- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
Kia ਨੇ ਪੇਸ਼ ਕੀਤੀ ਆਪਣੀ ਪਹਿਲੀ Flex Fuel ਕਾਰ Syros, ਪੈਟਰੋਲ-ਇਥੈਨੋਲ ਦੋਵਾਂ ਨਾਲ ਚੱਲੇਗੀ
Kia ਦਾ ਕਹਿਣਾ ਹੈ ਕਿ Syros Flex Fuel ਕਾਰ ਸ਼ੁੱਧ ਪੈਟਰੋਲ, ਸ਼ੁੱਧ ਇਥੈਨੋਲ ਤੇ ਪੈਟਰੋਲ-ਇਥੈਨੋਲ ਦੇ ਵੱਖ-ਵੱਖ ਮਿਸ਼ਰਣਾਂ ’ਤੇ ਚੱਲ ਸਕਦੀ ਹੈ। Kia ਨੇ ਅਜੇ ਤੱਕ ਇਹ ਪੱਕਾ ਨਹੀਂ ਕੀਤਾ ਕਿ ਇਸ ਦਾ ਪ੍ਰੋਡਕਸ਼ਨ ਵਰਜ਼ਨ ਭਾਰਤ ’ਚ ਕਦੋਂ ਲਾਂਚ ਕੀਤਾ ਜਾਵੇਗਾ।
Posted By Paramjit Kaur
Publish Date: Sat, 05 Sep 2026 02:58 PM (IST)
Updated Date: Sat, 05 Sep 2026 03:03 PM (IST)
ਆਟੋ ਡੈਸਕ, ਨਵੀਂ ਦਿੱਲੀ : Kia ਨੇ ਭਾਰਤ ’ਚ ਆਪਣੀ ਪਹਿਲੀ Flex Fuel ਕਾਰ Syros ਕਨਸੈਪਟ ਪੇਸ਼ ਕੀਤੀ ਹੈ। ਇਸ ਕਾਰ ’ਚ 1.0 ਲੀਟਰ ਡਾਇਰੈਕਟ-ਇੰਜੈਕਸ਼ਨ ਟਰਬੋ-ਪੈਟਰੋਲ ਇੰਜਣ ਦੀ ਵਰਤੋਂ ਕੀਤੀ ਗਈ ਹੈ। Kia ਦਾ ਕਹਿਣਾ ਹੈ ਕਿ Syros Flex Fuel ਕਾਰ ਸ਼ੁੱਧ ਪੈਟਰੋਲ, ਸ਼ੁੱਧ ਇਥੈਨੋਲ ਤੇ ਪੈਟਰੋਲ-ਇਥੈਨੋਲ ਦੇ ਵੱਖ-ਵੱਖ ਮਿਸ਼ਰਣਾਂ ’ਤੇ ਚੱਲ ਸਕਦੀ ਹੈ। Kia ਨੇ ਅਜੇ ਤੱਕ ਇਹ ਪੱਕਾ ਨਹੀਂ ਕੀਤਾ ਕਿ ਇਸ ਦਾ ਪ੍ਰੋਡਕਸ਼ਨ ਵਰਜ਼ਨ ਭਾਰਤ ’ਚ ਕਦੋਂ ਲਾਂਚ ਕੀਤਾ ਜਾਵੇਗਾ।
ਇੰਜਣ ਦੀ ਪਾਵਰ ਤੇ ਪਰਫਾਰਮੈਂਸ
