- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
iPhone 20 Pro ਦੇ ਲੁੱਕ ਨੇ ਵਧਾਈ ਧੜਕਣ! ਕਰਵਡ-ਬੇਜ਼ਲਲੈੱਸ ਡਿਸਪਲੇਅ ਤੇ ਛੋਟਾ Dynamic Island ਕਰੇਗਾ ਹੈਰਾਨ, ਪਹਿਲਾਂ ਨਾਲੋਂ ਬਿਲਕੁਲ ਵੱਖਰਾ ਹੋਵੇਗਾ ਡਿਜ਼ਾਈਨ
ਐਪਲ ਦੀ ਅਗਲੀ iPhone 20 Pro ਸੀਰੀਜ਼ ’ਚ ਵੱਡੇ ਡਿਜ਼ਾਈਨ ਬਦਲਾਅ ਦੇਖਣ ਨੂੰ ਮਿਲ ਸਕਦੇ ਹਨ, ਜਿਸ ’ਚ ਕਰਵਡ ਤੇ ਲਗਭਗ ਬੇਜ਼ਲਲੈੱਸ ਡਿਸਪਲੇਅ ਸ਼ਾਮਲ ਹੈ। ਰਿਪੋਰਟਾਂ ਮੁਤਾਬਕ, ਇਸ ’ਚ ਵੱਡੀ ਡਿਸਪਲੇਅ ਦੇ ਨਾਲ ਛੋਟਾ Dynamic Island ਵੀ ਦੇਖਣ ਨੂੰ ਮਿਲ ਸਕਦਾ ਹੈ, ਜੋ ਮੌਜੂਦਾ ਮਾਡਲ ਨਾਲੋਂ ਕਾਫ਼ੀ ਵੱਖਰਾ ਹੋਵੇਗਾ।
Posted By Paramjit Kaur
Publish Date: Tue, 22 Sep 2026 03:04 PM (IST)
Updated Date: Tue, 22 Sep 2026 03:07 PM (IST)
ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ : ਐਪਲ ਨੇ ਇਸ ਮਹੀਨੇ ਦੀ ਸ਼ੁਰੂਆਤ ’ਚ ਆਪਣੀ ਨਵੀਂ iPhone 18 Pro ਸੀਰੀਜ਼ ਲਾਂਚ ਕੀਤੀ ਸੀ, ਜਿਸ ਨੂੰ ਅਜੇ ਜ਼ਿਆਦਾ ਸਮਾਂ ਨਹੀਂ ਹੋਇਆ ਹੈ। ਪਰ ਹੁਣ ਤੋਂ ਹੀ ਕੰਪਨੀ ਦੇ ਨੈਕਸਟ ਜਨਰੇਸ਼ਨ iPhone ਮਾਡਲਾਂ ਨੂੰ ਲੈ ਕੇ ਰਿਪੋਰਟਾਂ ਸਾਹਮਣੇ ਆਉਣ ਲੱਗੀਆਂ ਹਨ। ਰਿਪੋਰਟਾਂ ਮੁਤਾਬਕ, Apple ਅਗਲੇ ਸਾਲ iPhone 20 Pro ਸੀਰੀਜ਼ ’ਚ ਕਈ ਵੱਡੇ ਬਦਲਾਅ ਕਰ ਸਕਦਾ ਹੈ। ਆਉਣ ਵਾਲੇ iPhone ’ਚ ਕੰਪਨੀ ਡਿਸਪਲੇਅ ਡਿਜ਼ਾਈਨ ’ਚ ਅਜਿਹਾ ਬਦਲਾਅ ਕਰ ਸਕਦੀ ਹੈ, ਜੋ ਪਿਛਲੇ ਕਈ ਸਾਲਾਂ ਤੋਂ ਚੱਲ ਰਹੇ iPhone ਡਿਜ਼ਾਈਨ ਤੋਂ ਬਿਲਕੁਲ ਵੱਖਰਾ ਹੋ ਸਕਦਾ ਹੈ।
iPhone 20 Pro ’ਚ ਆਵੇਗੀ ਵੱਡੀ ਡਿਸਪਲੇਅ
