- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
Flipkart-Amazon ਦੀ ਸੇਲ ’ਚ ਕਿਤੇ ਨਕਲੀ iPhone ਤਾਂ ਨਹੀਂ ਖਰੀਦ ਲਿਆ? ਘਰ ਬੈਠੇ ਇੰਝ ਕਰੋ ਅਸਲੀ-ਨਕਲੀ ਦੀ ਪਛਾਣ
Flipkart ਤੇ Amazon ਦੀ ਸੇਲ ਦੌਰਾਨ ਖਰੀਦੇ ਗਏ iPhone ਦੀ ਅਸਲੀਅਤ ਜਾਂਚਣ ਦੇ ਤਰੀਕੇ ਦੱਸੇ ਗਏ ਹਨ। IMEI ਨੰਬਰ, ਸੀਰੀਅਲ ਨੰਬਰ, iOS ਤੇ ਬਿੱਲ ਤੇ ਵਿਕਰੇਤਾ ਦੀ ਜਾਣਕਾਰੀ ਰਾਹੀਂ ਤੁਸੀਂ ਘਰ ਬੈਠੇ ਹੀ ਅਸਲੀ ਤੇ ਨਕਲੀ iPhone ਦੀ ਪਛਾਣ ਕਰ ਸਕਦੇ ਹੋ।
Posted By Paramjit Kaur
Publish Date: Mon, 12 Oct 2026 11:55 AM (IST)
Updated Date: Mon, 12 Oct 2026 12:09 PM (IST)
ਟੈਕਨਾਲੋਜੀ ਡੈਸਕ, ਨਵੀਂ ਦਿੱਲੀ। ਇਨ੍ਹੀਂ ਦਿਨੀਂ Flipkart Big Billion Days Sale ਤੇ Amazon ’ਤੇ Great Indian Festival Sale ਚੱਲ ਰਹੀ ਹੈ। ਇਸ ਦੌਰਾਨ iPhone ਸਮੇਤ ਕਈ ਸਮਾਰਟਫੋਨਾਂ ’ਤੇ ਵੱਡੀਆਂ ਡੀਲਾਂ ਦੇਖਣ ਨੂੰ ਮਿਲ ਰਹੀਆਂ ਹਨ। ਅਜਿਹੇ ’ਚ ਕਈ ਗਾਹਕ ਘੱਟ ਕੀਮਤ ’ਤੇ Apple ਦਾ ਫੋਨ ਖਰੀਦ ਰਹੇ ਹਨ। ਹਾਲਾਂਕਿ, ਆਨਲਾਈਨ ਖਰੀਦਦਾਰੀ ਕਰਦੇ ਸਮੇਂ ਇਹ ਯਕੀਨੀ ਬਣਾਉਣਾ ਜ਼ਰੂਰੀ ਹੈ ਕਿ ਤੁਹਾਨੂੰ ਅਸਲੀ iPhone ਹੀ ਮਿਲਿਆ ਹੋਵੇ।
ਮੋਬਾਈਲ ਦੀ ਪੈਕਿੰਗ ਤੇ ਬਾਹਰੀ ਡਿਜ਼ਾਈਨ ਦੇਖ ਕੇ ਹੀ ਉਸ ਦੀ ਅਸਲੀਅਤ ਦਾ ਫ਼ੈਸਲਾ ਕਰਨਾ ਠੀਕ ਨਹੀਂ ਹੈ। ਜੇਕਰ ਤੁਸੀਂ ਵੀ ਸੇਲ ਦੌਰਾਨ iPhone ਖਰੀਦਿਆ ਹੈ, ਤਾਂ ਕੁਝ ਆਸਾਨ ਤਰੀਕਿਆਂ ਨਾਲ ਘਰ ਬੈਠੇ ਹੀ ਫੋਨ ਦੀ ਪਛਾਣ ਤੇ ਉਸ ਨਾਲ ਜੁੜੀ ਜਾਣਕਾਰੀ ਚੈੱਕ ਕਰ ਸਕਦੇ ਹੋ। ਆਓ ਜਾਣਦੇ ਹਾਂ ਕਿਵੇਂ...
