- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਮਿਡਲ ਕਲਾਸ ਪਰਿਵਾਰ ਲਈ ਬੈਸਟ ਹੈ 3.70 ਲੱਖ ਰੁਪਏ ਵਾਲੀ ਇਹ ਸਸਤੀ ਕਾਰ, ਦਿੰਦੀ ਹੈ 33 ਦਾ ਮਾਈਲੇਜ ਤੇ ਏਅਰਬੈਗ ਵੀ
Most Affordable Car: ਵਧਦੀ ਮਹਿੰਗਾਈ ਦੇ ਵਿਚਕਾਰ ਅਸੀਂ ਤੁਹਾਨੂੰ ਇੱਕ ਅਜਿਹੀ 5-ਸੀਟਰ ਕਾਰ ਬਾਰੇ ਦੱਸਣ ਜਾ ਰਹੇ ਹਾਂ, ਜੋ ਸਿਰਫ਼ ਕੀਮਤ ’ਚ ਹੀ ਨਹੀਂ, ਸਗੋਂ ਮਾਈਲੇਜ ਦੇ ਮਾਮਲੇ ’ਚ ਵੀ ਕਾਫੀ ਵਧੀਆ ਹੈ।
Posted By Paramjit Kaur
Publish Date: Mon, 05 Oct 2026 03:44 PM (IST)
Updated Date: Mon, 05 Oct 2026 03:47 PM (IST)
ਆਟੋ ਡੈਸਕ, ਨਵੀਂ ਦਿੱਲੀ। ਪੈਟਰੋਲ ਦੀਆਂ ਵਧਦੀਆਂ ਕੀਮਤਾਂ ਦੇ ਵਿਚਕਾਰ ਹਰ ਕੋਈ ਅਜਿਹੀ ਕਾਰ ਚਾਹੁੰਦਾ ਹੈ ਜੋ ਬਜਟ ’ਚ ਹੋਵੇ ਤੇ ਨਾਲ ਹੀ ਵਧੀਆ ਮਾਈਲੇਜ ਵੀ ਦੇਵੇ। ਪੈਟਰੋਲ-ਡੀਜ਼ਲ ਦੀਆਂ ਵਧਦੀਆਂ ਕੀਮਤਾਂ ਮਿਡਲ ਕਲਾਸ ਪਰਿਵਾਰਾਂ ਦੀ ਜੇਬ ’ਤੇ ਭਾਰੀ ਅਸਰ ਪਾਉਂਦੀਆਂ ਹਨ। ਇਸ ਲਈ ਅੱਜ ਅਸੀਂ ਤੁਹਾਨੂੰ ਇੱਕ ਅਜਿਹੀ ਗੱਡੀ ਬਾਰੇ ਦੱਸਾਂਗੇ ਜੋ ਪੈਟਰੋਲ ’ਤੇ 24.9 ਕਿਲੋਮੀਟਰ ਪ੍ਰਤੀ ਲੀਟਰ ਤੇ CNG ’ਤੇ 33 ਕਿਲੋਮੀਟਰ ਪ੍ਰਤੀ ਕਿਲੋਗ੍ਰਾਮ ਤੱਕ ਦਾ ਮਾਈਲੇਜ ਦਿੰਦੀ ਹੈ।
ਇੰਜਣ ਪਰਫਾਰਮੈਂਸ ਤੇ ਮਾਈਲੇਜ
ਅਸੀਂ ਗੱਲ ਕਰ ਰਹੇ ਹਾਂ Alto K10 ਦੀ, ਜਿਸ ’ਚ 998cc ਦਾ K10C 3-ਸਿਲਿੰਡਰ ਪੈਟਰੋਲ ਜਾਂ S-CNG ਇੰਜਣ ਦਿੱਤਾ ਗਿਆ ਹੈ। ਪੈਟਰੋਲ ਵਰਜਨ ’ਚ ਇਹ 5600 rpm ’ਤੇ 68 bhp ਤੇ CNG ਵਰਜਨ ’ਚ 3400 rpm ’ਤੇ 56 bhp ਦੀ ਪਾਵਰ ਦਿੰਦਾ ਹੈ।
