- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
PF ਅਕਾਊਂਟ ’ਚ ਕੋਈ ਗੜਬੜੀ ਤਾਂ ਨਹੀਂ? EPFO ਦੀ ਇਸ ਸੁਵਿਧਾ ਨਾਲ ਕਰੋ ਜਾਂਚ
ਅਜਿਹੇ ’ਚ ਇਸੇ ਤਰ੍ਹਾਂ ਦੀਆਂ ਪਰੇਸ਼ਾਨੀਆਂ ਤੋਂ ਬਚਣ ਲਈ ਕਰਮਚਾਰੀ ਆਪਣੇ EPFO ਰਿਕਾਰਡ ਵਿੱਚ ਦਰਜ ਸਰਵਿਸ ਹਿਸਟਰੀ (Service History) ਨੂੰ ਘਰ ਬੈਠੇ ਫ਼ੋਨ 'ਤੇ ਆਨਲਾਈਨ ਦੇਖ ਸਕਦੇ ਹਨ। ਜੀ ਹਾਂ, ਇਸ ਸੁਵਿਧਾ ਦੀ ਮਦਦ ਨਾਲ ਇੱਕ ਹੀ ਜਗ੍ਹਾ 'ਤੇ ਵੱਖ-ਵੱਖ ਕੰਪਨੀਆਂ ਨਾਲ ਜੁੜੀ ਪੀ.ਐੱਫ. ਸਰਵਿਸ ਡਿਟੇਲਸ ਦੀ ਜਾਣਕਾਰੀ ਆਸਾਨੀ ਨਾਲ ਮਿਲ ਜਾਂਦੀ ਹੈ। ਨਾਲ ਹੀ ਇਸ ਨਾਲ ਤੁਸੀਂ ਪੁਰਾਣੇ ਰਿਕਾਰਡ ਦੀ ਗਲਤੀ ਨੂੰ ਤੁਰੰਤ ਫੜ ਸਕਦੇ ਹੋ। ਚੱਲੋ ਇਸ ਬਾਰੇ ਜਾਣਦੇ ਹਾਂ...
Posted By Anuradha Bains
Publish Date: Sun, 16 Aug 2026 12:41 PM (IST)
Updated Date: Sun, 16 Aug 2026 12:43 PM (IST)
ਤਕਨਾਲੋਜੀ ਡੈਸਕ, ਨਵੀਂ ਦਿੱਲੀ। ਨੌਕਰੀ ਦੌਰਾਨ ਕਰਮਚਾਰੀ ਸਮੇਂ-ਸਮੇਂ 'ਤੇ ਨੌਕਰੀ ਬਦਲਦੇ ਰਹਿੰਦੇ ਹਨ ਅਤੇ ਹਰ ਕੰਪਨੀ ਦੇ ਨਾਲ ਉਨ੍ਹਾਂ ਦੀ ਪੀ.ਐੱਫ. ਮੈਂਬਰ ਆਈ.ਡੀ. (PF Member ID) ਵੱਖਰੀ ਹੋ ਸਕਦੀ ਹੈ। ਅਜਿਹੇ ’ਚ ਪੁਰਾਣੇ ਪੀ.ਐੱਫ. ਅਕਾਊਂਟ, ਨੌਕਰੀ ਦੀ ਮਿਤੀ ਅਤੇ ਦੂਜੇ ਰਿਕਾਰਡਾਂ ਦਾ ਹਿਸਾਬ ਰੱਖਣਾ ਮੁਸ਼ਕਲ ਹੋ ਜਾਂਦਾ ਹੈ। ਕਈ ਕਰਮਚਾਰੀਆਂ ਨੂੰ ਇਹ ਵੀ ਪਤਾ ਨਹੀਂ ਚੱਲਦਾ ਕਿ ਉਨ੍ਹਾਂ ਦੀ ਪਿਛਲੀ ਨੌਕਰੀ ਦਾ ਪੀ.ਐੱਫ. ਰਿਕਾਰਡ ਮੌਜੂਦਾ UAN ਨਾਲ ਸਹੀ ਤਰੀਕੇ ਨਾਲ ਜੁੜਿਆ ਹੋਇਆ ਹੈ ਜਾਂ ਨਹੀਂ।
ਅਜਿਹੇ ’ਚ ਇਸੇ ਤਰ੍ਹਾਂ ਦੀਆਂ ਪਰੇਸ਼ਾਨੀਆਂ ਤੋਂ ਬਚਣ ਲਈ ਕਰਮਚਾਰੀ ਆਪਣੇ EPFO ਰਿਕਾਰਡ ਵਿੱਚ ਦਰਜ ਸਰਵਿਸ ਹਿਸਟਰੀ (Service History) ਨੂੰ ਘਰ ਬੈਠੇ ਫ਼ੋਨ 'ਤੇ ਆਨਲਾਈਨ ਦੇਖ ਸਕਦੇ ਹਨ। ਜੀ ਹਾਂ, ਇਸ ਸੁਵਿਧਾ ਦੀ ਮਦਦ ਨਾਲ ਇੱਕ ਹੀ ਜਗ੍ਹਾ 'ਤੇ ਵੱਖ-ਵੱਖ ਕੰਪਨੀਆਂ ਨਾਲ ਜੁੜੀ ਪੀ.ਐੱਫ. ਸਰਵਿਸ ਡਿਟੇਲਸ ਦੀ ਜਾਣਕਾਰੀ ਆਸਾਨੀ ਨਾਲ ਮਿਲ ਜਾਂਦੀ ਹੈ। ਨਾਲ ਹੀ ਇਸ ਨਾਲ ਤੁਸੀਂ ਪੁਰਾਣੇ ਰਿਕਾਰਡ ਦੀ ਗਲਤੀ ਨੂੰ ਤੁਰੰਤ ਫੜ ਸਕਦੇ ਹੋ। ਚੱਲੋ ਇਸ ਬਾਰੇ ਜਾਣਦੇ ਹਾਂ...
