ਸਸਤੇ ’ਚ ਖਰੀਦੋ Galaxy S26 ਤੇ S26 Ultra, Samsung ਨੇ ਖੁਦ ਸ਼ੁਰੂ ਕੀਤੀ ਰੀਫਰਬਿਸ਼ਡ ਮਾਡਲਾਂ ਦੀ ਵਿਕਰੀ; 1 ਸਾਲ ਦੀ ਵਾਰੰਟੀ ਵੀ

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ : Samsung ਨੇ ਭਾਰਤ ’ਚ ਆਪਣੇ Certified Re-Newed ਪ੍ਰੋਗਰਾਮ ਤਹਿਤ Galaxy S26 ਤੇ Galaxy S26 Ultra ਦੇ ਰੀਫਰਬਿਸ਼ਡ ਵਰਜ਼ਨ ਵੇਚਣੇ ਸ਼ੁਰੂ ਕਰ ਦਿੱਤੇ ਹਨ। ਇਹ ਦੋਵੇਂ ਫਲੈਗਸ਼ਿਪ ਸਮਾਰਟਫੋਨ ਹੁਣ Samsung ਤੋਂ ਸਿੱਧੇ ਆਪਣੀ ਅਸਲ ਲਾਂਚ ਕੀਮਤ ਦੇ 85 ਫੀਸਦੀ ਤੱਕ ਘੱਟ ਦਾਮਾਂ ’ਚ ਮਿਲ ਰਹੇ ਹਨ। ਇਸ ਪ੍ਰੋਗਰਾਮ ’ਚ ਇੱਕ ਸਾਲ ਦੀ ਕੰਪਨੀ ਵਾਰੰਟੀ ਵੀ ਸ਼ਾਮਲ ਹੈ।

Samsung ਦਾ ਕਹਿਣਾ ਹੈ ਕਿ ਹਰ ਫੋਨ ਵਿਕਰੀ ਤੋਂ ਪਹਿਲਾਂ ਇੰਸਪੈਕਸ਼ਨ, ਰੀਫਰਬਿਸ਼ਮੈਂਟ ਤੇ ਟੈਸਟਿੰਗ ਦੀ ਪ੍ਰਕਿਰਿਆ ਵਿੱਚੋਂ ਲੰਘਦਾ ਹੈ। ਇਸ ਕਦਮ ਨਾਲ ਖਰੀਦਦਾਰਾਂ ਨੂੰ Samsung ਦੇ ਅਧਿਕਾਰਤ ਸੇਲਜ਼ ਚੈਨਲਾਂ ਰਾਹੀਂ ਘੱਟ ਕੀਮਤ ’ਚ Galaxy S26 ਸੀਰੀਜ਼ ਖਰੀਦਣ ਦਾ ਇੱਕ ਹੋਰ ਮੌਕਾ ਮਿਲੇਗਾ।

Samsung Galaxy S26 ਤੇ Galaxy S26 Ultra Certified Re-Newed ਦੀ ਕੀਮਤ ਤੇ ਉਪਲਬਧਤਾ

Samsung ਨੇ ਇੱਕ ਪ੍ਰੈੱਸ ਰਿਲੀਜ਼ ’ਚ ਦੱਸਿਆ ਕਿ ਭਾਰਤ ’ਚ ਖਰੀਦਦਾਰ ਕੰਪਨੀ ਦੀ ਵੈੱਬਸਾਈਟ ਤੇ Shop ਐਪ ਰਾਹੀਂ ਰੀਫਰਬਿਸ਼ਡ Galaxy S26 ਤੇ Galaxy S26 Ultra ਖਰੀਦ ਸਕਦੇ ਹਨ। ਕੰਪਨੀ ਨੇ ਦੋਵੇਂ ਮਾਡਲਾਂ ਲਈ ਕੋਈ ਇੱਕ ਨਿਸ਼ਚਿਤ ਕੀਮਤ ਸੂਚੀ ਜਾਰੀ ਨਹੀਂ ਕੀਤੀ ਹੈ, ਕਿਉਂਕਿ ਆਖਰੀ ਕੀਮਤ ਵੇਰੀਐਂਟ ਤੇ ਬਾਜ਼ਾਰ ਦੇ ਹਿਸਾਬ ਨਾਲ ਵੱਖ-ਵੱਖ ਹੋ ਸਕਦੀ ਹੈ। ਦੱਖਣੀ ਕੋਰੀਆਈ ਟੈਕ ਕੰਪਨੀ ਦਾ ਕਹਿਣਾ ਹੈ ਕਿ Certified Re-Newed ਫੋਨਾਂ ਦੀਆਂ ਕੀਮਤਾਂ ਉਨ੍ਹਾਂ ਦੀ ਅਸਲ ਲਾਂਚ ਕੀਮਤ ਤੋਂ 85 ਫੀਸਦੀ ਤੱਕ ਘੱਟ ਹੋ ਸਕਦੀਆਂ ਹਨ। ਇਸ ਤੋਂ ਇਲਾਵਾ ਰੰਗਾਂ ਦੇ ਵਿਕਲਪ, ਸਟੋਰੇਜ ਸਮਰੱਥਾ ਤੇ ਉਪਲਬਧ ਵੇਰੀਐਂਟ ਵੀ ਵੱਖਰੇ ਹੋ ਸਕਦੇ ਹਨ।

