Motorola ਦਾ ਲੇਟੈਸਟ Snapdragon ਪ੍ਰੋਸੈਸਰ ਵਾਲਾ 5G ਫੋਨ, 200MP ਪੈਰੀਸਕੋਪ ਕੈਮਰਾ ਤੇ 8K ਵੀਡੀਓ ਰਿਕਾਰਡਿੰਗ ਵੀ

ਟੈਕਨੋਲੋਜੀ ਡੈਸਕ, ਨਵੀਂ ਦਿੱਲੀ : ਮੋਟੋਰੋਲਾ ਜਲਦ ਹੀ ਆਪਣਾ ਨਵਾਂ ਫਲੈਗਸ਼ਿਪ 5G ਫੋਨ ਲਾਂਚ ਕਰਨ ਵਾਲੀ ਹੈ, ਜਿਸ ਨੂੰ ਕੰਪਨੀ Motorola Signature 27 ਦੇ ਨਾਮ ਨਾਲ ਪੇਸ਼ ਕਰੇਗੀ। ਕੰਪਨੀ ਨੇ ਇਸ ਫੋਨ ਦੀ ਪਹਿਲੀ ਝਲਕ Qualcomm Snapdragon Summit ਦੌਰਾਨ ਦਿਖਾਈ ਹੈ। ਕੰਪਨੀ ਦਾ ਇਹ ਫੋਨ ਨਵੇਂ Snapdragon 8 Elite Extreme Gen 6 ਪ੍ਰੋਸੈਸਰ ਨਾਲ ਲੈਸ ਹੋਵੇਗਾ। ਇਹ ਫੋਨ ਸਨੈਪਡ੍ਰੈਗਨ ਦੇ ਲੇਟੈਸਟ ਪ੍ਰੋਸੈਸਰ ਨਾਲ ਆਉਣ ਵਾਲੇ ਸ਼ੁਰੂਆਤੀ ਸਮਾਰਟਫੋਨਾਂ ’ਚ ਸ਼ਾਮਲ ਹੋ ਗਿਆ ਹੈ। Motorola Signature 27 ਨੂੰ ਕੰਪਨੀ ਪ੍ਰੀਮੀਅਮ ਫਲੈਗਸ਼ਿਪ ਸੈਗਮੈਂਟ ’ਚ ਉਤਾਰਨ ਦੀ ਤਿਆਰੀ ਕਰ ਰਹੀ ਹੈ, ਜਿੱਥੇ ਇਸ ਦਾ ਮੁਕਾਬਲਾ Samsung, Apple ਤੇ Xiaomi ਵਰਗੇ ਬ੍ਰਾਂਡਾਂ ਦੇ ਟਾਪ-ਐਂਡ ਡਿਵਾਈਸਾਂ ਨਾਲ ਹੋਵੇਗਾ।

Motorola Signature 27 ਦੇ ਸਪੈਸੀਫਿਕੇਸ਼ਨ

ਸਪੈਸੀਫਿਕੇਸ਼ਨ ਦੀ ਗੱਲ ਕਰੀਏ ਤਾਂ Motorola Signature 27 ’ਚ 2nm Snapdragon 8 Elite Extreme Gen 6 ਚਿਪਸੈੱਟ ਮਿਲੇਗਾ। ਹਾਈ-ਪਰਫਾਰਮੈਂਸ ਪ੍ਰੋਸੈਸਰ ਕਾਰਨ ਫੋਨ ’ਚ ਪੈਦਾ ਹੋਣ ਵਾਲੀ ਗਰਮੀ ਨੂੰ ਕੰਟਰੋਲ ਕਰਨ ਲਈ ਕੰਪਨੀ ਨੇ ਨਵਾਂ ArcticMesh ਕੂਲਿੰਗ ਸਿਸਟਮ ਇਸਤੇਮਾਲ ਕੀਤਾ ਹੈ। ਇਸ ’ਚ ਡਾਇਮੰਡ-ਇਨਫਿਊਜ਼ਡ ਥਰਮਲ ਜੈਲ, ਲਿਕਵਿਡ ਮੈਟਲ, ਕਾਪਰ ਮੈਸ਼ ਤੇ 3D ਵੇਪਰ ਚੈਂਬਰ ਵੀ ਮਿਲੇਗਾ। ਕੰਪਨੀ ਦਾ ਦਾਅਵਾ ਹੈ ਕਿ ਇਹ ਸਿਸਟਮ ਹਾਈ-ਐਂਡ ਗੇਮਿੰਗ, AI ਪ੍ਰੋਸੈਸਿੰਗ ਤੇ 8K ਵੀਡੀਓ ਰਿਕਾਰਡਿੰਗ ਵਰਗੇ ਹੈਵੀ ਟਾਸਕ ਦੌਰਾਨ ਫੋਨ ਦਾ ਤਾਪਮਾਨ ਕੰਟਰੋਲ ’ਚ ਰੱਖਣ ’ਚ ਮਦਦ ਕਰੇਗਾ। ਫੋਨ ਦੇ ਰੀਅਰ ਪੈਨਲ 'ਤੇ ਕੰਪਨੀ ਨੇ ਰਵਾਇਤੀ ਵੱਡੇ ਕੈਮਰਾ ਬੰਪ ਦੀ ਬਜਾਏ ਕਲੱਸਟਰਡ ਮਲਟੀ-ਸੈਂਸਰ ਡਿਜ਼ਾਈਨ ਦਿੱਤਾ ਹੈ।