ਪੁਰਾਣੇ ਰਿਕਾਰਡ ਦੀ ਗਲਤੀ ਤੁਰੰਤ ਫੜੋ
ਇਸ ਸਰਵਿਸ ਹਿਸਟਰੀ ਵਾਲੇ ਫ਼ੀਚਰ ਨਾਲ ਤੁਸੀਂ ਆਪਣੇ ਪੁਰਾਣੇ ਰੁਜ਼ਗਾਰ ਨਾਲ ਜੁੜੀ ਡਿਟੇਲਸ ਨੂੰ ਖੁਦ ਦੇਖ ਸਕਦੇ ਹੋ। ਇਸ ਵਿੱਚ ਕੰਪਨੀ ਦਾ ਨਾਮ, ਪੀ.ਐੱਫ. ਮੈਂਬਰ ਆਈ.ਡੀ., ਨੌਕਰੀ ਸ਼ੁਰੂ ਹੋਣ ਦੀ ਮਿਤੀ ਅਤੇ ਨੌਕਰੀ ਖ਼ਤਮ ਹੋਣ ਦੀ ਤਾਰੀਖ਼ ਵਰਗੀਆਂ ਡਿਟੇਲਸ ਸ਼ੋਅ ਹੁੰਦੀਆਂ ਹਨ। ਮੰਨ ਲਓ ਕਿਸੇ ਪੁਰਾਣੇ ਐਂਪਲਾਇਰ ਨੇ ਤੁਹਾਡੀ ਨੌਕਰੀ ਛੱਡਣ ਦੀ ਤਾਰੀਖ਼ ਅਪਡੇਟ ਨਹੀਂ ਕੀਤੀ ਜਾਂ ਕਿਸੇ ਕੰਪਨੀ ਨਾਲ ਜੁੜਿਆ ਪੀ.ਐੱਫ. ਰਿਕਾਰਡ ਦਿਖਾਈ ਹੀ ਨਹੀਂ ਦੇ ਰਿਹਾ ਹੈ।
ਅਜਿਹੀ ਕੰਡੀਸ਼ਨ ’ਚ ਸਮਾਂ ਰਹਿੰਦੇ ਇਸ ਦੀ ਡਿਟੇਲ ਮਿਲ ਸਕਦੀ ਹੈ। ਇਸ ਤੋਂ ਬਾਅਦ ਕਰਮਚਾਰੀ ਸਬੰਧਤ ਐਂਪਲਾਇਰ ਨਾਲ ਰਿਕਾਰਡ ਠੀਕ ਕਰਾਉਣ ਲਈ ਸੰਪਰਕ ਕਰ ਸਕਦਾ ਹੈ। ਇੰਨਾ ਹੀ ਨਹੀਂ ਨੌਕਰੀ ਬਦਲਣ ਤੋਂ ਬਾਅਦ ਪੀ.ਐੱਫ. ਟ੍ਰਾਂਸਫਰ ਜਾਂ ਨਿਕਾਸੀ ਵੇਲੇ ਰਿਕਾਰਡ ’ਚ ਛੋਟੀ-ਮੋਟੀ ਗੜਬੜੀ ਵੀ ਪਰੇਸ਼ਾਨੀ ਪੈਦਾ ਕਰ ਸਕਦੀ ਹੈ। ਅਜਿਹੇ ’ਚ ਖ਼ਾਸ ਤੌਰ 'ਤੇ ਲੰਬੇ ਸਮੇਂ ਤੱਕ ਕਈ ਕੰਪਨੀਆਂ ’ਚ ਕੰਮ ਕਰਨ ਵਾਲੇ ਕਰਮਚਾਰੀਆਂ ਲਈ ਪੁਰਾਣੇ ਰਿਕਾਰਡ ਦਾ ਸਹੀ ਹੋਣਾ ਕਾਫ਼ੀ ਜ਼ਰੂਰੀ ਹੋ ਜਾਂਦਾ ਹੈ।
Service History ਦਾ ਹੋਰ ਕੀ ਫ਼ਾਇਦਾ?