Weibo ’ਤੇ ਟਿਪਸਟਰ Digital Chat Station ਨੇ ਆਪਣੀ ਹਾਲੀਆ ਪੋਸਟ ’ਚ ਦੱਸਿਆ ਹੈ ਕਿ iPhone 20 Pro ’ਚ 6.41 ਇੰਚ ਦੀ ਡਿਸਪਲੇਅ ਮਿਲ ਸਕਦੀ ਹੈ। ਇਸ ਦੇ ਨਾਲ ਹੀ ਇਸ ਦਾ ਰੈਜ਼ੋਲਿਊਸ਼ਨ 2686×1236 ਪਿਕਸਲ ਤੱਕ ਹੋ ਸਕਦਾ ਹੈ। ਇਸ ਸਮੇਂ ਨਵੇਂ iPhone 18 Pro ’ਚ 6.3 ਇੰਚ ਦੀ ਸਕ੍ਰੀਨ ਤੇ 2622×1206 ਪਿਕਸਲ ਰੈਜ਼ੋਲਿਊਸ਼ਨ ਮਿਲ ਰਿਹਾ ਹੈ। ਹਾਲਾਂਕਿ, ਆਉਣ ਵਾਲੇ iPhone 20 Pro Max ’ਚ ਵੀ 6.9 ਇੰਚ ਦੀ ਡਿਸਪਲੇਅ ਮਿਲਣ ਦੀ ਗੱਲ ਕਹੀ ਗਈ ਹੈ। ਯਾਨੀ Max ਮਾਡਲ ਦੇ ਸਕ੍ਰੀਨ ਸਾਈਜ਼ ’ਚ ਕੋਈ ਬਦਲਾਅ ਨਹੀਂ ਹੋਵੇਗਾ। ਹਾਲਾਂਕਿ, ਇਸ ਦਾ ਰੈਜ਼ੋਲਿਊਸ਼ਨ ਵੱਧ ਕੇ 2912×1340 ਪਿਕਸਲ ਤੱਕ ਜਾ ਸਕਦਾ ਹੈ, ਜਦਕਿ iPhone 18 Pro Max ’ਚ 2868×1320 ਪਿਕਸਲ ਰੈਜ਼ੋਲਿਊਸ਼ਨ ਮਿਲ ਰਿਹਾ ਹੈ।
ਕਰਵਡ ਤੇ ਬੇਜ਼ਲਲੈੱਸ ਡਿਸਪਲੇਅ
ਰਿਪੋਰਟਾਂ ’ਚ ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ iPhone 20 Pro ਸੀਰੀਜ਼ ਦੇ ਡਿਜ਼ਾਈਨ ’ਚ ਸਭ ਤੋਂ ਵੱਡਾ ਬਦਲਾਅ ਹੋ ਸਕਦਾ ਹੈ। ਐਪਲ ਇਸ ਸੀਰੀਜ਼ ’ਚ ਕਰਵਡ ਤੇ ਲਗਭਗ ਬੇਜ਼ਲਲੈੱਸ ਡਿਸਪਲੇਅ ਦੇ ਸਕਦਾ ਹੈ। ਕੰਪਨੀ ਪਿਛਲੇ ਕਈ ਸਾਲਾਂ ਤੋਂ ਫਲੈਟ ਡਿਸਪਲੇਅ ਤੇ ਫਲੈਟ ਸਾਈਡ ਵਾਲਾ ਡਿਜ਼ਾਈਨ ਦੇ ਰਹੀ ਹੈ। ਇੰਨਾ ਹੀ ਨਹੀਂ, ਨਵੇਂ ਫੋਨ ’ਚ Dynamic Island ਦਾ ਸਾਈਜ਼ ਵੀ ਛੋਟਾ ਹੋ ਸਕਦਾ ਹੈ। ਇਸ ਦਾ ਮਤਲਬ ਹੈ ਕਿ ਫਰੰਟ ਡਿਸਪਲੇਅ ’ਤੇ ਕੈਮਰਾ ਤੇ ਹੋਰ ਸੈਂਸਰਾਂ ਲਈ ਦਿੱਤਾ ਗਿਆ ਕਟਆਊਟ ਪਹਿਲਾਂ ਦੇ ਮੁਕਾਬਲੇ ਘੱਟ ਜਗ੍ਹਾ ਘੇਰ ਸਕਦਾ ਹੈ। ਜੇਕਰ ਇਹ ਬਦਲਾਅ ਸਹੀ ਸਾਬਤ ਹੁੰਦੇ ਹਨ, ਤਾਂ iPhone 20 Pro ਦਾ ਫਰੰਟ ਹਿੱਸਾ ਕਾਫ਼ੀ ਜ਼ਿਆਦਾ ਸਕ੍ਰੀਨ-ਫੋਕਸਡ ਨਜ਼ਰ ਆ ਸਕਦਾ ਹੈ।