- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਤੁਹਾਡੇ ਨਾਮ ’ਤੇ ਕਿੰਨੇ SIM ਹਨ? ਇੰਝ ਕਰੋ ਚੈੱਕ, ਦੂਜੇ ਨੂੰ ਦੇਣ ’ਤੇ 3 ਸਾਲ ਜੇਲ੍ਹ ਤੇ ₹50 ਲੱਖ ਤੱਕ ਜੁਰਮਾਨਾ!
ਬਾਅਦ ਵਿੱਚ ਜੇਕਰ ਉਸੇ ਮੋਬਾਈਲ ਨੰਬਰ ਦੀ ਵਰਤੋਂ ਕਿਸੇ ਗ਼ੈਰ-ਕਾਨੂੰਨੀ ਗਤੀਵਿਧੀ ’ਚ ਕੀਤੀ ਜਾਂਦੀ ਹੈ ਤਾਂ ਪਰੇਸ਼ਾਨੀ ਉਸ ਵਿਅਕਤੀ ਲਈ ਵੀ ਖੜ੍ਹੀ ਹੋ ਸਕਦੀ ਹੈ, ਜਿਸ ਦੇ ਨਾਮ ’ਤੇ ਕਨੈਕਸ਼ਨ ਹੈ। ਇਸੇ ਨੂੰ ਲੈ ਕੇ ਦੂਰਸੰਚਾਰ ਵਿਭਾਗ ਯਾਨੀ DoT ਨੇ ਲੋਕਾਂ ਨੂੰ ਆਪਣੇ ਨਾਮ ’ਤੇ ਜਾਰੀ ਮੋਬਾਈਲ ਕਨੈਕਸ਼ਨਾਂ ਨੂੰ ਨਿਯਮਤ ਤੌਰ ’ਤੇ ਚੈੱਕ ਕਰਨ ਦੀ ਸਲਾਹ ਦਿੱਤੀ ਹੈ। ਇਸ ਲਈ ਸਰਕਾਰ ਦੇ 'ਸੰਚਾਰ ਸਾਥੀ' (Sanchar Saathi) ਪੋਰਟਲ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ।
Posted By Anuradha Bains
Publish Date: Tue, 22 Sep 2026 12:12 PM (IST)
Updated Date: Tue, 22 Sep 2026 12:15 PM (IST)
ਤਕਨਾਲੋਜੀ ਡੈਸਕ, ਨਵੀਂ ਦਿੱਲੀ। ਕੀ ਤੁਸੀਂ ਜਾਣਦੇ ਹੋ ਕਿ ਤੁਹਾਡੇ ਨਾਮ ਅਤੇ ਦਸਤਾਵੇਜ਼ਾਂ ਉੱਤੇ ਕਿੰਨੇ ਮੋਬਾਈਲ ਨੰਬਰ ਐਕਟਿਵ ਹਨ? ਜੇਕਰ ਤੁਸੀਂ ਕਦੇ ਆਪਣਾ ਆਧਾਰ ਜਾਂ ਹੋਰ ਦਸਤਾਵੇਜ਼ ਦੇ ਕੇ ਸਿਮ ਕਾਰਡ ਲਿਆ ਹੈ ਤਾਂ ਇਹ ਜਾਣਕਾਰੀ ਚੈੱਕ ਕਰਨੀ ਬਹੁਤ ਜ਼ਰੂਰੀ ਹੋ ਜਾਂਦੀ ਹੈ। ਦਰਅਸਲ, ਕਿਸੇ ਵਿਅਕਤੀ ਦੇ ਦਸਤਾਵੇਜ਼ਾਂ ਦੀ ਗ਼ਲਤ ਵਰਤੋਂ ਕਰਕੇ ਉਸ ਦੇ ਨਾਮ ’ਤੇ ਸਿਮ ਜਾਰੀ ਕੀਤਾ ਜਾ ਸਕਦਾ ਹੈ।
ਬਾਅਦ ਵਿੱਚ ਜੇਕਰ ਉਸੇ ਮੋਬਾਈਲ ਨੰਬਰ ਦੀ ਵਰਤੋਂ ਕਿਸੇ ਗ਼ੈਰ-ਕਾਨੂੰਨੀ ਗਤੀਵਿਧੀ ’ਚ ਕੀਤੀ ਜਾਂਦੀ ਹੈ ਤਾਂ ਪਰੇਸ਼ਾਨੀ ਉਸ ਵਿਅਕਤੀ ਲਈ ਵੀ ਖੜ੍ਹੀ ਹੋ ਸਕਦੀ ਹੈ, ਜਿਸ ਦੇ ਨਾਮ ’ਤੇ ਕਨੈਕਸ਼ਨ ਹੈ। ਇਸੇ ਨੂੰ ਲੈ ਕੇ ਦੂਰਸੰਚਾਰ ਵਿਭਾਗ ਯਾਨੀ DoT ਨੇ ਲੋਕਾਂ ਨੂੰ ਆਪਣੇ ਨਾਮ ’ਤੇ ਜਾਰੀ ਮੋਬਾਈਲ ਕਨੈਕਸ਼ਨਾਂ ਨੂੰ ਨਿਯਮਤ ਤੌਰ ’ਤੇ ਚੈੱਕ ਕਰਨ ਦੀ ਸਲਾਹ ਦਿੱਤੀ ਹੈ। ਇਸ ਲਈ ਸਰਕਾਰ ਦੇ 'ਸੰਚਾਰ ਸਾਥੀ' (Sanchar Saathi) ਪੋਰਟਲ ਦੀ ਵਰਤੋਂ ਕੀਤੀ ਜਾ ਸਕਦੀ ਹੈ।
ਇਸ ਦੇ TAFCOP ਫੀਚਰ ਦੀ ਵਰਤੋਂ ਕਰਕੇ ਤੁਸੀਂ ਆਪਣੇ ਨਾਮ ’ਤੇ ਜਾਰੀ ਮੋਬਾਈਲ ਕਨੈਕਸ਼ਨਾਂ ਦੀ ਡਿਟੇਲ ਦੇਖ ਸਕਦੇ ਹੋ ਅਤੇ ਕਿਸੇ ਅਣਜਾਣ ਜਾਂ ਫ਼ਰਜ਼ੀ ਕਨੈਕਸ਼ਨ ਦੀ ਉੱਥੋਂ ਹੀ ਰਿਪੋਰਟ ਵੀ ਕਰ ਸਕਦੇ ਹੋ। ਆਓ ਪਹਿਲਾਂ ਜਾਣੀਏ ਕਿ ਕਿਵੇਂ ਚੈੱਕ ਕਰੀਏ ਕਿ ਤੁਹਾਡੇ ਨਾਮ ’ਤੇ ਕਿੰਨੇ ਸਿਮ ਹਨ...
ਕਿਵੇਂ ਚੈੱਕ ਕਰੀਏ ਤੁਹਾਡੇ ਨਾਮ ’ਤੇ ਕਿੰਨੇ SIM ਹਨ?
