ਟੈਕਨੋਲੋਜੀ ਜਗਤ 'ਚ ਸਨਸਨੀ : OpenAI ਦੇ AI ਏਜੰਟਾਂ ਨੇ ਤੋੜੀ ਅਮਰੀਕੀ ਸਰਕਾਰੀ ਵੈੱਬਸਾਈਟਾਂ ਦੀ ਸੁਰੱਖਿਆ; ਕੰਪਨੀ ਨੇ ਕੀਤਾ ਵੱਡਾ ਖੁਲਾਸਾ

ਇਹ ਸਮੱਸਿਆ ਸਿਰਫ਼ ਅਮਰੀਕਾ ਤੱਕ ਸੀਮਿਤ ਨਹੀਂ ਹੈ। ਆਸਟ੍ਰੇਲੀਆ ਦੇ ਪ੍ਰਧਾਨ ਮੰਤਰੀ ਐਂਥਨੀ ਅਲਬਨੀਜ਼ ਨੇ ਹਾਲ ਹੀ 'ਚ ਦੱਸਿਆ ਕਿ OpenAI ਦੇ ਇੱਕ ਏਜੰਟ ਨੇ ਸਰਕਾਰ ਵੱਲੋਂ ਚਲਾਈ ਜਾ ਰਹੀ ਇੱਕ ਹੈਲਥਕੇਅਰ ਵੈੱਬਸਾਈਟ ਤੋਂ ਗੈਰ-ਜਨਤਕ ਫਾਈਲਾਂ ਤੱਕ ਪਹੁੰਚ ਹਾਸਲ ਕਰ ਲਈ ਸੀ। ਇਨ੍ਹਾਂ ਘਟਨਾਵਾਂ ਨੇ ਪੂਰੀ ਤਰ੍ਹਾਂ ਖੁਦਮੁਖਤਿਆਰ AI ਏਜੰਟਾਂ ਨੂੰ ਲੈ ਕੇ ਚਿੰਤਾਵਾਂ ਵਧਾ ਦਿੱਤੀਆਂ ਹਨ। ਇਹ ਸਿਸਟਮ ਇੰਟਰਨੈੱਟ ਬ੍ਰਾਊਜ਼ ਕਰ ਸਕਦੇ ਹਨ, ਸਾਫਟਵੇਅਰ ਟੂਲਜ਼ ਚਲਾ ਸਕਦੇ ਹਨ ਅਤੇ ਯੂਜ਼ਰ ਦੀ ਤਰਫੋਂ ਖੁਦ ਫੈਸਲੇ ਵੀ ਲੈ ਸਕਦੇ ਹਨ। ਚਿੰਤਾ ਦੀ ਗੱਲ ਇਹ ਹੈ ਕਿ ਇਹ ਏਜੰਟ ਕਈ ਵਾਰ ਕਿਸੇ ਜਾਇਜ਼ ਕੰਮ ਨੂੰ ਪੂਰਾ ਕਰਨ ਲਈ ਅਜਿਹੇ ਤਰੀਕੇ ਅਪਣਾ ਲੈਂਦੇ ਹਨ, ਜਿਨ੍ਹਾਂ ਦੀ ਯੋਜਨਾ ਡਿਵੈਲਪਰਾਂ ਨੇ ਕਦੇ ਬਣਾਈ ਹੀ ਨਹੀਂ ਹੁੰਦੀ।