ਉੱਥੇ ਹੀ ਇਹ 3500 rpm ’ਤੇ 89 Nm ਤੇ CNG ’ਤੇ 3400 rpm ’ਤੇ 82.1 Nm ਦਾ ਟਾਰਕ ਜਨਰੇਟ ਕਰਦਾ ਹੈ। ਇਸ ’ਚ 5-ਸਪੀਡ ਮੈਨੂਅਲ ਜਾਂ 5-ਸਪੀਡ AMT ਟ੍ਰਾਂਸਮਿਸ਼ਨ ਦਾ ਵਿਕਲਪ ਮਿਲਦਾ ਹੈ। Alto K10 ਪੈਟਰੋਲ ’ਚ 24.9 ਕਿਲੋਮੀਟਰ ਪ੍ਰਤੀ ਲੀਟਰ, ਜਦਕਿ CNG ਨਾਲ 33.85 ਕਿਲੋਮੀਟਰ ਪ੍ਰਤੀ ਕਿਲੋਗ੍ਰਾਮ ਤੱਕ ਦਾ ਮਾਈਲੇਜ ਦੇਣ ਦਾ ਦਾਅਵਾ ਕਰਦੀ ਹੈ।
ਸਸਪੈਂਸ਼ਨ ਤੇ ਬ੍ਰੇਕ
ਇਸ ਗੱਡੀ ’ਚ ਅੱਗੇ ਕੋਇਲ ਸਪ੍ਰਿੰਗ ਦੇ ਨਾਲ ਮੈਕਫਰਸਨ ਸਟਰਟ ਤੇ ਪਿੱਛੇ ਕੋਇਲ ਸਪ੍ਰਿੰਗ ਦੇ ਨਾਲ ਟਵਿਸਟ-ਆਰਮ ਸਸਪੈਂਸ਼ਨ ਦਿੱਤਾ ਗਿਆ ਹੈ। ਸੁਰੱਖਿਆ ਲਈ ਇਸ ’ਚ ਅੱਗੇ ਵੈਂਟੀਲੇਟਿਡ ਡਿਸਕ ਬ੍ਰੇਕ ਤੇ ਪਿੱਛੇ ਡਰਮ ਬ੍ਰੇਕ ਮਿਲਦੇ ਹਨ। ਇਸ ਦੇ ਨਾਲ 145/80 ਸਾਈਜ਼ ਦੇ ਟਿਊਬਲੈੱਸ ਰੈਡੀਅਲ ਟਾਇਰ ਦਿੱਤੇ ਗਏ ਹਨ।
ਸੇਫਟੀ ਤੇ ਫੀਚਰਜ਼
ਸੁਰੱਖਿਆ ਲਈ ਇਸ ’ਚ EBD ਦੇ ਨਾਲ ABS, ਫਰੰਟ ’ਚ ਦੋ ਏਅਰਬੈਗ, ਰੀਅਰ ਪਾਰਕਿੰਗ ਸੈਂਸਰ ਤੇ ਇਲੈਕਟ੍ਰਾਨਿਕ ਸਟੇਬਿਲਿਟੀ ਕੰਟਰੋਲ ਦਿੱਤਾ ਗਿਆ ਹੈ। ਹਾਈ VXI ਪਲੱਸ ਵੇਰੀਐਂਟ ’ਚ Android Auto ਤੇ Apple CarPlay ਦੇ ਨਾਲ 7-ਇੰਚ ਦਾ ਟੱਚਸਕ੍ਰੀਨ ਇਨਫੋਟੇਨਮੈਂਟ ਸਿਸਟਮ ਮਿਲਦਾ ਹੈ, ਜੋ 4 ਸਪੀਕਰਾਂ ਨਾਲ ਆਉਂਦਾ ਹੈ। ਇਸ ’ਚ ਮੈਨੂਅਲ ਏਅਰ ਕੰਡੀਸ਼ਨਿੰਗ, ਅੱਗੇ ਪਾਵਰ ਵਿੰਡੋ ਤੇ ਰਿਮੋਟ ਸੈਂਟਰਲ ਲਾਕਿੰਗ ਵਰਗੀਆਂ ਸੁਵਿਧਾਵਾਂ ਵੀ ਮਿਲਦੀਆਂ ਹਨ।
ਕਿੰਨੀ ਹੈ ਕੀਮਤ?
Maruti Suzuki Alto K10 ਇੱਕ ਕੰਪੈਕਟ 5-ਸੀਟਰ ਹੈਚਬੈਕ ਕਾਰ ਹੈ, ਜਿਸ ’ਚ 998cc ਦਾ K10C ਇੰਜਣ ਦਿੱਤਾ ਗਿਆ ਹੈ। ਇਸ ਦੀ ਐਕਸ-ਸ਼ੋਰੂਮ ਕੀਮਤ 3.70 ਲੱਖ ਰੁਪਏ ਤੋਂ ਲੈ ਕੇ 5.45 ਲੱਖ ਰੁਪਏ ਦੇ ਵਿਚਕਾਰ ਹੈ।