- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਭਾਰਤ ’ਚ ਮਿਲਿਆ 50,000 ਕਿੱਲੋ ਸੋਨੇ ਦਾ ਭੰਡਾਰ, ਜਲਦ ਸ਼ੁਰੂ ਹੋਵੇਗੀ ਮਾਈਨਿੰਗ; ਪਹਿਲੀ ਵਾਰ ਪ੍ਰਾਈਵੇਟ ਕੰਪਨੀਆਂ ਨੂੰ ਮੌਕਾ
ਸੋਨੇ ਦੇ ਭੰਡਾਰ ਨੂੰ ਲੈ ਕੇ ਇੱਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਦਰਅਸਲ, ਆਂਧਰਾ ਪ੍ਰਦੇਸ਼ ਵਿੱਚ 50,000 ਕਿੱਲੋ (50 ਟਨ) ਸੋਨੇ ਦਾ ਭੰਡਾਰ (Gold Reserve in Andhra Pradesh) ਮਿਲਣ ਦੇ ਸੰਕੇਤ ਮਿਲੇ ਹਨ। ਰਾਜ ਸਰਕਾਰ ਦੇ ਇੱਕ ਸੀਨੀਅਰ ਅਧਿਕਾਰੀ ਨੇ ਵੀਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਉਨ੍ਹਾਂ ਦੱਸਿਆ ਕਿ ਕੁਨੂਰਲ ਜ਼ਿਲ੍ਹੇ ਸਮੇਤ ਸੂਬੇ ਦੇ ਕਈ ਹਿੱਸਿਆਂ ਵਿੱਚ ਵੱਡੇ ਪੱਧਰ 'ਤੇ ਸੋਨੇ ਦੇ ਭੰਡਾਰ ਹੋਣ ਦੇ ਸੰਕੇਤ ਮਿਲੇ ਹਨ।
Posted By Anuradha Bains
Publish Date: Sat, 20 Jun 2026 01:21 PM (IST)
Updated Date: Sat, 20 Jun 2026 01:23 PM (IST)
ਬਿਜਨੈੱਸ ਡੈਸਕ, ਨਵੀਂ ਦਿੱਲੀ। ਸੋਨੇ ਦੇ ਭੰਡਾਰ ਨੂੰ ਲੈ ਕੇ ਇੱਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਦਰਅਸਲ, ਆਂਧਰਾ ਪ੍ਰਦੇਸ਼ ਵਿੱਚ 50,000 ਕਿੱਲੋ (50 ਟਨ) ਸੋਨੇ ਦਾ ਭੰਡਾਰ (Gold Reserve in Andhra Pradesh) ਮਿਲਣ ਦੇ ਸੰਕੇਤ ਮਿਲੇ ਹਨ। ਰਾਜ ਸਰਕਾਰ ਦੇ ਇੱਕ ਸੀਨੀਅਰ ਅਧਿਕਾਰੀ ਨੇ ਵੀਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਉਨ੍ਹਾਂ ਦੱਸਿਆ ਕਿ ਕੁਨੂਰਲ ਜ਼ਿਲ੍ਹੇ ਸਮੇਤ ਸੂਬੇ ਦੇ ਕਈ ਹਿੱਸਿਆਂ ਵਿੱਚ ਵੱਡੇ ਪੱਧਰ 'ਤੇ ਸੋਨੇ ਦੇ ਭੰਡਾਰ ਹੋਣ ਦੇ ਸੰਕੇਤ ਮਿਲੇ ਹਨ।
