ਬਿਨਾਂ ਇੰਟਰਨੈੱਟ ਦੇ ਯਾਦ ਰਹੇਗਾ ਕਿ ਸਮਾਨ ਕਿੱਥੇ ਰੱਖਿਆ ਹੈ, Google ਦੇ ਨਵੇਂ Android ਅਪਡੇਟ ’ਚ ਆਏ ਕਮਾਲ ਦੇ ਫੀਚਰ

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ : Google ਨੇ ਸਤੰਬਰ ਦਾ ਨਵਾਂ Android ਅਪਡੇਟ ਜਾਰੀ ਕਰ ਦਿੱਤਾ ਹੈ। ਇਸ ਵਾਰ ਕੰਪਨੀ ਦਾ ਪੂਰਾ ਧਿਆਨ ਮੈਸੇਜਿੰਗ ਤੇ AI ਅਸਿਸਟੈਂਟ ’ਤੇ ਰਿਹਾ ਹੈ। Google ਨੇ Gemini ਦੇ ਨਾਲ-ਨਾਲ Messages ਤੇ Find Hub ’ਚ ਕਈ ਨਵੇਂ ਫੀਚਰ ਸ਼ਾਮਲ ਕੀਤੇ ਹਨ। ਇਨ੍ਹਾਂ ’ਚੋਂ ਇੱਕ ਫੀਚਰ ਅਜਿਹਾ ਹੈ ਜੋ ਬਿਨਾਂ ਇੰਟਰਨੈੱਟ ਕਨੈਕਸ਼ਨ ਦੇ ਵੀ ਸਮਾਨ ਰੱਖਣ ਦੀ ਜਗ੍ਹਾ ਯਾਦ ਰੱਖਣ ’ਚ ਮਦਦ ਕਰੇਗਾ। ਇਸ ਤੋਂ ਇਲਾਵਾ Motion Assist ਚਲਦੀ ਕਾਰ ਜਾਂ ਬੱਸ ’ਚ ਫੋਨ ਦੀ ਵਰਤੋਂ ਕਰਦੇ ਸਮੇਂ ਹੋਣ ਵਾਲੇ ਚੱਕਰ ਤੇ ਜੀ ਮਿਚਲਾਉਣ ਦੀ ਸਮੱਸਿਆ ਨੂੰ ਘੱਟ ਕਰਨ ’ਚ ਮਦਦ ਕਰੇਗਾ। ਇਸ ਦੇ ਨਾਲ ਹੀ Google Messages ’ਚ ਚੈਟ ਥੀਮ ਫੀਚਰ ਵੀ ਲਾਂਚ ਕੀਤਾ ਗਿਆ ਹੈ। ਹਾਲਾਂਕਿ ਕੁਝ ਫੀਚਰਾਂ ਦਾ ਰੋਲਆਉਟ ਹਾਲੇ ਬਾਕੀ ਹੈ।

Android ’ਚ ਵੱਡੇ ਬਦਲਾਅ: ਇੱਥੇ ਸਮਝੋ ਸਾਰੇ 5 ਅਪਡੇਟ

1. Find Hub : ਜ਼ਰੂਰੀ ਸਮਾਨ ਯਾਦ ਰੱਖਣ ’ਚ Gemini ਕਰੇਗਾ ਮਦਦ

ਹੁਣ Android ਦੇ Find Hub ’ਚ ਅਜਿਹੇ ਸਮਾਨ ਦੀ ਲੋਕੇਸ਼ਨ ਵੀ ਸੇਵ ਕੀਤੀ ਜਾ ਸਕਦੀ ਹੈ, ਜਿਸ ’ਚ ਕੋਈ ਇੰਟਰਨੈੱਟ ਕਨੈਕਸ਼ਨ ਨਹੀਂ ਹੁੰਦਾ। ਉਦਾਹਰਨ ਲਈ, ਜੇ ਤੁਸੀਂ ਪਾਸਪੋਰਟ ਕਿੱਥੇ ਰੱਖਿਆ ਹੈ, ਇਹ ਯਾਦ ਰੱਖਣਾ ਚਾਹੁੰਦੇ ਹੋ ਤਾਂ ਉਸਦੀ ਲੋਕੇਸ਼ਨ Find Hub ’ਚ ਸੇਵ ਕਰ ਸਕਦੇ ਹੋ।

ਬਾਅਦ ’ਚ Find Hub ’ਚ ਜਾ ਕੇ ਉਸ ਸਮਾਨ ਦੀ ਲੋਕੇਸ਼ਨ ਦੇਖੀ ਜਾ ਸਕਦੀ ਹੈ। ਕਿਸੇ ਖਾਸ ਸਮਾਨ ਦੀ ਪਛਾਣ ਆਸਾਨ ਬਣਾਉਣ ਲਈ ਉਸਦੀ ਫੋਟੋ ਵੀ ਨਾਲ ਸੇਵ ਕੀਤੀ ਜਾ ਸਕਦੀ ਹੈ।

