55MP ਸਕੁਏਅਰ ਸੈਲਫੀ ਕੈਮਰੇ ਵਾਲੇ ਤਿੰਨ ਨਵੇਂ ਫੋਨ: 8,000 mAh ਬੈਟਰੀ ਤੇ ਲੇਟੈਸਟ ਸਨੈਪਡ੍ਰੈਗਨ ਪ੍ਰੋਸੈਸਰ

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ : Honor ਜਲਦ ਹੀ ਆਪਣੀ ਅਗਲੀ ਫਲੈਗਸ਼ਿਪ ਸਮਾਰਟਫੋਨ ਸੀਰੀਜ਼ ਲਾਂਚ ਕਰਨ ਵਾਲਾ ਹੈ। ਇਸ ਵਾਰ ਕੰਪਨੀ Honor Magic 9 ਸੀਰੀਜ਼ ਪੇਸ਼ ਕਰਨ ਜਾ ਰਹੀ ਹੈ, ਜਿਸ ਦੀ ਲਾਂਚ ਡੇਟ ਵੀ ਕਨਫਰਮ ਹੋ ਗਈ ਹੈ। ਕੰਪਨੀ ਮੁਤਾਬਕ Magic 9 ਸੀਰੀਜ਼ ਨੂੰ ਚੀਨ ’ਚ 28 ਸਤੰਬਰ ਨੂੰ ਲਾਂਚ ਕੀਤਾ ਜਾਵੇਗਾ। ਲਾਂਚ ਤੋਂ ਪਹਿਲਾਂ ਫੋਨ ਦਾ ਡਿਜ਼ਾਈਨ, ਕੈਮਰਾ ਤੇ ਕੁਝ ਖਾਸ ਫੀਚਰ ਸਾਹਮਣੇ ਆ ਗਏ ਹਨ।

ਇਸ ਸੀਰੀਜ਼ ’ਚ ਸਟੈਂਡਰਡ Magic 9 ਦੇ ਨਾਲ Magic 9 Pro ਤੇ Magic 9 Pro Max ਵਰਗੇ ਮਾਡਲ ਵੀ ਲਾਂਚ ਹੋਣ ਦੀ ਉਮੀਦ ਹੈ। ਆਓ ਜਾਣਦੇ ਹਾਂ ਕਿ ਸੀਰੀਜ਼ ਦੇ ਤਿੰਨਾਂ ਮਾਡਲਾਂ ’ਚ ਕੀ ਕੁਝ ਖਾਸ ਦੇਖਣ ਨੂੰ ਮਿਲ ਸਕਦਾ ਹੈ...

200MP ਦੇ ਦੋ ਕੈਮਰਿਆਂ 'ਤੇ ਫੋਕਸ

ਇਸ ਵਾਰ Honor Magic 9 ਸੀਰੀਜ਼ ਦੀ ਸਭ ਤੋਂ ਵੱਡੀ ਖਾਸੀਅਤ ਇਸ ਦਾ ਕੈਮਰਾ ਸੈਟਅਪ ਹੋ ਸਕਦਾ ਹੈ। ਕੰਪਨੀ ਨੇ ਕੈਮਰਾ ਟੈਕਨਾਲੋਜੀ ਲਈ ਮਸ਼ਹੂਰ ARRI ਨਾਲ ਵੀ ਸਾਂਝੇਦਾਰੀ ਕੀਤੀ ਹੈ। ਡਿਵਾਈਸ ਦੇ ਰੀਅਰ ਕੈਮਰਾ ਮੋਡੀਊਲ ’ਚ ਡੁਅਲ 200MP ਕੈਮਰੇ ਦੇਖਣ ਨੂੰ ਮਿਲ ਸਕਦੇ ਹਨ।