ਇੰਨਾ ਵੱਡਾ ਸੋਨੇ ਦਾ ਭੰਡਾਰ ਮਿਲਣ ਦਾ ਅਨੁਮਾਨ ਜੇਕਰ ਸਹੀ ਸਾਬਤ ਹੁੰਦਾ ਹੈ, ਤਾਂ ਭਾਰਤ ਨੂੰ ਸੋਨੇ ਦੀ ਦਰਾਮਦ ਘਟਾਉਣੀ ਪਵੇਗੀ ਅਤੇ ਆਂਧਰਾ ਪ੍ਰਦੇਸ਼ ਇਸ ਦੇ ਮੁੱਖ ਸਪਲਾਇਰ ਵਜੋਂ ਉਭਰੇਗਾ।
ਪ੍ਰਧਾਨ ਸਕੱਤਰ ਨੇ ਪ੍ਰੈੱਸ ਕਾਨਫਰੰਸ 'ਚ ਦਿੱਤੀ ਜਾਣਕਾਰੀ
ਮਾਈਨਿੰਗ ਵਿਭਾਗ ਦੇ ਪ੍ਰਧਾਨ ਸਕੱਤਰ ਮੁਕੇਸ਼ ਕੁਮਾਰ ਮੀਨਾ ਨੇ ਪ੍ਰੈੱਸ ਕਾਨਫਰੰਸ ਵਿੱਚ ਕਿਹਾ ਕਿ ਕੁਨੂਰਲ ਜ਼ਿਲ੍ਹੇ ਦੇ ਜੋਨਾਗਿਰੀ ਪਿੰਡ ਵਿੱਚ ਹੀ ਲਗਭਗ 50 ਟਨ ਸੋਨੇ ਦਾ ਭੰਡਾਰ ਹੋਣ ਦਾ ਅਨੁਮਾਨ ਹੈ। ਇਸ ਤੋਂ ਇਲਾਵਾ ਰਾਮਾਗਿਰੀ, ਜਾਵਕੁਲਾ, ਚਿਗੁਰੂਕੁੰਟਾ ਅਤੇ ਬਿਸਨਾਤਮ ਸਮੇਤ ਚਾਰ ਹੋਰ ਥਾਵਾਂ ਨੂੰ ਵੀ ਸੰਭਾਵੀ ਸੋਨੇ ਦੀ ਮਾਈਨਿੰਗ ਖੇਤਰਾਂ ਵਜੋਂ ਚਿੰਨ੍ਹਿਤ ਕੀਤਾ ਗਿਆ ਹੈ।
ਉਨ੍ਹਾਂ ਕਿਹਾ ਕਿ ਜੇਕਰ ਇਹ ਅਨੁਮਾਨ ਸਹੀ ਸਾਬਤ ਹੁੰਦੇ ਹਨ, ਤਾਂ ਅਗਲੇ ਕੁਝ ਸਾਲਾਂ ਵਿੱਚ ਆਂਧਰਾ ਪ੍ਰਦੇਸ਼ ਦੇਸ਼ ਵਿੱਚ ਸਭ ਤੋਂ ਵੱਧ ਸੋਨਾ ਉਪਲਬਧ ਕਰਵਾਉਣ ਵਾਲਾ ਸੂਬਾ ਬਣ ਸਕਦਾ ਹੈ।
1,500 ਏਕੜ ਜ਼ਮੀਨ ਸੋਨੇ ਦੀ ਮਾਈਨਿੰਗ ਲਈ ਹੋਈ ਸੀ ਅਲਾਟ
ਮੀਨਾ ਨੇ ਦੱਸਿਆ ਕਿ ਜੋਨਾਗਿਰੀ ਵਿੱਚ ਵਪਾਰਕ ਪੱਧਰ 'ਤੇ ਸੋਨੇ ਦਾ ਉਤਪਾਦਨ ਸ਼ੁਰੂ ਹੋ ਚੁੱਕਾ ਹੈ। ਕਰੀਬ ਦਸ ਸਾਲ ਪਹਿਲਾਂ ਇੱਥੇ ਲਗਭਗ 1,500 ਏਕੜ ਜ਼ਮੀਨ ਸੋਨੇ ਦੀ ਮਾਈਨਿੰਗ ਲਈ ਅਲਾਟ ਕੀਤੀ ਗਈ ਸੀ। ਹਾਲਾਂਕਿ ਹੁਣ ਤੱਕ ਕੇਵਲ 500 ਏਕੜ ਖੇਤਰ ਵਿੱਚ ਹੀ ਖੋਜ ਅਤੇ ਸਰਵੇਖਣ ਦਾ ਕੰਮ ਕੀਤਾ ਗਿਆ ਹੈ।