ਲਾਂਚ ਦੇ ਸਮੇਂ 12GB + 256GB ਵੇਰੀਐਂਟ ਲਈ Samsung Galaxy S26 ਦੀ ਸ਼ੁਰੂਆਤੀ ਲਾਂਚ ਕੀਮਤ 87,999 ਰੁਪਏ ਸੀ, ਜਦਕਿ Galaxy S26 Ultra ਦੀ ਇਸੇ ਸਟੋਰੇਜ ਸਮਰੱਥਾ ਵਾਲੇ ਵੇਰੀਐਂਟ ਦੀ ਕੀਮਤ 1,39,999 ਰੁਪਏ ਤੋਂ ਸ਼ੁਰੂ ਹੋਈ ਸੀ। ਦੋਵੇਂ ਮਾਡਲਾਂ ਨੂੰ ਬਲੂ, ਬਲੈਕ, ਪਰਪਲ ਤੇ ਵ੍ਹਾਈਟ ਰੰਗਾਂ ’ਚ ਪੇਸ਼ ਕੀਤਾ ਗਿਆ ਸੀ।

Samsung ਦੇ Certified Re-Newed ਪ੍ਰੋਗਰਾਮ ’ਚ ਕੀ ਮਿਲਦਾ ਹੈ?

Samsung ਵਿਕਰੀ ਲਈ ਫੋਨ ਲਿਸਟ ਕਰਨ ਤੋਂ ਪਹਿਲਾਂ ਉਨ੍ਹਾਂ ਦੀ ਪੂਰੀ ਜਾਂਚ ਤੇ ਰੀਫਰਬਿਸ਼ਮੈਂਟ ਕਰਦਾ ਹੈ। ਇਸ ਪ੍ਰਕਿਰਿਆ ’ਚ ਇੰਸਪੈਕਸ਼ਨ ਤੇ ਟੈਸਟਿੰਗ ਸ਼ਾਮਲ ਹੁੰਦੀ ਹੈ। ਜੇਕਰ ਕਿਸੇ ਪਾਰਟ ਨੂੰ ਬਦਲਣ ਦੀ ਲੋੜ ਪੈਂਦੀ ਹੈ ਤਾਂ ਸਿਰਫ਼ ਅਸਲੀ Samsung ਕੰਪੋਨੈਂਟਸ ਦੀ ਵਰਤੋਂ ਕੀਤੀ ਜਾਂਦੀ ਹੈ। ਹਰ ਡਿਵਾਈਸ ’ਚ Samsung-ਸਰਟੀਫਾਈਡ ਬੈਟਰੀ ਲਗਾਈ ਜਾਂਦੀ ਹੈ, ਜੋ ਕੰਪਨੀ ਦੇ ਕੁਆਲਿਟੀ ਸਟੈਂਡਰਡਜ਼ ’ਤੇ ਪੂਰੀ ਉਤਰਦੀ ਹੈ। ਗਾਹਕਾਂ ਤੱਕ ਪਹੁੰਚਾਉਣ ਤੋਂ ਪਹਿਲਾਂ Samsung ਫੋਨਾਂ ਦਾ ਪੁਰਾਣਾ ਡਾਟਾ ਕਲੀਅਰ ਕਰਨ ਲਈ ਉਨ੍ਹਾਂ ਨੂੰ ਰੀਸੈਟ ਕਰਦਾ ਹੈ ਤੇ ਲੇਟੈਸਟ ਸਾਫਟਵੇਅਰ ’ਤੇ ਅਪਡੇਟ ਵੀ ਕਰਦਾ ਹੈ।

Samsung ਇਨ੍ਹਾਂ Certified Re-Newed Galaxy S26 ਤੇ Galaxy S26 Ultra ਦੇ ਨਾਲ ਇੱਕ ਸਾਲ ਦੀ ਕੰਪਨੀ ਵਾਰੰਟੀ ਦੇਵੇਗਾ। ਕੰਪਨੀ ਦਾ ਕਹਿਣਾ ਹੈ ਕਿ ਉਪਲਬਧਤਾ, ਕਨਫਿਗਰੇਸ਼ਨ, ਰੰਗ, ਕੀਮਤ, ਵਾਰੰਟੀ ਦੀਆਂ ਸ਼ਰਤਾਂ ਤੇ ਪ੍ਰਮੋਸ਼ਨਲ ਆਫਰ ਬਾਜ਼ਾਰ ਦੇ ਹਿਸਾਬ ਨਾਲ ਵੱਖਰੇ ਹੋ ਸਕਦੇ ਹਨ।

