- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਲਾਈਕ ਦਬਾਓ ਤੇ ਪੈਸੇ ਭੇਜੋ... X 'ਤੇ ਮਸਕ ਦਾ ਨਵਾਂ ਦਾਅ, ਸਮਝੋ ਕੀ ਹੈ ਨਵਾਂ ਟਿਪਿੰਗ ਫੀਚਰ
ਸ਼ੁਰੂਆਤ ਵਿੱਚ ਯੂਜ਼ਰਸ 1 ਡਾਲਰ ਭੇਜ ਸਕਣਗੇ ਅਤੇ ਇਹ ਪੇਮੈਂਟ X Money ਰਾਹੀਂ ਪੂਰੀ ਹੋਵੇਗੀ। ਹਾਲਾਂਕਿ ਅਜੇ ਇਹ ਫੀਚਰ ਸਿਰਫ਼ ਅਮਰੀਕੀ ਯੂਜ਼ਰਸ ਲਈ ਹੀ ਪੇਸ਼ ਕੀਤਾ ਜਾਵੇਗਾ। ਕੰਪਨੀ ਨੇ ਅਜੇ ਤੱਕ ਇਸ ਦੇ ਰੋਲਆਊਟ ਦੀ ਕੋਈ ਤਾਰੀਖ਼ ਐਲਾਨ ਨਹੀਂ ਕੀਤੀ ਹੈ।
Posted By Anuradha Bains
Publish Date: Mon, 26 Oct 2026 01:37 PM (IST)
Updated Date: Mon, 26 Oct 2026 01:44 PM (IST)
ਤਕਨਾਲੋਜੀ ਡੈਸਕ, ਨਵੀਂ ਦਿੱਲੀ। ਸੋਸ਼ਲ ਮੀਡੀਆ ਪਲੇਟਫਾਰਮ X ਦੀ ਵਰਤੋਂ ਕਰ ਰਹੇ ਯੂਜ਼ਰਸ ਲਈ ਚੰਗੀ ਖ਼ਬਰ ਹੈ। ਕੰਪਨੀ ਜਲਦ ਹੀ ਕ੍ਰਿਏਟਰਸ ਨੂੰ ਟਿਪ ਭੇਜਣਾ ਆਸਾਨ ਬਣਾਉਣ ਜਾ ਰਹੀ ਹੈ। ਜੀ ਹਾਂ, ਕੰਪਨੀ ਦੇ ਮਾਲਕ ਐਲਨ ਮਸਕ ਨੇ ਨਵੇਂ ਟਿਪਿੰਗ ਫੀਚਰ ਦਾ ਐਲਾਨ ਕੀਤਾ ਹੈ। ਇਸ ਨਵੇਂ ਫੀਚਰ ਰਾਹੀਂ ਯੂਜ਼ਰ ਕਿਸੇ ਪੋਸਟ ਦੇ ਲਾਈਕ ਬਟਨ ਨੂੰ ਲੌਂਗ-ਪ੍ਰੈੱਸ (ਦੇਰ ਤੱਕ ਦਬਾ ਕੇ) ਕਰਕੇ ਉਸ ਦੇ ਕ੍ਰਿਏਟਰ ਨੂੰ ਪੈਸੇ ਭੇਜ ਸਕਣਗੇ।
ਸ਼ੁਰੂਆਤ ਵਿੱਚ ਯੂਜ਼ਰਸ 1 ਡਾਲਰ ਭੇਜ ਸਕਣਗੇ ਅਤੇ ਇਹ ਪੇਮੈਂਟ X Money ਰਾਹੀਂ ਪੂਰੀ ਹੋਵੇਗੀ। ਹਾਲਾਂਕਿ ਅਜੇ ਇਹ ਫੀਚਰ ਸਿਰਫ਼ ਅਮਰੀਕੀ ਯੂਜ਼ਰਸ ਲਈ ਹੀ ਪੇਸ਼ ਕੀਤਾ ਜਾਵੇਗਾ। ਕੰਪਨੀ ਨੇ ਅਜੇ ਤੱਕ ਇਸ ਦੇ ਰੋਲਆਊਟ ਦੀ ਕੋਈ ਤਾਰੀਖ਼ ਐਲਾਨ ਨਹੀਂ ਕੀਤੀ ਹੈ।
ਕਿਵੇਂ ਕੰਮ ਕਰੇਗਾ X ਦਾ $1 ਟਿਪਿੰਗ ਫੀਚਰ?
ਮਸਕ ਨੇ ਆਪਣੇ ਇੱਕ ਹਾਲੀਆ X ਪੋਸਟ ਵਿੱਚ ਇਸ ਬਾਰੇ ਦੱਸਿਆ ਹੈ। ਮਸਕ ਦਾ ਕਹਿਣਾ ਹੈ ਕਿ ਯੂਜ਼ਰਸ ਨੂੰ ਜਲਦ ਹੀ ਲਾਈਕ ਬਟਨ ਨੂੰ ਦੇਰ ਤੱਕ ਦਬਾਉਣ 'ਤੇ ਸਾਹਮਣੇ ਵਾਲੇ ਨੂੰ 1 ਡਾਲਰ ਭੇਜਣ ਦਾ ਆਪਸ਼ਨ ਮਿਲੇਗਾ। ਆਓ ਇਸ ਫੀਚਰ ਦੇ ਪ੍ਰੋਸੈਸ ਨੂੰ ਚਾਰ ਸਟੈਪਸ ਵਿੱਚ ਸਮਝਦੇ ਹਾਂ...
