Renault Duster Hybrid ਅਕਤੂਬਰ ’ਚ ਭਾਰਤ ਵਿਖੇ ਹੋਵੇਗੀ ਲਾਂਚ, ਜਾਣੋ ਇਸ ’ਚ ਕਿਹੜੇ ਫੀਚਰ ਤੇ ਸਪੈਕਸ ਮਿਲਣਗੇ

ਆਟੋ ਡੈਸਕ, ਨਵੀਂ ਦਿੱਲੀ : Renault Duster ਨੂੰ ਮਾਰਚ 2026 ’ਚ ਭਾਰਤ ’ਚ ਲਾਂਚ ਕੀਤਾ ਗਿਆ ਸੀ ਤੇ ਹੁਣ ਕੰਪਨੀ ਨੇ ਪੁਸ਼ਟੀ ਕੀਤੀ ਹੈ ਕਿ ਰੇਨੋ ਡਸਟਰ ਹਾਈਬ੍ਰਿਡ ਨੂੰ ਦੇਸ਼ ’ਚ 17 ਅਕਤੂਬਰ 2026 ਨੂੰ ਲਾਂਚ ਕੀਤਾ ਜਾਵੇਗਾ। ਦੱਸ ਦੇਈਏ ਕਿ ਇਸ ਸਾਲ ਮਾਰਚ ’ਚ ਭਾਰਤੀ ਬਾਜ਼ਾਰ ’ਚ Duster ਨੂੰ ਪੈਟਰੋਲ ਤੇ ਟਰਬੋ-ਪੈਟਰੋਲ ਇੰਜਣ ਦੇ ਵਿਕਲਪ ਨਾਲ ਲਾਂਚ ਕੀਤਾ ਗਿਆ ਸੀ।

ਪਾਵਰਟ੍ਰੇਨ, ਬੈਟਰੀ ਤੇ ਆਉਟਪੁੱਟ

ਇਸ ’ਚ 1.8 ਲੀਟਰ ਦਾ ਨੈਚੁਰਲੀ ਐਸਪੀਰੇਟਿਡ ਫੋਰ-ਸਿਲਿੰਡਰ ਪੈਟਰੋਲ ਇੰਜਣ ਦਿੱਤਾ ਗਿਆ ਹੈ, ਜਿਸ ਨੂੰ ਦੋ ਇਲੈਕਟ੍ਰਿਕ ਮੋਟਰਾਂ ਤੇ ਆਟੋਮੈਟਿਕ ਮਲਟੀ-ਮੋਡ ਟ੍ਰਾਂਸਮਿਸ਼ਨ ਨਾਲ ਜੋੜਿਆ ਗਿਆ ਹੈ। ਇਸ ’ਚ 1.4kWh ਦਾ ਬੈਟਰੀ ਪੈਕ ਵੀ ਦਿੱਤਾ ਗਿਆ ਹੈ, ਜੋ ਲਗਭਗ 160hp ਦੀ ਕੁੱਲ ਸਿਸਟਮ ਪਾਵਰ ਤੇ 172Nm ਦਾ ਟਾਰਕ ਜਨਰੇਟ ਕਰਦਾ ਹੈ।

ਕੀ ਮਿਲਣਗੇ ਫੀਚਰ?

ਇਸ ’ਚ 212mm ਦਾ ਗ੍ਰਾਊਂਡ ਕਲੀਅਰੈਂਸ ਤੇ 18-ਇੰਚ ਦੇ ਵ੍ਹੀਲ ਦਿੱਤੇ ਗਏ ਹਨ। ਇਸ ਤੋਂ ਇਲਾਵਾ Renault Duster Hybrid ’ਚ ਪੈਨੋਰਾਮਿਕ ਸਨਰੂਫ ਤੇ ਵੈਂਟੀਲੇਟਿਡ ਫਰੰਟ ਸੀਟਾਂ ਮਿਲਣਗੀਆਂ। ਸੁਰੱਖਿਆ ਲਈ ਇਸ ’ਚ ਲੇਵਲ-2 ADAS ਸੂਟ ਦਿੱਤਾ ਗਿਆ ਹੈ।

