- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਅਣਜਾਣ ਨੰਬਰ ਤੋਂ ਕਾਲ ਆਉਂਦੇ ਹੀ ਸਕ੍ਰੀਨ 'ਤੇ ਦਿਸੇਗਾ ਨਾਂ, ਅੱਜ ਤੋਂ ਲਾਗੂ ਹੋ ਰਿਹਾ ਨਵਾਂ ਨਿਯਮ
ਇਸ ਨਵੀਂ ਵਿਵਸਥਾ ਤੋਂ ਬਾਅਦ ਜਦੋਂ ਵੀ ਕਿਸੇ ਅਣਜਾਣ ਭਾਰਤੀ ਮੋਬਾਈਲ ਨੰਬਰ ਤੋਂ ਕਾਲ ਆਵੇਗੀ, ਤਾਂ ਮੋਬਾਈਲ ਦੀ ਸਕ੍ਰੀਨ 'ਤੇ ਨੰਬਰ ਦੇ ਨਾਲ ਕਾਲ ਕਰਨ ਵਾਲੇ ਦਾ ਰਜਿਸਟਰਡ ਨਾਂ ਸ਼ੋਅ ਹੋਵੇਗਾ। ਖ਼ਾਸ ਗੱਲ ਇਹ ਹੈ ਕਿ ਇਸਦੇ ਲਈ ਯੂਜ਼ਰਸ ਨੂੰ Truecaller ਵਰਗੇ ਕਿਸੇ ਵੀ ਥਰਡ ਪਾਰਟੀ ਐਪ ਨੂੰ ਆਪਣੇ ਫੋਨ ਵਿੱਚ ਡਾਊਨਲੋਡ ਕਰਨ ਜਾਂ ਵੱਖ ਤੋਂ ਕੋਈ ਸਰਵਿਸ ਐਕਟਿਵ ਕਰਨ ਦੀ ਵੀ ਲੋੜ ਨਹੀਂ ਪਵੇਗੀ।
Posted By Anuradha Bains
Publish Date: Sun, 01 Nov 2026 10:36 AM (IST)
Updated Date: Sun, 01 Nov 2026 10:39 AM (IST)
ਤਕਨਾਲੋਜੀ ਡੈਸਕ, ਨਵੀਂ ਦਿੱਲੀ। ਕੀ ਤੁਸੀਂ ਵੀ ਮੋਬਾਈਲ 'ਤੇ ਅਣਜਾਣ ਨੰਬਰਾਂ ਤੋਂ ਆਉਣ ਵਾਲੀਆਂ ਕਾਲਾਂ ਤੋਂ ਪਰੇਸ਼ਾਨ ਹੋ ਤਾਂ ਤੁਹਾਡੇ ਲਈ ਚੰਗੀ ਖ਼ਬਰ ਹੈ। ਜੀ ਹਾਂ, ਹੁਣ ਇਨ੍ਹਾਂ ਕਾਲਾਂ ਦੀ ਪਛਾਣ ਕਰਨਾ ਪਹਿਲਾਂ ਨਾਲੋਂ ਆਸਾਨ ਹੋਣ ਵਾਲਾ ਹੈ। ਦਰਅਸਲ ਅੱਜ ਯਾਨੀ 1 ਨਵੰਬਰ 2026 ਤੋਂ ਦੇਸ਼ ਵਿੱਚ ਕਾਲਰ ਦਾ ਨਾਂ ਦਿਖਾਉਣ ਵਾਲੀ ਨਵੀਂ ਵਿਵਸਥਾ ਲਾਗੂ ਹੋਣ ਜਾ ਰਹੀ ਹੈ।
ਇਸਦੇ ਲਈ ਦੂਰਸੰਚਾਰ ਵਿਭਾਗ (DoT) ਨੇ ਸਾਰੀਆਂ ਟੈਲੀਕੌਮ ਕੰਪਨੀਆਂ ਨੂੰ ਕਾਲਿੰਗ ਨੇਮ ਪ੍ਰੈਜ਼ੈਂਟੇਸ਼ਨ ਸਰਵਿਸ (CNAP) ਸ਼ੁਰੂ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ। ਇਸ ਵਿਵਸਥਾ ਤਹਿਤ Airtel, Jio, Vodafone Idea ਅਤੇ BSNL ਵਰਗੇ ਆਪ੍ਰੇਟਰਾਂ ਨੂੰ 4G ਅਤੇ ਇਸ ਤੋਂ ਉੱਪਰ ਦੇ ਨੈੱਟਵਰਕ 'ਤੇ ਇਹ ਸੁਵਿਧਾ ਦੇਣੀ ਪਵੇਗੀ।
ਕਿਵੇਂ ਕੰਮ ਕਰੇਗੀ ਇਹ ਵਿਵਸਥਾ?