IMEI ਨੰਬਰ ਰਾਹੀਂ ਕਰੋ ਜਾਂਚ
ਸਭ ਤੋਂ ਪਹਿਲਾਂ ਇਹ ਪਤਾ ਲਗਾਉਣ ਲਈ ਕਿ iPhone ਅਸਲੀ ਹੈ ਜਾਂ ਨਹੀਂ, ਉਸ ਦਾ IMEI ਨੰਬਰ ਚੈੱਕ ਕਰੋ। ਇਸ ਲਈ ਫੋਨ ਦੀ Settings ’ਚ ਜਾਓ ਤੇ General ਤੋਂ ਬਾਅਦ About ਆਪਸ਼ਨ ਖੋਲ੍ਹੋ। ਇੱਥੇ ਤੁਹਾਨੂੰ IMEI ਨੰਬਰ ਦਿਖਾਈ ਦੇਵੇਗਾ। ਤੁਸੀਂ ਫੋਨ ’ਤੇ *#06# ਡਾਇਲ ਕਰਕੇ ਵੀ IMEI ਨੰਬਰ ਚੈੱਕ ਕਰ ਸਕਦੇ ਹੋ। ਇਸ ਤੋਂ ਬਾਅਦ ਫੋਨ ਦੇ ਬਾਕਸ ’ਤੇ ਲਿਖੇ IMEI ਨੰਬਰ ਨਾਲ ਇਸ ਦਾ ਮਿਲਾਨ ਕਰੋ। ਜੇਕਰ ਦੋਵੇਂ ਨੰਬਰ ਵੱਖ-ਵੱਖ ਹਨ, ਤਾਂ ਫੋਨ ਦੀ ਪ੍ਰਮਾਣਿਕਤਾ ਤੇ ਵਿਕਰੀ ਨਾਲ ਜੁੜੀ ਜਾਣਕਾਰੀ ਦੀ ਜਾਂਚ ਕਰਵਾਓ। ਧਿਆਨ ਰਹੇ ਕਿ ਸਿਰਫ਼ IMEI ਨੰਬਰ ਦਾ ਮਿਲਣਾ ਹੀ ਫੋਨ ਦੇ ਅਸਲੀ ਹੋਣ ਦੀ ਗਾਰੰਟੀ ਨਹੀਂ ਹੈ।
Apple ਦੀ ਵੈੱਬਸਾਈਟ ’ਤੇ ਕਰੋ ਜਾਂਚ
ਫੋਨ ਦੀ Settings ’ਚ General ਤੇ ਫਿਰ About ਸੈਕਸ਼ਨ ’ਚ ਜਾ ਕੇ ਸੀਰੀਅਲ ਨੰਬਰ ਵੀ ਚੈੱਕ ਕਰੋ। ਇਸ ਤੋਂ ਬਾਅਦ Apple ਦੀ ਅਧਿਕਾਰਤ Check Coverage ਵੈੱਬਸਾਈਟ ’ਤੇ ਜਾ ਕੇ ਸੀਰੀਅਲ ਨੰਬਰ ਦਰਜ ਕਰੋ ਤੇ ਡਿਵਾਈਸ ਨਾਲ ਸਬੰਧਤ ਉਪਲਬਧ ਜਾਣਕਾਰੀ ਦੀ ਜਾਂਚ ਕਰੋ। ਵੈੱਬਸਾਈਟ ’ਤੇ ਫੋਨ ਦੀ ਜਾਣਕਾਰੀ ਮਿਲਣਾ ਇੱਕ ਚੰਗਾ ਸੰਕੇਤ ਹੈ, ਪਰ ਇਸ ਨਾਲ ਇਕੱਲੇ ਇਹ ਸਾਬਤ ਨਹੀਂ ਹੁੰਦਾ ਕਿ ਫੋਨ ਅਸਲੀ ਹੈ। ਨਕਲੀ ਡਿਵਾਈਸ ’ਚ ਵੀ ਕਿਸੇ ਹੋਰ ਫੋਨ ਦਾ ਸੀਰੀਅਲ ਨੰਬਰ ਵਰਤਿਆ ਜਾ ਸਕਦਾ ਹੈ।
iOS ਤੇ App Store ਨੂੰ ਕਰੋ ਚੈੱਕ
ਅਸਲੀ iPhone ’ਚ Apple ਦਾ ਅਸਲ iOS ਆਪਰੇਟਿੰਗ ਸਿਸਟਮ ਹੁੰਦਾ ਹੈ। ਇਸ ਦੇ ਨਾਲ ਹੀ ਫੋਨ ’ਚ App Store, Apple Account ਤੇ iOS Software Update ਵਰਗੇ ਆਪਸ਼ਨ ਵੀ ਮਿਲਦੇ ਹਨ। ਸਿਰਫ਼ iPhone ਵਰਗਾ ਦਿਖਣ ਵਾਲਾ ਡਿਜ਼ਾਈਨ ਜਾਂ Apple ਦਾ ਲੋਗੋ ਇਸ ਦੀ ਅਸਲੀਅਤ ਸਾਬਤ ਨਹੀਂ ਕਰਦਾ। ਲੋੜ ਪੈਣ ’ਤੇ Apple Support ਜਾਂ ਅਧਿਕਾਰਤ ਸਰਵਿਸ ਸੈਂਟਰ ਤੋਂ ਵੀ ਫੋਨ ਦੀ ਜਾਂਚ ਕਰਵਾਓ।
ਬਿੱਲ ਤੇ ਵਿਕਰੇਤਾ ਦੀ ਜਾਣਕਾਰੀ ਵੀ ਕਰੋ ਚੈੱਕ
ਇਸ ਤੋਂ ਇਲਾਵਾ Amazon ਜਾਂ Flipkart ਤੋਂ ਫੋਨ ਖਰੀਦਣ ਸਮੇਂ ਵਿਕਰੇਤਾ ਦੀ ਜਾਣਕਾਰੀ, ਪ੍ਰੋਡਕਟ ਦੀਆਂ ਡਿਟੇਲਾਂ ਤੇ ਰਿਟਰਨ ਪਾਲਿਸੀ ਜ਼ਰੂਰ ਚੈੱਕ ਕਰੋ। ਡਿਲੀਵਰੀ ਮਿਲਣ ਤੋਂ ਬਾਅਦ ਇਨਵੌਇਸ ਨੂੰ ਸੰਭਾਲ ਕੇ ਰੱਖੋ ਤੇ ਫੋਨ ਦੀ ਪੈਕਿੰਗ ਤੇ ਸੀਲ ਦੀ ਜਾਂਚ ਕਰੋ। ਸੰਭਵ ਹੋਵੇ ਤਾਂ ਪਾਰਸਲ ਖੋਲ੍ਹਦੇ ਸਮੇਂ ਵੀਡੀਓ ਬਣਾ ਲਓ, ਤਾਂ ਜੋ ਫੋਨ ਜਾਂ ਪੈਕਿੰਗ ’ਚ ਕਿਸੇ ਤਰ੍ਹਾਂ ਦੀ ਗੜਬੜ ਹੋਣ ’ਤੇ ਤੁਹਾਡੇ ਕੋਲ ਸਬੂਤ ਮੌਜੂਦ ਹੋਵੇ।