ਸਟੈਂਡਰਡ ਵੇਰੀਐਂਟ ਤੇ ਕੀਮਤ

ਸਟੈਂਡਰਡ 1.0 ਲੀਟਰ ਤੇ 1.3 ਲੀਟਰ ਟਰਬੋ-ਪੈਟਰੋਲ ਵਰਜ਼ਨ ਦੀ ਡਿਲਿਵਰੀ ਅਪ੍ਰੈਲ 2026 ’ਚ ਸ਼ੁਰੂ ਹੋਈ ਸੀ। ਇਨ੍ਹਾਂ ਵੇਰੀਐਂਟਸ ਦੀ ਸ਼ੁਰੂਆਤੀ ਐਕਸ-ਸ਼ੋਰੂਮ ਕੀਮਤ 10,49,000 ਰੁਪਏ ਤੋਂ ਸ਼ੁਰੂ ਹੁੰਦੀ ਹੈ ਤੇ 18.69 ਲੱਖ ਰੁਪਏ ਤੱਕ ਜਾਂਦੀ ਹੈ।

ਕੀ ਮਿਲ ਸਕਦੇ ਹਨ ਹੋਰ ਫੀਚਰ?

Renault Duster Hybrid ਪਾਵਰਟ੍ਰੇਨ ਨੂੰ ਮਿਡ ਤੇ ਟਾਪ-ਸਪੈਕ ਵੇਰੀਐਂਟ ’ਚ ਪੇਸ਼ ਕਰ ਸਕਦੀ ਹੈ। ਉਮੀਦ ਹੈ ਕਿ ਰੇਨੋ ਡਸਟਰ ’ਚ ਲੇਦਰੇਟ ਸੀਟਾਂ, ਮਾਊਂਟਡ ਕੰਟਰੋਲਾਂ ਦੇ ਨਾਲ ਥ੍ਰੀ-ਸਪੋਕ ਸਟੀਅਰਿੰਗ ਵ੍ਹੀਲ, 10.1 ਇੰਚ ਟੱਚਸਕ੍ਰੀਨ ਇੰਫੋਟੇਨਮੈਂਟ ਸਿਸਟਮ, ਵਾਇਰਲੈੱਸ Apple CarPlay ਤੇ Android Auto ਤੇ 10.1 ਇੰਚ ਦੀ ਪੂਰੀ ਤਰ੍ਹਾਂ ਡਿਜ਼ੀਟਲ ਡਰਾਈਵਰ ਡਿਸਪਲੇ ਵਰਗੇ ਫੀਚਰ ਮਿਲ ਸਕਦੇ ਹਨ। ਇਸ ਤੋਂ ਇਲਾਵਾ, ਇਸ ’ਚ ਡੁਅਲ-ਜ਼ੋਨ ਕਲਾਈਮੇਟ ਕੰਟਰੋਲ ਸਿਸਟਮ, 6-ਵੇ ਇਲੈਕਟ੍ਰਿਕਲੀ ਐਡਜਸਟੇਬਲ ਡਰਾਈਵਰ ਤੇ ਕੋ-ਪੈਸੇਂਜਰ ਸੀਟਾਂ, ਵੈਂਟੀਲੇਸ਼ਨ ਤੇ ਹੀਟਿੰਗ ਫੰਕਸ਼ਨ, ਇਲੈਕਟ੍ਰਿਕਲੀ ਪਾਵਰਡ ਟੇਲਗੇਟ, 17 ਫੀਚਰਾਂ ਦੇ ਨਾਲ ਲੇਵਲ-2 ADAS ਸੂਟ, 360-ਡਿਗਰੀ ਕੈਮਰਾ ਤੇ TPMS ਦਿੱਤੇ ਜਾ ਸਕਦੇ ਹਨ।