ਆਈਫੋਨ 18 ਸੀਰੀਜ਼ ਕਦੋਂ ਹੋਵੇਗੀ ਲਾਂਚ? ਸਾਹਮਣੇ ਆ ਗਈ ਤਾਰੀਖ, ਫੋਲਡੇਬਲ ਆਈਫੋਨ ਦੀ ਵੀ ਐਂਟਰੀ!

ਰਿਪੋਰਟਾਂ ’ਚ ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਐਪਲ ਨੇ ਆਪਣੇ ਰਿਟੇਲ ਕਰਮਚਾਰੀਆਂ ਨੂੰ ਵੀ ਦੱਸ ਦਿੱਤਾ ਹੈ ਕਿ ਇਹ ਈਵੈਂਟ ਸਤੰਬਰ ਦੇ ਪਹਿਲੇ ਅੱਧ ਵਿੱਚ ਹੋਵੇਗਾ। ਹਾਲਾਂਕਿ ਅਜੇ ਤੱਕ ਕੋਈ ਅਧਿਕਾਰਤ ਤਾਰੀਖ਼ ਦੀ ਐਲਾਨ ਨਹੀਂ ਕੀਤਾ ਗਿਆ ਹੈ ਪਰ ਗੁਰਮਨ ਦਾ ਮੰਨਣਾ ਹੈ ਕਿ ਇਹ ਈਵੈਂਟ 9 ਸਤੰਬਰ ਨੂੰ ਹੋ ਸਕਦਾ ਹੈ। ਆਓ ਜਾਣਦੇ ਹਾਂ ਕਿ ਇਸ ਸਾਲ ਦੇ ਈਵੈਂਟ ਤੋਂ ਕੀ ਖਾਸ ਹੋ ਸਕਦਾ ਹੈ...

Posted By Anuradha Bains

Publish Date: Mon, 10 Aug 2026 03:11 PM (IST)

Updated Date: Mon, 10 Aug 2026 03:13 PM (IST)

ਆਈਫੋਨ 18 ਸੀਰੀਜ਼ ਕਦੋਂ ਹੋਵੇਗੀ ਲਾਂਚ? ਸਾਹਮਣੇ ਆ ਗਈ ਤਾਰੀਖ, ਫੋਲਡੇਬਲ ਆਈਫੋਨ ਦੀ ਵੀ ਐਂਟਰੀ!

ਤਕਨਾਲੋਜੀ ਡੈਸਕ, ਨਵੀਂ ਦਿੱਲੀ। ਐਪਲ ਇਨ੍ਹੀਂ ਦਿਨੀਂ ਆਪਣੇ ਸਾਲਾਨਾ ਹਾਰਡਵੇਅਰ ਲਾਂਚ ਈਵੈਂਟ ਦੀ ਤਿਆਰੀ ਕਰ ਰਿਹਾ ਹੈ, ਜਿਸ ’ਚ ਕੰਪਨੀ ਅਗਲੀ-ਪੀੜ੍ਹੀ ਦੇ ਪ੍ਰੋ ਮਾਡਲ ਅਤੇ ਕਈ ਦੂਜੇ ਪ੍ਰੋਡਕਟਸ ਲਾਂਚ ਕਰਨ ਵਾਲੀ ਹੈ। ਬਲੂਮਬਰਗ ਦੇ ਮਾਰਕ ਗੁਰਮਨ ਦਾ ਕਹਿਣਾ ਹੈ ਕਿ ਕੰਪਨੀ ਨੇ ਪ੍ਰੈੱਸ ਘੋਸ਼ਣਾ, ਕੀਨੋਟ ਵੀਡੀਓ, ਇਸ਼ਤਿਹਾਰ, ਸਟੋਰ ਸਮੱਗਰੀ ਅਤੇ ਲਾਂਚ ਪਲਾਨ ਦੀ ਤਿਆਰੀ ਸ਼ੁਰੂ ਕਰ ਦਿੱਤੀ ਹੈ।

Apple iPhone ਲਾਂਚ ਈਵੈਂਟ 2026 ’ਚ ਕੀ ਖਾਸ?

