ਸਿਰਫ਼ ₹1 ’ਚ 24 ਦਿਨਾਂ ਦੀ ਵੈਧਤਾ ਤੇ ਰੋਜ਼ਾਨਾ 1GB ਡਾਟਾ, BSNL ਦੇ ਇਸ ਪਲਾਨ ਦੀ ਧਮਾਕੇਦਾਰ ਵਾਪਸੀ; ਜਾਣੋ ਫਾਇਦੇ

ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ : ਸਰਕਾਰੀ ਟੈਲੀਕਾਮ ਆਪਰੇਟਰ ਭਾਰਤ ਸੰਚਾਰ ਨਿਗਮ ਲਿਮਟਿਡ (BSNL) ਕੋਲ ਯੂਜ਼ਰਜ਼ ਲਈ 1 ਰੁਪਏ ਵਾਲਾ ਪ੍ਰੀਪੇਡ ਪਲਾਨ ਹੁੰਦਾ ਸੀ। ਇਹ 1 ਰੁਪਏ ਵਾਲਾ ਪਲਾਨ ਇੱਕ ਵਾਰ ਫਿਰ ਵਾਪਸ ਆ ਗਿਆ ਹੈ। ਇਸ ਸਰਕਾਰੀ ਟੈਲੀਕਾਮ ਆਪਰੇਟਰ ਨੇ ਆਪਣੇ ਯੂਜ਼ਰ ਬੇਸ ’ਚ ਨਵੇਂ ਗਾਹਕਾਂ ਨੂੰ ਤੇਜ਼ੀ ਨਾਲ ਜੋੜਨ ਲਈ ਇਸ 1 ਰੁਪਏ ਵਾਲੇ ਪਲਾਨ ਨੂੰ ਮੁੜ ਲਾਂਚ ਕੀਤਾ ਹੈ। BSNL ਦਾ ਮਕਸਦ ਵੱਧ ਤੋਂ ਵੱਧ ਨਵੇਂ ਯੂਜ਼ਰਜ਼ ਨੂੰ ਜੋੜਨਾ ਹੈ ਤੇ ਇਹ ਪਲਾਨ ਇਸੇ ਉਦੇਸ਼ ਨੂੰ ਪੂਰਾ ਕਰਨ ’ਚ ਮਦਦ ਕਰੇਗਾ। ਧਿਆਨ ਰਹੇ ਕਿ ਇਹ ਕੰਪਨੀ ਵੱਲੋਂ ਦਿੱਤਾ ਜਾਣ ਵਾਲਾ ਫਰਸਟ ਰੀਚਾਰਜ ਕੂਪਨ (FRC) ਹੈ। ਫਰਸਟ ਰੀਚਾਰਜ ਕੂਪਨ ਦਾ ਸਿੱਧਾ ਮਤਲਬ ਇਹ ਹੈ ਕਿ ਕੰਪਨੀ ਇਹ ਪਲਾਨ ਉਨ੍ਹਾਂ ਯੂਜ਼ਰਜ਼ ਨੂੰ ਪੇਸ਼ ਕਰੇਗੀ, ਜੋ ਨਵਾਂ ਸਿਮ ਕਾਰਡ ਖਰੀਦ ਰਹੇ ਹਨ। ਇਸ ਪਲਾਨ ਦੀ ਸਰਵਿਸ ਵੈਧਤਾ 24 ਦਿਨਾਂ ਦੀ ਹੈ ਤੇ ਇਹ ਪੂਰੇ ਭਾਰਤ ’ਚ ਉਪਲਬਧ ਹੈ। BSNL ਦੇ ਇਸ 1 ਰੁਪਏ ਵਾਲੇ ਪਲਾਨ ਬਾਰੇ ਆਓ ਵਿਸਥਾਰ ਨਾਲ ਜਾਣਦੇ ਹਾਂ।