Samsung Galaxy S26 ਤੇ Galaxy S26 Ultra ਦੇ ਫੀਚਰ

Samsung Galaxy S26 ਫੋਨ Android 16 ਆਧਾਰਿਤ One UI 8.5 ’ਤੇ ਚੱਲਦਾ ਹੈ। ਇਸ ’ਚ 120Hz ਰਿਫ੍ਰੈਸ਼ ਰੇਟ ਵਾਲੀ 6.3 ਇੰਚ ਦੀ Dynamic AMOLED 2X ਡਿਸਪਲੇਅ ਮਿਲਦੀ ਹੈ। ਇਹ Exynos 2600 ਚਿਪਸੈੱਟ ’ਤੇ ਕੰਮ ਕਰਦਾ ਹੈ, ਜਿਸ ਨੂੰ 12GB ਰੈਮ ਤੇ 512GB ਤੱਕ ਸਟੋਰੇਜ ਨਾਲ ਪੇਅਰ ਕੀਤਾ ਗਿਆ ਹੈ।

ਫੋਨ ’ਚ ਟ੍ਰਿਪਲ ਰੀਅਰ ਕੈਮਰਾ ਸੈਟਅਪ ਦਿੱਤਾ ਗਿਆ ਹੈ। ਇਸ ’ਚ 50 ਮੈਗਾਪਿਕਸਲ ਦਾ ਪ੍ਰਾਇਮਰੀ ਸੈਂਸਰ, 3x ਆਪਟੀਕਲ ਜ਼ੂਮ ਵਾਲਾ 10 ਮੈਗਾਪਿਕਸਲ ਟੈਲੀਫੋਟੋ ਕੈਮਰਾ ਤੇ 12 ਮੈਗਾਪਿਕਸਲ ਅਲਟਰਾ-ਵਾਈਡ ਕੈਮਰਾ ਸ਼ਾਮਲ ਹੈ। ਇਸ ’ਚ 25W ਵਾਇਰਡ ਚਾਰਜਿੰਗ ਤੇ ਵਾਇਰਲੈੱਸ ਚਾਰਜਿੰਗ ਸਪੋਰਟ ਵਾਲੀ 4,300mAh ਬੈਟਰੀ ਦਿੱਤੀ ਗਈ ਹੈ।

ਦੂਜੇ ਪਾਸੇ, Galaxy S26 Ultra ’ਚ 120Hz ਰਿਫ੍ਰੈਸ਼ ਰੇਟ ਤੇ ਇਨ-ਬਿਲਟ ਪ੍ਰਾਈਵੇਸੀ ਡਿਸਪਲੇਅ ਵਾਲੀ ਵੱਡੀ 6.9 ਇੰਚ ਦੀ Dynamic AMOLED 2X ਡਿਸਪਲੇਅ ਮਿਲਦੀ ਹੈ। ਇਹ Snapdragon 8 Elite Gen 5 for Galaxy ਚਿਪਸੈੱਟ ’ਤੇ ਚੱਲਦਾ ਹੈ, ਜਿਸ ’ਚ 16GB ਤੱਕ ਰੈਮ ਤੇ 1TB ਤੱਕ ਸਟੋਰੇਜ ਦਿੱਤੀ ਗਈ ਹੈ।

ਇਸ ’ਚ Now Assist, Call Screen ਤੇ Photo Assist ਵਰਗੇ Galaxy AI ਫੀਚਰ ਵੀ ਮਿਲਦੇ ਹਨ। ਇਸ ਦਾ ਕਵਾਡ-ਕੈਮਰਾ ਸੈਟਅਪ 200 ਮੈਗਾਪਿਕਸਲ ਦੇ ਪ੍ਰਾਇਮਰੀ ਸੈਂਸਰ ਨਾਲ ਆਉਂਦਾ ਹੈ। ਇਸ ਦੇ ਨਾਲ 50 ਮੈਗਾਪਿਕਸਲ ਦਾ ਪੈਰੀਸਕੋਪ ਕੈਮਰਾ, 50 ਮੈਗਾਪਿਕਸਲ ਦਾ ਅਲਟਰਾ-ਵਾਈਡ ਕੈਮਰਾ ਤੇ 10 ਮੈਗਾਪਿਕਸਲ ਦਾ ਟੈਲੀਫੋਟੋ ਕੈਮਰਾ ਮਿਲਦਾ ਹੈ। ਇਸ ਫੋਨ ’ਚ 60W ਵਾਇਰਡ ਤੇ 25W ਵਾਇਰਲੈੱਸ ਚਾਰਜਿੰਗ ਸਪੋਰਟ ਕਰਨ ਵਾਲੀ 5,000mAh ਬੈਟਰੀ ਦਿੱਤੀ ਗਈ ਹੈ।