ਜਿਵੇਂ ਕਿ ਦੇਖਿਆ ਗਿਆ ਹੈ ਕਿ ਐਪਲ ਆਮ ਤੌਰ 'ਤੇ ਆਪਣਾ ਸਾਲਾਨਾ ਆਈਫੋਨ ਲਾਂਚ ਈਵੈਂਟ ਸਤੰਬਰ ਦੇ ਦੂਜੇ ਮੰਗਲਵਾਰ ਜਾਂ ਬੁੱਧਵਾਰ ਨੂੰ ਆਯੋਜਿਤ ਕਰਦਾ ਹੈ। ਇਸ ਸਾਲ, ਲੇਬਰ ਡੇ ਸੋਮਵਾਰ, 7 ਸਤੰਬਰ ਨੂੰ ਪੈ ਰਿਹਾ ਹੈ। ਕੰਪਨੀ ਆਮ ਤੌਰ 'ਤੇ ਵੀਕੈਂਡ ਦੇ ਠੀਕ ਬਾਅਦ ਈਵੈਂਟ ਕਰਨ ਤੋਂ ਬਚਦੀ ਹੈ ਕਿਉਂਕਿ ਇਸ ਨਾਲ ਆਉਣ ਵਾਲੇ ਲੋਕਾਂ ਨੂੰ ਯਾਤਰਾ ਕਰਨ ਦਾ ਸਮਾਂ ਮਿਲ ਜਾਂਦਾ ਹੈ। ਇਸ ਲਈ, ਬੁੱਧਵਾਰ, 9 ਸਤੰਬਰ ਨੂੰ ਈਵੈਂਟ ਲਈ ਸਭ ਤੋਂ ਸੰਭਾਵਿਤ ਤਾਰੀਖ਼ ਮੰਨਿਆ ਜਾ ਰਿਹਾ ਹੈ।

ਰਿਪੋਰਟਾਂ ’ਚ ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਇਸ ਸਾਲ ਸਭ ਤੋਂ ਵੱਡਾ ਐਲਾਨ ਐਪਲ ਦੇ ਪਹਿਲੇ ਫੋਲਡੇਬਲ iPhone ਦਾ ਹੋ ਸਕਦਾ ਹੈ, ਜਿਸ ਬਾਰੇ ਅਜਿਹਾ ਕਿਹਾ ਜਾ ਰਿਹਾ ਹੈ ਕਿ ਇਸਨੂੰ iPhone Ultra ਕਿਹਾ ਜਾ ਸਕਦਾ ਹੈ। ਇਹ ਫੋਲਡੇਬਲ ਸਮਾਰਟਫੋਨ ਮਾਰਕੀਟ ’ਚ ਐਪਲ ਦੀ ਐਂਟਰੀ ਹੋਵੇਗੀ, ਜਿਸ ’ਤੇ ਅਜੇ ਸੈਮਸੰਗ ਦਾ ਦਬਦਬਾ ਹੈ। ਇਹ ਨਵਾਂ ਫੋਲਡ ਫੋਨ ਸੈਮਸੰਗ ਨੂੰ ਸਖ਼ਤ ਟੱਕਰ ਦੇ ਸਕਦਾ ਹੈ।

ਲਾਂਚ ਹੋਵੇਗੀ iPhone ਦੀ ਨਵੀਂ ਸੀਰੀਜ਼

ਫੋਲਡੇਬਲ ਆਈਫੋਨ ਦੇ ਨਾਲ-ਨਾਲ ਐਪਲ ਇਸ ਈਵੈਂਟ ’ਚ iPhone 18 Pro ਅਤੇ iPhone 18 Pro Max ਨੂੰ ਵੀ ਪੇਸ਼ ਕਰ ਸਕਦਾ ਹੈ। ਕੰਪਨੀ Apple Watch Series 12 ਅਤੇ Apple Watch Ultra 4 ਵੀ ਲਾਂਚ ਕਰ ਸਕਦੀ ਹੈ। ਰਿਪੋਰਟ ਦੇ ਅਨੁਸਾਰ ਇਸ ਵਾਰ ਇੱਕ ਨਵਾਂ Apple TV ਅਤੇ ਇੱਕ ਅਪਡੇਟ ਕੀਤਾ HomePod mini ਵੀ ਇਸ ਈਵੈਂਟ ਵਿੱਚ ਲਾਂਚ ਹੋ ਸਕਦਾ ਹੈ।