2. Motion Assist : ਚਲਦੀ ਗੱਡੀ ’ਚ ਫੋਨ ਦੇਖਣ ਨਾਲ ਹੋਣ ਵਾਲੇ ਚੱਕਰ ਘੱਟ ਹੋਣਗੇ

Google ਦਾ Motion Assist ਫੀਚਰ ਸਕ੍ਰੀਨ ’ਤੇ ਛੋਟੇ ਬਬਲ ਦਿਖਾਏਗਾ। ਇਹ ਬਬਲ ਸਰੀਰ ਤੇ ਗੱਡੀ ਦੀ ਮੂਵਮੈਂਟ ਦੇ ਹਿਸਾਬ ਨਾਲ ਸਕ੍ਰੀਨ 'ਤੇ ਹਿਲਦੇ ਰਹਿਣਗੇ। ਇਸਦਾ ਮਕਸਦ ਅੱਖਾਂ ਤੇ ਸਰੀਰ ਨੂੰ ਮਿਲਣ ਵਾਲੇ ਮੂਵਮੈਂਟ ਸਿਗਨਲਾਂ ਵਿਚਕਾਰ ਦੇ ਫਰਕ ਨੂੰ ਘੱਟ ਕਰਨਾ ਹੈ, ਤਾਂ ਜੋ ਮੋਸ਼ਨ ਸਿਕਨੈੱਸ ਦੀ ਸਮੱਸਿਆ ਘੱਟ ਹੋ ਸਕੇ। ਇਹ ਸੁਵਿਧਾ Android 17 ਲਈ ਹੈ ਤੇ ਇਸਨੂੰ ਹੌਲੀ-ਹੌਲੀ ਰੋਲਆਉਟ ਕੀਤਾ ਜਾ ਰਿਹਾ ਹੈ।

3. Guided Vision : ਕੈਮਰਾ ਦਿਖਾਏਗਾ, Gemini ਦੱਸੇਗਾ

Gemini Live ਦੀ ਮਦਦ ਨਾਲ ਕੈਮਰੇ ਨੂੰ ਕਿਸੇ ਆਬਜੈਕਟ ਵੱਲ ਕਰਨ ’ਤੇ Gemini ਆਵਾਜ਼ ਰਾਹੀਂ ਦੱਸੇਗਾ ਕਿ ਕੈਮਰੇ ਦੇ ਸਾਹਮਣੇ ਕੀ ਦਿਖਾਈ ਦੇ ਰਿਹਾ ਹੈ। ਇਹ ਫੀਚਰ ਘੱਟ ਦਿਖਾਈ ਦੇਣ ਵਾਲੇ ਲੋਕਾਂ ਲਈ ਕਾਫੀ ਮਦਦਗਾਰ ਸਾਬਤ ਹੋ ਸਕਦਾ ਹੈ।

4. Google Messages : ’ਚ ਹੁਣ Keep ਦੀ ਚੈਕਲਿਸਟ, ਗਰੁੱਪ ਚੈਟ ’ਚ ਹੋਵੇਗੀ ਮਦਦਗਾਰ

ਹੁਣ Google Messages ’ਚ ਚੈਟਿੰਗ ਦੌਰਾਨ ਸਿੱਧੇ Google Keep ਦੇ ਨੋਟਸ ਤੇ ਚੈਕਲਿਸਟ ਸ਼ੇਅਰ ਕੀਤੇ ਜਾ ਸਕਦੇ ਹਨ। ਗਰੁੱਪ ਚੈਟ ’ਚ ਮੌਜੂਦ ਹੋਰ ਲੋਕ ਵੀ ਉਸ ਲਿਸਟ ’ਚ ਬਦਲਾਅ ਕਰ ਸਕਣਗੇ।

ਇਸਨੂੰ ਵਰਤਣ ਦਾ ਤਰੀਕਾ :

ਕਿਸੇ ਵੀ ਚੈਟ ’ਚ ਜਾਓ → (+) ਬਟਨ ’ਤੇ ਟੈਪ ਕਰੋ → Keep ਦੇ ਪੀਲੇ ਬਲਬ ਵਾਲੇ ਆਈਕਨ ਨੂੰ ਚੁਣੋ।

5. Google Messages : ’ਚ WhatsApp ਵਰਗਾ ਚੈਟ ਥੀਮ ਦਾ ਵਿਕਲਪ

ਹੁਣ Google Messages ’ਚ ਵੱਖ-ਵੱਖ ਵਿਅਕਤੀਗਤ ਚੈਟਾਂ ਲਈ ਵੱਖਰਾ ਥੀਮ, ਵਾਲਪੇਪਰ ਤੇ ਆਪਣੀ ਫੋਟੋ ਲਗਾਉਣ ਦਾ ਵਿਕਲਪ ਮਿਲੇਗਾ। ਧਿਆਨ ਰੱਖੋ ਕਿ ਲਗਾਈ ਗਈ ਫੋਟੋ ਜਾਂ ਥੀਮ ਸਿਰਫ ਤੁਹਾਨੂੰ ਹੀ ਦਿਖਾਈ ਦੇਵੇਗੀ। ਚੈਟ ’ਚ ਮੌਜੂਦ ਦੂਜੇ ਵਿਅਕਤੀ ਨੂੰ ਇਹ ਨਹੀਂ ਦਿਖੇਗੀ। ਇਸ ਤੋਂ ਇਲਾਵਾ, ਇਹ ਪੂਰੇ Messages ਐਪ ’ਤੇ ਇੱਕੋ ਵਾਰ ਲਾਗੂ ਨਹੀਂ ਹੋਵੇਗੀ, ਸਗੋਂ ਸਿਰਫ਼ ਇੱਕ ਖਾਸ ਚੈਟ ਲਈ ਹੋਵੇਗੀ।

ਇਸਨੂੰ ਲਗਾਉਣ ਦਾ ਤਰੀਕਾ :

ਕੋਈ ਵੀ ਚੈਟ ਓਪਨ ਕਰੋ → ਉੱਪਰ ਸੱਜੇ ਪਾਸੇ ਦਿੱਤੇ ਤਿੰਨ ਡਾਟਸ ’ਤੇ ਟੈਪ ਕਰੋ → Chat Theme ’ਚ ਜਾਓ → ਆਪਣੀ ਪਸੰਦ ਦਾ ਰੰਗ, ਵਾਲਪੇਪਰ ਜਾਂ ਆਪਣੀ ਫੋਟੋ ਚੁਣੋ।