ਇੰਜਣ ਵਾਲਾ ਜਹਾਜ਼ ਹੈ, ਜਿਸਨੂੰ ਕੈਨੇਡੀਅਨ ਏਅਰੋਸਪੇਸ ਕੰਪਨੀ ਬੰਬਾਰਡੀਅਰ (Bombardier) ਬਣਾਉਂਦੀ ਹੈ। ਭਾਰਤ ਵਿਚ ਕਈ ਹੋਰ ਅਰਬਪਤੀ ਕਾਰੋਬਾਰੀ ਅਤੇ ਸੈਲੀਬ੍ਰਿਟੀ ਹਨ, ਜੋ ਬੰਬਾਰਡੀਅਰ ਦੇ ਜਹਾਜ਼ਾਂ 'ਚ ਹੀ ਉਡਾਣ ਭਰਦੇ ਹਨ। ਆਓ ਜਾਣਦੇ ਹਾਂ ਇਸ ਸੂਚੀ ਵਿੱਚ ਕੌਣ-ਕੌਣ ਸ਼ਾਮਲ ਹੈ:
ਮੁਕੇਸ਼ ਅੰਬਾਨੀ
ਏਵੀਏਸ਼ਨ ਡੇਟਾ ਅਨੁਸਾਰ ਮੁਕੇਸ਼ ਅੰਬਾਨੀ ਕੋਲ Bombardier Global 6000 ਹੈ। ਉਨ੍ਹਾਂ ਦੇ ਪਰਿਵਾਰ ਕੋਲ 10 ਤੋਂ ਵੱਧ ਬਿਜ਼ਨੈੱਸ ਏਅਰਕ੍ਰਾਫਟ ਹਨ, ਜਿਨ੍ਹਾਂ ਵਿਚ Airbus A319 ACJ, ਦੋ Dassault Falcon 900EX ਜੈੱਟ, ਇਕ Global Express ਅਤੇ ਇਕ Embraer Legacy 600 ਸ਼ਾਮਲ ਹਨ। ਉਨ੍ਹਾਂ ਕੋਲ ਸਭ ਤੋਂ ਖਾਸ ਜੈੱਟ Boeing Business Jet 737 Max 9 ਹੈ ਜਿਸ ਵਿਚ ਬੈੱਡਰੂਮ, ਬੋਰਡਰੂਮ ਅਤੇ ਲੌਂਜ ਦੀ ਸਹੂਲਤ ਵੀ ਹੈ।
ਗੌਤਮ ਅਡਾਨੀ
ਗੌਤਮ ਅਡਾਨੀ ਦੇ ਨਿੱਜੀ ਜਹਾਜ਼ਾਂ ਦੇ ਬੇੜੇ (Fleet) ਨੂੰ ਕਰਨਾਵਤੀ ਏਵੀਏਸ਼ਨ ਮੈਨੇਜ ਕਰਦੀ ਹੈ। ਉਨ੍ਹਾਂ ਕੋਲ ਮੁੱਖ ਜਹਾਜ਼ Bombardier Global 6500 (VT-AGL) ਹੈ, ਜੋ ਭਾਰਤ ਦੇ ਸਭ ਤੋਂ ਨਵੇਂ ਬਿਜ਼ਨਸ ਜੈੱਟਾਂ ਵਿੱਚੋਂ ਇਕ ਹੈ। ਇਹ ਅਹਿਮਦਾਬਾਦ ਤੋਂ ਲੰਡਨ ਤੱਕ ਬਿਨਾਂ ਰੁਕੇ ਉਡਾਣ ਭਰ ਸਕਦਾ ਹੈ। ਉਨ੍ਹਾਂ ਕੋਲ ਦੋ Embraer Legacy 650 ਵੀ ਹਨ।
ਸਾਈਰਸ ਤੇ ਅਦਾਰ ਪੂਨਾਵਾਲਾ
ਸੀਰਮ ਇੰਸਟੀਚਿਊਟ ਆਫ ਇੰਡੀਆ ਦੇ ਸੰਸਥਾਪਕ ਸਾਈਰਸ ਅਤੇ ਸੀਈਓ ਅਦਾਰ ਪੂਨਾਵਾਲਾ ਕੋਲ ਕਈ ਜੈੱਟ ਹਨ, ਜਿਨ੍ਹਾਂ ਵਿਚ ਇਕ Bombardier Global 6500 (VT-NAD) ਅਤੇ ਇਕ Bombardier Global 6000 (VT-CDP) ਸ਼ਾਮਲ ਹਨ। ਉਨ੍ਹਾਂ ਦੇ ਬੇੜੇ ਨੂੰ ਭਾਰਤ ਦੇ ਸਭ ਤੋਂ ਬਹੁਪੱਖੀ (Versatile) ਨਿੱਜੀ ਹਵਾਨਬਾਜ਼ੀ ਸੈੱਟਅੱਪਾਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ।
ਕਲਾਨਿਧੀ ਮਾਰਨ
ਚੇਨਈ ਦੇ ਮੀਡੀਆ ਟਾਈਕੂਨ ਕਲਾਨਿਧੀ ਮਾਰਨ ਕੋਲ ਬੰਬਾਰਡੀਅਰ ਦਾ Global 7500 (VT-SRH) ਹੈ। ਇਹ ਜਹਾਜ਼ ਬਿਨਾਂ ਰੁਕੇ ਚੇਨਈ ਤੋਂ ਸੈਨ ਫਰਾਂਸਿਸਕੋ ਜਾਂ ਦਿੱਲੀ ਤੋਂ ਲਾਸ ਏਂਜਲਸ ਤਕ ਉੱਡ ਸਕਦਾ ਹੈ। ਦੁਨੀਆ ਦੇ ਬਹੁਤ ਘੱਟ ਜਹਾਜ਼ ਅਜਿਹਾ ਕਰ ਪਾਉਂਦੇ ਹਨ।
ਸੰਜੀਵ ਗੋਇਨਕਾ
RP-SGP ਗਰੁੱਪ ਦੇ ਮੁਖੀ ਸੰਜੀਵ ਗੋਇਨਕਾ ਕੋਲ Bombardier Global 5000 (VT-SHG) ਹੈ। ਇਸ ਜਹਾਜ਼ 'ਤੇ ਗਰੁੱਪ ਦਾ ਖਾਸ 'ਸਟਾਰਬਰਸਟ ਮੋਟਿਫ' ਪੇਂਟ ਕੀਤਾ ਹੋਇਆ ਹੈ।
ਅਮਿਤਾਭ ਬੱਚਨ ਤੇ ਦੀਪਿਕਾ ਪਾਦੂਕੋਣ
ਮੀਡੀਆ ਰਿਪੋਰਟਾਂ ਅਨੁਸਾਰ ਅਮਿਤਾਭ ਬੱਚਨ ਕੋਲ ਬੰਬਾਰਡੀਅਰ ਦਾ ਇਕ ਬਿਜ਼ਨਸ ਜੈੱਟ ਹੈ। ਉਨ੍ਹਾਂ ਨੂੰ Bombardier Challenger 300 'ਚ ਉਡਾਣ ਭਰਦੇ ਦੇਖਿਆ ਗਿਆ ਹੈ। ਦੀਪਿਕਾ ਪਾਦੂਕੋਣ ਨੂੰ ਵੀ Bombardier Global 7500 'ਚ ਸਫਰ ਕਰਦੇ ਦੇਖਿਆ ਗਿਆ ਹੈ।