ਫੋਨ ’ਚ 200MP ਦਾ 1/1.28-ਇੰਚ ਸੈਂਸਰ f/1.57 ਅਪਰਚਰ ਦੇ ਨਾਲ ਮਿਲ ਸਕਦਾ ਹੈ। ਜਦਕਿ ਦੂਜਾ ਸੈਂਸਰ ਵੀ 200MP ਟੈਲੀਫੋਟੋ ਹੋਵੇਗਾ, ਜਿਸ ਦਾ ਸਾਈਜ਼ 1/1.4-ਇੰਚ ਤੇ ਅਪਰਚਰ f/2.6 ਹੋ ਸਕਦਾ ਹੈ। ਇਸ ਤੋਂ ਇਲਾਵਾ ਡਿਵਾਈਸ ’ਚ 500mm ਟੈਲੀ-ਕਨਵਰਟਰ ਦਾ ਸਪੋਰਟ ਵੀ ਮਿਲ ਸਕਦਾ ਹੈ। ਕੰਪਨੀ ਫੋਨ ’ਚ ਵੀਡੀਓ ਲਈ ਨਵਾਂ ARRI Cinema Mode ਵੀ ਦੇ ਸਕਦੀ ਹੈ, ਜੋ ਇਸ ਨੂੰ ਹੋਰ ਵੀ ਖਾਸ ਬਣਾਏਗਾ।

ਪਹਿਲੀ ਵਾਰ ਸਕੁਏਅਰ ਸੈਲਫੀ ਕੈਮਰਾ

ਇੰਨਾ ਹੀ ਨਹੀਂ, Magic 9 ਸੀਰੀਜ਼ ’ਚ ਇੱਕ ਹੋਰ ਅਨੋਖਾ ਫੀਚਰ ਵੀ ਦੇਖਣ ਨੂੰ ਮਿਲ ਸਕਦਾ ਹੈ। Honor ਇਸ ਸੀਰੀਜ਼ ਦੇ ਡਿਵਾਈਸ ’ਚ 55MP Agile Eye ਫਰੰਟ ਕੈਮਰਾ ਦੇ ਸਕਦਾ ਹੈ, ਜਿਸ ਦਾ ਡਿਜ਼ਾਈਨ ਸਕੁਏਅਰ ਹੋਵੇਗਾ।

ਕੰਪਨੀ ਦਾ ਦਾਅਵਾ ਹੈ ਕਿ ਸਕੁਏਅਰ ਡਿਜ਼ਾਈਨ ਕਾਰਨ ਸੈਂਸਰ ਨੂੰ ਜ਼ਿਆਦਾ ਜਗ੍ਹਾ ਮਿਲੇਗੀ ਤੇ ਇਹ ਆਮ ਗੋਲ ਜਾਂ ਪਿਲ-ਸ਼ੇਪ ਕੈਮਰੇ ਦੀ ਤੁਲਨਾ ’ਚ ਜ਼ਿਆਦਾ ਵਾਈਡ ਫ੍ਰੇਮ ਕੈਪਚਰ ਕਰ ਸਕੇਗਾ।

8,000mAh ਬੈਟਰੀ ਤੇ ਲੇਟੈਸਟ Snapdragon ਪ੍ਰੋਸੈਸਰ

ਰਿਪੋਰਟਾਂ ਮੁਤਾਬਕ Magic 9 ਸੀਰੀਜ਼ ’ਚ 8,000mAh ਦੀ ਵੱਡੀ ਬੈਟਰੀ ਮਿਲ ਸਕਦੀ ਹੈ। ਪਰਫਾਰਮੈਂਸ ਲਈ ਫੋਨ ’ਚ Snapdragon 8 Elite Gen 6 ਸੀਰੀਜ਼ ਦਾ ਲੇਟੈਸਟ ਚਿਪਸੈਟ ਮਿਲਣ ਦੀ ਉਮੀਦ ਹੈ।

ਫੋਨ ’ਚ AI ਆਧਾਰਿਤ ਕਈ ਫੀਚਰ ਤੇ ਸਟਾਇਲਸ ਸਪੋਰਟ ਵੀ ਮਿਲ ਸਕਦਾ ਹੈ।