- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
Aadhaar Card ਨੂੰ WhatsApp ਰਾਹੀਂ ਕੁਝ ਮਿੰਟਾਂ 'ਚ ਇੰਝ ਕਰੋ ਡਾਊਨਲੋਡ, ਐਮਰਜੈਂਸੀ ਲਈ ਜਾਣੋ ਸਟੈਪ-ਬਾਈ-ਸਟੈਪ ਪ੍ਰਕਿਰਿਆ
ਅੱਜ ਦੇ ਸਮੇਂ ਵਿੱਚ ਆਧਾਰ ਕਾਰਡ (Aadhaar Card) ਸਭ ਤੋਂ ਮਹੱਤਵਪੂਰਨ ਸਰਕਾਰੀ ਦਸਤਾਵੇਜ਼ਾਂ ਵਿੱਚੋਂ ਇੱਕ ਬਣ ਗਿਆ ਹੈ। ਬੈਂਕ ਵਿੱਚ ਖਾਤਾ ਖੋਲ੍ਹਣਾ ਹੋਵੇ, ਕਿਸੇ ਸਰਕਾਰੀ ਯੋਜਨਾ ਦਾ ਲਾਭ ਲੈਣਾ ਹੋਵੇ ਜਾਂ ਹੋਟਲ ਵਿੱਚ ਕਮਰਾ ਬੁੱਕ ਕਰਵਾਉਣਾ ਹੋਵੇ
Posted By alisha
Publish Date: Thu, 10 Sep 2026 04:01 PM (IST)
Updated Date: Thu, 10 Sep 2026 04:08 PM (IST)
ਬਿਜ਼ਨਸ ਡੈਸਕ, ਨਵੀਂ ਦਿੱਲੀ : ਅੱਜ ਦੇ ਸਮੇਂ ਵਿੱਚ ਆਧਾਰ ਕਾਰਡ (Aadhaar Card) ਸਭ ਤੋਂ ਮਹੱਤਵਪੂਰਨ ਸਰਕਾਰੀ ਦਸਤਾਵੇਜ਼ਾਂ ਵਿੱਚੋਂ ਇੱਕ ਬਣ ਗਿਆ ਹੈ। ਬੈਂਕ ਵਿੱਚ ਖਾਤਾ ਖੋਲ੍ਹਣਾ ਹੋਵੇ, ਕਿਸੇ ਸਰਕਾਰੀ ਯੋਜਨਾ ਦਾ ਲਾਭ ਲੈਣਾ ਹੋਵੇ ਜਾਂ ਹੋਟਲ ਵਿੱਚ ਕਮਰਾ ਬੁੱਕ ਕਰਵਾਉਣਾ ਹੋਵੇ, ਹਰ ਥਾਂ ਆਧਾਰ ਕਾਰਡ ਦੀ ਲੋੜ ਪੈਂਦੀ ਹੈ।
ਅਕਸਰ ਅਜਿਹਾ ਹੁੰਦਾ ਹੈ ਕਿ ਅਸੀਂ ਆਪਣਾ ਆਧਾਰ ਕਾਰਡ ਘਰ ਭੁੱਲ ਜਾਂਦੇ ਹਾਂ ਅਤੇ ਅਚਾਨਕ ਇਸ ਦੀ ਲੋੜ ਪੈ ਜਾਂਦੀ ਹੈ। ਅਜਿਹੇ ਸਮੇਂ ਸਾਈਬਰ ਕੈਫੇ ਲੱਭਣਾ ਜਾਂ UIDAI ਦੀ ਵੈੱਬਸਾਈਟ 'ਤੇ ਜਾ ਕੇ ਲੰਬੀ ਪ੍ਰਕਿਰਿਆ ਪੂਰੀ ਕਰਨਾ ਕਾਫ਼ੀ ਝੰਝਟ ਵਾਲਾ ਲੱਗਦਾ ਹੈ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਹੁਣ ਤੁਸੀਂ ਆਪਣੇ ਸਮਾਰਟਫੋਨ ਵਿੱਚ ਮੌਜੂਦ WhatsApp ਰਾਹੀਂ ਬਹੁਤ ਆਸਾਨੀ ਨਾਲ ਆਪਣਾ ਆਧਾਰ ਕਾਰਡ ਡਾਊਨਲੋਡ ਕਰ ਸਕਦੇ ਹੋ?