Kia Syros Flex Fuel ’ਚ 1.0 ਲੀਟਰ, 3-ਸਿਲਿੰਡਰ, ਡਾਇਰੈਕਟ-ਇੰਜੈਕਸ਼ਨ ਟਰਬੋਚਾਰਜਡ ਇੰਜਣ ਦਿੱਤਾ ਗਿਆ ਹੈ। ਹਾਲਾਂਕਿ, ਕੰਪਨੀ ਨੇ ਅਜੇ ਤੱਕ ਇਸ ਦੇ ਪਾਵਰ ਆਉਟਪੁੱਟ ਦੇ ਅੰਕੜੇ ਸਾਂਝੇ ਨਹੀਂ ਕੀਤੇ ਹਨ। ਵੱਖ-ਵੱਖ ਇਥੈਨੋਲ ਮਿਸ਼ਰਣਾਂ ਦੇ ਅਨੁਕੂਲ ਬਣਾਉਣ ਲਈ Kia ਨੇ ਇਸ ਦੇ ਕੁਝ ਹਿੱਸਿਆਂ, ਜਿਵੇਂ ਕਿ ECU, TCU ਤੇ ਫਿਊਲ ਸਿਸਟਮ, ’ਚ ਬਦਲਾਅ ਕੀਤੇ ਹਨ। ਸਟੈਂਡਰਡ Syros ਟਰਬੋ-ਪੈਟਰੋਲ ਮਾਡਲ ’ਚ 7-ਸਪੀਡ ਟਾਰਕ ਕਨਵਰਟਰ ਆਟੋਮੈਟਿਕ ਗਿਅਰਬਾਕਸ ਦਿੱਤਾ ਗਿਆ ਹੈ।
Flex Fuel ਵਾਹਨ
ਇਸ ਸਾਲ ਦੀ ਸ਼ੁਰੂਆਤ ’ਚ Maruti Flex Fuel ਕਾਰ ਲਾਂਚ ਕਰਨ ਵਾਲੀ ਪਹਿਲੀ ਕਾਰ ਕੰਪਨੀ ਬਣੀ, ਜਿਸ ਦੀ WagonR BioFlex ਕਾਰ ਦੀ ਐਕਸ-ਸ਼ੋਰੂਮ ਕੀਮਤ 7.24 ਲੱਖ ਰੁਪਏ ਹੈ। ਭਾਰਤ ’ਚ ਕੱਚੇ ਤੇਲ (Crude Oil) ਦੀ ਦਰਾਮਦ ਘਟਾਉਣ ਲਈ ਸਰਕਾਰ ਵੱਲੋਂ ਪੈਟਰੋਲ ’ਚ ਇਥੈਨੋਲ ਦੀ ਵੱਧ ਮਾਤਰਾ ਮਿਲਾਉਣ ’ਤੇ ਜ਼ੋਰ ਦਿੱਤਾ ਜਾ ਰਿਹਾ ਹੈ।
Flex Fuel ਯੋਜਨਾਵਾਂ
ਜਿਵੇਂ-ਜਿਵੇਂ ਇਥੈਨੋਲ ਦੀ ਬਲੈਂਡਿੰਗ ਵਧਣ ਵਾਲੀ ਹੈ, ਕਈ ਮਾਸ-ਮਾਰਕੀਟ ਕਾਰ ਕੰਪਨੀਆਂ ਨੇ ਭਾਰਤ ’ਚ Flex Fuel ਵਾਹਨ ਲਿਆਉਣ ਦੇ ਸੰਕੇਤ ਦਿੱਤੇ ਹਨ।
Toyota ਸਾਲ 2022 ’ਚ Corolla Hybrid ਦੇ ਨਾਲ Flex Fuel ਤਕਨਾਲੋਜੀ ਦਿਖਾਉਣ ਵਾਲੀ ਪਹਿਲੀ ਕੰਪਨੀ ਬਣੀ ਸੀ। ਇਸ ਤੋਂ ਬਾਅਦ 2023 ’ਚ ਕੰਪਨੀ ਨੇ Innova Hycross Flex Fuel ਪੇਸ਼ ਕੀਤੀ।
Hyundai ਨੇ Auto Expo 2025 ’ਚ Creta Flex Fuel ਨੂੰ ਪ੍ਰਦਰਸ਼ਿਤ ਕੀਤਾ, ਜਦਕਿ Tata ਦਾ ਕਹਿਣਾ ਹੈ ਕਿ ਉਹ 2026 ਦੇ ਅੰਤ ਜਾਂ 2027 ਦੀ ਸ਼ੁਰੂਆਤ ਤੱਕ ਆਪਣੀ Flex Fuel ਕਾਰ ਲਾਂਚ ਕਰ ਸਕਦੀ ਹੈ।