Mahindra XUV 7XO ਦਾ ਹੋਇਆ ਕਰੈਸ਼ ਟੈਸਟ; BNCAP ਦੇ ਨਤੀਜਿਆਂ ਨੇ ਦੱਸਿਆ ਕਿੰਨੀ ਹੈ ਸੁਰੱਖਿਅਤ

ਆਟੋ ਡੈਸਕ, ਨਵੀਂ ਦਿੱਲੀ : ਭਾਰਤੀ ਬਾਜ਼ਾਰ ’ਚ ਮਹਿੰਦਰਾ ਵੱਲੋਂ ਕਈ ਸੈਗਮੈਂਟਾਂ ’ਚ ਵਾਹਨਾਂ ਦੀ ਵਿਕਰੀ ਕੀਤੀ ਜਾਂਦੀ ਹੈ। ਨਿਰਮਾਤਾ ਵੱਲੋਂ ਮਿਡ-ਸਾਈਜ਼ SUV ਦੇ ਤੌਰ ’ਤੇ Mahindra XUV 7XO ਪੇਸ਼ ਕੀਤੀ ਜਾਂਦੀ ਹੈ। ਹਾਲ ਹੀ ’ਚ ਇਸ SUV ਦਾ ਕਰੈਸ਼ ਟੈਸਟ ਕੀਤਾ ਗਿਆ ਹੈ। ਇਸ ਤੋਂ ਬਾਅਦ BNCAP ਵੱਲੋਂ ਇਸ ਨੂੰ ਕਿੰਨੀ ਰੇਟਿੰਗ ਦਿੱਤੀ ਗਈ ਹੈ ਤੇ ਇਹ ਬੱਚਿਆਂ ਤੇ ਬਾਲਗਾਂ ਲਈ ਕਿੰਨੀ ਸੁਰੱਖਿਅਤ ਹੈ, ਇਸ ਬਾਰੇ ਅਸੀਂ ਤੁਹਾਨੂੰ ਇਸ ਖ਼ਬਰ ’ਚ ਦੱਸ ਰਹੇ ਹਾਂ।

Mahindra XUV 7XO ਦਾ ਹੋਇਆ ਕਰੈਸ਼ ਟੈਸਟ

ਮਹਿੰਦਰਾ ਵੱਲੋਂ ਮਿਡ-ਸਾਈਜ਼ SUV ਦੇ ਤੌਰ ’ਤੇ ਪੇਸ਼ ਕੀਤੀ ਜਾਣ ਵਾਲੀ XUV 7XO ਦਾ ਹਾਲ ਹੀ ’ਚ ਕਰੈਸ਼ ਟੈਸਟ ਕੀਤਾ ਗਿਆ ਹੈ। BNCAP ਵੱਲੋਂ ਇਸ SUV ਦਾ ਕਰੈਸ਼ ਟੈਸਟ ਕੀਤਾ ਗਿਆ, ਜਿਸ ਤੋਂ ਬਾਅਦ ਇਸ ਦੇ ਨਤੀਜੇ ਜਨਤਕ ਕੀਤੇ ਗਏ ਹਨ।

ਕਿੰਨੀ ਹੈ ਸੁਰੱਖਿਅਤ?

ਟੈਸਟ ਤੋਂ ਬਾਅਦ ਸਾਹਮਣੇ ਆਏ ਨਤੀਜਿਆਂ ਮੁਤਾਬਕ SUV ਨੂੰ ਪੂਰੇ 5 ਸਟਾਰ ਰੇਟਿੰਗ ਦਿੱਤੀ ਗਈ ਹੈ। ਇਹ ਰੇਟਿੰਗ SUV ਨੂੰ ਬਾਲਗਾਂ ਦੇ ਨਾਲ-ਨਾਲ ਬੱਚਿਆਂ ਦੀ ਸੁਰੱਖਿਆ ਲਈ ਵੀ ਮਿਲੀ ਹੈ।

ਕਿੰਨੇ ਮਿਲੇ ਅੰਕ?

ਭਾਰਤ NCAP ਵੱਲੋਂ ਕੀਤੇ ਗਏ ਕਰੈਸ਼ ਟੈਸਟ ’ਚ SUV ਨੂੰ ਫਰੰਟਲ ਟੈਸਟ ’ਚ 14.76 ਅੰਕ ਤੇ ਸਾਈਡ ਮੂਵੇਬਲ ਟੈਸਟ ’ਚ 16 ਅੰਕ ਮਿਲੇ ਹਨ। ਇਸ ਦੇ ਨਾਲ SUV ਨੇ 32 ’ਚੋਂ ਕੁੱਲ 30.76 ਅੰਕ ਹਾਸਲ ਕੀਤੇ ਹਨ।

ਬੱਚਿਆਂ ਲਈ ਕਿੰਨੀ ਸੁਰੱਖਿਅਤ?

ਇਸੇ ਟੈਸਟ ’ਚ ਬੱਚਿਆਂ ਲਈ ਇਹ ਗੱਡੀ ਕਿੰਨੀ ਸੁਰੱਖਿਅਤ ਹੈ, ਇਸ ਦੀ ਜਾਣਕਾਰੀ ਵੀ ਦਿੱਤੀ ਗਈ ਹੈ। ਜਾਣਕਾਰੀ ਮੁਤਾਬਕ ਡਾਇਨਾਮਿਕ ਸਕੋਰ ’ਚ 23.97 ਅੰਕ, CRS ਇੰਸਟਾਲੇਸ਼ਨ ’ਚ 12 ਅੰਕ ਤੇ VAS ਟੈਸਟ ’ਚ 9 ਅੰਕ ਹਾਸਲ ਹੋਏ ਹਨ। ਇਸ ਦੇ ਨਾਲ SUV ਨੂੰ ਬੱਚਿਆਂ ਦੀ ਸੁਰੱਖਿਆ ਲਈ 49 ਵਿੱਚੋਂ 44.97 ਅੰਕ ਮਿਲੇ ਹਨ।

ਪੰਜ ਸਟਾਰ ਸੁਰੱਖਿਆ ਰੇਟਿੰਗ

ਕਰੈਸ਼ ਟੈਸਟ ਦੇ ਨਤੀਜਿਆਂ ਮੁਤਾਬਕ Mahindra XUV 7XO ਨੇ ਬਾਲਗਾਂ ਤੇ ਬੱਚਿਆਂ ਦੋਵਾਂ ਦੀ ਸੁਰੱਖਿਆ ’ਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ 5 ਸਟਾਰ ਸੇਫਟੀ ਰੇਟਿੰਗ ਹਾਸਲ ਕੀਤੀ ਹੈ।