ਜੀ ਹਾਂ, ਭਾਰਤ ਸਰਕਾਰ ਦੀ MyGov ਸਹੂਲਤ ਰਾਹੀਂ ਇਹ ਸੰਭਵ ਹੈ। ਆਓ ਇਸ ਦੀ ਸਟੈਪ-ਬਾਈ-ਸਟੈਪ ਪ੍ਰਕਿਰਿਆ ਜਾਣਦੇ ਹਾਂ।
WhatsApp ਰਾਹੀਂ ਆਧਾਰ ਕਿਵੇਂ ਡਾਊਨਲੋਡ ਕਰੀਏ
ਸਟੈਪ 1: ਸਭ ਤੋਂ ਪਹਿਲਾਂ ਆਪਣੇ ਫੋਨ ਦੀ ਕਾਂਟੈਕਟ ਲਿਸਟ ਵਿੱਚ ਭਾਰਤ ਸਰਕਾਰ ਦਾ MyGov Helpdesk ਨੰਬਰ +91 90131 51515 ਸੇਵ ਕਰੋ।
ਸਟੈਪ 2: ਨੰਬਰ ਸੇਵ ਕਰਨ ਤੋਂ ਬਾਅਦ WhatsApp ਖੋਲ੍ਹੋ। ਸੇਵ ਕੀਤੇ ਗਏ ਇਸ ਕਾਂਟੈਕਟ ਦੀ ਚੈਟ ਖੋਲ੍ਹੋ ਅਤੇ ਉੱਥੇ Namaste ਜਾਂ Hi ਲਿਖ ਕੇ ਭੇਜੋ।
ਸਟੈਪ 3: ਮੈਸੇਜ ਭੇਜਦੇ ਹੀ MyGov ਵੱਲੋਂ ਆਟੋ-ਰਿਪਲਾਈ ਆਵੇਗਾ। ਇਸ ਮੈਸੇਜ ਵਿੱਚ ਤੁਹਾਨੂੰ COWIN Services ਅਤੇ DigiLocker Services ਦੇ ਦੋ ਵਿਕਲਪ ਦਿਖਾਈ ਦੇਣਗੇ। ਜੇਕਰ ਤੁਸੀਂ ਆਧਾਰ ਕਾਰਡ ਡਾਊਨਲੋਡ ਕਰਨਾ ਹੈ ਤਾਂ DigiLocker Services ਵਾਲੇ ਬਟਨ 'ਤੇ ਕਲਿੱਕ ਕਰੋ।
ਸਟੈਪ 4: ਇਸ ਤੋਂ ਬਾਅਦ ਆਪਣਾ DigiLocker ਅਕਾਊਂਟ ਕਨਫਰਮ ਕਰੋ। ਜੇਕਰ ਅਕਾਊਂਟ ਨਹੀਂ ਹੈ ਤਾਂ ਪਹਿਲਾਂ ਇਸਨੂੰ ਬਣਾਓ।
ਸਟੈਪ 5: ਇਸ ਤੋਂ ਬਾਅਦ ਤੁਹਾਨੂੰ ਆਪਣਾ 12 ਅੰਕਾਂ ਵਾਲਾ ਆਧਾਰ ਨੰਬਰ ਦਰਜ ਕਰਨਾ ਹੋਵੇਗਾ।
ਸਟੈਪ 6: ਇਸ ਤੋਂ ਬਾਅਦ ਆਧਾਰ ਨਾਲ ਲਿੰਕ ਰਜਿਸਟਰਡ ਮੋਬਾਈਲ ਨੰਬਰ 'ਤੇ ਇੱਕ OTP ਆਵੇਗਾ। ਉਸ OTP ਨੂੰ ਮੈਸੇਜ ਵਿੱਚ ਭੇਜੋ।
ਸਟੈਪ 7: OTP ਵੈਰੀਫਾਈ ਹੁੰਦੇ ਹੀ ਤੁਹਾਡੇ DigiLocker ਅਕਾਊਂਟ ਨਾਲ ਜੁੜੇ ਸਾਰੇ ਦਸਤਾਵੇਜ਼ਾਂ ਦੀ ਇੱਕ ਲਿਸਟ ਸਕ੍ਰੀਨ 'ਤੇ ਆ ਜਾਵੇਗੀ। ਇਸ ਲਿਸਟ ਵਿੱਚੋਂ Aadhaar Card ਚੁਣੋ।
ਬਸ, ਇਸ ਤੋਂ ਬਾਅਦ ਕੁਝ ਹੀ ਸਕਿੰਟਾਂ ਵਿੱਚ ਤੁਹਾਡਾ ਆਧਾਰ ਕਾਰਡ WhatsApp ਰਾਹੀਂ ਡਾਊਨਲੋਡ ਹੋ ਜਾਵੇਗਾ।
ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ
ਇਹ ਪੂਰੀ ਸਹੂਲਤ ਮੁਫ਼ਤ ਅਤੇ ਸੁਰੱਖਿਅਤ ਹੈ। WhatsApp ਰਾਹੀਂ ਆਧਾਰ ਡਾਊਨਲੋਡ ਕਰਨ ਲਈ ਇਹ ਬਹੁਤ ਜ਼ਰੂਰੀ ਹੈ ਕਿ ਤੁਹਾਡਾ ਮੌਜੂਦਾ ਮੋਬਾਈਲ ਨੰਬਰ ਆਧਾਰ ਕਾਰਡ ਨਾਲ ਲਿੰਕ (Registered) ਹੋਵੇ, ਤਾਂ ਜੋ ਤੁਹਾਨੂੰ OTP ਪ੍ਰਾਪਤ ਹੋ ਸਕੇ।