- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
8.15 ਇੰਚ ਦੀ ਵੱਡੀ ਡਿਸਪਲੇਅ ਵਾਲਾ ਨਵਾਂ ਫੋਲਡੇਬਲ 5G ਫੋਨ, 16GB ਤੱਕ RAM ਤੇ Kirin 9050 Pro ਪ੍ਰੋਸੈਸਰ
ਇਸ ਵੀਡੀਓ ਵਿੱਚ ਫੋਨ ਦਾ ਡਿਜ਼ਾਈਨ ਅਤੇ ਪਿਛਲੇ ਪਾਸੇ ਮਿਲਣ ਵਾਲਾ ਗੋਲ (ਸਰਕੂਲਰ) ਕੈਮਰਾ ਮੋਡਿਊਲ ਦਿਖਾਈ ਦੇ ਰਿਹਾ ਹੈ। ਹਾਲਾਂਕਿ ਕੰਪਨੀ ਨੇ ਅਜੇ ਤੱਕ ਡਿਵਾਈਸ ਦੇ ਸਪੈਸੀਫਿਕੇਸ਼ਨ, ਕੀਮਤ ਅਤੇ ਲਾਂਚ ਡੇਟ ਦਾ ਖ਼ੁਲਾਸਾ ਨਹੀਂ ਕੀਤਾ ਹੈ। ਫਿਲਹਾਲ ਅਜੇ ਤੱਕ ਸਾਹਮਣੇ ਆਏ ਜ਼ਿਆਦਾਤਰ ਵੇਰਵੇ ਰਿਪੋਰਟਾਂ 'ਤੇ ਆਧਾਰਿਤ ਹਨ।
Posted By Anuradha Bains
Publish Date: Sun, 15 Nov 2026 12:24 PM (IST)
Updated Date: Sun, 15 Nov 2026 12:28 PM (IST)
ਤਕਨਾਲੋਜੀ ਡੈਸਕ, ਨਵੀਂ ਦਿੱਲੀ। Huawei ਜਲਦ ਹੀ ਆਪਣਾ ਨਵਾਂ ਫੋਲਡੇਬਲ 5G ਸਮਾਰਟਫੋਨ ਲਾਂਚ ਕਰਨ ਜਾ ਰਿਹਾ ਹੈ, ਜਿਸ ਨੂੰ ਕੰਪਨੀ Huawei Mate X8 ਦੇ ਨਾਮ ਨਾਲ ਪੇਸ਼ ਕਰਨ ਵਾਲੀ ਹੈ। ਕੰਪਨੀ ਨੇ ਫੋਨ ਦੀ ਪਹਿਲੀ ਝਲਕ ਦਿਖਾ ਦਿੱਤੀ ਹੈ। ਕੰਪਨੀ ਨੇ Mate X ਸੀਰੀਜ਼ ਦੀ 8ਵੀਂ ਵਰ੍ਹੇਗੰਢ ਦੇ ਮੌਕੇ 'ਤੇ ਇੱਕ ਵੀਡੀਓ ਸਾਂਝੀ ਕੀਤੀ ਹੈ, ਜਿਸ ਵਿੱਚ ਫੋਨ ਨੂੰ ਫੋਲਡ ਅਤੇ ਅਨਫੋਲਡ ਦੋਵਾਂ ਸਥਿਤੀਆਂ ਵਿੱਚ ਦਿਖਾਇਆ ਗਿਆ ਹੈ।
ਇਸ ਵੀਡੀਓ ਵਿੱਚ ਫੋਨ ਦਾ ਡਿਜ਼ਾਈਨ ਅਤੇ ਪਿਛਲੇ ਪਾਸੇ ਮਿਲਣ ਵਾਲਾ ਗੋਲ (ਸਰਕੂਲਰ) ਕੈਮਰਾ ਮੋਡਿਊਲ ਦਿਖਾਈ ਦੇ ਰਿਹਾ ਹੈ। ਹਾਲਾਂਕਿ ਕੰਪਨੀ ਨੇ ਅਜੇ ਤੱਕ ਡਿਵਾਈਸ ਦੇ ਸਪੈਸੀਫਿਕੇਸ਼ਨ, ਕੀਮਤ ਅਤੇ ਲਾਂਚ ਡੇਟ ਦਾ ਖ਼ੁਲਾਸਾ ਨਹੀਂ ਕੀਤਾ ਹੈ। ਫਿਲਹਾਲ ਅਜੇ ਤੱਕ ਸਾਹਮਣੇ ਆਏ ਜ਼ਿਆਦਾਤਰ ਵੇਰਵੇ ਰਿਪੋਰਟਾਂ 'ਤੇ ਆਧਾਰਿਤ ਹਨ।
Huawei Mate X8 ਦਾ ਡਿਜ਼ਾਈਨ