ਆਪਣੇ ਨਾਮ ’ਤੇ ਜਾਰੀ ਮੋਬਾਈਲ ਨੰਬਰਾਂ ਦੀ ਡਿਟੇਲ ਦੇਖਣਾ ਬਹੁਤ ਆਸਾਨ ਹੈ। ਇਸ ਲਈ ਕੁਝ ਕਦਮਾਂ ਦੀ ਪਾਲਣਾ ਕਰੋ:
ਸਭ ਤੋਂ ਪਹਿਲਾਂ Sanchar Saathi ਦੀ ਵੈੱਬਸਾਈਟ ਖੋਲ੍ਹੋ।
ਇੱਥੋਂ ਹੁਣ 'Know Mobile Connections in Your Name' ਸਰਵਿਸ ਉੱਤੇ ਕਲਿੱਕ ਕਰੋ।
ਇਸ ਤੋਂ ਬਾਅਦ TAFCOP ਸਰਵਿਸ ਦੀ ਵਰਤੋਂ ਕਰੋ।
ਹੁਣ ਆਪਣਾ ਮੋਬਾਈਲ ਨੰਬਰ ਦਰਜ ਕਰੋ ਅਤੇ OTP ਰਾਹੀਂ ਵੈਰੀਫਿਕੇਸ਼ਨ ਕਰੋ।
ਵੈਰੀਫਿਕੇਸ਼ਨ ਤੋਂ ਬਾਅਦ ਆਪਣੇ ਨਾਮ ’ਤੇ ਜਾਰੀ ਮੋਬਾਈਲ ਕਨੈਕਸ਼ਨਾਂ ਦੀ ਡਿਟੇਲ ਦੇਖੋ।
ਹੁਣ ਦਿਖਾਈ ਗਈ ਸੂਚੀ ਨੂੰ ਧਿਆਨ ਨਾਲ ਦੇਖੋ ਅਤੇ ਪਛਾਣੋ ਕਿ ਇਨ੍ਹਾਂ ਵਿੱਚੋਂ ਕਿਹੜੇ-ਕਿਹੜੇ ਨੰਬਰ ਤੁਸੀਂ ਵਰਤ ਰਹੇ ਹੋ।
ਕੋਈ ਅਣਜਾਣ SIM ਦਿੱਸੇ ਤਾਂ ਕੀ ਕਰੀਏ?
ਜੇਕਰ ਸੂਚੀ ਵਿੱਚ ਤੁਹਾਨੂੰ ਕੋਈ ਅਜਿਹਾਂ ਨੰਬਰ ਦਿੱਸ ਰਿਹਾ ਹੈ ਜਿਸ ਨੂੰ ਤੁਸੀਂ ਕਦੇ ਨਹੀਂ ਲਿਆ ਜਾਂ ਵਰਤਿਆ ਹੈ, ਤਾਂ ਉਸ ਨੂੰ ਨਜ਼ਰਅੰਦਾਜ਼ ਨਾ ਕਰੋ। Sanchar Saathi ਵਿੱਚ ਅਜਿਹੇ ਕਨੈਕਸ਼ਨ ਦੀ ਫ਼ੌਰਨ ਰਿਪੋਰਟ ਕਰੋ। ਯੂਜ਼ਰ ਆਪਣੇ ਨਾਮ ’ਤੇ ਦਰਜ ਫ਼ਰਜ਼ੀ ਜਾਂ ਬੇਲੋੜੇ ਕਨੈਕਸ਼ਨ ਦੀ ਸ਼ਿਕਾਇਤ ਕਰ ਸਕਦਾ ਹੈ।
ਨਾਲ ਹੀ ਸਰਕਾਰ ਨੇ ਲੋਕਾਂ ਨੂੰ ਆਪਣੇ ਨਾਮ ’ਤੇ ਜਾਰੀ ਸਿਮ ਕਾਰਡ ਕਿਸੇ ਦੂਜੇ ਵਿਅਕਤੀ ਨੂੰ ਦੇਣ, ਵੇਚਣ, ਕਿਰਾਏ ’ਤੇ ਦੇਣ ਜਾਂ ਵਰਤੋਂ ਲਈ ਸੌਂਪਣ ਤੋਂ ਬਚਣ ਦੀ ਸਲਾਹ ਦਿੱਤੀ ਹੈ। ਇਸ ਦੇ ਨਾਲ ਹੀ ਸਰਕਾਰ ਨੇ ਕਿਹਾ ਹੈ ਕਿ ਜੇਕਰ ਕਿਸੇ ਵੀ ਸਿਮ ਕਾਰਡ ਦੀ ਗ਼ਲਤ ਵਰਤੋਂ ਹੁੰਦੀ ਹੈ ਤਾਂ ਗ੍ਰਾਹਕ ਉੱਤੇ 50 ਲੱਖ ਤੱਕ ਦਾ ਜੁਰਮਾਨਾ ਅਤੇ ਤਿੰਨ ਸਾਲ ਦੀ ਜੇਲ੍ਹ ਵੀ ਹੋ ਸਕਦੀ ਹੈ।