ਇਸ ਸਰਵਿਸ ਹਿਸਟਰੀ ਤੋਂ ਇਹ ਵੀ ਪਤਾ ਲਗਾਉਣ ’ਚ ਮਦਦ ਮਿਲ ਸਕਦੀ ਹੈ ਕਿ ਤੁਹਾਡੀਆਂ ਵੱਖ-ਵੱਖ ਜੌਬਸ ਇੱਕ ਹੀ UAN ਨਾਲ ਸਹੀ ਤਰੀਕੇ ਨਾਲ ਜੁੜੀਆਂ ਹੋਈਆਂ ਹਨ ਜਾਂ ਇਸ ’ਚ ਕੋਈ ਗੜਬੜ ਹੈ। ਜੇਕਰ ਕਿਤੇ ਡੁਪਲੀਕੇਟ UAN ਜਾਂ ਕਿਸੇ ਪੁਰਾਣੇ ਪੀ.ਐੱਫ. ਅਕਾਊਂਟ ਨਾਲ ਜੁੜੀ ਸਮੱਸਿਆ ਦਿਖਾਈ ਦਿੰਦੀ ਹੈ ਤਾਂ ਉਸ ਨੂੰ ਤੁਸੀਂ ਸਮਾਂ ਰਹਿੰਦੇ ਠੀਕ ਕਰਾਉਣ ਦੀ ਕੋਸ਼ਿਸ਼ ਕਰ ਸਕਦੇ ਹੋ।
ਘਰ ਬੈਠੇ ਕਿਵੇਂ ਦੇਖੀਏ Service History?
ਆਪਣਾ ਰਿਕਾਰਡ ਚੈੱਕ ਕਰਨ ਲਈ ਸਭ ਤੋਂ ਪਹਿਲਾਂ EPFO Member e-Sewa Portal 'ਤੇ ਜਾਓ।
ਆਪਣੇ UAN ਅਤੇ ਪਾਸਵਰਡ ਦੀ ਮਦਦ ਨਾਲ ਲੌਗਇਨ ਕਰੋ।
ਹੁਣ ਉੱਪਰ ਦਿਖਾਈ ਦੇਣ ਵਾਲੇ ‘View’ ਆਪਸ਼ਨ 'ਤੇ ਕਲਿੱਕ ਕਰੋ।
ਇਸ ਤੋਂ ਬਾਅਦ ‘Service History’ ਨੂੰ ਸਿਲੈਕਟ ਕਰੋ।
ਹੁਣ ਸਕ੍ਰੀਨ 'ਤੇ EPFO ਦੇ ਰਿਕਾਰਡ ’ਚ ਦਰਜ ਤੁਹਾਡੀਆਂ ਵੱਖ-ਵੱਖ ਜੌਬਸ ਦੀ ਜਾਣਕਾਰੀ ਦਿਖਾਈ ਦੇਵੇਗੀ।
ਇੱਥੇ ਮੌਜੂਦਾ ਅਤੇ ਪੁਰਾਣੇ ਐਂਪਲਾਇਰ, ਮੈਂਬਰ ਆਈ.ਡੀ. ਅਤੇ ਨੌਕਰੀ ਨਾਲ ਜੁੜੀਆਂ ਤਾਰੀਖ਼ਾਂ ਨੂੰ ਧਿਆਨ ਨਾਲ ਜਾਂਚ ਲਓ।
ਜੇਕਰ ਕਿਸੇ ਰਿਕਾਰਡ ’ਚ ਗਲਤੀ ਮਿਲੇ ਤਾਂ ਉਸ ਨੂੰ ਨਜ਼ਰਅੰਦਾਜ਼ ਨਾ ਕਰੋ।
ਰਿਕਾਰਡ ’ਚ ਗਲਤੀ ਮਿਲਣ 'ਤੇ ਸਬੰਧਤ ਐਂਪਲਾਇਰ ਨਾਲ ਸੁਧਾਰ ਲਈ ਸੰਪਰਕ ਕਰਨਾ ਬਿਹਤਰ ਰਹੇਗਾ। ਇਸ ਨਾਲ ਫਿਊਚਰ ’ਚ ਪੀ.ਐੱਫ. ਟ੍ਰਾਂਸਫਰ, ਕਲੇਮ ਜਾਂ ਪੈਨਸ਼ਨ ਨਾਲ ਜੁੜੇ ਕੰਮ ਦੌਰਾਨ ਹੋਣ ਵਾਲੀ ਬੇਲੋੜੀ ਪਰੇਸ਼ਾਨੀ ਤੋਂ ਬਚਿਆ ਜਾ ਸਕਦਾ ਹੈ।