Motorola Signature 27 ਦੇ ਕੈਮਰਾ ਸਪੈਸ

ਮੋਟੋਰੋਲਾ ਦੇ ਨਵੇਂ Signature 27 ਦੇ ਕੈਮਰਾ ਸੈਟਅਪ ’ਚ ਵੀ ਵੱਡੇ ਅਪਗ੍ਰੇਡ ਦੇਖਣ ਨੂੰ ਮਿਲਣਗੇ। ਫੋਨ ’ਚ 50MP Sony LYTIA 910 ਪ੍ਰਾਇਮਰੀ ਕੈਮਰਾ ਦਿੱਤਾ ਜਾਵੇਗਾ। ਇਸ ਦੇ ਨਾਲ ਫੋਨ ’ਚ 200MP ਪੈਰੀਸਕੋਪ ਟੈਲੀਫੋਟੋ ਕੈਮਰਾ ਵੀ ਮਿਲੇਗਾ। ਇਸ ਕੈਮਰਾ ਸੈਟਅਪ ਦੇ ਨਾਲ Motorola ਸਿੱਧੇ ਕੈਮਰਾ-ਕੇਂਦ੍ਰਿਤ ਪ੍ਰੀਮੀਅਮ ਸਮਾਰਟਫੋਨਾਂ ਨੂੰ ਟੱਕਰ ਦੇਣ ਦੀ ਤਿਆਰੀ ਕਰ ਰਿਹਾ ਹੈ।

Revealing our most advanced smartphone yet at #SnapdragonSummit, motorola signature 27. Here’s what to look forward to: - Our best camera system yet. - The only smartphone in the market to feature audio by Bang & Olufsen. - Unprecedented speeds with @Snapdragon 8 Elite Extreme Gen 6 mobile processor, breakthrough AI, premium craftsmanship, and more. #SignatureStatement #MotorolaSignature Learn more: https://t.co/TubDHWcSli

— motorola (@Moto) September 22, 2026

ਦੋ ਖਾਸ ਕਲਰ ਆਪਸ਼ਨ ਮਿਲਣਗੇ

ਡਿਜ਼ਾਈਨ ਦੀ ਗੱਲ ਕਰੀਏ ਤਾਂ Signature 27 ’ਚ ਮੋਟੋਰੋਲਾ ਦੀ ਮੌਜੂਦਾ ਡਿਜ਼ਾਈਨ ਫਿਲਾਸਫੀ ’ਚ ਕੁਝ ਬਦਲਾਅ ਕੀਤਾ ਗਿਆ ਹੈ। ਡਿਵਾਈਸ ’ਚ ਟੈਕਸਚਰਡ ਫਿਨਿਸ਼ ਦੇਖਣ ਨੂੰ ਮਿਲੇਗੀ। ਫੋਨ PANTONE Coal Smoke ਤੇ PANTONE Capulet Green ਕਲਰ ਆਪਸ਼ਨ ’ਚ ਪੇਸ਼ ਕੀਤਾ ਜਾਵੇਗਾ।