ਹੁਣ ਤੱਕ ਕੀਤੇ ਗਏ ਸਰਵੇਖਣ ਦੇ ਆਧਾਰ 'ਤੇ ਇਸ ਖੇਤਰ ਵਿੱਚ ਲਗਪਗ 13 ਟਨ ਸੋਨੇ ਦਾ ਭੰਡਾਰ ਹੋਣ ਦਾ ਅਨੁਮਾਨ ਲਗਾਇਆ ਗਿਆ ਹੈ। ਬਾਕੀ 1,000 ਏਕੜ ਜ਼ਮੀਨ ਵਿੱਚ ਅਜੇ ਖੋਜ ਕਾਰਜ ਸ਼ੁਰੂ ਨਹੀਂ ਹੋਇਆ ਹੈ। ਅਧਿਕਾਰੀਆਂ ਦਾ ਮੰਨਣਾ ਹੈ ਕਿ ਪੂਰੇ ਖੇਤਰ ਦੀ ਜਾਂਚ ਪੂਰੀ ਹੋਣ ਤੋਂ ਬਾਅਦ ਜੋਨਾਗਿਰੀ ਵਿੱਚ ਕੁੱਲ ਸੋਨੇ ਦਾ ਭੰਡਾਰ 50 ਟਨ ਤੱਕ ਪਹੁੰਚ ਸਕਦਾ ਹੈ।
ਨਿੱਜੀ ਕੰਪਨੀਆਂ ਨੂੰ ਵੀ ਮਿਲੇਗਾ ਮੌਕਾ
ਅਧਿਕਾਰੀ ਨੇ ਦੱਸਿਆ ਕਿ ਸੋਨੇ ਦੀ ਮਾਈਨਿੰਗ ਇੱਕ ਵੱਡੀ ਪੂੰਜੀ ਅਤੇ ਤਕਨੀਕੀ ਤੌਰ 'ਤੇ ਗੁੰਝਲਦਾਰ ਉਦਯੋਗ ਹੈ। ਇਸੇ ਕਰਕੇ ਸਰਕਾਰ ਨੇ ਮਾਈਨਿੰਗ ਦੇ ਕੰਮ ਨੂੰ ਟੈਂਡਰ ਪ੍ਰਕਿਰਿਆ ਰਾਹੀਂ ਨਿੱਜੀ ਕੰਪਨੀਆਂ ਨੂੰ ਸੌਂਪਣ ਦਾ ਫ਼ੈਸਲਾ ਕੀਤਾ ਹੈ।
ਉਨ੍ਹਾਂ ਇਹ ਵੀ ਦੱਸਿਆ ਕਿ ਸਮੇਂ ਦੇ ਨਾਲ ਸੋਨੇ ਦੀ ਰਿਕਵਰੀ ਦਰ ਵਿੱਚ ਕਾਫ਼ੀ ਗਿਰਾਵਟ ਆਈ ਹੈ। ਪਹਿਲਾਂ ਇੱਕ ਟਨ ਖਣਿਜ ਸਮੱਗਰੀ ਵਿੱਚੋਂ ਲਗਭਗ 3 ਗ੍ਰਾਮ ਸੋਨਾ ਨਿਕਲ ਜਾਂਦਾ ਸੀ, ਜਦੋਂ ਕਿ ਹੁਣ ਇਹ ਮਾਤਰਾ ਘਟ ਕੇ ਕਰੀਬ 1 ਗ੍ਰਾਮ ਪ੍ਰਤੀ ਟਨ ਰਹਿ ਗਈ ਹੈ। ਮੀਨਾ ਅਨੁਸਾਰ, ਜੇਕਰ ਰਿਕਵਰੀ ਦਰ 0.8 ਗ੍ਰਾਮ ਪ੍ਰਤੀ ਟਨ ਤੋਂ ਹੇਠਾਂ ਚਲੀ ਜਾਵੇ, ਤਾਂ ਮਾਈਨਿੰਗ ਪ੍ਰੋਜੈਕਟ ਆਰਥਿਕ ਤੌਰ 'ਤੇ ਲਾਭਦਾਇਕ ਨਹੀਂ ਰਹਿੰਦੇ।
ਉਨ੍ਹਾਂ ਇਹ ਵੀ ਜਾਣਕਾਰੀ ਦਿੱਤੀ ਕਿ ਮੁੱਖ ਮੰਤਰੀ ਐੱਨ. ਚੰਦਰਬਾਬੂ ਨਾਇਡੂ ਇਸ ਮਹੀਨੇ ਦੇ ਅੰਤ ਵਿੱਚ ਜੋਨਾਗਿਰੀ ਗੋਲਡ ਮਾਈਨਿੰਗ ਪ੍ਰੋਜੈਕਟ ਦੀ ਰਸਮੀ ਸ਼ੁਰੂਆਤ ਕਰ ਸਕਦੇ ਹਨ।