ਇਸ ਨਵੀਂ ਵਿਵਸਥਾ ਤੋਂ ਬਾਅਦ ਜਦੋਂ ਵੀ ਕਿਸੇ ਅਣਜਾਣ ਭਾਰਤੀ ਮੋਬਾਈਲ ਨੰਬਰ ਤੋਂ ਕਾਲ ਆਵੇਗੀ, ਤਾਂ ਮੋਬਾਈਲ ਦੀ ਸਕ੍ਰੀਨ 'ਤੇ ਨੰਬਰ ਦੇ ਨਾਲ ਕਾਲ ਕਰਨ ਵਾਲੇ ਦਾ ਰਜਿਸਟਰਡ ਨਾਂ ਸ਼ੋਅ ਹੋਵੇਗਾ। ਖ਼ਾਸ ਗੱਲ ਇਹ ਹੈ ਕਿ ਇਸਦੇ ਲਈ ਯੂਜ਼ਰਸ ਨੂੰ Truecaller ਵਰਗੇ ਕਿਸੇ ਵੀ ਥਰਡ ਪਾਰਟੀ ਐਪ ਨੂੰ ਆਪਣੇ ਫੋਨ ਵਿੱਚ ਡਾਊਨਲੋਡ ਕਰਨ ਜਾਂ ਵੱਖ ਤੋਂ ਕੋਈ ਸਰਵਿਸ ਐਕਟਿਵ ਕਰਨ ਦੀ ਵੀ ਲੋੜ ਨਹੀਂ ਪਵੇਗੀ।
ਹਾਲਾਂਕਿ, 1 ਨਵੰਬਰ ਤੋਂ ਨਿਰਦੇਸ਼ ਲਾਗੂ ਹੋਣ ਦਾ ਮਤਲਬ ਇਹ ਨਹੀਂ ਹੈ ਕਿ ਸਾਰੇ ਯੂਜ਼ਰਸ ਦੇ ਮੋਬਾਈਲ 'ਤੇ ਸੁਵਿਧਾ ਇੱਕਦਮ ਇੱਕ ਨਾਲ ਦਿਖਾਈ ਦੇਣ ਲੱਗੇਗੀ। ਇਸਦਾ ਅਸਲੀ ਤਜਰਬਾ ਟੈਲੀਕੌਮ ਕੰਪਨੀਆਂ ਦੇ ਤਕਨਾਲੋਜੀ ਰੋਲਆਊਟ 'ਤੇ ਨਿਰਭਰ ਕਰੇਗਾ।
CNAP ਸਰਵਿਸ ਕਿਵੇਂ ਦੱਸੇਗੀ ਨਾਂ?
ਜਾਣਕਾਰੀ ਮੁਤਾਬਕ, CNAP ਸਿਸਟਮ ਵਿੱਚ ਟੈਲੀਕੌਮ ਕੰਪਨੀਆਂ ਆਪਣੇ ਯੂਜ਼ਰਸ ਦੇ ਮੋਬਾਈਲ ਨੰਬਰ ਅਤੇ ਉਨ੍ਹਾਂ ਦੇ ਨਾਂ ਦਾ ਡਾਟਾਬੇਸ ਤਿਆਰ ਕਰਨਗੀਆਂ। ਜਦੋਂ ਕੋਈ ਵਿਅਕਤੀ ਕਾਲ ਕਰੇਗਾ ਤਾਂ ਰਿਸੀਵ ਕਰਨ ਵਾਲੀ ਕੰਪਨੀ ਇਸ ਡਾਟਾਬੇਸ ਤੋਂ ਨਾਂ ਦੀ ਡਿਟੇਲ ਲੈ ਕੇ ਫੋਨ ਸਕ੍ਰੀਨ 'ਤੇ ਸ਼ੋਅ ਕਰੇਗੀ। ਜੇਕਰ ਕਾਲ ਕਰਨ ਵਾਲੇ ਦਾ ਨੰਬਰ ਪਹਿਲਾਂ ਤੋਂ ਤੁਹਾਡੇ ਮੋਬਾਈਲ ਵਿੱਚ ਸੇਵ ਹੈ, ਤਾਂ ਕਾਂਟੈਕਟ ਲਿਸਟ ਵਿੱਚ ਸੇਵ ਕੀਤਾ ਨਾਂ ਹੀ ਸ਼ੋਅ ਹੋਵੇਗਾ।
ਵਿਦੇਸ਼ ਤੋਂ ਕਾਲ ਆਉਣ 'ਤੇ ਦਿਸੇਗਾ ਨਾਂ?
ਹਾਲਾਂਕਿ ਜੇਕਰ ਕਿਸੇ ਦੂਜੇ ਦੇਸ਼ ਤੋਂ ਕਾਲ ਆਉਂਦੀ ਹੈ, ਤਾਂ ਸਕ੍ਰੀਨ 'ਤੇ ਕਾਲਰ ਦਾ ਨਾਂ ਨਹੀਂ ਦਿਖਾਈ ਦੇਵੇਗਾ ਸਗੋਂ ਇਸਦੀ ਬਜਾਏ 'International Call' ਲਿਖਿਆ ਹੋਇਆ ਆਵੇਗਾ। ਉੱਥੇ ਹੀ ਜਿਹਨਾਂ ਯੂਜ਼ਰਸ ਨੇ ਕਾਲਿੰਗ ਲਾਈਨ ਆਈਡੈਂਟੀਫਿਕੇਸ਼ਨ ਰਿਸਟ੍ਰਿਕਸ਼ਨ (CLIR) ਸਰਵਿਸ ਲਈ ਹੋਈ ਹੈ, ਉਹਨਾਂ ਦਾ ਨਾਂ ਦੂਜੇ ਵਿਅਕਤੀ ਦੀ ਸਕ੍ਰੀਨ 'ਤੇ ਸ਼ੋਅ ਨਹੀਂ ਹੋਵੇਗਾ।
Relevant Tags:
#CNAP #CallerID #DoT #TelecomRules #Airtel #Jio #VodafoneIdea #BSNL #TruecallerAlternative #MobileUpdate #TechNews #IndiaTelecom