ਸਟੈਪ 1: ਸਭ ਤੋਂ ਪਹਿਲਾਂ ਯੂਜ਼ਰ ਨੂੰ X 'ਤੇ ਆਪਣੀ ਪਸੰਦ ਦੀ ਪੋਸਟ 'ਤੇ ਜਾਣਾ ਹੋਵੇਗਾ।
ਸਟੈਪ 2: ਹੁਣ ਪੋਸਟ ਦੇ ਲਾਈਕ ਬਟਨ ਨੂੰ ਲੌਂਗ-ਪ੍ਰੈੱਸ ਕਰਨਾ ਹੋਵੇਗਾ।
ਸਟੈਪ 3: ਇਸ ਤੋਂ ਬਾਅਦ X Money ਰਾਹੀਂ 1 ਡਾਲਰ ਭੇਜਣ ਦਾ ਆਪਸ਼ਨ ਮਿਲੇਗਾ।
ਸਟੈਪ 4: ਟ੍ਰਾਂਜ਼ੈਕਸ਼ਨ ਜਿਵੇਂ ਹੀ ਪੂਰੀ ਹੋ ਜਾਵੇਗੀ, ਕ੍ਰਿਏਟਰ ਨੂੰ 1 ਡਾਲਰ ਟਿਪ ਮਿਲ ਜਾਵੇਗੀ।
ਇਸ ਫੀਚਰ ਨਾਲ ਯੂਜ਼ਰਸ ਬਿਨਾਂ ਵੱਖਰਾ ਪੇਮੈਂਟ ਪ੍ਰੋਸੈਸ ਅਪਣਾਏ ਕ੍ਰਿਏਟਰਸ ਦੀ ਵਿੱਤੀ ਮਦਦ ਕਰ ਸਕਣਗੇ। ਹਾਲਾਂਕਿ, ਅਜੇ ਇਹ ਸਪੱਸ਼ਟ ਨਹੀਂ ਹੈ ਕਿ ਟਿਪ ਦੀ ਰਕਮ ਬਦਲੀ ਜਾ ਸਕੇਗੀ ਜਾਂ ਨਹੀਂ ਅਤੇ ਇਸ ਦੇ ਲਈ ਕਿਹੜੀਆਂ ਸ਼ਰਤਾਂ ਪੂਰੀਆਂ ਕਰਨੀਆਂ ਪੈਣਗੀਆਂ।
ਇਹ ਵੀ ਸਮਝੋ ਕੀ ਹੈ X Money
ਸਿੱਧੇ ਸ਼ਬਦਾਂ ਵਿੱਚ ਕਹੀਏ ਤਾਂ X Money, X ਦਾ ਫਾਇਨਾਂਸ਼ੀਅਲ (ਵਿੱਤੀ) ਪਲੇਟਫਾਰਮ ਹੈ। ਇਸ ਰਾਹੀਂ ਯੂਜ਼ਰਸ ਵਿਚਕਾਰ ਪੈਸੇ ਟ੍ਰਾਂਸਫਰ ਕਰਨ ਤੋਂ ਲੈ ਕੇ ਡਿਪਾਜ਼ਿਟ ਅਕਾਊਂਟ ਅਤੇ X-ਬ੍ਰਾਂਡਿਡ Visa ਡੈਬਿਟ ਕਾਰਡ ਵਰਗੀਆਂ ਸਹੂਲਤਾਂ ਮਿਲਦੀਆਂ ਹਨ। ਇਸ ਦੀ ਬੈਂਕਿੰਗ ਸਰਵਿਸ ਵਿੱਚ Cross River Bank ਦੇ ਇਨਫ੍ਰਾਸਟ੍ਰਕਚਰ ਦੀ ਵਰਤੋਂ ਹੁੰਦੀ ਹੈ। X ਖ਼ੁਦ ਬੈਂਕ ਨਹੀਂ ਹੈ, ਬਲਕਿ ਬੈਂਕਿੰਗ ਪਾਰਟਨਰ ਰਾਹੀਂ ਫਾਇਨਾਂਸ਼ੀਅਲ ਸਰਵਿਸਿਜ਼ ਉਪਲਬਧ ਕਰਵਾਉਂਦਾ ਹੈ।
ਭਾਰਤ ਵਿੱਚ ਕਦੋਂ ਤੱਕ ਆਵੇਗਾ ਇਹ ਫੀਚਰ?
ਫਿਲਹਾਲ X ਨੇ ਭਾਰਤ ਵਿੱਚ X Money ਜਾਂ $1 ਟਿਪਿੰਗ ਫੀਚਰ ਲਾਂਚ ਕਰਨ ਦੀ ਕੋਈ ਖ਼ਾਸ ਤਾਰੀਖ਼ ਐਲਾਨ ਨਹੀਂ ਕੀਤੀ ਹੈ। ਇੰਡੀਅਨ ਯੂਜ਼ਰਸ ਨੂੰ ਇਸ ਦੇ ਲਈ ਅਜੇ ਹੋਰ ਇੰਤਜ਼ਾਰ ਕਰਨਾ ਪੈ ਸਕਦਾ ਹੈ। ਕੰਪਨੀ ਦਾ ਟਾਰਗੇਟ X ਨੂੰ ਇੱਕ ‘ਐਵਰੀਥਿੰਗ ਐਪ’ (Everything App) ਬਣਾਉਣਾ ਹੈ, ਜਿੱਥੇ ਨਾ ਸਿਰਫ਼ ਸੋਸ਼ਲ ਮੀਡੀਆ ਅਤੇ ਮੈਸੇਜਿੰਗ ਹੋਵੇ ਬਲਕਿ ਇਸ ਵਿੱਚ ਪੇਮੈਂਟ ਵਰਗੀਆਂ ਸਹੂਲਤਾਂ ਵੀ ਇੱਕੋ ਜਗ੍ਹਾ ਮਿਲਣ।