ਸਭ ਤੋਂ ਪਹਿਲਾਂ ਡਿਜ਼ਾਈਨ ਦੀ ਗੱਲ ਕਰੀਏ ਤਾਂ Huawei Mate X8 ਵਿੱਚ ਪਹਿਲਾਂ ਵਾਂਗ ਇਨਵਰਡ ਫੋਲਡਿੰਗ (ਅੰਦਰ ਵੱਲ ਮੁੜਨ ਵਾਲਾ) ਡਿਜ਼ਾਈਨ ਦੇਖਣ ਨੂੰ ਮਿਲ ਸਕਦਾ ਹੈ। ਇਸ ਦਾ ਮਤਲਬ ਹੈ ਕਿ ਫੋਨ ਨੂੰ ਬੰਦ ਕਰਨ 'ਤੇ ਇਸ ਦੀ ਵੱਡੀ ਸਕਰੀਨ ਅੰਦਰਲੇ ਪਾਸੇ ਮੁੜ ਜਾਵੇਗੀ। ਜਦਕਿ ਫੋਨ ਦੇ ਪਿਛਲੇ ਹਿੱਸੇ ਵਿੱਚ ਗੋਲ ਕੈਮਰਾ ਮੋਡਿਊਲ ਦੇਖਣ ਨੂੰ ਮਿਲੇਗਾ। ਇਸ ਦਾ ਓਵਰਆਲ ਡਿਜ਼ਾਈਨ ਕਾਫ਼ੀ ਹੱਦ ਤੱਕ ਪਿਛਲੇ ਮਾਡਲ Huawei Mate X7 ਵਰਗਾ ਲੱਗ ਰਿਹਾ ਹੈ।
Huawei Mate X8 ਦੇ ਸੰਭਾਵਿਤ ਸਪੈਸੀਫਿਕੇਸ਼ਨਸ
ਸਪੈਸੀਫਿਕੇਸ਼ਨਸ ਦੀ ਗੱਲ ਕਰੀਏ ਤਾਂ Huawei Mate X8 ਵਿੱਚ 6.5 ਇੰਚ ਦੀ ਬਾਹਰੀ (ਆਊਟਰ) ਡਿਸਪਲੇਅ ਦੇਖਣ ਨੂੰ ਮਿਲ ਸਕਦੀ ਹੈ। ਜਦਕਿ ਫੋਨ ਨੂੰ ਖੋਲ੍ਹਣ 'ਤੇ 8.15 ਇੰਚ ਦੀ ਵੱਡੀ ਅੰਦਰੂਨੀ (ਇਨਰ) ਸਕਰੀਨ ਮਿਲ ਸਕਦੀ ਹੈ। ਸੀਰੀਜ਼ ਦੇ ਪਿਛਲੇ ਮਾਡਲ Huawei Mate X7 ਵਿੱਚ 8 ਇੰਚ ਦੀ ਇਨਰ ਡਿਸਪਲੇਅ ਸੀ। ਅਜਿਹੇ ਵਿੱਚ ਨਵੇਂ ਮਾਡਲ ਵਿੱਚ ਸਕਰੀਨ ਦਾ ਸਾਈਜ਼ ਥੋੜ੍ਹਾ ਵੱਡਾ ਹੋ ਸਕਦਾ ਹੈ। ਇੰਨਾ ਹੀ ਨਹੀਂ, ਇਸ ਦੀ ਇਨਰ ਸਕਰੀਨ ਵਿੱਚ UTG ਕਵਰ ਵੀ ਮਿਲ ਸਕਦਾ ਹੈ।
ਪਰਫਾਰਮੈਂਸ ਲਈ ਡਿਵਾਈਸ ਵਿੱਚ Kirin 9050 Pro ਚਿੱਪਸੈੱਟ ਮਿਲ ਸਕਦਾ ਹੈ। ਇਹੀ ਪ੍ਰੋਸੈਸਰ Huawei Mate 90 Pro Max ਅਤੇ Mate 90 RS ਵਿੱਚ ਵੀ ਵਰਤਿਆ ਗਿਆ ਹੈ। ਇਹ ਕੰਪਨੀ ਦੇ LogicFolding 3D ਆਰਕੀਟੈਕਚਰ 'ਤੇ ਆਧਾਰਿਤ ਹੈ। ਇਸ ਤੋਂ ਪਹਿਲਾਂ Huawei Mate X7 ਵਿੱਚ ਕੰਪਨੀ ਨੇ Kirin 9030 Pro ਚਿੱਪਸੈੱਟ ਦਿੱਤਾ ਸੀ। ਹਾਲਾਂਕਿ ਹੁਣ ਨਵੇਂ ਡਿਵਾਈਸ ਦੇ ਪ੍ਰੋਸੈਸਰ ਨੂੰ ਲੈ ਕੇ ਕੰਪਨੀ ਨੇ ਕੁਝ ਪੁਸ਼ਟੀ ਨਹੀਂ ਕੀਤੀ ਹੈ।
ਮਿਲ ਸਕਦੇ ਹਨ ਦੋ ਐਡੀਸ਼ਨ
ਹਾਲੀਆ ਰਿਪੋਰਟਾਂ ਵਿੱਚ ਅਜਿਹਾ ਵੀ ਕਿਹਾ ਜਾ ਰਿਹਾ ਹੈ ਕਿ Huawei Mate X8 ਨੂੰ ਸਟੈਂਡਰਡ ਅਤੇ ਕੁਲੈਕਟਰ ਐਡੀਸ਼ਨ ਵਿੱਚ ਪੇਸ਼ ਕੀਤਾ ਜਾ ਸਕਦਾ ਹੈ। ਜਿੱਥੇ ਇੱਕ ਪਾਸੇ ਸਟੈਂਡਰਡ ਮਾਡਲ ਵਿੱਚ 12GB ਰੈਮ ਦੇ ਨਾਲ 256GB ਅਤੇ 512GB ਸਟੋਰੇਜ ਆਪਸ਼ਨ ਮਿਲ ਸਕਦੇ ਹਨ। ਉੱਥੇ ਹੀ ਇਸ ਦੇ ਕੁਲੈਕਟਰ ਐਡੀਸ਼ਨ ਵਿੱਚ 16GB ਰੈਮ ਦੇ ਨਾਲ 512GB ਅਤੇ 1TB ਸਟੋਰੇਜ ਮਿਲ ਸਕਦੀ ਹੈ।